Morgunblaðið - 08.02.1990, Blaðsíða 17

MORGUNBLAÐIÐ FIMMTUDAGUR 8. FEBRÚAR 1990
17
eftir Jón Maríasson
Mér verður oft hugsað til þess
vandamáls sem hlýst af notkun eit-
urlyfja, bæði hér á landi og annars
staðar í heiminum. Eiturlyfjaneysla
í Bandaríkjunum er hrikaleg. Þetta
vandamál hefur aukist verulega í
Evrópu. Eiturlyfjaframleiðendur og
eiturlyfjasalar svífast einskis til að
koma þessu vímuefni á markað,
jafnvel tilbúnir að hefja stríð og
myrða fólk með köldu blóði, sem
reynir að standa í vegi fyrir þeim.
Og ekki batnar ástandið í Evrópu
er þegnar EB-ríkjanna þurfa ekki
lengur að hafa persónuskilriki á
milli landa. Þessi ráðstöfun mun
enn frekar auka á þann vanda sem
fyrir er, því mestu eiturlyfjasmygl-
ararnir geta leikið lausum hala og
ekkert viðlit að hafa neitt eftirlit
með ferðum þeirra. Þá er spurning-
in: Er ísland ekki þar með komið
í enn meiri hættu en nokkru sinni
fyrr? Geta íslendingar spornað við
þessari hættu með nokkrum ráðum?
Þessi litla þjóð hefur ekki efni á
því að missa æskufólk sitt á vit
eiturlyfja. En hvað er til ráða? Ég
hef oft velt þessu fyrir mér og fólk
ætti einnig að vega og meta þennan
hrikalega vanda án nokkurra for-
dóma. Ég skil það mæta vel að
þeir aðstanendur sem eiga um sárt
að binda vegna barna sinna eða
annarra ættingja eigi erfitt með að
skilja eða sætta sig við þá hugmynd
sem ég hef fram að færa í þessu
máli. Einnig ætti almenningur ekki
að dæma fyrirfram í þessum efnum.
Það sem ég hef í huga er að komið
verði á stofn deild, t.d. á Heilsu-
verndarstöð Reykjavíkur, sem hefði
það verkefni að sinna þeim eitur-
lyfjasjúklingum sem verst eru
haldnir og engan bata eiga vísan.
Að þessir sjúklingar fái sinn
ákveðna skammt á hveijum degi,
þá þurfa þeir ekki að stunda inn-
brot eða aðra ólöglega starfsemi
áfram eða vera baggi á sínu vensla-
fólki með peninga fyrir þessum lyfj-
um. Ennfremur gætu þeir aðilar
sem nú vissu að þeir ættu þennan
stað vísan hjálpað yfirvöldum að
koma í veg fyrir að nýir bættust í
þennan höp og ennfremur gætu
þeir hjálpað til við að koma upp um
eiturlyfjasala, því það veit enginn
betur en þetta fólk hvar þá er að
finna. Ef þetta tækist þá mundu
eiturlyfjasalar komast að því að
enginn markaður er fyrir eiturlyf,
þá mundi þessi sala leggjast niður.
En ef til kæmi að eiturlyfjasali
næðist þá ætti slíkur að fá þyngri
dóm en maður fær fyrir morð.
Morð er ekki neitt til að hafa í flimt-
ingum, en þar er þó hreinlegar stað-
Jón Maríasson
„Það sem ég hef í huga
er að komið verði á
stofn deild, t.d. á
Heilsuverndarstöð
Reykjavíkur, sem hefði
það verkefni að sinna
þeim eiturlyfjasjúkling-
um sem verst eru
haldnir og engan bata
eiga vísan.“
ið að verki en að vera að drepa fólk
í langan tíma með eiturlyfja-
skömmtum. Auðvitað verður að
setja reglur um þetta og hafa
strangt eftirlit og aðhald. Við verð-
um að skilja það að þetta vandamál
er til staðar og ekki hægt að loka
augunum fyrir því. Þess vegna
verður að taka á þessu máli með
skynsemi en ekki með hávaða og
einnig má ekki taka þá með neinum
silkihönskum sem verða uppvísir
að því að gera ungt fólk að eitur-
lyijaneytendum. Stundum er þetta
fólk sem á börn sjálft. Mér er ógern-
ingur að skilja hvað svona fólk
hugsar yfirleitt. Ég á von á því að
það verði umræður um þetta mál
og skiptar skoðanir en í öllum bæn-
um hafið þær málefnalegar en ekki
bara skítkast. Þetta er íslensk æska
sem verið er að fjalla um.
Höfundur er fyrrverandi
framreiðslumaður.
-SWMK fKAMUK
SNORRABRAUT 60 — SÍMI 12045
.t ■ . fll,aL
pottaplontur með
30%
afslætti
Komið í
Blómaval og
gerið góð kaup

áeá tÉbeúú keíÉsíd
HIGH-DESERT
BLÓMAFRJÓKORN
high-desert
fresh raw granuies
'Et V/EI.QHT -i LB.-227
- Jtl C C POUÍH COMPAH’
^onso ALE, ARIZÖNA 852
3EST heauth
EGGERT KRISTJÁNSSON H/F SÍMI 685300
Eitiuiyfja-
vandamálið