Morgunblaðið - 19.04.1990, Qupperneq 17

MORGUNBLAÐIÐ FIMMTUDAGUR 19. APRIL 1990
17
Kristján Pálsson
„Ráðamenn þjóðarinn-
ar eru flestir búsettir á
svæði Hitaveitu
Reykjavíkur og því
komnir úr tengslum við
fólkið“
Tölurnar tala þó sínu máli og þegar
við bætast tölur um fólksflótta til
Reykjavíkur þá ættu augu flestra
að opnast. Ef spá Byggðastofnunar
um að 20 þús. manns flytjist af
landsbyggðinni til Reykjavíkur á
næstu 20 árum, þá virðist augljóst
að þeir sem eftir eru þurfi að greiða
enn hærra verð fyrir sína raforku,
ef þessi hluti orkugeirans á að skila
sömu tekjum til dreifistöðva raf-
magns og Landsvirkjunar. Eg tel
þó augljóst að það verði ekki hægt,
það gefur augaleið að ef ekkert
verður að gert í þessum efnum þá
sitja dreifistöðvamar og Lands-
virkjun uppi með byggðalínur og
dreifikerfi á hálfum eða engum af-
köstum.
Landsvirkjun
Er Landsvirkjun samkeppnisað-
ili? Að mati Landsvirkjunarmanna
er það ekki nema stundum. Dæmi
um samkeppni af þeirra hálfu var
árið 1988, þegar ákveðið var að
lækka raforkuverð til húshitunar
vegna samkeppni við olíu. Spurn-
ingin er sú hvort ekki sé tímabært
að líta á Hitaveitu Reykjavíkur sem
samkeppnisaðila um húshitunar-
markaðinn? Ef það yrði til að opna
augu manna, þá má kalla Hitaveitu
Reykjavíkur innlendan samkeppnis-
aðila. Til að mæta þeirri samkeppni
og sýna fólki, sem notar rafmagn
til húshitunar, að Landsvirkjun er
ekki okurbúlla, sem hugsar ein-
göngu um að græða, verður Lands-
virkjun að grípa til einhverra úr-
ræða til að vernda sinn markað og
tryggja um leið verðgildi eigna
sinna og dreifiveitnanna. Ég vil í
því sambandi leggja til að Lands-
virkjun lækki heildsöluverð raf-
magns til dreifistöðva það mikið að
það verði samkeppnisfært við hitun
húsa með heitu vatni frá Hitaveitu
Reykjavíkur. Þessum aðgerðum má
dreifa á 3-5 ár til að aðlaga raforku-
fyrirtækin að minni tekjum með
sparnaði og aðhaldssemi í rekstri.
Benda má á að arð- og ábyrgðar-
greiðslur til „eigenda“ árið 1989
voru 135 milljónir kr., til afskrifta
fóru um 2 milljarðar króna og
rekstrarhagnaður varð um 714
milljónir króna, samtals nema þess-
ar upphæðir 2,8 milljörðum króna
og virðist því af verulegum sjóðum
að taka, vilji er allt sem þarf.
Áskorun
Að lokum vil ég skora á lands-
byggðarmenn að standa saman um
brýn hagsmunamál, öðruvísi vinnst
ekki sigur í neinu máli. Það er allt-
of mikið um pólitík og landshluta-
erjur sem hamla allri samvinnnu,
við látum stjórnast um of af hinu
pólitíska valdi frá Reykjavík.
í dag ríkir stöðnun á landsbyggð-
inni, við erum að tapa samkeppn-
inni við Stór-Reykjavíkursvæðið.
Tökum okkur á, vinnum saman.
Höfiindur er bæjarstjóri í Ólafsvík.
DALSÝN 90
_______Frlmerki____________
Jón Aðalsteinn Jónsson
Á morgun hefst norður á Dalvík
frímerkjasýning, sem nefnist
DALSÝN 1990. Frá þessari sýn-
ingu var stuttlega greint í
frímerkjaþætti í jan. sl.
Frímerkjaklúbburinn Akka á
Dalvík og í nágrenni heldur sýn-
inguna. Verður hún í íþróttahúsi
staðarins og opnuð annað kvöld
kl. 20.00. Síðan er hún opin laug-
ardag kl. 13.00-22.00 og sunnu-
dag frá kl. 13.00-20.00. I tengsl-
um við sýninguna verður lands-
þing Landssambands ísl.
frímerkjasafnara _ haldið laugar-
daginn 21. þ.m. Á þinginu heldur
John Sörensen, sem kemur sem
dómari frá Danmörku, fyrirlestur
um uppsetningu átthagasafna og
sýnir myndir í því sambandi.
Sýningin skiptist í heiðursdeild,
kynningardeild og samkeppnis-
deild. Sýnendur munu vera milli
40 og 50 og fjöldi ramma um
180. Eg hef fengið í hendur stutta
skrá um sýnendur, og má af henni
ljóst vera, að einkum er lögð
áherzla á unglingasöfn og þá ekki
sízt alls konar „þema“ eða
„mótíf‘-söfn. Þarna verða tvö átt-
hagasöfn, annað danskt, en hitt
norskt. Þar sem nokkur slík eru
til hér á landi, hefði ég búizt við
að sjá a.m.k. eitt þeirra á sýning-
unni. Svo mun samt ekki vera.
Hér gefst ekki rúm til að rekja
nákvæmlega það, sem sýnt verð-
ur, en rnargt af því er áhugavert.
Ekki er að sjá, að þarna verði
nema eitt svokallað „klassískt“
safn í samkeppnisdeild, þ.e. safn
frá fyrstu áratugum frímerkj-
anna. Er það norskt safn frá
1855-1875 í fimm römmum. í ein-
um ramma í kynningardeild mun
verða sýnishorn af fyrstu dönsku
frímerkjunum frá 1851-1863. Af
íslenzku efni verður þarna safn
frímerkja með myndum af Kristj-
áni IX. og/eða Jóni Sigurðssyni.
í heiðursdeild verður efni frá
Þjóðskjalasafni og Þjóðminja-
safni, en ekki hef ég fengið ná-
kvæma skilgreiningu á því. Þá
hef ég frétt, að Hálfdán Helgason
sýni í þessari deild íslenzk spjald-
bréf. Enda þótt ég hafi engar
beinar heimildir fyrir því, hygg
ég það standi óbreytt, sem sagt
var í þætti 20. jan. sl., að á DAL-
SÝN 90 verði margs kónar
frímerkjaefni af Eyjafjarðarsvæð-
inu. Er þá að sjálfsögðu átt við
umslög og snyfsi með frímerkjum,
stimpluðum á eyfirzkum póststöð-
um á ýmsum tímum.
í beinu sambandi við þátttöku
ungra safnara, verður á DALSÝN
90 spurningakeppni meðal ungl-
inga um frímerkjaútgáfur á Norð-
urlöndum, sem tengjast íþróttum.
Þá verður margt gert fyrir yngri
kynslóðina, m.a verður veiðipottur
og happdrætti. Þá verður seld
sérstök sýningarblokk og svo
umslög með merki sýningarinnar.
NORDIA1991
Fyrir örfáum dögum barst mér
í hendur eintak af fyrsta kynning-
arriti NORDIU 91. Satt bezt að
segja voru margir orðnir lang-
eygðir eftir þessu riti, enda hafði
útkoma þess verið boðuð löngu
fyrr. Nú er það loks komið fyrir
sjónir frímerkjasafnara, ogþví ber
að fagna. Þetta rit er mjög áþekkt
kynningarritum þeim, sem út voru
gefin í sambandi við NORDIU 84
og meginefni þess eru þær sér-
reglur fyrir NORDIU '91, sem
sýnendum ber að fara eftir, og
er þarflaust að rekja þær hér.
Ekki er nema ein grein í ritinu,
og er hún um miðaldakort það,
sem myndefni sýningarblokkanna
er sótt í. Greinina skrifa Don
Brandt, sem búsettur er hér á
landi og er mjög ötull frímerkja-
safnari. Hann skrifar greinina á
móðurmáli sínu, ensku. Að sjálf-
sögðu hefði íslenzk þýðing átt að
fylgja, því að engan veginn er
víst, að allir lesendur skilji þá
tungu.
Vié bjóðum þér
skemmíiiega,
fjöibreytta og
árangursríka
tímo, allan
daginn, allan
ársins hring.
Með frábærum hvetjandi leiðbeinendum
sem kunna sitt fag og leggja
metnað sinn í að j)ú náir árangri.