Morgunblaðið - 26.07.1990, Blaðsíða 36

36
MORGUNBLAÐIÐ FIMMTUDAGUR 26. JÚLÍ 1990
fclk í
fréttum
TONLIST
Aimars konar harmónikkutónlist
Eg byijaði að leika á harmón-
ikku þegar ég var lítill strák
ur fyrir vestan,“ segir Hrólfur
Vagnsson, harmónikkuleikari, sem
nýverið gaf út hljómplötu með létt-
um harmónikkulögum. „Afi lék á
harmónikku og pabbi lék á harm-
ónikku," heldur Hrólfur áfram.
„Pabbi tók mig með sér á skemmt-
anir þar sem hann var að spila og
smám saman fékk ég áhuga á að
læra sjálfur á harmónikku. Ég
byijaði að læra þegar ég var 9 ára
en á unglingsárunum dofnaði
áhuginn, svona eins og gerist og
gengur. Ég lærði á saxafón og
píanó en harmónikkan blundaði
alltaf í mér. Seinna fór ég til
Reykjavíkur til að Iæra gömlu
dansana betur því ég hélt að það
væri það eina sem hægt væri að
læra á harmónikku. Kennarinn
minn,- EmiT Adolfsson, gerði mér
aftur á móti grein fyrir að um
fleiri möguleika væri að ræða og
með það í farteskinu fór ég til
Þýskalands þar sem ég lauk kenn-
araprófi og framhaldsbraut í
harmónikkuleik.
í skólanum fékk ég áhuga á að
leika ný verk sem samin hafa ver-
ið fyrir harmónikku og gerði til-
raun til að kynna þau fyrir íslensk-
um harmónikkuleikurum en undir-
tektir voru litlar. Ég gerði mér
grein fyrir að ég gæti ekki breytt
heiminum á svipstundu og ákvað
að gera það smám saman með því
að leika tónlist sem er einhvers
staðar mitt á milli þess að flokk-
ast undir það sem fólk þekkir og
þess sem er að gerast í harmónikk-
utónlist í dag. Útkoman er sam-
ankomin á þessari plötu,“ segir
Hrólfur og bendir á plötuumslagið.
„Ég leik jass-standarda og músík
af léttara taginu. Flest lögin eru
einungis leikin en á plötunni eru
líka tvö lög sem systir mín, Pálína
Vagnsdóttir, syngur. Hér eru lög
eftir C. Corea, Galliano og fleiri.
Það má kannski líka minnast á
lagið um Bleika pardusinn því það
kannast margir við.“
Það er mikið um að vera hjá
Hrólfi sem aðeins stoppar stutt við
á íslandi þar til hann snýr til Hann-
over þar sem hann rekur sitt eigið
stúdíó. „Ég hef verið að taka upp
kvikmyndatónlist og fleira," segir
Hrólfur. „Svo hef ég ferðast um
og haldið tónleika, til dæmis í
París. Og í haust, ég held að það
sé 1. septmeber, kem ég til með
að ieika á Kvennafestivali í Kassel
í Þýskalandi. A hátíðinni, sem
haldin er til að vekja áhuga á kon-
um sem tónskáldum, mun ég leika
verk eftir sovéska konu sem heitir
Sofia Gubajdulina. Hún var fimm-
tug þegar hún komst frá Sovétríkj-
unum og hefur óvænt skotist upp
á stjörnuhimininn. Gubjdulin hefur
samið þijú verk fyrir harmónikku
sem öll bera þess vitna að hún
hefur djúpa tilfínningu fyrir hljóð-
færinu."
Hrólfur segist ekki sjá fyrir sér
að hann geti lifað á harmónik-
kunni á íslandi. „Maður getur nátt-
úrulega tekið að sér kennslu en
mér hefur skilist að þeir sem það
geri séu yfirleitt í tveimur til þrem-
ur störfum til þess að ná endum
saman. Þeir vakni klukkan sjö á
morgnana og detti útaf um mið-
nætti örþreyttir. Ég býst samt við
að ég verði í nánum tengslum við
ísland í framtíðinni. Mig langar
að kynna það sem ég er að gera
fyrir íslendingum og auðvitað á
ég eftir að koma við hérna annað
slagið," segir Hrólfur en hann
ætlar sjálfur að sjá um dreifingu
á þeim þúsund eintökum sem
þrykkt hafa verið af hljómplöt-
unni. „Annars fer megnið til dreif-
ingaraðilans og ég fer á hausinn,“
bætir hann við.
Hrólfúr Vagnsson.
Morgunblaðið/Þorkell

lofárgóðu
RAUÐUR OKTOBER
*
Itilefni af því að Háskólabíó hefur
tekið til sýningar myndina Leit-
in að Rauða október sem byggð er
á sögu bandaríska rithöfundarins
Tom Clancy virðist ekki úr vegi að
rifja upp viðtal sem birt var við
höfundinn í Morgunblaðinu haustið
1986.
Fyrir þá sem ekki vita er rétt
að geta þess myndin segir frá því
þegar skipstjóri kjarnorkuknúins
kafbáts úr rússneska flotanum
ákveður að gerast liðhlaupi og sigl-
ir kafbátnum í átt til Bandaríkj-
anna. Þegar upp kemst um ákvörð-
un skipstjórann, Markó Ramíusar,
hefst æsispennandi eltingarleikur
þar sem sovéski flotinn reynir að
ná bátnum eða sökkva honum en
Bandaríkjamenn reyna að veija
kafbátinn. Rétt er að geta þess að
atburðarásin gerist að hluta til und-
an íslandsströndum.
í viðtalinu kemur meðal annars
fram að Clancy byggir að nokkru
leyti á atburðum sem áttu sér stað
árið 1975 þegar áhöfn sovéskrar
freigátu gerði tilraun til að flýja til
Svíþjóðar. Hann segist sannfærður
um að allir atburðir sem sagt er frá
gætu gerst en til þess ber auðvitað
að líta að ýmsar breytingar hafa
orðið í heimsmálunum eftir að við-
talið birtist. „1 öllum mínum skrif-
um hef ég reynt að gefa svo raun-
sanna lýsingu á hlutunum sem kost-
ur er,“ segir Clancy. Allt sem ger-
ist í Rauðum október og Rauðum
stormi [annarri skáldsögu Clancys]
byggist á því sem ég tel raunveru-
lega atburðarás. Ennfremur hef ég
grafist fyrir um alla þá tækni sem
bæði stórveldin ráða yfir. Til dæm-
is eru öll skipin í bókum mínum
til, þau geta raunverulega það sem
ég læt þau gera. Ég þarf ekki ann-
að en grípa uppflettiritin í safninu
mínu til að sjá hvað þessi skip geta.“
Clancy segist að jafnaði ekki
bera texta, sem hann vinnur að,
undir aðra. „Ég sýndi að vísu kunn-
áttumönnum tvo kafla í Rauða
Sean Connery, í hlutverki Markó
Ramíusar, og Alec Baldwin, í
hlutverki Jack Ryan, starfs-
manns CIA.
október til að vita hvort þar væru
villur og þeir sem lásu sögðu mér
að þetta væri rétt hjá mér. En þá
kafla sem innihalda lýsingar á við-
kvæmum þáttum herstjórnar sýndi
ég ekki neinum vegna þess að ég
hefði ekki fengið nein svör hjá þeim
Tom Clancy lylgist með upptök-
um á Leitinni að Rauða október.
sem vita betur.“
Lesendur Clancys skipta milljón-
um en hvernig fólk ætli þeir séu.
„I dag fékk ég aðdáendabréf frá
tíu ára strák sem vildi fá að vita
hvers vegna ég hefði skrifað Rauð-
an október og annað bréf frá lið-
þjálfa úr stórskotasveitum sem er
sestur í helgan stein. Það gefur
breiddina til kynna en ég fæ tölu-
vert af slíkum bréfum," segir
Clancy. Ronald Reagan, fyrrverandi
forseti Bandaríkjanna, fékk Rauðan
október í jólagjöf árið 1984. „Hon-
um líkaði bókin vel,“ segir höfund-
urinn. „Hann bauð okkur hjónunum
til kvöldverðar í Hvíta húsinu — það
var einstök reynsla.“
Að lokum er vert að minnast
þess að Rauður október hefur koni-
ið út á mörgum tungumálum. Með-
al þeirra má nefna ítölsku, frönsku,
spænsku, þýsku, hollensku, jap-
önsku, fínnsku og rússnesku. Rúss-
neska útgáfan kom þó ekki út í
Sovétríkjunum heldur var hún gefin
út af útgáfudeild Bandaríkjaflota í
New York.
Skipin eru öll til