Morgunblaðið - 04.10.1990, Blaðsíða 28

28
MORGUNBLAÐIÐ FIMMTUDAGUR 4. OKTOBER 1990
Alvarlegt ástand skapast við heimahjúkrun:
Enginn hefur sótt um
tvær stöður af fjórum
TVEIR af fjórum hjúkrunarfræðingum við heimahjúkrun hafa
sagt upp störfum og hefur enginn sótt um störf þeirra þrátt fyrir
að auglýst hafi verið í tvígang. Það lítur þvi út fyrir að alvarlegt
ástand skapist í heimahjúkrun um áramót þegar uppsagnarfrestur
er úti.
Valgerður Jónsdóttir deildar-
stjóri heimahjúkrunar sagði að við
heimahjúkrun væru fjögur stöðu-
gildi og hefðu tveir hjúkruna-
rfræðingar sagt upp störfum. „Ég
veit ekki hvemig þetta fer, en allt
bendir til að við neyðumst til að
skera niður þjónustuna. Hins veg-
ar þýðir ekki annað en vera bjart-
sýnn og vona að einhver sæki um
þær lausu stöður sem við höfum
hér,“ sagði Valgerður.
Svæði það sem hjúkrunarfræð-
ingar við heimahjúkrunina sinna
er allstórt, frá Akureyri austur á
Svalbarðsströnd, inn Öxna- og
Hörgárdal og einnig sinna þær
sjúklingum í hreppunum framan
Akureyrar. „Við erum í rauninni
akandi sjúkrahús, við förum um
allan bæinn og um sveitir á
einkabílum okkar og það hefur
óneitanlega verið erfitt síðustu tvo
vetur, sem voru afar snjóþungir.“
Valgerður sagði að aksturs-
kostnaður fengist greiddur, en
hins vegar hefðu hjúkrunarfræð-
ingar lent í árekstri sem valdið
hefðu kostnaðarsömum skemmd-
um á bifreiðum þeirra. Þann
kostnað bera hjúkrunarfræðing-
amir sjálfir. „Það era eflaust mörg
atriði sem valda því að ekki fást
hjúkranarfræðingar til starfa við
heimahjúkran, m.a. launamálin,
en við sem ríkisstarfsmenn fáum
ekki 15 þúsund króna launaumbun
eins og tíðkast á sjúkrahúsinu, þá
má líka nefna að þetta er erfitt
starf, en það er jafnframt mjög
gefandi," sagði Valgerður.
Morgunblaðið/Rúnar Þór
Foreldrar fylgjast með kennslustund
Opið hús var í Glerárskóla í gær og var foreldrum
boðið að koma í skólann og fylgjast með börnum sínum
í kennslustund. Margir foreldrar nýttu sér tækifærið,
einkum foreldrar barna í yngri bekkjardeildum. Vil-
berg Alexandersson skólastjóri sagði að vel hefði tek-
ist til og væru kennarar ánægðir með daginn. „For-
eldrar eru velkomnir hingað tii okkar hvenær sem
er og þetta opna hús er skref í þá átt að bjóða þeim
að fylgjast með störfum okkar hér,“ sagði Vilberg.
Á myndinni eru nemendur í 2. bekk í 23 stofu.
Hrefna dró smábát í hálftíma um Eyjafjörð:
Mér brá ekki því maður
er mörgu vanur til sjós
- segir Brynjar Baldvinsson sjómaður
„ÉG LÆT þetta ekki hafa nein áhrif á mig og held í róður um leið
og veðrið batnar,“ sagði Brynjar Baldvinsson sjómaður á Arskógss-
andi sem setti í hrefnu skammt innan við Hrólfssker í fyrradag.
Brynjar rær einn á báti sínum, Kópi EA-325, en það er 6 tonna
dekkbátur. Hrefnan flæktist í línu og dró hún bátinn inn fjörðinn
í um það bil hálftíma. Mjög mikið er af hrefnu í firðinum, að því
er sjómenn segja og sjást þær iðulega á sundi allt inn til Akureyrar.
„Ég var rétt byrjaður að draga,
búinn að draga tvö bjóð og þá fer
að þyngjast á þannig að ég hélt
að það væri fast í botni hjá mér.
En þetta var dálítið einkennilegt
allt saman, því allt í einu finn ég
að báturinn er kominn á ferð og
keyrir áfram fulla ferð inn fjörð.

___[hutibi r
■- s giE S_3a.s!15SJlÍjRiL*tít
LEIKFÉLAG
AKUREYRAR
ÁSKRIFTARKORT
Sala áskriftarkorta fyrir komandi leikár hefst í dag kl.
14.00.
í vetur verða þrjú verkefni í áskrift:
„LEIKRITIÐ UM BENNA, GÚDDA OG MANNA“ eftir
Jóhann Ævar Jakobsson, gleðileikurinn „ÆTTARMÓT-
IГ eftir Böðvar Guðmundsson og söngleikurinn
„KYSSTU MIG, KATA!“ eftir Spewack og Cole Porter.
Verð áskriftarkorta er aðeins 3.500,- krónur.
Verð áskriftarkorta á frumsýningar er 6.800,- krónur.
VERÐ ÁSKRIFTARKORTA ER 30% LÆGRA EN FULLT
AÐGÖNGUMiÐAVERÐ.
Miðasalan er opin alla virka daga nema mánudaga frá
kl. 14.00-18.00. Greiðslukortaþjónusta.
SÍMI: (96) 2 40 73.
Þetta gengur þannig fyrir sig að
ég dreg alltaf slakann af, jafnóðum
og slaknar. Svona gekk þetta í um
það bil hálftíma þar til hrefnan
kom upp,“ sagði Brynjar. Er hann
sá hvers kyns var skar hann á
línuna. Hrefnan var ekki mjög
stór, að sögn Brynjars. Er hún kom
upp úr kafinu var hún mjög þrekuð
og flaut á sjónum eins og hálf-
dauð. Brynjar kvaðst hafa lenti í
ýmsu á sjómennskuferlinum, en
engu í líkingu við þennan atburð.
„ “ sagði Brynjar. Hann taldi sig
ekki hafa verið í hættu, „en ég var
viðbúinn öllu,“ sagði hann.
Brynjar sagði að sjómenn hefðu
séð mikið af hrefnu í sumar og
kæmu þær í leit að æti inn fjörðinn.
Gunnlaugur Konráðsson á Ár-
skógssandi, sem stundaði hrefnu-
veiðar um margra ára skeið, tók
í sama streng og sagði vaðandi
hrefnu um allan sjó. „Menn hafa
mjög orðið varir við hrefnu í sum-
ar og það er mikið af henni hér í
fírðinu allt inn til Akureyrar. Mér
þykir afar sárt að mega ekki veiða
hana,“ sagði Gunnlaugur og benti
á að stofninn væri vannýttur, en
að því hefði vísindanefnd Alþjóða-
hvalveiðiráðsins komist við rann-
sóknir á stofnstærðinni. Óhætt
væri að veiða 200-400 hrefnur á
ári án þess að skaða stofninn, „Ég
hef enn ekki misst vonina um að
hrefnuveiðar hefjist aftur, ef ég
væri vonlaus um það væri ég flutt-
ur burtu héðan því þessar veiðar
hafa verið lífsbjörg okkar," sagði
Gunnlaugur.
Hann sagði að fyrir nokkram
áratugum hefði sá atburður gerst,
að hrefna hefði farið undir bát sem
á voru tveir menn, en báturinn var
að veiðum skammt undan
Rauðuvík i Eyjafirði. Velti hrefnan
bátnum og drukknaði annar mann-
anna, en hinn komst við illan leik
í land.
Auglýst hefur verið deiliskipulagstillaga að hafnarsvæðinu við Torfu-
nef, en gert er ráð fyrir að á svæðinu verði smábátahöfn, farþega-
og leguhöfn, svæði fyrir miðbæjarstarfsemi, lóð fyrir sjóbjörgunar-
stöð auk útivistarsvæða. Tillöguna vann Svanur Eiríksson arkitekt.
Deiliskipulag svæðis við Torfunef:
Fjölbreytt starfsemi
ráðgerð við höfnina
AKUREYRARBÆR hefur auglýst deiliskipulagstillögu um landnýt-
ingu á svæði austan Glerárgötu, frá hafnarmannvirkjum við Torfu-
nef, norður Strandgötu og austur með henni sunnanverðri að Hjalt-
eyrargötu. Gert er ráð fyrir að á svæðinu verði smábátahöfn, far-
þega- og leguhöfn, svæði fyrir miðbæjarstarfsemi og lóð fyrir sjó-
björgunarstöð auk útivistarsvæða. Innan þessa svæðis eru hafnar-
mannvirki við Torfunef sem gerð voru 1906-7 og 1927-28. Miklar
breytingar hafa verið gerðar á svæðinu síðan þau voru gerð.
Svanur Eiríksson arkitekt vann
að tillögunni sem nú liggur fyrir,
en í henni felst m.a. að syðri
bryggja er framlengd til norðaust-
urs, þar sem verður viðlegukantur
fyrir stór skip. Suður frá Strand-
götu mun koma uppfylling þannig
að dokk verður innan hennar og
viðlegukantsins með innsiglingu í
hana miðja úr austri. Hafnarsvæð-
inu er skipt í tvo hluta, annars
vegar farþega- og leguhöfn og hins
vegar smábátahöfn.
Nyrst á svæðinu er afmarkað
svæði fyrir miðbæjarstarfsemi,
u.þ.b. 6.000 fermetrar, þar sem
miðað er við að stórbygging geti
risið með starfsemi tengdri höfn-
inni á neðstu hæðinni. Við sjávar-
mál austast í nýrri uppfyllingu er
gert ráð fyrir lóð undir sjóbjörgun-
arstöð og er miðað við að byggð
verði tvö einnar hæðar hús með
tengibyggingu á milli.
Opin svæði eða útivistarsvæði
eru í jaðri skipulagssvæðisins í
vestri og norðri og auk þess yst
og austast á uppfyllingunni. Gróð-
ur á ysta svæðinu á fyllingunni
verður lágvaxinn strandgróður en
tré og runnar verða á hluta svæðis-
ins meðfram götunum. Þá er af-
markað svæði fyrir bílaumferð og
almenn bílastæði. N
|