Morgunblaðið - 29.01.1991, Blaðsíða 35

35'
MORGUNBLAÐIÐ ÞRIÐJUDAGUR 29. JANÚAR 1991
Sigríðar og Jóhannesar ungur
drengur og dvaldist hjá þeim í sjö
sumur. Þar með var lagður grunnur-
inn að þeim vinaböndum sem aldrei
slitnuðu. Mörg voru þau sporin sem
lágu að Hömrum og öll jafnánægju-
leg. Alltaf var tekið á móti okkur
opnum örmum, þeim hjónum var
gestrisnin eðlislæg og sjálfsögð. Sex
ára fór ég í fyrsta sinn til sumardval-
ar að Hömrum. Þar beið Sigríður
með opinn faðminn í hlýlegu baðstof-
unni sinni og ævintýraheimur sveit-
arinnar opnaðist í allri sinni dýrð.
Með festu og hlýju stjórnaði hún
heimilinu og okkur ungviðinu, sendi
okkur niður að læk til þess áð sækja
eða leggja saltfiskinn í bleyti, lét
okkur hjálpa sér við að reyta arfann
í matjurtagarðinum, sækja kýrnar
eða tína kúadellur i strigapoka af
túninu með Björgu gömlu. Bjarga
eins og við kölluðum hana hét fullu
nafni Hallbjörg Bjarnadóttir og
dvaldist hún hjá þeim Jóhannesi um
árabil og dó hjá þeim á Hömrum
sumarið 1954. Mér eru sérstaklega
minnisstæðir laugardagsmorgnarnir
þegar Bjarga lá á fjórum fótum á
baðstofugólfinu og skúraði þar með
sandi, ekkert gat orðið jafnhreint,
jafnhvítt.
Eftir að ég fór að muna eftir mér
á Hömrum er Sigríður að mestu við
innanbæjarstörf en framan af bú-
skap þeirra hjóna mun hún hafa
gengið af miklum dugnaði í öll úti-
verk eftir þörfum, en Jóhannes var
oft fremur heilsulítill maður, þótt
hann léti lítið á því bera. Af fáum
minningum stafar jafnmikilli birtu
og yl og þegar ég sat á skemli- í
hlýju íjósinu og heyrði taktfastar
bunur mjólkurinnar í fötunum hjá
þeim Jóhannesi og Sigríði. Ekkert
var jarðbundnara eða veitti meira
öryggi.
Eftir á hef ég oft dáðst að um-
burðarlyndi Sigríðar þegar allur
krakkahópurinn, við Hermann dótt-
ursonur hennar og Halli, Gústi,
Mummi og Ásgeir úr vesturbænum
ærsluðumst og hlógum, skemmdum
varpið í hænunum, hrekktum gæs-
irnar eða riðum röftum á bæjarhús-
unum. Og í eldhúsinu beið mjólk og
kex sísvöngum öngum. Slíkt um-
hverfi og áhrif eru holl litlu barni
sem er að stíga sín fyrstu skref
fjarri heimili sínu. Þeir komu líka
sumar eftir sumar snúningastrák-
arnir hennar og þar á eftir í heim-
sóknir árum saman með konu og
börn. Og ekki má gleyma laxveiði-
mönnunum sem margir tengdust
Hamraheimilinu sterkum vináttu-
böndum. Siggu þótti blátt áfram
miður ef þeir fóru austur úr án þess
að koma inn og fá sér kaffisopa.
Margur unglingurinn og barnið frá
Sólheimum yljaði sér líka í eldhúsinu
hjá Sigríði og þáði góðgæti og henni
var ætíð vel fagnað þegar hún lab-
baði sig með brauðin sín í dós upp
að Sólheimum til þess að setja þau
í hverinn.
Þótt Sigríður gerði ekki víðreist
um ævina lét hún sjaldan undir höf-
uð leggjast að fara í kvenfélagsferð-
irnar og veittu þær og samvistirnar
við konurnar úr sveitinni henni mikla
ánægju. Sigríður var komin vel á
tíræðisaldur þegar hún fór sína
síðustu ferð með kvenfélagskonun-
um. Pijónavélin kom inn í líf hennar
eftir að hún varð sextug og mikið
var hún dásömuð. Hver flíkin af
annarri rann fram af höndum Sigríð-
ar og vélarinnar í þau 30 ár sem
þær unnu saman. Síðan tóku við
handprjónuðu rósavettlingarnir
hennat' sem glöddu öll barnabörnin
og barnabarnabörnin hvenær sem
færi gafst. Vettlingarnir sem yljuðu
litlu lófunum hans sonar míns fyrstu
árin eru nú vandleg geymdir niðri í
kistu sem dýrgripir væru.
Ein er sú velgjörð sem Sigríði
verður seint fullþökkuð en það er
elska hennar og hlýja í garð Ólafar
systur minnar. í íjögur ár dvaldi
Ólöf að mestu hjá þeim hjónunum á
Hömrum umvafin ástúð og kærleika.
Aldrei þreyttist Sigríður á að sinna
henni og hennar sérstöku þörfum
og margan slaginn tóku þær saman.
,jAmma á Hömrum" er og verður
Ólöfu minni kærari en flest annað
og það var unun að sjá hve þær
nutu þess að hittast á seinni árum
þótt Hamrar væru þá víðs fjarri.
Fyrir allar þær stundir vill Ólöf syst-
ir mín þakka af heilum hug.
Enga manneskja hef ég séð eld-
ast eins vel og Sigríði á Hömrum,
EtFA
Einar Farestveit & Co.hf.
Borgartúni 28, símar: (91) 622900 og 622901 - Mæg bflastæði
til hinstu stundar hélt hún fullum
andlegum og líkamlegum kröftum,
stálminnug, forvitin, áhugasöm um
allt og alla, ræðin og glettin, hlý og
huguisöm. Allt það besta magnaðist
í fari hennar með aldrinum. Það var
unun að vera samvistum við hana
og allir fóru ríkari af hennar fundi.
Skerta sjón bætti hún með upp-
skurði á tíræðisaldri, heyrnina með
heyrnartæki og svo var hún þotin
út og suður eftir að hagur hennar
rýmkaðist og búsforráðum sleppti.
Margan vetrarpartinn dvaldi hún hjá
Ingibjörgu fóstursystur sinni á
Stokkseyri eða í Reykjavík hjá Helgu
mágkonu sinni og Þorbirni bróður
sínum meðan hann lifði og naut
þeirra stunda vel.
Sigríður átti ekki því láni að fagna
að eyða síðustu æviárunum á Hömr-
um. í um sjö ár dvaldi hún á Kumb.-
aravogi á Stokkseyri. Aldrei heyrðist
hún kvarta þótt vistin væri oft frem-
ur dapurleg og hugurinn leitaði heim
að Hömrum. Jakvætt hugarfar ein-
kenndi Sigríði og hún gerði sér far
um að gera gott úr öllu. Margir
heimsóttu Sigríði að Kumbaravogi,
en á engan er hallað þótt hét'. sé
minnst alls þess sem dóttursonur
hennar Erlingur og Eygerður kona
hans gerðu fyrir hana, og litli sonur
þeirra Jóhannes, langömmubarnið
og sólargeislinn sem átti sinn besta
vin í langömmu. Á seinni árum kom
Sigríður oftast til okkar viku á
haustin eða vorin. Þá átti ég mörg
viðtöl við hana um gamla daga, siði
og venjur, örnefni og landslýsingar,
trú og fordóma og margt fleira.
Síðasta viðtalið átti ég við hana
fyrir tæpu ári þar sem hún lýsir af
nákvæmni matargerð og matarvenj-
um bernsku sinnat'. Óll eru þessi
viðtöl til á segulbandi og bíða nú
úrvinnslu þjóðháttafræðinga. Úthald
Sigríðar var með eindæmum. í bæj-
arferðunum allt fram á 98. árið þótti
henni sjálfsagt að fara í að minnsta
kosti tvær heimsóknir á dag, helst
þtjár eða fjórar svo hún kæmist nú
yfir að heilsa upp á alla. Og allir
fögnuðu Siggu á Hömrum, jafnt
mágkonurnar komnar á tíræðisald-
urinn sem börnin sem löðuðust að
henni, spiluðu Ólsen-Ólsen og sprel-
luðu svolítið. Engri ferð sleppti son-
ur minn austur að Kumbaravogi til
þess að heimsækja Siggu á Hömrum
og heimsóknir hennar voru börnum
mínum ætíð tilhlökkunarefni.
En nú verða heimsóknirnat' ekki
fleiri. Sigga á Hömrum er lögð af
stað í lengri heimsókn, heimsókn
sem bíður okkar allra. En eftir stönd-
um við full þakklætis fyrir að hafa
fengið að verða samferða þessari
yndislegu konu sem dreifði birtu og
yl hvert sem hún fór. Langri og
giftusamlegri ævi er lokið. Blessuð
sé minning Sigríðar Bjarnadóttur frá
Hömt'um.
Guðfinna Ragnarsdóttir
Þorramotur
Urvals norðlenskur þorramatur fyrir hópa.
Upplýsingar gefur Jón Þorsteinn í síma 17260.
NÖATÚN
f--------------N
! HELGARFLU GUR
: a
! HÓTEL ÖRK
- ATHYGLISVERT HELGARTILBOÐ
A FYRSTA FLOKKS HÓTELI
2 nætur með morgunverði og
veislukvöldverði á laugardagskvöldi
og dansleik að auki.
Gestir hafa frían aðgang að gufubaði,
útisundlaug, heitum pottum og líkams-
ræktarsal svo fátt eitt sé nefnt.
VERÐ AÐEINS KR: 5.950,-
fyrir manninn í tveggja manna herbergi
Hressilegt helgarfjör eða
frískandi afslöppun
★ Pitney Bowes
Frímerkjavélar og stimpilvélar
Vélar til póstpökkunar o. fl.
OTTO B. ARNAR HF.
Skipholti 33 -105 Reykjavík
Símar 624631 / 624699
-Þitt er valið !
Ævintýraheimur Hótels Arkar
hefur allt sem til þarf.
HOTEL OQK
Breiðumörk 1 HVERAGERÐI
SÍMI: 98 - 34700
MUNIÐ GJAFAKORTIN VINSÆLU
Aýll skrifstofutækiiinám
Tölvuskóli Reykjavíkur gerir þér kleift að auka við
þekkingu þína og atvinnumöguleika á skjótan og
hagkvæman hátt.
Þú lærir bæði á Macintosh- og PC-tölvur, auk al-
mennrar skrifstofutækni, bókfærslu, tölvubókhalds,
verslunarreiknings og toll- og verðútreikninga.
Innritun stendur yfir.
Hringið og fáið sendan ókeypis bækling.
Erum við til kl. 22