Morgunblaðið - 13.04.1991, Blaðsíða 2
2
MORGUNBLAÐIÐ LAUGARDAGUR 13. APRÍL 1991
Nýtt flugskýli í Keflavík;
Fjármálaráðherra
heimilar að fella
niður opinber gjöld
^ Kcflavík.
ÓLAFUR Ragnar Grímsson fjármálaráðherra boðaði í gær fund
með Flugleiðamönnum og sveitarstjórnarmönnum á Suðurnesjum
þar sem kynntar voru fyrirhugaðar framkvæmdir Flugleiða vegna
byggingar nýs viðhaldsflugskýlis á Keflavíkurflugvelli. A fundin-
um skýrði fjármálaráðherra einnig frá því að hann hefði aflað
heimilda í lánsfjárlögum fyrir árið 1991 til að fella niður opinber
gjöld af fyrirhuguðum framkvæmdum.
Olafur Ragnar sagði að bygging
flugskýlisins yrði stærsta bygg-
ingarframkvæmdin sem ráðist yrði
í hér á landi á þessu ári og myndi
skapa um 200 atvinnutækifæri á
Suðurnesjum. Hann sagði að
meginforsendan fyrir niðurfellingu
á opinberum gjöldum væri að hér
væri verið að flytja inn að hluta
starfsemi sem hefði farið fram
erlendis og kostað mikinn gjald-
eyri. Hér væri einnig verið að
flytja inn starfsemi sem hefði far-
Morgunblaðið/Róbert Schmidt
Viðar Ástvaldsson með
skarfana tvo.
Hitti tvo
skarfa í
einu skoti
Bíldudal.
ið fram erlendis en myndi nú skapa
ný atvinnutækifæri og gera Flug-
leiðum kleift að bjóða viðhalds-
þjónustu til erlendra flugfélaga.
Steindór Guðmundsson verk-
fræðingur og ráðgjafi Flugleiða
varðandi byggingu nýja flugskýl-
isins sagði að hér væri um sann-
kallaða risabyggingu að ræða sem
væri 12.300 fermetrar og 203.000
rúmmetrar. í samanburði væri
flugstöð Leifs Eirikssonar 24.000
fermetrar en 128.000 rúmmetrar.
Koma mætti 8 Fokker F50 vélum
inn í nýja skýlið. Guðmundur Páls-
son framkvæmdastjóri tæknisviðs
sagði að með tilkomu flugskýlisins
færðist öll starfsemi tæknisviðs á
sama stað. Nú væru starfandi 25
manns á Keflavíkurflugvelli en
yrðu 162.
Guðmundur sagði að niðurfell-
ing gjaldanna væri ein af forsend-
um þess að Flugleiðir færu út í
þessa framkvæmd. Samningar við
flugvirkja um flutning á vinnustað
þeirra til Keflavíkur væru ófrá-
gengnir, eftir væri að velja endan-
lega gerð skýlisins og tryggja fjár-
mögnun. Þar til allir þessir þættir
væru frágengnir myndi stjórn
Flugleiða bíða með að ákveða
hvenær framkvæmdir hæfust.
Stefnt væri að því að ljúka bygg-
ingu skýlisins fyrir árslok 1992
og væri áætlaður kostnaður 700
milljónir til einn milljarður. Geir
Hauksson flugvirki og formaður
Flugvirkjafélagsins lýsti yfir
ánægju sinni með fyrirhugaðar
framkvæmdir og að flugvirkjar
litu nú fram á betri tíð í atvinnu-
málum.
BB
Morgunblaðið/KGA
Utför Pálma Jónssonar gerð frá Langholtskirkju
Utför Pálma Jónssonar í Hagkaup var gerð frá
Langholtskirkju í gær að viðstöddu fjölmenni. Séra
Bjarni Sigurðsson jarðsöng. Tónlistarflutning önnuð-
ust Gunnar Kvaran sellóleikari, Sigrún Hjáimtýsdótt-
ir, sópran, og Kór Langholtskirkju undir stjórn org-
anistans, Jóns Stefánssonar. Jón Ásbergsson, Magn-
ús Ólafsson, Kristinn Orri Erlendsson, Olafur Hjalta-
son, Ragnar Atli Guðmundsson, Þorsteinn Pálsson,
Bárður Daníelsson og Jakob Jónasson báru kistu
Pálma Jónssonar úr kirkju.
Forsljóri Skeljungs:
Úrelt að Verðlagsráð
ákveði eldsneytisverð
KRISTINN Björnsson, forstjóri Skeljungs hf., segir þá tilhögun úrelta,
að verðlagning á gasoliu, svartolíu og 92 oktana benzíni sé enn í hönd-
um Verðlagsráðs, þótt innflutningur á benzíni hafi verið gefinn frjáls.
Þetta kemur fram i ársskýrslu Skeljungs, en aðalfundur félagsins var
haldinn í gær.
„Það er skoðun þess, sem hér rit-
ar, að þetta sé úrelt fyrirkomulag
og leggja beri verðlagningu á þessum
vörum í hendur stjórnenda fyrirtækj-
anna. Rétt eins og það á að vera í
þeirra valdi og á þeirra ábyrgð, hvar
þeir á hveijum tíma telja hentugast
að kaupa vöruna,“ segir Kristinn
Bjömsson í ávarpi sínu í ársskýrslu
Skeljungs.
„Það er óeðlilegt, svo ekki sé
fastar að orði kveðið, að þessi fyrir-
tæki eigi afkomu sína undir verð-
ákvörðunum embættismanna. Ekki
hvað sízt nú, þegar hlutabréf í þess-
um fyrirtækjum ganga kaupum og
sölum á almennum markaði. Á þessu
sviði, eins og öðrum, er eðlilegt, að
samkeppni hins frjálsa markaðar fái
að ráða. Einungis með þeim hætti
tekst að byggja iipp vel rekin og
öflug fyrirtæki á íslandi."
Á aðatfundi Skeljungs í gær kom
fram að staða fyrirtækisins væri
góð. Heildarvelta var 5,1 milljarður
á árinu og jókst um 21,9% frá fyrra
ári. Hlutfall eigin fjár af heildareign-
um er 48%, miðað við að tekjuskatts-
skuldbinding félagsins sé reiknuð í
efnahagsreikningi og óskattlagt eig-
ið fé um leið leyst upp. Þetta er í
fyrsta sinn sem þessari bókhaldsað-
ferð er beitt, en miðað við eldri að-
ferð er eigið fé 55%. Veltufjárhlut-
fall var 1,11.
VESTFIRÐINGUM þykir díla-
skarfur hið mesta lostæti og
er talsvert veitt af honum
þar. Skarfabyggðir eru víða
og mikið af þessum fugli um
alla Vestfirði. Það er siður
veiðimanna að fara á „skarf“
og er hann bæði skotinn á sjó
og við strendur.
Veiðitímabilinu á skarf lauk
þann 15. mars, en hefst 20.
ágúst að hausti. Á meðfylgjandi
mynd er veiðimaður frá Bíldudal
með nýskotinn dílaskarf í hend-
inni og fyrir aftan er annar
skarfur sem féll fyrir sömu riffil-
kúlu.
Það þykir fátítt að veiðimenn
nái tveimur fuglum í einu riffll-
skoti og kallast slíkt_„grísskot“.
Skyttan heitir Viðar Ástvaldsson
og var hann með Homet-riffil,
sem tekur kalíber fyrir ofan 22.
magnum, og er það hentug kúla
fyrir 150-200 metra færi.
Báðir skarfarnir náðust og
voru þeir ungir, líklega á öðru
ári. Annar var merktur Náttúru-
fræðistofnun íslands og var
merkið sent þangað, að beiðni
þeirra sem sjá um fuglamerking-
ar fyrir stofnunina. Skarfarnir
voru síðan snæddir yfir páska-
hátíðina enda herramannsmatur
og mikið kjöt á hverjum fugli.
Að loknu skarfaveiðitímabil-
inu fara menn á „svartfugl" og
er komið talsvert af svartfugli í
Amarfjörðinn. Um leið og veður
fer að batna verða litlu bátamir
settir niður og haglabyssurnar
viðraðar að hætti Vestfirðinga.
R. Schmidt
Sovétmönnum afhent greinargerð vegna Litháens-málsins:
Undirbúningi að stjómmáia-
tengslum við Litháen lokið
Bíðum svara frá Eystrasaltsríkjunum, segir Jón Baldvin Hannibalsson
JÓN Baldvin Hannibalsson utanríkisráðherra afhenti í gær Igor
Krasavin, sendiherra Sovétríkjanna, greinargerð íslenzkra stjórn-
valda vegna viðræðna við Litháen um sljórnmálatengsl landanna. í
greinargerðinni eru færð að því þjóðréttarleg rök að ekkert sé því
til fyrirstöðu að koma á stjórnmálatengslum við Litháen, og að slíkt
sé ekki íhlutun í innanríkismál Sovétríkjanna. Jón Baldvin segir að
undirbúningi að því að koma á diplómatískum tengslum sé lokið,
en beðið sé svara frá Eystrasaltsríkjunum um erindi Eista, þess efn-
is að Islendingar taki að sér milligönguhlutverk í samningum Eystra-
saltsríkjanna og Sovétsljórriarinnar.
í samþykkt ríkisstjórnarinnar um
Litháens-málið frá 23. janúar, var
meðal annars kveðið á um að af-
staða íslenzkra stjórnvalda yrði
skýrð fyrir Sovétmönnum. Jón
Baldvin bauð utanríkisráðherra
Sovétríkjanna upp á fund um málið
og nefndi til þrjár dagsetningar í
marz. Viðræðum var ekki hafnað,
en Sovétmenn sáu sér ekki fært að
mæta á þessa fundi. Þegar síðan
var ákveðið að Krasavin sendiherra
myndi snúa aftur til íslands var
ákveðið að hann tæki við skýringum
íslenzkra stjórnvalda.
Krasavin áréttaði á fundinum
með utanríkisráðherra að Sovét-
stjórnin teldi íslendinga vera að
skipta sér af innanríkismálum Sov-
étmanna og bijóta í bága við Hels-
inkisáttmálann og Parísaryfirlýs-
inguna. Sendiherrann mun koma
greinargerðinni á framfæri við
sovézk stjórnvöld.
Eistneska ríkisstjórnin hefur ósk-
að eftir því að Islendingar hafí milli-
göngu um viðræður Eystrasaltsríkj-
anna og Sovétstjórnarinnar og bjóði
Reykjavík sem fundarstað. Islenzka
ríkisstjórnin hefur fallizt á þær til-
lögur. Að sögn Jóns Baldvins stóð
til að Eistar kynntu þessar tillögur
á fundi Eystrasaltsráðsins, þar sem
öll Eystrasaltsríkin eiga_ aðild, á
fundum snemma í marz. íslending-
um yrði tilkynnt um niðurstöður
fundanna og framhald málsins átt
að ráðast af þeim.
„Því miður hefur þetta mál
dregizt mjög á langinn hvað varðar
viðbrögð Eystrasaltsþjóðanna,"
sagði Jón Baldvin. „Það var ekki
tekið fyrir á fundi Eystrasaltsráðs-
ins, sem um var rætt. Það eina, sem
hefur gerzt var að hingað var send-
ur sérfræðingur af hálfu eistnesku
stjórnarinnar. Hann vann með
íslenzkum sérfræðingum í tvo sólar-
hringa og niðurstaðan var sú að
sett var á blað verklýsing fyrir þetta
milligönguhlutverk. Það var lagt
fyrir eistnesku stjórnina, en við
höfum ekkert heyrt frá þeim.“
Jón Baldvin segist hafa vitneskju
um að ágreiningur sé milli Litháa
og Eista um það hvaða mál eigi að
hafa forgang varðandi stuðning ís-
lendinga og annarra Vesturlanda
við sjálfstæðisbaráttu ríkjanna.
„Litháar hafa ítrekað að þeir vænti
þess að íslendingar leiði til lykta
ákvörðun ríkisstjórnarinnar og
ályktun Alþingis um að koma á
stjórnmálatengslum. Eistar leggja
höfuðáherzlu á að þessu milligöngu-
hlutverki verði sinnt. Mér er á þess-
ari stundu alls ekki kunnugt um
hvort samkomulag hefur tekizt á
milli þeirra um það, en við höfum
ekkert frá þeim heyrt.“
Jón Baldvin segist líta svo á að
Alþingi hafí falið sér að ljúka því
máli að koma á stjórnmálatengslum
við Litháen og hann hafi hugsað
sér að gera það meðan þingið sitji.
Ef ágreiningur Eystrasaltsland-
anna leiði ti! þess að ríkisstjórnin
geti ekki orðið við óskum Eista,
toiveldi það málið. „Við viljum ekk-
ert aðhafast, sem gæti orðið til að
spilla þeirra samstöðu,“ sagði ut-
anríkisráðherra.