Morgunblaðið - 13.08.1991, Qupperneq 13

MORQUNBLADIÐ ÞRIÐJUPAGUR 13. ÁQÚST ,1991
ít
>
Alviðræður:
Heildarfjárfesting- losar 70
milljarða
Efmslegt samkomulag um
öll meginatriði samninga
Fjármögnunarviðræður næsta viðfangsefni
EFNISLEGT samkomulag hefur tekist um öll meginatriði samning-
anna milli íslands og Atlantsálsfyrirtækjanna um nýtt álver á Keilis-
nesi. Þetta var staðfest á fundi forstjóra álfyrirtækjanna þriggja sem
mynda Atlantsál og íslenskra viðræðuaðila og í kjölfar þess fundar
var greint frá þessu samkomulagi á fundi með fréttamönnum. Þeir
Paul Drack, stjórnarformaður Alumax, Bond Evans forstjóri Alum-
ax, Max Koker forsfjóri Hoogovens og Per Olaf Aronsson forstjóri
Granges sögðu allir að þeir teldu að þótt fjármögnunarviðræðum
væri ólokið og að endanlegir samningar yrðu ekki lagðir fyrir stjórn-
ir fyrirtækjanna fyrr en í byrjun næsta árs, myndi Atlantsál reisa
nýtt álver á Keilisnesi.
„Tilgangur þessa fundar var að
fara yfir alla málsþætti í þessum
umfangsmiklu samningum sem
háfa staðið frá því í mars 1990,“
sagði Jón Sigurðsson iðnaðarráð-
herra í upphafi fundarins með frétt-
amönnum í gær. Ráðherra sagði
að í kjölfar þessarar staðfestingar
gætu Atlantsálsaðilamir nú snúið
sér að því að semja við bankastofn-
anir og lánveitendur á hinum alþjóð-
lega fjármagnsmarkaði um fjár-
mögnun framkvæmdanna. Ráð-
herra sagði að heimildarlagafrum-
varp yrði lagt fram á Alþingi á
þeim grundvelli sem staðfestur
hefði verið í gær. Iðnaðarráðherra
sagði að hann myndi ekki upplýsa
um efnisleg atriði þess samkomu-
lags sem tekist hefði, fyrr en sam-
komulagið hefði verið kynnt stjóm
Landsvirkjunar og fleirum.
Ekki ódýrasta raforka í heimi
Drack sagði að enn væm ákveð-
in smáatriði sem þyrfti að vinna
frekar í, en nú væri vissulega kom-
in upp sú staða að fyrirtækin gætu
einbeitt sér að fjármögnun þessa
verkefnis. Drack sagði að Atlantsál-
fyrirtækin litu alls ekki þannig á
að hér á landi væri_ í boði ódýrasta
raforka í heimi. „Ástæða þess að
við erum hér er sú að raforkuverð-
ið sem þið bjóðið er samkeppnis-
hæft og auk þess treystum við því
að þeir sem gera samninga hér fyr-
ir Islands hönd, standi við gerða
samninga. Það liggur í augum uppi
að slíkt traust er mikilsvert þegar
um er að ræða fjárfestingu upp á
60 milljarða króna,“ sagði Drack.
Jóhannes Nordal sagði varðandi
orkuverð að í grundvallaratriðum
væri rafmagnssamningurinn á svip-
uðum nótum og rætt hefði verið
um. Hann vildi ekki tilgreina ná-
kvæmt verð, en verðið yrði tengt
verði á áli. Miðað við álverð í dag
yrði raforkuverðið nálægt 10
mills/KWH. „Ég held að það sé
okkar skoðun og okkar ráðunauta,
að þetta verð sé mjög svipað og
samið hefur verið um í þessari grein
að undanförnu," sagði Jóhannes.
Hann sagði að samningurinn væri
til 25 ára, með framlengingarheim-
ild til tvisvar sinnum fímm ára. Á
fyrsta 25 ára tímabilinu mætti óska
endurskoðunar, í fyrsta skipti eftir
10 ár.
Jón Sigurðsson tók undir orð
Jóhannesar og sagði að raforkuverð
það sem um hefði samist væri sam-
keppnishæft verð, og ekki væri rétt
að líta á upphafsverðið á rafork-
unni á grundvelli dagverðs á áli,
eins og nú stæði. „Sannleikurinn
er sá að þessi samningur skilar fjár-
magnskostnaðinum með bærilegum
arði til baka. Þá er ótalinn sá virðis-
auki og sú viðbót við þjóðarbúskap-
inn sem hlýst af rekstri álversins.
Þetta er mjög mikilvægt sjónarmið,
sem aldrei má líta framhjá þegar
svona samningur er ræddur,“ sagði
iðnaðarráðherra.
Áhugi banka á fjármögnun
mismunandi
Drack var spurður hversu vel á
veg Atlantsálfyrirtækin væru kom-
in í samningaviðræðum við Iána-
stofnanir um fjármögnun: „Slíkar
viðræður eru þegar hafnar við
ákveðna banka. Það er rétt að
greina frá því að undirtektir lána-
stofnana eru misjafnar, til dæmis
sýna bankar í Englandi verkefninu
lítinn áhuga. Enn sem komið er
vitum við ekki um afstöðu banda-
rískra banka, en líkast til hafa
margir þeirra takmarkaðan áhuga
vegna efnahagsörðugleika í Banda-
ríkjunum. Ákveðnir bankar á meg-
inlandi Evrópu verða líklega áhuga-
samari um þátttöku í fjármögnun-
inni, og án þess að ég nefni nokkra
ákveðna banka, get ég greint frá
því að við vitum af áhuga banka í
tveimur Evrópulöndum. Ég tel því
að við getum náð viðunandi samn-
ingum um fjármögnun, þótt vaxta-
kjörin verði ekki jafngóð og við
náðum í samningum fyrir hálfu
öðru ári,“ sagði Paul Drack.
Forstjórar fyrirtækjanna þriggja
voru spurðir hvort þeir tryðu því í
hjarta sínu að Atlantsál myndi reisa
nýtt álver á Keilisnesi: „Já, ég tel
að við munum gera það,“ sagði
Drack stjórnarformaður Alumax.
„Ég tel að nýtt álver verði byggt á
Keilisnesi,“ sagði Aronsson, for-
stjóri Granges og þeir Max Koker
forstjóri Hoogovens og Bond Evans
forstjóri Alumax tóku í sama
streng.
Jón Sigurðsson sagði að áætlað
væri að hafnargerð í Vatnsleysuvík
vegna nýrrar álbræðslu á Keilisnesi
myndi kosta um einn milljarð króna.
Virkjanaframkvæmdir myndu
kosta um 27 milljarða króna og
heildarfjárfesting í álverinu um 43
milljarða króna, þannig að saman-
lagt væri verið að ræða fjárfestingu
upp á liðlega 70 milljarða króna.
„Framkvæmdatíminn verður fram
til ársins 1995. Mestar verða fram-
kvæmdirnar á árunum 1993 og
1994,“ sagði ráðherra.
Iðnaðarráðherra sagðist enga
tölu vilja nefna, þegar hann var
spurður hvað þessar samningavið-
ræður hefðu hingað til kostað ís-
lenska ríkið. „Þetta er bara partur
af hinum almenna rekstri og fjár-
festingu þessara aðila. Munurinn á
þessum útgjöldum og mörgum
sömu tegundar fyrr á árum, er
náttúrlega sá að nú erum við að
ná landi, þannig að það kemur eitt-
hvað fyrir féð,“ sagði ráðherra.
Frílisti EFTA og EB:
Jón Baldvin segir ísland
STOPP!
FASTEICNA VIÐSKIPTI
ERU ALVARLEGT MÁL
Til að firra kaupendur og
seljendur hugsanlegum
eftirmálum, ætti ástandsmat
kunnáttumanna ávallt að liggja
fyrir áður en viðskipti fara fram.
Hafið samband við okkur
CTTiJT»H BYGGINGAÞJÓNUSTA
f i#Jr f fff F AUÐBREKKU 22
SÍMI641702
ekki hafa fjallað um listann
Leyfilegt að flylja inn viðbit frá 1988
JÓN Baldvin Hannibalsson ut-
anríkisráðherra segir að ísland
hafi ekkert um svokallaðan frí-
lista EFTA og EB fjallað. í ofan-
álag hafi innflutningur Smjörva
og Létts og laggóðs verið heim-
ill frá 1988 samkvæmt reglu-
gerð sem þá var sett og ísvörur
sem veður hafi verið gert út af
hafi mátt flytja inn frá 1973.
Málatilbúningur Ólafs Ragnars
Grímssonar sé því staðlausir
stafir og hann eigi að biðjast
afsökunar. Ólafur Ragnar
kveðst fagna upplýsingum, sem
fram komu um málið á fundi
utanríkismálanefndar Alþingis í
gær, um að Island hafi ekki tek-
ið þátt í viðræðum um listann.
Nú hljóti ríkissljórnin að svara
því hvort ísland vilji innflutning
smjörlíkis og ísefna þegar við-
ræður um evrópskt efnahags-
svæði hefjast að nýju í haust.
Hannes Hafstein aðalsamninga-
maður íslands í Brussel sat fund
utanríkismálanefndar í gær og
staðfesti eftir það að íslendingar
hefðu ekki tekið þátt í samningavið-
ræðum um listann. Hann segist
ekki geta sagt um hvort hægt sé
af íslands hálfu að undanþiggja
ákveðnar vörur þegar viðræður
hefjast aftur; þar komi pólitískt
mat til.
Jón Baldvin Hannibalsson segist
ekki trúa því að menn hafni EES
samningum vegna viðbitsins, sem
þegar megi flytja til landsins séu
málin skoðuð.
Halldór Blöndal landbúnaðarráð-
herra segir að ísland hafi ekki sam-
þykkt listann og hann vilji að full-
trúi síns ráðuneytis verði viðstaddur
eigi ísland hlut að frekari viðræðum
um málið í Brussel. Halldór vildi í
gær ekki svara því beint hvort hann
teldi að gera ætti kröfu' um að við-
bit og ísefni yrðu tekin út af frflist-
anum hvað ísland snerti. Hann lýsti
því hins vegar sem skoðun sinni í
frétt Morgunblaðsins um málið 3.
ágúst.
Ólafur Ragnar Grímsson segir
lög banna innflutning viðbits. Tolla-
yfirvöld hérlendis hafi ekki flokkað
Létt og laggott og Smjörva í toll-
flokka fyrr en í júlí, utanríkisráð-
herra hafi enn ekki gefið sér tíma
til að kynna sér málið nægilega.
Orð hans hingað til hafí enda ekki
verið í nokkru samræmi við það sem
nú hafi komið fram hjá aðalsam-
ingamanni landsins í Brussel.
HUSEI6ENDUR - LEIGUSALAR
Nýjung á leigumarkaói
Leigumiðlun húseigenda hf. (LMH) hefur tekið að sér
leigumiðlun fyrir félagsmenn Iðnnemasambands ís-
lands undir nafninu Leigumiðlun iðnnema.
Leigumiðlun húseigenda hf. óskar eftir húsnæði til út-
leigu til iðnnema. Margt kemur til greina, herbergi, litl-
ar íbúðir og stærra húsnæði undir sambýli.
Leigumiðlun húseigenda býður leigusölum fjölþætta
þjónustu, svo sem úttekt á húsnæði, tilllögu um leigu-
gjald, val á leigutaka, gerð leigusamninga og frágang
ábyrgða. Sé þess óskað annast LMH innheimtu leigu-
gjalds, eftirlit með hinu leigða og ábyrgist þá skila-
ástand húsnæðis.
Allar frekari upplýsingar eru veittar í síma 680510 og
á skrifstofu LMH í Ármúla 19.
LEIGUMIÐLUN
IÐNNEMA
wwmrn
Ármúla 19 - 108 Reykjavík,
símar 680510 & 680511, fax 814730
; l\IYJA MEL BROOKS GRII\IMYI\IDII\I
: LÍFIÐ ER ÓÞVERRI