Morgunblaðið - 07.04.1992, Blaðsíða 29
MORGUNBLAÐIÐ ÞRIÐJUDAGUR 7. APRIL 1992
29
Línur skýrast í EB-málinu í Noregi:
Brundtland vill senda inn
aðildarumsókn í nóvember
Ósló. Frá Jan Gunnar Furuly, fréttaritara Morgunblaðsins.
„VIÐ MEGUM engan tíma missa. Umsókn Noregs um EB-aðild verður
að senda í nóvember," sagði Gro Harlem Brundtland, forsætisráð-
herra Noregs, við biaðamenn er árlegt þing Verkamannaflokksins á
Ilörðalandi var haldið um helgina. Sjö af þeim átta fylkjasamböndum
Verkamannaflokksins, sem tekið hafa afstöðu til aðildar að Evrópu-
bandalaginu, eru fylgjandi aðild og er ljóst af andrúmsloftinu í flokkn-
um að Norðmenn eru að skiptast í fylkingar þvert á flokksiínur í
EB-málinu.
Norskir stjórnmálaskýrendur
túlka atburði helgarinnar svo að
söguleg barátta hafi farið fram um
EB. Fylgismenn jafnt sem andstæð-
ingar aðildar höfðu skipulagt fjölda-
samkomur í tengslum við að átta
fylkjasambönd Verkamannaflokks-
irjs héldu árleg þing sín. Var því
fyrirfram spáð að forysta flokksins
myndi taka af skarið og taka endan-
lega afstöðu til aðildar Noregs að
bandalaginu.
Gro Harlem Brundtland hafði val-
ið sér smáþorpið Ullensvang, innst
í Harðangursfirði, sem vettvang þess
er hún tæki afstöðu til aðildar.
Ræða hennar síðdegis á laugardag
tók klukkutíma og tíu mínútur í
flutningi. Viðbrögðin við ræðunni á
ársþingi Verkamannafiokksins í
Hörðalandi voru gífurleg fagnaðar-
læti. Fyrir utan hótelið, þar sem
þingið var haldið, tóku hins vegar
þrettán hundruð andstæðingar aðild-
ar þátt í mótmælagöngu. A firðinum
sigldu svo um ijörutíu bátar sem
báru borða er á stóðu slagorð á borð
við „Sjálfstæður Noregur" og „Hús-
bóndi á eigin heimili“. Þessi sömu
slagorð voru áberandi fyrir þjóðarat-
kvæðagreiðsluna 1972.
„Eins og svo oft áður í sögu lands
okkar hvílir afrifarík ákvörðun fyrst
og fremst á herðum norska Verka-
mannaflokksins. Samvinna innan
EB er ekki svar við öllum þeim
Gro Harlem Brundtland
spurningum sem við þurfum að
svara en gerir okkur betur í stakk
búin að mæta þeim. Ég tel að við
tryggjum hagsmuni Noregs mest
með því að ganga í EB. Þar getum
við barist fyrir okkar gildum í sam-
vinnu við sköðanabræður í öðrum
löndum. Þar getum við barist fyrir
þeim lausnum sem við teljum eiga
við í Noregi, á Norðurlöndum og í
Evrópu. Við getum ekki beðið til að
sjá hvernig framtíðin verður. Fram-
tíðina sköpum við núna,“ voru loka-
orð forsætisráðherrans.
í ræðunni lýsti hún EB-aðild Nor-
egs sem „nýjum mikilvægum áfanga
í sögu lýðræðisins". Hún lagði
áherslu á að atvinnuástand myndi
ekki batna í Noregi ef landið yrði
eina ríki Vestur-Evrópu sem stæði
fyrir utan EES og EB. ,;Fyrirtæki
okkar munu ekki getað skapað fleiri
atvinnutækifæri þar sem þau hefðu
ekki sömu réttarstöðu og evrópskir
samkeppnisaðilar þeirra,“ sagði hún.
Degi síðar höfðu sjö af þeim átta
fylkjasamböndum flokksins sem
fjölluðu um málið lýst yfir stuðningi
við stefnu Gro. Alls greiddu um 60%
atkvæði með EB-aðild en 40% á
móti. Einungis í fylkinu Norðland,
þar sem sjávarútvegur er mjög mikil-
vægur, voru menn andvígir aðild.
Einnig er búist við að hin tvö fylkin
í Norður-Noregi, Troms og Finn-
mörk, muni taka afstöðu gegn aðild.
Meiri óvissa ríkir um Þrændalaga-
fylkin tvö en búist er við að eftir
að þau halda ársþing sín eftir páska
verði Noregur klofinn í tvennt í af-
stöðu sinni til Evrópubandalagsins.
Suðurhlutinn verði fylgjandi aðild
en norðurhlutinn andvígur.
Verkamannaflokkurinn hyggst nú
vinna áfram að EB-aðild með stuðn-
ingi Hægriflokksins og. Framfara-
flokksins, sem samþykkti stuðning
við aðild á landsfundi sínum um
helgina. Kristilegi þjóðarflokkurinn
hefur enn ekki gert upp hug sinn
en talið er að hann geti snúist gegn
aðild. Sósíalíski vinstriflokkurinn og
Miðflokkurinn eru algjörlega á móti
aðild.
VEIÐISUMARIÐ ’92
Veiðibókin
I bókinni er sérstakur kafli um sportveiðar á
Islandi ásamt upplýsingum um allt það nýjasta
frá Abu Garcia
Lítið inn og tryggið ykkur ókeypis eintak
tímanlega. Opið til kl. 19 á föstudögum og frá kl.
10 til 16 á Iaugardögum.
Napp &
Nytter
komin
“Abu
Garcia
Hafnarstræti 5
Símar 1 67 60 og 1 48 00
^“®.erðö Mikið vöruval & Greiðslukortaþjóm**
íqra vóruvaro fatnaður fynr böm og
Sssr- /K1
Thefur lækkað stórlega!
„ú pökkuð í neytendaumbuð.r.
AIIKLIG4RDUR
VIÐ SUND