Morgunblaðið - 12.04.1992, Blaðsíða 27

Morgunblaðið - 12.04.1992, Blaðsíða 27
i < (m ■ f, flAOI/l!i/li/l(M o'G\ is’' MORGUNBLAÐIÐ MINNINGAR SUNNUDAGUR 12. APRÍL 1992 27 Minning’: _ Ingi B. Arsælsson Fæddur 24. júlí 1932 Dáinn 2. apríl 1992 Dóttir sem býr í fjarlægu landi situr og rifjar upp minningar um föður sinn, Inga Bjöi'gvin Arsæls- son, mann sem hún sá ekki sólina fyrir á barnsaldri og vár það gagn- kvæmt. Getur verið að þessu sam- bandi sem varað hefur, misjafnlega náið, í 35 ár sé lokið? Hver á nú að senda börnunum mínum þroska- leikföng á hátíðum og sækja mig á flugvöllinn? Svona get ég verið barnaleg á sorgarstundu'. Dóttir mín, sjö ára tannfellingur, er að skrifa grískan stíl. Hún starir á mig og segir: ,jMamma, af hveiju ertu að gráta?“ Eg var ári yngri en hún þegar Ar- sæll afi í Bakkakoti dó og pabbi kom frá Þýskalandi til að fylgja honum. Mikið grétum við litlu frænkurnar þá. Allar bernskuminningarnar tengjast Bakkakoti, en þar bjuggu afi, Ársæll Jónsson, og arama, Ragnheiður Guðnadóttir, ásamt tveimur sonum sínum, Jóni og Bjarna. Pabbi kemur og fer úr þeim minningabrotum, því hann annað hvort ók okkur systrunum alla leið austur eða að minnsta kosti í rút- una. Stundum komu þau pabbi og mamma í heimsókn til að líta á litlu sveitavargana sína, pabbi svo mikið borgarbarn að hann tók ekki einu sinni með sér stígvél til að fara í fjós. Alltaf svo mikið snyrtimenni og í rauninni ekki með sveitablóð í æðum. Samt bar það við að hann fór úr jakkafötunum um hábjarg- ræðistímann og tók til hendinni í heyskap. Ég var hæstánægð með að hann gat ekið vörubíl. Það var meiri háttar að sitja í og hlusta á hann syngja Yesterday með óperu- röddu og finna að_ hann gat gert gagn í sveitinni. Ég minnist líka Guðna heitins bróður pabba, sem stöðugt var að, en átti það líka til að fara með krakkaskarann á eftir sér niður í hestagirðingu, beisla jálkana hlæjandi og leyfa okkur að fara á hestbak að tilefnislausu. Svona síðarmeir er yndislegt að hafa fengið nasasjón af þeirri til- veru sem pabbi var alinn upp í. Breiðan barminn og mjúkt fangið hennar ömmu, séi’viskuna hans afa og samheidni systkinanna sex, sem eru svo hjartahlýjar og vænar manneskjur. Ég lifði yndislega stund á fimmtugsafmæli pabba, fyrir tæpum tíu árum, þegar Krist- ín frænka hélt tölu og riljaði upp aðstæður í Tungu þegar Ingi Björg- vin fæddist. Já, þarna sátu þau öll, Gurra, Guðni, Jón, Sigga, Bjarni og pabbi og bæði hlógu og grétu yfir þeim minningum. Pabbi leyfði mér að kynnast út- löndum þegar ég var ellefu ára. Þá tók hann mig með sér á alþjóðlega ráðstefnu þar sem ég sat og hlust- aði í heyrnartækjum á mörg tungu- mál töluð, borðaði kvöldverð á veit- ingahúsi við Konungstorgið í Bruss- el, bablaði ensku í kokkteilboði og spólaði mig á Carnaby Street. Því- lík upplifun fyrir smástelpuna sem var hetja í skólanum í marga daga á eftir. Það má mikið vera ef þarna var ekki sáð þeim fræjum sem síðar skutu rótum í lífi mínu. Hvort spjallað var um óperur Verdis og Mozarts eða vitnað í Hómer og gríska goðafræði þá átt- um við alls staðar að vera með á nótunum. Oft var vitnað í Göethe á frummálinu, ekki það að ég skildi mikið framan af. Ekki var nú alitaf logn í kringum samskipti okkar pabba, sem senni- lega má rekja til hins fræga kyn- slóðabils. Hann sat þó á sér, bless- aður, þegar hann rakst á mig fimmtán ára sitjandi á Mokka í Che Guevara-jakkanum mínum, reykj- andi pípu. Ekki varð hann heldur upprifinn þegar ég tilkynnti honum fimm árum síðar að ég væri búin að ráða mig sem au-pair-stúlku til Frakklands. Það fauk náttúrlega í hann, því að ég hafði ekki haft hann með í ráðum. En það var sumarið eftir sem verulega slóst upp á vinskapinn. Við brugðum okkur frændur og frænkur saman í Þórscafé. Ég var tuttugu og eins og brosti framan í heiminn í útsaumuðum kjól sem Gurra frænka saumaði á Hvera- bakkaskóla. Hvort það var kjóllinn sem honum þótti ekki passa við þetta tækifæri, sandalarnir sem ég var berfætt í, eða sígarettan sem ég hélt á, hann var aldeilis ekki ánægður með dótturina þetta kvöld. Þegar ég hafði fengið nóg af að- finnslum þá stillti ég mér upp fyrir framan hann og sagði honum til syndanna á meðan tárin spýttust í allar áttir. Sagðist ekki vilja sjá að hafa samband við svona hrútleiðin- legan föður. Hann varð klumsa við en dóttirin strunsaði inn á snyrt- ingu, snýtti sér og hélt svo áfram að dansa á neðri hæðinni. Eftir þetta ríkti þögn á milli okkar og pabbi hringdi ekki í sjö mánuði. Vorið ’80 ætlaði ég að útskrifast sem stúdent en saltaði tvo stærð- fræðiáfanga, sem pabba fannst nú lítið mál, og sat því heima kvöldið sem skólafélagarnir settu upp húf- urnar. Hringir þá bjallan og í dyrun- um stendur enginn annar en pabbi, sjarmörinn sjálfur, með rósir og kampavín handa mér. Við eyddum þessu kvöldi í upplestur á ljóðum og fengum okkur síðan snúning í Hollywood. Eins þegar ég bjó í Svíþjóð. Þá átti hann það til að hringja og lesa fyrir mig ljóð, svo ég tali nú ekki um símtölin á afmælum mínum þegár hann rifjaði upp hversu stutt væri síðan ég fæddist heima á Öldu- götunni. Já, þessi elska hafði öll einkenni Suðurlandabúa í skapferli. Það sýndi sig best þegar ég skírði son minn ekki nafninu hans. Þá sagði hann mér hreint út að ég hefði brugðist skyldu minni. En ég bar klæði á vopnin þegar ég skírði yngri dóttur mína í höfuðið á honum og kom gagngert með hana heim til að setja hana í fangið á honum í janúar í vetur. Þá var hann alsæll. Pabbi naut sannarlega velgengni í kvennamálum. Hann kvæntist móður minni, Dagbjörtu Kristjáns- dóttur, árið 1954 og eignaðist með henni tvær dætur, Rós og undirrit- aða. Árið 1972 kvæntist hann svo Ragnhildi Bjarnadóttur og eignuð- ust þau saman Bjarna Pál, sem var pabba einstakur sólargeisli. Síðustu árin bjó pabbi með Ellen Júlíusdóttur, sem við systur viljum þakka einstaka umhyggju og rækt- arsemi við okkur og okkar fjölskyld- ur. Systrum þabba og bræðrum færum við einnig alúðarþakkir fyrir ómetanlega tryggð. Ingibjörg Ingadóttir. t Þökkum innilega samúð og vinarhug við andlát og útför eigin- manns míns, föður okkar, tengdaföður og afa, SIGURÐAR SIGURJÓNSSONAR, Austurbrún 37A, Reykjavík. Vilborg Jónsdóttir, börn, tengdabörn og barnabörn. BLÓM í BLÍÐU OG STRÍÐU 67 U 70 Kransar • Krossar • Kistuskreytingar Simaþjónusta - kreditkortaþjónusta - sendingarþjónusta t Þökkum auðsýnda samúð við andlát og útför ODDGEIRS BÁRÐARSONAR fyrrverandi sölustjóra, Hvassaleiti 56. ( Sesselja Kristín Kristjónsdóttir, Jón Rúnar Oddgeirsson, Ásta Karlsdóttir, Bára Björg Oddgeirsdóttir, Gunnar G. Þorsteinsson, barnabörn og barnabarnabarn. t Þökkum innilega auðsýnda samúð og vináttu við andlát og útför eiginkonu minnar, móður, tengdamóður og ömmu SIGURLILJU ÞORGEIRSDÓTTUR, Miðleiti 7. Sigurjón Sigurðsson, Guðleif Sigurjónsdóttir, Ólafur Óiafsson, Sigurgeir Sigurjónsson, Helga J. Gísladóttir og barnabörn. t Innilegar þakkir fyrir auðsýnda samúð og vinarhug við andlát og útför föður míns, tengdaföður og afa, SIGMUNDAR GUÐMUNDSSONAR, Hlíf, ísafirði. Sérstakar þakkir til lækna og starfsfólks Sjúkrahúss ísafjarðar. Guðlaugur Fr. Sigmundsson, Guðný Emilsdóttir og barnabörn. Umhverfisvænar Vegna þess að Libero bleiur eru T laga og þær einu með teygju að ahan og réttu buxnalagi (PiLptijfr Lleiur eru óbleiktar og ofnæmisprófaðar NÝTT Þær fóst nú einnig í stærðinni Maxi Plus 10-20 kg. Góð sem næturbleia bleiur passa best Kaupsel hf. Heildverslun, sími 27770. Hagstœtt verð ó Storno tarsímim Vegna mikillar sölu á síðasta ári náðum viö mjög hagstæðum samningum við framleiðendur og getum nú boðið Storno farsíma á hreint ótrulega lágu verði. Storno bílasími kr. 79-580 stgr. með vsk. Storno burðarsími kr. 84.280 stgr. með vsk. Burðarsíma fylgir 4 Ah rafhlaða. PÓSTUR OG SÍMI Söludeildir í Ármúla 27, Kirkjustræti, Kringlunni og á póst- og símstöðvum um land allt

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.