Morgunblaðið - 12.04.1992, Blaðsíða 44

44
MORGUNBLAÐIÐ UTVARP/SJONVARP SUNNUDAGUR 12. APRÍL 1992
Nálgumst viðfangsefn-
ið frá ýmsum hliðum
í SJÓNVARPINU síðastliðið þriðjudagskvöld var farið af stað
með nýjung í innlendri þáttagerð, en þetta eru svokallaðir „magas-
ínþættir" eða „fjölinnihaldsþættir". Þættirnir eru sex talsins og
fjalla allir um hár frá hinum ýmsu sjónarhornum, allt frá venju-
legri umfjöllun upp í læknisfræðilega og listræna. „I fjölinnihalds-
þáttum reynum við að kynna allt efnið á myndmáli og notum
tónlist að einhverju leyti í stað þess að tala inn á þættina til út-
skýringar," segir Hákon Már Oddsson, dagskrárgerðarmaður
þáttanna. „Það er einnig sérstakt við þessa þætti, að þeir eru
ekki persónugerðir, þ.e.a.s. það er engin ein persóna sem kemur
alltaf fram í þáttunum og tengir þá saman.“
Hákon segir að ákveðin hefð
hafi verið í þáttagerð hér á landi
fram til þessa. Eitt viðfangsefni
sé tekið fyrir í hveijum þíétti og
því gerð ítarleg skil eða að rætt
sé við einn eða tvo aðila, þótt
auðvitað hafi verið á þessu undan-
tekningar. „Myndformið' er hins
vegar að breytast þannig að
myndmálið er að verða hraðara.
I þessu sambandi má til dæmis
nefna rokkmyndbönd, þau eru
klippt hratt og vaðið úr einu í
annað, án nokkurrar skynsemi í
raun. Þetta er algjör andstæða
við til dæmis Fólkið í landinu."
Hákon segir að að vissu leyti
megi líkja fjölinnihaldsþáttum við
þau tímarit sem eru á markaðn-
um, því í þeim komi fram sérhæfð-
ar upplýsingar í stuttu máli.
„Þessir þættir hafa svipaðan til-
gang, reynt er að nálgast efnið
frá ýmsum hliðum; í léttari kant-
inum, með fræðslu og frá fagur-
fræðilegu sjónarhorni," segir
hann.
Félagar í Intercoiffure hafa
unnid mikið starf
Eitt og hálft ár er liðið síðan
farið var að vinna að undirbúningi
þáttanna og segir Hákon að félag-
ar í samtökunum Intercoiffure
hafi átt frumkvæðið. Hafi sýning
þeirra í Borgarleikhúsinu í októ-
ber sl. verið fyrsta skrefið í vinnslu
þáttanna. Þar var hveijum aldurs-
hópi gerð skil og sömu sögu er
að segja í sjónvarpsþáttunum. I
hverjum þætti er fulltrúi ákveðins
aldurshóps tekinn fyrir og var
fyrsti gesturinn Alfrún Ornólfs-
dóttir 10 ára leikari. í næsta
þætti kemur Laufey Bjarnadóttir
og síðan Grétar Örvarsson, Val-
gerður Matthíasdóttir, Bryndís
Schram og Salóme Þorkelsdóttir.
Kennslukona tekur
gj örbreytingum
Fylgst verður með kennslu-
konu, Önnu Þóru Pálsdóttur, í
öllum þáttunum, þar sem hún
gjörbreytist í höndum meistar-
anna. Hárgreiðslumeistararnir
munu einnig fjalla um ímynd,
tækni, efni, fræðslu og innlenda
og erlenda strauma. Þá verður
myndræn kynning á ýnússi tækni
sem beitt er við litun, greiðslu,
klippingu, þurrkun og permanent,
og Rannveig Pálsdóttir læknir
fjallar um hárið og algenga kvilla
sem_ því tengjast.
„í þáttunum verður einnig rætt
við Alexandre de Paris, sem er
einn virtasti hárgreiðslumeistari
heims. Við fórum og heimsóttum
hann til Parísar," segir Hákon.
„Hann er alveg sérstakur „kar-
akter“. Við fengum meðal annars
að skoða einkasafn hans, en þar
geymir hann lokka af ýmsu frægu
fólki, sem hann hefur sinnt í gegn-
um tíðina.“
- Kynntuð þið ykkur Parísar-
tískuna í fatnaði?
„Nei, ekki að öðru leyti en því,
að við litum inn í tískuhús Hannae
Hákon Már Oddsson dagskrár-
gerðarmaður fékk sjónvarps-
þjálfun sína m.a. á Italíu.
Ný tegund þátta,
„magasínþætt-
ir“, hóf göngu
sína síðastliðinn
þriðjudag í Sjón-
varpinu, en þeir
fjalla um allt sem
viðkemur hári
Mori og heimsóttum Helgu
Björnsson, sem er fatahönnuður
hjá Luis Ferrault. Það er mjög
athyglisvert, að úiún teiknar til
dæmis fyrst hárið áður en hún
hannar fötin.“ Nú setur Hákon
upp skelfingarsvip og segir: „Hún
gengur nú frá mér fyrir að segja
þetta!“
Talið beinist að tísku og um-
fjöllun um hana í íslenskum fjöl-
miðlum. Hákon segir að slíkt
umfjöllunarefni sé alltaf vinsælt
Kennslukonan tekur iniklum breytingum í þáttunum.
í hverjum þætti kemur gestur
sem fulltrúi ákveðins aldurs-
hóps.
og bendir á að þegar hátískan sé
kynnt sé fjallað um hana í frétta-
tímum. „Hins vegar hefur Ríkis-
sjónvarpið sinnt þessum þætti til-
fallandi miðað við til dæmis að
menning og listir hafa sinn fasta
sess. Ég hef trú á því að tíska
sé eitthvað sem alltaf er hægt að
fjalla um.
Það væri gaman að hafa fasta
innlenda þætti, kannski á þriggja
vikna fresti, þar sem komið væri
inn á alla þætti tískunnar, því
þótt keyptir séu erlendir þættir
höfða þeir aldrei til íslenskra
áhorfenda á sama hátt og innlend-
ir.
Það yrði ekki vandamál að fá
fagfólk í hárgreiðslunni, því við
eigum hárgreiðslufólk sem hefur
staðið sig mjög vel og er þekkt á
erlendri grund. Það fer utan oft
á hveiju ári til að fylgjast með
nýjustu straumum og til að
keppa."
Hákon segist hafa kynnst þessu
fólki vel meðan á vinnslu þáttanna
stóð og sérstaklega auðvelt hafi
verið að vinna með því. Þetta
væri sviðsvant fólk, skipulagt og
litlar útskýringar hefði þurft fyrir
hvert atriði.
Vann við ítalska
sjónvarpsstöð
Hákon lærði kvikmyndaiðn við
listaskóla í San Francisco og vann
síðan við sjónvarpsstöðina Tele
Monte Carlo á Ítalíu á fjórða ár.
„Þar má kannski segja að ég hafi
fengið sjónvarpsþjálfun mína,
meðal annars öðlaðist ég reynslu
við „magasínþætti“,“ segir hann.
„Hér á landi erum við alltaf að
keppa við erlenda þætti. Áhorf-
andinn gerir kröfur um að inn-
lendir þættir séu jafn vandaðir og
þeir erlendu. Þarna er hins vegar
mikill munur á fjármagni og veitt
er 10 til 20 sinnum meira fé í
erlendu þættina. Einnig er mikill
munur á fjölda starfsmanna. Ég
sá um vikulegan „magasínþátt"
um viðskipti í ítalska sjónvarpinu
og þrettán manns unnu eingöngu
við þann þátt meðan ég sé einn
um þennan þátt með tilfallandi
aðstoð dagskrárgerðarfólks Sjón-
varpsins og í samvinnu við hár-
greiðslufólkið, sem hefur lagt
fram mikla vinnu.“
Texti: Hildur Friðriksdóttir/
mynd: Júlíus Sig’irjónsson
og Sjónvarpið.
EINN AF BETRI FJALLABILUM
LANDSINS ER TIL SÖLU !

LITIÐ BROT AF UTBUNAÐI
Vélin er 351M V8 sem hefur ver-
ið boruð út í 0,30, og ( hana sett-
ur sveifarás úr 400 CID og er því
í dag 6,6 lítra. í vélina var sett
Ford Motorsport olíudæla, sér-
smíðaður Crane rokkerarmar
með keflalegum, portuð hedd og
Ross sérsmíðaðir stimplar með
þjöppu 10,9:1.
Drifbúnaður: C-6 sjálfskipting frá
TCI með extra lágum fyrstagír.
Tveir millikassar, B&W 1456 og
NP 203 milligír. ARB loftlæsing
að framan og No-spin driflæsing
að aftan, einnig er 9" afturhásing
með sterkara húsi (N-Carrier).
Fjaðarabúnaður er frá Rancho
er lengir fjöðrun og sex Rancho
RS7000 demparar, tveir spyrnu-
demparar á afturhásingu.
Einnig er 120AMP alternator,
tveir 800AMP Optima rafgeymar
- allskonar aukamælar - Mobira
bílasími - Furno loran plotter -
40 rása CB talstöð - Pioneer út-
varp m/geyslaspilara og aflmikill
magnari - fjórir Flofit stólar -
WarnXD9000 spil m/sérsmíðuð-
um festingum úr áli - auka Ijós
frá Warn - Dick Depek 44" dekk
og Weld Racing 15x14 felgur og
margt fleira.
VERÐ 2,9 MILLJÓNIR
FORD
árgerð 1982 (1990)
Keyrður 6000 km eftir breytingu
ARATUGA REYNSLA IJEPPABREYTINGUM - VAGNHOFÐA 23 • SÍMI 685825
w
rtVEITINCAHÓSID JAZZ
ÁRMÚLA 7 (við hliðina á Hðícl íslandi)
Opið fyrir matargesti allar helgar
frá kl,18:00 - 23:30
SUNNUDAG:
JAZZTONLEIKAR
Martin van der Falk,
Richard Corn,
Andrea Gilfadóttir,
Kjartan Valdiniarsson.
leika frá kl.22-01.
BORÐAPANTANIR
ÍSÍMA: 68 16 61
VITASTÍG 3 T|n.
SÍMI 623137 JHLj
Sunnud. 12. april opið kl. 20-01.
FRÍÐA SÁRSAUKI
TONLEIKARNIR HEFJAST
STUNDVÍSLEGA KL. 22.30 OG
VERÐA HLJÓÐRITAÐIR MEÐ ÚT-
GÁFUÍHUGA.
PÚLSINN
- þar sem tónleikar eru hljóðritaðir!
14. & 15. apríl: HIN FRABÆRA
HOLLENSKA BLÚSROKKSVEIT
„A GIRL CALLED JOHNNY"
16. apríl: 3 ÁRA AFMÆLISHÁTÍÐ
VINADÓRA
- BEIN ÚTSENDING