Morgunblaðið - 04.12.1992, Page 1

96 SIÐUR B/C
Olíuskip strandar við norðurströnd Spánar og veldur mengun
Olíubrák
ógnar flöl-
skrúðugu
dýralífí
La Coruna. Reuter.
GRISKT olíuskip strandaði og
brotnaði í tvennt við höfnina í La
Coruna á Norður-Spáni í gær.
Eldur kom upp í skipinu og Qöl-
skrúðugt dýralíf var í hættu
vegna 30 km breiðrar og tveggja
km langrar olíubrákar sem nálg-
aðist ströndina í gærkvöldi.
Olíuskipið var með 80.000 tonna
hráolíufarm og strandaði á kletti við
hafnarmynnið í aftakaveðri um
klukkan 4 að íslenskum tíma í gær-
morgun. Leki kom á tank skipsins
og fjórum klukkustundum síðar
brotnaði það í tvennt. Miklar spreng-
ingar kváðu við og eldur kviknaði í
skipinu og olíunni í sjónum.
28 filippeyskum skipverjum,
grískum skipstjóra og spænskum
hafnsögumanni var bjargað og eng-
an þeirra sakaði.
Höfnin mökkvast
Mikill mökkur var yfir borginni La Coruna við norðurströnd Spánar í gær eftir að kviknað hafði í grísku olíuskipi
og hráolíu sem lak úr því utan við hafnarmynnið. Eldurinn iogaði enn í gærkvöldi. Björgunarsveitir settu upp flot-
girðingar til að koma í veg fyrir að olíubrákin bærist að ströndinni. Mengunarvarnir gengu þó illa vegna sjógangs.
Gajdar óskar eftir stuðningi miðjumanna á fulltrúaþingi Rússlands
Þingfundur leystur
upp vegna ryskinga
Moskvu. Reuter.
TIL handalögmála kom í gær á fulltrúaþingi Rússlands, æðstu löggjaf-
arsamkundu landsins, nokkrum mínútum eftir að Jegor Gajdar forsæt-
isráðherra óskaði eftir stuðningi miðjumanna á þinginu til að koma
í veg fyrir að afturhaldsöflunum tækist að hindra efnahagsumbætur.
Ryskingarnar stóðu í þrjár mínútur þar til forseti þingsins, Rúslan
Khasbúlatov, sleit fundinum og strunsaði út. Áflogin hófust þegar
róttækir umbótasinnar æddu að ræðupallinum til að mótmæla þeirri
ákvörðun Khasbúlatovs að láta fara fram leynilega atkvæðagreiðslu
um stjórnarskrárbreytingu, sem kveður á um skert völd Boris Jeltsíns
forseta.
Umbótasinnarnir hrópuðu ókvæð-
isorð að þingforsetanum þar til harð-
línumenn komu honum til varnar.
Leysigeislar
gegn hrotum
Lundúnum. Thc Daily Telegraph.
EINFÖLD leysigeislameð-
ferð, sem tekur aðeins fímm
mínútur, hefur reynst árang-
ursrík gegn hrotum.
Lækningin felst í því að leysi-
geislum er beint að mjúka hluta
efri gómsins. Við það myndast
lítið sár og þegar það grær
verður til vefur sem gerir góm-
inn stífari. „Sjúklingurinn fær
kverkaskít í nokkra daga en
þessu fylgja engar aðrar auka-
verkanir," sagði dr. John
Shneerson, læknir hjá Papw-
orth-sjúkrahúsinu á Englandi,
sem þróaði þessa aðferð.
I
Umbótasinninn Anatolíj Shabad lét
þá höggin dynja á harðlínumannin-
um ívan Shashvíashvílí og braust
um á hæl og hnakka þegar nokkrir
skoðanabræður hans reyndu að
halda aftur af honum.
„Þessi atburður sýnir vel hvað er
að gerast. Það er að ftiinnsta kosti
öldungis ljóst hvers konar þing þetta
er. Við höfum enga þörf fyrir þessa
æðstu löggjafarsamkundu landsins,"
sagði Andrej Netsjajev efnahags-
málaráðherra, sem vill að fulltrúa-
þingið verði lagt niður.
Jeltsín lagði í gær fram tillögu
um nýja stjórnskipan, þar sem gert
er ráð fyrir að fulltrúaþingið verði
svipt löggjafarvaldi sínu.
Jegor Gajdar hélt harðorða ræðu
þar sem hann hafnaði kröfum gam-
alla kommúnista og þjóðernissinna
um að hægt verði á efnahagsumbót-
unum og óskaði eftir stuðningi
miðjumanna til að hrinda árásum
afturhaldsaflanna á þinginu.
Haft var eftir Jeltsín í gær að
Þingmönnum hitnar í hamsi
Þingmenn á fulltrúaþingi Rússlands notuðu ævagamla aðferð við að gera
út um deilumálin í gær þegar til handalögmála kom milli umbótasinna og
afturhaldsmanna á þessari æðstu löggjafarsamkundu landsins. Á myndinni
takast nokkrir þeirra á.
hann myndi ekki verða við kröfum
afturhaldsaflanna um að Gajdar
verði vikið frá og talsmaður forset-
ans sagði að uppstokkun á stjórninni
kæmi alls ekki til greina.
Umbótasinninn Sergej Fílatov,
varaforseti þingsins, kvaðst telja að
Jeltsín væri að semja um málamiðlun
við Borgarasambandið, öflugustu
fylkingu afturhaldsaflanna í landinu.
Hún gæti falist í því að Gajdar yrði
forsætisráðherra áfram en einhver
af leiðtogum Borgarasambandsins,
svo sem Arkadíj Volskíj, málsvari
iðnrekenda, yrði varaforsætisráð-
herra.
Sjá „Einkavæðing á sigur-
braut“ á bls. 28
Bretar
biðla til
Dana
Kaupmannahöfn. Frá Sigrúnu Davíðsdótt-
ur, fréttaritara Morgunblaðsins.
BRESK stjórnvöld kynntu I gær
tillögur sem miða að því að fá
Dani til að gerast aðilar að
Maastricht-samningnum um nán-
ara samstarf ríkja Evrópubanda-
lagsins, EB. Fyrstu viðbrögð
danskra stjórnmálaleiðtoga
benda ekki til að þeir geti gengið
að tillögunum óbreyttum.
í tillögunum er lagt til að Danir
verði undanþegnir ákvæðunum um
sameiginlegan ríkisborgararétt EB-
ríkja, þá gætu ríkisborgarar hinna
ríkjanna ekki sjálfkrafa heimtað
sömu félagslegu réttindi í landinu
og innfæddir. I öðru lagi verði Dan-
ir undanþegnir ákvæðunum um sam-
eiginlegar varnir en víki jafnframt
úr sæti forystuþjóðar ef varnarmálin
beri á góma í forsætistíð þeirra.
Einnig er Iagt til að Danir taki þátt
í gengissamstarfinu en ekki í þeim
ráðstöfunum er fylgja munu síðari
stigum samstarfsins og loks að Dan-
ir þurfi ekki að taka þátt í auknu
samstarfi í löggæslumálum.
Noregur
Saka Holst
um hroka
Ósló. Frá Jan Gunnar Furuly, frétta-
ritara Morgunblaðsins.
JOHAN Jorgen Holst, varn-
armálaráðherra Noregs, var
fyrir skömmu í heimsókn á
Kólaskaga og sagði þá að það
væri góð hugmynd að flotar
Rússa og Norðmanna auk
skipa frá fleiri ríkjum i Atl-
antshafsbandalaginu, NATO,
efndu til sameiginlegra æf-
inga á norðurslóðum.
Ráðherrann hafði ekki kynnt
hugmyndina áður meðal þing-
manna og þeir eru æfareiðir.
„Vai-narmálaráðherrann er
mesti hrokagikkur sem ég man
eftir í ráðherraembætti þau 15
ár sem ég hef tekið þátt í lands-
málapólitík,“ sagði Kaci Kull-
mann Five, leiðtogi Hægri-
flokksins.
Holst sagði að ekki hefði
verið um formlegt tilboð af hálfu
NATO að ræða en hann hefði
verið búinn að ræða málið áður
við fulltrúa Breta og Banda-
ríkjamanna.
Sómalía
SÞ leyfa hern-
aðaríhlutun
Sameinuðu þjóðunum. Reuter.
ÖRYGGISRAÐ Sameinuðu þjóðanna
(SÞ) samþykkti í gærkvöldi sam-
hljóða að heimila hernaðaríhlutun í
Sómalíu til að tryggja að matvæli
berist til sveltandi íbúa lands-
ins. Gert er ráð fyrir að alls verði
rúmlega 20.000 hermenn sendir til
landsins til að halda stríðandi fylk-
ingum Sómala í skefjum.