Morgunblaðið - 06.05.1993, Page 33

MORGUNBLAÐIÐ FIMMTUDAGUR 6. MAÍ 1993
33
Atvinnuhorfur
unglinga verri en
síðustu þrjú ár
RUMLEGA helmingur framlialdsskólanema sem busettir eru a Akur-
eyri og nema í 10. bekk í grunnskólum á Akureyri hafa vísa sumarvinnu
í sumar, en það er mun lakara hiutfall en verið hefur síðustu þrjú ár
og er á svipuðum nótum og var árið 1989.
Þetta kemur fram í könnun á at-
vinnuhorfum framhaldsskólanema
og nemenda tíundabekkjar á Akur-
eyri sumarið 1991, sem Hermann
Oskarsson félagsfræðingur gerði að
tilhlutan Atvinnumálanefndar Akur-
eyrarbæjar.
Slæmar horfur
í könnuninni sem gerð var vikuna
16.-28. apríl síðastliðinn kom fram
að 55,8% framhaldsskólanema og
nemenda tíunda bekkjar sem búsetu
hafa á Akureyri hafa vísa sumar-
vinnu í sumar. Þá höfðu 6,2% nem-
anna vinnu hluta úr sumri, en 26,8%
nemanna sögðu að óvíst væri með
sumarvinnu og 11,1% nemanna hafa
enga vinnu vísa.
Atvinnuhorfur unglinga hafa ekki
verið eins slæmar síðan árið 1989,
en þá hafði um helmingur nemanna
vísa sumarvinnu. Arið 1990 höfðu
um 70% þeirra vísa sumarvinnu, 72%
ári síðar og í fyrra voru 73,2% nem-
enda vísa sumarvinnu þegar sam-
bærileg könnum var gerð.
62% hafa vinnu
Atvinnuhorfur eru heldur betri
þegar allur hópurinn er skoðaður,
en hluti framhaldsskólanema hefur
búsetu utan Akureyri, en þá sögðust
62% nemanna hafa vísa súmarvinnu,
5,3% hafa vinnu hluta úr sumri, en
32,7% sögðu óvíst með sumarvinnu
eða að þeir hefðu enga vinnu í sum-
ar. Á síðustu þremur árum hafa á
bilinu 73-76% allra framhaldsskóla-
nema haft vísa sumarvinnu, en árið
1989 vour tæplega 60% þeirra búnir
að fá sumarvinnu í lok apríl.
Fyrsti landsfundur
jafnréttisnefnda
LANDSFUNDUR jafnréttisnefnda sveitarfélaga hefst á Hótel KEA á
Akureyri í dag, fimmtudaginn 6. maí, og stendur hann yfir þar til síð-
degis á föstudag. Þetta er fyrsti eiginlegi landsfundur jafnréttis-
nefnda. Markmiðið er að efla innbyrðis tengsl nefndanna og gefa þeim
möguleika á að bera saman bækur sínar og móta stefnuna í jafnréttis-
starfinu á komandi ári.
Morgunblaðið/Rúnar Þór
Fyrri degi fundarins verður eink-
um varið til að fræðast og að nefnd-
irnar fái að kynnast starfi hver ann-
arrar, en seinni dagurinn er starfs-
dagur þar sem unnið verður í hópum
að sameiginlegum starfsáætlunum
nefndanna og skilgreind markmið og
leiðir í jafnréttisstarfi.
Á meðal erinda sem flutt verða á
landsfundinum má nefna að Unnur
Dís Skaftadóttir mannfræðingur
flytur erindi um konur í sjávárbyggð-
um, Elín Antonsdóttir ræðir um
sjálfsbjörg kvenna á krepputímum,
Nordisk Forum í Finnlandi verður
kynnt og einnig handbók jafnréttis-
nefnda og starfsemi skrifstofu jafn-
réttismála.
Friðþjófur Nansen á Akureyri
SKÓLASKÚTAN Friðþjófur Nansen lagðist að Torfunefsbryggju í fyrrakvöld. Þar er nú einnig þýska
skútan Dagmar Aaen og hafa skipverjar á skútunum tveimur sett svip sinn á bæjarlífið. _
Tilkynnt um komur 28 skemmtiferðaskipa til Akureyrar í sumar
Áhöfn og farþegar skipanna
eru mun fleiri en bæjarbúar
Kirkjulistavika
FASTUR liður í safnaðarstarfí í
Akureyrarkirkju eru mánaðarlegir
fundir eldri borgara. Á kirkjulista-
viku mun séra Hannes Öm Blandon
halda fyrirlestur um séra Hallgrím
Pétursson. Jón Þorsteinsson tenór-
söngvari syngur. Þessi dagskrá fyrir
eldri borgara hefst kl. 15 í dag.
Kl. 17.15 er fyrirbænaguðsþjón-
usta í kirkjunni. Þá stendur yfir í
safnaðarheimili sýning á kirkjugrip-
um eftir feðgana Hallgrím Jónsson
og Jón Hallgrímsson frá Naustum.
Á morgun verður aftansöngur í
Akureyrarkirkju og hefst hann kl.
18. Kammerkór Akureyrarkirkju
syngur undir stjórn Bjöms Steinars
Sólbergssonar.
ALLS hefur verið tilkynnt um komur 28 skemmtiferða-
skipa til Akureyrar í sumar, en það er fjölgun frá fyrra
ári þegar komu 19 skemmtiferðaskip. Gera má ráð fyrir
að um 20 þúsund manns verði um borð í skipunum, farþeg-
ar og áhöfn og að Akureyrarhöfn hafi á milli 5 og 6 millj-
ónir króna í tekjur vegna þessara skipa.
Guðmundur Sigurbjörnsson
hafnarstjóri á Akureyri sagði að
fyrsta skipið, Daphne, kæmi 7.
júní og síðan væru bókaðar stöð-
ugar skipakomur fram í júlílok,
en einungis þrjú skipanna koma í
ágúst. í tvö skipti verða tvö skip
á ferðinni sama daginn.
20 þúsund manns um borð í
28 skipum
Á síðasta ári komu nítján
skemmtiferðaskip til hafnar á
Akureyri og voru farþegar þeirra
samtals 8.857 talsins og tæplega
fimm þúsund manns voru í áhöfn-
um skipanna, þannig að tæplega
14 þúsunds manns voru um borð
í þessum skipum samtals. Gerði
Guðmundur ráð fyrir að um borð
í þeim 28 skemmtiferðaskipum
sem áætlað er að komi í sumar
til Akureyrar verði um 20 þúsund
manns eða mun' fleiri en íbúar
bæjarins er.
Guðmundur sagði að auknar
skipakomur í sumar gætu verið til
komnar af því starfi sem innt hef-
ur verið að hendi í því skyni að
fá þessi skip til að sigla um norð-
lægar slóðir, en fram til þessa
hefðu langflest skipanna siglt á
suðlægari slóðum. Akureyrarhöfn
og Reykjavíkurhöfn taka þátt í
samstarfi hafna í norður Evrópu,
Cruise Europe, sem meðal anhars
hefur það að markmiði að benda
útgerðaraðilum skemmtiferða-
skipanna á kosti þess að sigla um
þetta svæði og hafa viðkomu í
norðurevrópskum höfnum.
„Þetta starf hefur staðið yfir
síðustu tvö ár, en ég held að það
sé ekki farið að skila sér að neinu
ráði ennþá,“ sagði Guðmundur
Sigurbjörnsson.
Tekjur Akureyrarhafnar 6
milljónir
Að meðaltali hefur Akureyrar-
höfn haft um 200 þúsund krónur
í tekjur af hveiju skemmtiferða-
skipi og hafði þannig í kringum 4
milljónir króna í tekjur af þeim á
síðasta ári, en nú í sumar má gera
ráð fyrir að tekjurnar verði tæpar
6 milljónir króna.
Morgunblaðið/Rúnar Þór
Að störfum í sunnanrokinu
VINDBLÁSNIR smiðir brugðu á leik þegar ljósmyndari átti leið um
Giljahverfið í sunnanrokinu í gær, en þetta eru þeir Úlfar og Þórhall-
ur sem þarna munda hamra sína.