Morgunblaðið - 11.06.1993, Blaðsíða 7

MORGUNBLAÐIÐ FÖSTUDAGUR 11. JÚNÍ 1993
7
Veiði hófst í Laxánum í Kjós og Aðaldal í gærmorgun og
miðað við aðstæður má segja að veiðin hafi farið vel af stað.
Sjö laxar veiddust í Laxá í Aðaldal á morgunvaktinni, en í
Kjósinni voru fimm laxar dregnir á þurrt.
Sá fyrsti í Kjósinni
Morgunblaðið/hb
ÁRNI Baldursson og tíkin Skotta eftir að fyrsta laxinum á vertíð-
inni úr Laxá í Kjós hefur verið landað, 5 punda hrygnu sem tók
svarta Frances á Fossbreiðu laust upp úr klukkan sjö að morgnin-
um.
Aðaldalurinn
Sex af sjö löxum úr Laxá í
Aðaldal veiddust fyrir neðan
Æðarfossa. Jón Vigfússon á
Laxamýri sagði i samtali við
Morgunblaðið að veiðimenn sem
byijuðu hefðu ekki þorað að gera
sér vonir, því margar ferðir til að
kíkja eftir laxinum síðustu daga
hefðu ekki orðið til að auka á
bjartsýni manna, því menn sáu
lítið eða ekkert. „En það var fisk-
ur þegar veiðin byijaði og mikil
ferð á honum. Við fengum alla
laxana í Kistukvísl og í Kistuhyl.
Það var mikið vatn í Kvíslinni, en
hann kaus hana samt fram yfir
austurbakkann. Þar urðum við
ekki varir,“ sagði Jón. Laxarnir
voru allir vænir, 10 til 13 pund
og nýgengnir. Fimm tóku maðk,
tveir spón og tveir til viðbótar
tóku spón en hristu sig af krókun-
um.
Kjósin
„Við vissum þetta. Þetta er í
samræmi við það sem búast mátti
við. Það er lítið af laxi komið í
ána, það er allt á eftir áætlun í
náttúrunni að þessu sinni,“ sagði
Árni Baldursson leigutaki Laxár
í Kjós í gærdag, en á fýrstu vakt-
ina veiddust fimm laxar í Laxá.
Sjálfur veiddi Árni tvo þeirra,
báða á Fossbreiðu, 5 og 11 punda.
Einn til viðbótar var tekinn á
Fossbreiðu og svo tveir í Kvísla-
fossi. 8 til 10 punda laxar. Mikið
vatn var í ánni, en ekki til vand-
ræða og gruggug var áin ekki.
Aðrar verstöðvar
Guðjón kokkur á Rjúpnahæð
við Norðurá sagði 33 laxa komna
á land af aðalsvæði árinnar og
væri áin óðum að nálgast kjör-
vatn. „Sumir laxanna hafa verið
svo lúsugir að það hefur varla séð
í þá,“ sagði Guðjón. Hátt í tíu
laxar eru taldir hafa veiðst á
Munaðarnessvæðinu, þannig að
laxar á land úr Norðurá eru komn-
ir á fimmta tuginn.
í Þverá er aftur á móti lítið um
að vera. Andrés Eyjólfsson leið-
sögumaður við ána sagði í gærdag
að 12 laxar væru komnir úr neðri
ánni og sex til viðbótar úr Kjarrá.
Hollið sem er nú að veiðum var
á núlli eftir fýrsta heila veiðidag-
inn, en á móti kom að mikið hvas-
sviðri að undanförnu hafði litað
ána. Vötn á Arnarvatnsheiði
gruggast í slíku veðri, en áin á
upptök sín á þeim slóðum. „Við
verðum að vona það besta, áin
er að sjatna og menn sáu og
veiddu laxa á Brennunni í morg-
un. Sáu fleiri fara í gegn. Það er
gott að vita af laxi á leiðinni,"
sagði Andrés.
Það hefur helst frést norðan
úr Ásum, að menn séu enn að
reyta upp einn og einn fisk þar
um slóðir og bókaðir laxar séu
komnir á þriðja tug. Eitthvað af
því skinhoraður og iítt nýtilegur
niðurgöngufiskur.
Lyf og læknishjálp
Heimilt er
að endur-
greiða
kostnað
HEILBRIGÐIS- og trygginga-
málaráðherra heimilar Trygg-
ingastofnun ríkisins að endur-
greiða kostnað við lyf og læknis-
hjálp hjá fólki sem hefur haft
mikinn kostnað af þeim sökum í
nýrri reglugerð. Sérstakur starfs-
maður verður ráðinn til Trygg-
ingastofnunar til að sinna um-
sóknunum og svara fyrrispurnum.
Endurgreiðslur samkvæmt regl-
unum taka til heimsókna á heilsu-
gæslustöðva eða til heimilislæknis,
vitjana lækna og sérfræðilæknis-
hjálpar. Eru þar með taldar heim-
sóknir á göngudeild, slysadeild og
bráðamóttöku, rannsóknir og rönt-
gengreining. Ná reglurnar ennfrem-
ur til endurgreiðslu lyfjakostnaðar.
Mið af tekjum og greiðslugetu
Eftir því sem segir í reglunum
skal sá sjúkratryggði sanna útgjöld
sín vegna læknis- og lyíjakostnaðar
með framlögðum kvittunum sem
bera með sér nafn útgefanda, tegund
þjónustu, fjárhæð og greiðsludag
ásamt nafni og kennitölu hins sjúkra-
tryggða. Við mat á endurgreiðslu til
hans skal leggja til grundvallar út-
gjöld sjúkratryggðs eða fjölskyldu
hans að teknu tilliti til vergra heimil-
istekna.
Umsóknum vegna endurgreiðslu
samkvæmt reglunum skal skilað til
Tryggingastofnunar ríkisins eða
umboða hennar eigi síðar en 1. sept-
ember fyrir tímabilið 1. janúar - 30.
júní og 1. mars fyrir tímabilið 1. júlí
- 31. desember.
Fjölskyldudagar í Fálkanum
helgina 12.-13. júní. Opið laugardaginn 12. júní 10-16 - sunnudag 13. júni í 12-16
Gönguskór
Verð frá
kr. 6.690
Þekking - reynsla - þjónusta
FÁLKIN N
Suðurlandsbraut 8 - sími 814670
iviiicnell veiðivörur
Tjöld - Ajungilak
svefnpokar
Nike og Puma skór
Körfuboltar - fótboltar
Körfuboltabolir -
körfuboltahúfur
Reiðhjólahjálmar -
reiðhjólaflögg
Veitingar
B]
|B)
ryksugur á
fjölskyldutilboði.
Verð frá
kr. 9.990 stgr.
FRYSTIKISTUR
152 lítra kr. 32.760,- stgr.
191 lítra kr. 34.560,- stgr.
230 lítra kr. 35.910,- stgr.
295 lítra kr. 38.160,- stgr.
342 lítra kr. 39.510,- stgr.
399 lítra kr. 43.560,- stgr.
489 lítra kr. 48.510,- stgr.
540 lítra kr. 55.260,- stgr.
Ýmis heimilistæki með góðum afslætti
sængur og koddar fyrir alla
fjölskylduna.
15-50% afsláttur