Morgunblaðið - 11.06.1993, Blaðsíða 32

Forarsvað á veginum
yfir Námaskarð
11 kíló af
auri undir
einum bíl
"WEGURINN yfir Námaskarð og
á Mývatnsheiði var nánast eitt
forarsvað eftir miklar rigningar
að undanförnu. Tæp 3 kíló af aur
úr veginum féllu af einum drullu-
sokki á bifreið Birkis Fanndals
yfirvélstjóra í Kröfluvirkjun eftir
að hann ók yfir Námaskarð um
hádegi í fyrradag.
„Vegurinn er alveg hræðilegur,"
sagði Birkir eftir ökuferðina frá
Kröflu yfir í Reykjahlíð. Ofaníburð-
urinn er svokallaður Námaskarðs-
leir og þykir henta nokkuð vel þeg-
ar þurrt er, en í rigningartíð svo
sem verið hefur undanfarið breytist
vegurinn í drullusvað.
11 kgaf auri
„Þegar ég stoppaði á malbikinu
niður í þorpi datt svo snyrtilega ein
drulluklessa niður á götuna. Ég
snaraði henni í plastpoka og fór
með á opinbera vigt hjá póststjóm-
inni og það kom í ljós að hún var
2,8 kíló að.þyngd. Það gerir því
nærri 11 kíló af drullu undan hjólum
eins bíls eftir eina ferð yfir skarð-
ið,“ sagði Birkir.
Hann sagði veginn hættulegan
—pur sem hann væri glerháll og þá
jaðraði við að hann væri ófær fyrir
stórar þungar rútur þegar ástandið
væri með þessum hætti. Ferðalang-
ar sem drógu hjól sín yfir Náma-
skarðið í fyrradag voru hálf kindar-
legir yfir ástandinu, að sögn Birkis.
Vegirnir vom skafnir í gær og
komnir í þokkalegt horf, enda hafði
stytt upp.
Fyrsti lax-
inn úr Laxá
í Aðaldal
HALLDÓR Blöndal landbún-
aðar- og samgönguráðherra
landaði fyrsta laxinum úr
Laxá í Aðaldal, 12 punda
hrygnu sem fékkst í Sjávar-
holu í Kistukvísl að vestan.
Áin var opnuð í bítið í gær-
morgun.
Veðrið lék ekki við Laxamýr-
arbændur og gesti þeirra á
bökkum árinnar í gærmorgun,
svöl norðanátt og rigning-
arsuddi.
Um kl. 7.30 landaði ráðherra
fyrsta laxinum, 12 punda
hrygnu, með dyggri aðstoð
Jóns Helga Vigfússonar frá
Laxamýri. Nokkmm mínútum
síðar setti Halldór í annan lax
á sama stað og var honum
landað eftir snarpa viðureign.
Þennan fyrsta morgun fengust
6 laxar úr ánni.
Kal í túnum
Morgunblaðið/Runar Þór
SÉÐ heim að Víðivöllum í Fnjóskárdal. Eins og sjá má er túnið illa kalið, en tún í Suður-Þingeyjarsýslu
eru verst farin í suðurhluta Ljósavatnshrepps og Fnjóskárdal.
Víða miklar kalskemmdir frá Eyjafirði til Þistilfjarðar
Kalskemmdir túna á ein-
staka bæjum 75 -
Á EINSTAKA bæjum í Suður-
Þingeyjarsýslu eru á bilinu frá
75% til 85% túna skemmd vegna
kals, en þar er ástandið einna
verst. Víða eru kalblettir á túnum
á svæðinu frá Eyjafirði austur um
allt til Þistilfjarðar.
Ólafur G. Vagnsson ráðunautur
hjá Búnaðarsambandi Eyjafjarðar
sagði að verst væm leikin tún í suð-
urhluta Ljósavatnshrepps og í
Fnjóskadal, en slæmar skemmdir
væru einnig vitt og breitt í Eyja-
firði. Hvergi væru stór samfelld
svæði kalin framan Akureyrar.
Minnir á kalárin
„Þetta ástand núna minnir um
margt á kalárin um og eftir 1970,“
sagði Ólafur. „Það má hins vegar
segja að mikill munur sé á að fá
uppákomu sem þessa núna en fyrir
tveimur áratugum."
Nú geta bændur sáð grænfóðri
og pakkað í rúllur, það hefði að vísu
85%
í för með sér aukakostnað en um
úrvalsfóður væri að ræða, að sögn
Ólafs. Þá sagði hann að bændur
væru að jafnaði með stærri tún nú
miðað við búfjárfjölda en fyrir um
20 ámm og þá hefðu þeir einnig
möguleika á að fá slægjur á öðrum
bæjum. Loks nefndi hann að fyrn-
ingar væru víðast hvar miklar.
„Þannig að ég tel ástandið ekki al-
varlegt varðandi fóðuröflun, en
vissulega fylgir henni_ vemlegur
aukakostnaður," sagði Ólafur.
Hjúkrunar-
rannsóknir
kynntar
RÁÐSTEFNAN „Hjúkrun:
Áfram veginn“, sem haldin er
á vegpim heObrigðisdeildar Há-
skólans á Akureyri, verður í
safnaðarheimili Akureyrar-
kirkju dagana 14. og 15. júní.
Tveir aðalfyrirlesarar ráðstefn-
unnar koma frá Noregi og
Kanada, dr. Ulla Quamström pró-
fessor í hjúkmnarfræði við Há-
skólann í Bergen og dr. Hanneki
M.Th. van Maanen frá Toronto-
háskóla, sem verið hefur gistipró-
fessor í öldrunarhjúkrun við
Gautaborgarháskóla í vetur.
Brautry ðj endar annsóknir
Fjöldi annarra fyrirlesara tekur
þátt í ráðstefnunni og verða þar
kynntar margar nýjar rannsóknir,
sem gerðar hafa verið utan og
innan Háskólans á Akureyri.
Nefna má þijár rannsóknir sem
nýútskrifaðir hjúkmnarfræðingar
við skólann hafa gert, en þær fjalla
um upplifun ungra kvenna á því
að verða mæður á unglingaldri,
upplifun aðstandenda alnæmis-
sjúklinga á alnæmi og um það að
vera HlV-jákvæður á íslandi, en
þama er um brautryðjendarann-
sóknir á þessu sviði að ræða.
Þá verða fluttir fyrirlestrar um
forræðishyggju í ummönnun og
lækningu, um fjölskyldulíf og fé-
lagstengsl í breyttu samfélagi og
um alnæmi og líknarmeðferð svo
fátt eitt sé nefnt.
Þátttöku ber að tilkynna til
skrifstofu heilbrigðisdeildar Há-
skólans á Akureyri.
Deilur um nýja Náttúru-
giipasafnið á Ólafsfírði
Ólafsfírði.
FULLTRÚAR vinstrimanna í bygginganefnd Ólafsfjarðar gerðu
síðastliðinn miðvikudag harða bókun á fundi nefndarinnar og
vilja láta loka nýju náttúrugripasafni, sem opnað var síðastliðinn
sunnudag á efstu hæð Sparisjóðs Ólafsfjarðar. Ástæðan er sú að
samkvæmt byggingareglugerð þarf að vera lyfta í húsinu en hún
verður ekki komin á sinn stað fyrr en að ári.
Náttúragripasafn Ólafsfjarðar
var formlega opnað síðastliðinn
sunnudag á þriðju hæð sparisjóðs-
ins en í því er m.a. eitt stærsta
fuglasafn landsins. Safnið verður
opnað almenningi síðar í þessum
mánuði.
Sjö Gilfélag-
ar sýna í
Grófargiii
SJÖ Gilfélagar opna myndlistar-
sýningu laugardaginn, 12. júní
kl. 14 í Tilraunasalnum í Gróf-
argili.
Gilfélagið bauð listamönnunum
að sýna í tilefni þess að Tilraunasal-
urinn er nú tilbúinn til notkunar
og skrifstofa félagsins er að opna.
Þau sem sýna em Dröfn Frið-
finnsdóttir, Erlingur Valgarðsson,
Freyja Önundardóttir, Guðrún Pál-
ína Guðmundsdóttir, Jóris Radem-
aker, Jón Laxdal og Ólöf Sigurðar-
dóttir.
Sýningin verður opin daglega frá
kl. 14. til kl. 19 og lýkur henni 20.
júní.
(Fréttatilkynning.)
Fyrir fundi bygginganefndar
síðastliðinn miðvikudag lá umsókn
um breytt afnot af húsnæði því sem
safnið er í og auk þess tillaga um
að veita Sparisjóði Ólafsfjarðar
eins árs frest til að koma fyrir lyftu
í húsinu, en afgreiðslufrestur frá
framleiðenda lyftubúnaðar er 6-9
mánuðir.
Hörð bókun
Fulltrúar minnihlutans í nefnd-
inni, Björn Valur Gíslason og Jó-
hann Helgason, gerðu þá harða
bókún þar sem fram kemur að
undirbúningur að þessu safni hefur
staðið í þijú ár og samt hafi safn-
ið formlega verið opnað án þess
að sækja um breytt afnot af hús-
næðinu auk þess að nægur tími
hafi verið til að setja lyftu í húsið.
Því vildu þeir ekki veita frest
vegna lyftunnar og töldu að safn-
inu ætti að loka þar til lyftan væri
komin. Meirihluti nefndarinnar
samþykkti breytt afnot af húsinu
og veittiumbeðinn frest vegna lyft-
unnar. í bókun benti bæjarstjóri,
Hálfdán Kristjánsson, á að minni-
hlutinn í bæjarstjórn hefði verið
með í ráðum um allan undirbúning
að safninu og lyftumálið væri ein-
ungis sett fram til að valda ágrein-
ingi.
Morgunblaðið/Rúnar Þór
Mikil eftirsjá
ÞRÖSTUR Sigurðsson ásamt Amgrími Konráðssyni, ungum knatt-
spyrnuáhugamanni, við nýja knattspyrnuvöllinn á Laugum, sem er
mjög kalinn og verður ekki notaður í bráð. Allir fótboltavellir í
S-Þingeyjarsýslu em ónýtir vegna kalskemmda.
Knattspymuvellir
ónýtir vegna kals
ALLIR þrír grasvellir Suður-Þingeyjarsýslu era ónýtir vegna kals
og hafa fótboltamenn sýslunnar orðið að stelast á tún til æfinga og
leika á malarvöllum.
„Þetta er alveg hroðalegt ástand,"
sagði Þröstur Sigurðsson umsjónar-
maður á Laugum í Reykjadal, en
þar er glænýr fótboltavöllur ónýtur.
Snemma síðasta haust lagðist klaki
yfír völlinn og lá yfír til vors með
þeim afleiðingum að völlurinn er
gjörónýtur vegna kals. Fyrst var
spilað á þessum velli sumarið 1991
en hann ekki tekin í fulla notkun
fyrr en síðasta sumar. „Það er mik-
il eftirsjá í þessum velli, þetta var
toppvöllur. Við höfum sáð í hann
að nýju og valtað og vonum að hann
komi upp síðar,“ sagði Þröstur.
Keyra 80 kílómetra
Knattspymuvellir á Húsavík og
við Ýdali í Aðaldal komu einnig ónýt-
ir undan vetri, að sögn Þrastar.
Völsungar frá Húsavík, sem leika í
þriðju deild, spila enn á malarvelli.
Verst er ástandið hjá HSÞ-b, sem í
em strákar úr Mývatnssveit og
Reykjadal. Þeir hafa nú engan völl
og þurfa að aka 60 til 80 kílómetra
ieið niður á Húsavík til að leika á
malarvelli.