Morgunblaðið - 25.06.1994, Blaðsíða 33

MORGUNBLAÐIÐ
LAUGARDAGUR 25. JÚNÍ 1994 33
Kringlukasti
lýkurídag
Á MIÐVIKUDAGINN hófst
Kringlukast í Kringlunni, en
þetta er í sjöunda sinn sem fyri-
tækin í Kringlunni haida það.
Mikil aðsókn er á Kringlukast
og komu yfir 30 þúsund manns
fyrstu tvo daga þess. Sumt á
tilboði fyrirtækja er langt komið
með að seljast upp.
Verslanir Kringlunnar eru
opnar til kl. 18.30 virka daga
en föstudaga til kl. 19 og til ki.
16 laugardaga.
■ HJÓLADA GAR Bifhjóla-
samtaka. lýðveldisins verða
haldnir í dag, laugardag. Bif-
hjólin safnast kl. 14 við Kaffi-
vagninn út á Granda. Ekið
verður í hópkeyrslu með lög-
reglufylgd um Stór-Reykavíkur-
svæðið. Hópaksturinn kemur kl.
16 niður á Ingólfstorg, en dag-
skráin þar verður til kl. 18.
■ HEIMS VALDASINNAR á
leið til hægri mæta mót-
spyrnu. Málfundafélag alþjóða-
sinna stendur að umræðufundi
í dag, laugardaginn 25. júní,
kl. 13.15 á Klapparstíg 26, 2.
hæð. Fjallað verður um opnara
stjórnmálaástand og verkefni í
heiminum í dag: Verkfallsöldu
alþjóðlega, efnahagsuppsveiflu
í kreppunni, óstöðugleika,
hægriþróun og æskulýðsrót-
tækni. Frummælendur tóku ný-
verið þátt í alþjóðiegum fundi
verkafólks í ýmsum iðngreinum.
STÖKK á mótorhjóli.
■ FYRSTA motorkross-
keppni sumarsins verður haldin
á vegum Vélhjólaíþrótta-
klúbbsins VIK, sunnudaginn
26. júní kl. 14. Keppnin mun
fara fram á svæði VIK við
Sandskeið, ekið af Bláfjallaaf-
leggjara, um 1 km frá Suður-
landsvegi. Keppt verður í opnum
flokki motorkrosshjóla og í
flokki léttra bifhjóla og eru allir
velkomnir. Margir nýir kepp-
endur verða. Keppt verður í
flokki A- og B-ökumanna.
■ SAMTÖKIN 78, félag lesb-
ía og homma á íslandi, standa
ásamt félaginu Réttindafélag
samkynhneigðra og tvíkyn-
hneigðra að dagskrá til að
minnast tuttugu og fímm ára
afmælis réttindabaráttu homma
og lesbía laugardaginn 25.
júní. Fjöibreytt dagskrá verður
allan þann dag. Helgistund á
vegum Áhugahóps homa og
lesbía um trúarlíf verður í Há-
skólakapellu kl. 11. Farið verð-
ur í göngu um miðbæ Reykja-
víkur kl. 14, til að vekja at-
hygli á tilveru og réttindabar-
áttu samkynhneigðra. Að göngu
lokinni verður dagskrá á vegum
Samtakanna 78 og Félagsins,
og hátíðinni lýkur með dansleik
á vegum Samtakanna 78 í Ris-
inu, Hverfisgötu.
FRÉTTIR
Yfirlits-
sýning
á Islands-
kortum
í TILEFNI 50 ára afmælis ís-
lenska lýðveldisins og 150 ára út-
gáfuafmælis íslandskorts Björns
Gunnlaugssonar stendur nú yfir
sýning á gömlum kortum í eigu
Landmælinga íslands til 26. júní
í Listhúsinu í Laugardal.
Flest kortanna á sýningunni eru
upprunnin úr safni Mark Cohagen,
sem Landmælingar íslands keyptu
á síðasta ári. Elsta kortið í því
safni er frá árinu 1574, en það
kort ásamt fjölda annarra hafa
ekki verið sýnd opinberlega áður.
Meðal þeirra eru strandmælinga-
kort af landinu sem gerð voru í
upphafí síðustu aldar, en með til-
komu þeirra fékk landið í fyrsta
skipti rétt útlit á landakorti, segir
í fréttatilkynningu.
Þess er nú rninnst^ að 150 ár
eru liðin frá útgáfu íslandskorts
sem kennt hefur verið við Björn
Gunnlaugsson stærðfræðing. Kort
þetta er til sýnis ásamt mælitækj-
um og kortagögnum danska her-
foringjaráðsins, en nú eru liðin 50
ár síðan viðamikilli kortagerð
þeirra lauk á íslandi.
Sýningin er opin alla virka daga
og um helgar kl. 13-19. Aðgang-
ur er ókeypis.
*
Afengisvam-
arráð heim-
sótti 30 skóla
ÁRIÐ 1993 heimsóttu erindrekar
Áfengisvarnarráðs, þeir Hörður Zóp-
haníasson og Jón K. Guðbergsson,
alls 30 skóla. Þeir héldu fræðslufund
með nemendum og kennurum og
fluttu víða erindi á foreldrafundum.
Þá komu þeir einnig á fundi í ýmsum
félögum og samtökum og þinguðu
með forystumönnum í æskulýðs- og
félagsmálum, segir í frétt frá ráðinu.
Öll þjónusta
Áfengisvarnarráðs er ókeypis
Samstarf við Fræðsluleikhúsið um
sýningar á ieikritinu Gúmmíendur
synda ekki eftir Eddu Björgvinsdótt-
ur og Súsönnu Svavarsdóttur hófst
snemma á þessu ári. Leikritið hefur
þegar verið sýnt um það bil 50 sinn-
um í skólum og á vinnustöðum. Að
sýningum loknum fara fram umræð-
ur undir leiðsögn Jóns K. Guðbergs-
sonar. Hlutur Áfengisvarnarráðs er
ókeypis og auk þess greiðir það
ferðakostnað fyrir leikara - en
Fræðsluieikhúsið tekur 22.000 kr.
fyrir hveija sýningu.
Hefðardömur í Árbæjarsafni
ÞAÐ verður líf og fjör í Suður-
götu 7 á Árbæjarsafni sunnu-
daginn 26. júní. Þórunn Páls-
dóttir leikkona og nokkrir
áhugamenn um liðna tíð munu
setja á svið heimilislíf skömmu
fyrir aldamótin siðustu. Hesta-
kerra verður á staðnum fyrir
börn og í Dillonshúsi er ávallt
heitt á könnunni.
Lýðveldishátíðahöld í Ástralíu
Yíkingaráðstefna
við Melbourne-há-
skóla í október
FJÖRUTÍU manna hópur hélt hátíð-
legt fimmtíu ára lýðveidisafmæli ís-
lands í Melbourne i Ástralíu sautj-
ánda júní sl. Skipulögðu Áströlsk-
íslensku menningarsamtökin hátíð-
arkvöldverð í Melbourne-háskóla
sem íslenskir jafnt sem ástralskir
félagar og vinir sóttu. Þá voru Roy
Renshaw-Jones heiðursræðismaður
íslands í Melbourne og eiginkona
hans einnig meðal gesta.
Auk þess sem notið var veitinga
var skálað fyrir þjóðhöfðingjum Is-
lands og Ástralíu og Ingibjörg Árna-
dóttir flutti erindi, þar sem hún rakti
sögu íslands frá upphafi.
Árið 1994 er líka mikilvægt af
tveimur öðrum ástæðum í Melbo-
urne. Á þessu ári eru nefnilega liðin
fimmtíu ár frá því kennsla í forn-
íslensku hófst við skólann. Það var
Augustin Lodewyckx prófessor sem
hóf kennsluna 1944. Hann fór á
eftirlaun 1947 en hélt áfram kennslu
í forníslensku og íslenskum fornbók-
menntun allt til dauðadags árið
1964. Við af honum tók Ramsay
Maxwell prófessor, en frá árinu
1975 hefur John Stanley Martin
aðstoðarprófessor séð um kennsl-
una.
Þá eru á árinu 25 ár liðin frá því
að Áströlsk-íslensku menningarsam-
tökin voru stofnuð af þeim Sig-
mundi heitnum Finnssyni og John
Stanley Martin.
Þá má geta þess að 14. maí sl.
var haldin fomnorræn ráðstefna í
Melbourne-háskóla. Tólf erindi voru
flutt um íslenska tungu, bókmenntir
og menningu á miðöldum. Auk
fræðimanna frá Melbourne fluttu
fimm fræðimenn frá Sidney-háskóla
og einn frá Riverina-háskólanum í
Wagga Wagga erindi.
Hinn 8. október nk. verður svo
haldin víkingaráðstefna við Melbo-
urne-háskóla, sem á að höfða meira
til almennings. Sýndar verða myndir
og flutt erindi um víkingatímann,
sögu Islands og norræna goðafræði.
Heimsókn til
Evrópsk ráðstefna á Hótel íslandi
Fulltrúar 20 þjóða fjalla um
sjálfboðavinnu ungmenna
FULLTRUAR 20 Evrópuþjóða hitt-
ast á ráðstefnu á Hótel Islandi sem
hefst í dag og stendur fram á þriðju-
dag, en meginefni hennar er sjálf-
boðaliðavinna ungs fólks. Ráðstefn-
an er á vegum Ungs fólks í Evr-
ópu, verkefnis á vegum Evrópusam-
bandsins ESB/EFTA og Evrópska
efnahagssvæðisins og er ætlað að
styrkja ungmennaskipti á milli Evr-
ópulanda. Meginmarkmið verkefn-
isins er að auka tengsl miili Evrópu-
landa og auka með því þekkingu
og víðsýni ungmenna á evrópskri
menningu.
I frétt frá íslenskri stjórn verk-
efnisins segir, að verkefnið hafi
farið af stað í júní 1988 til þriggja
ára, en síðan verið framlengt um
önnur þijú ár, eða til ársloka 1994.
Nú sé unnið að umfangsmiklu fram-
haldsverkefni, Ungu fólki í Evrópu
III, sem áætlað sé að fari af stað
í ársbyijun 1995.
í fréttinni segir, að ætlunin sé
að gefa ungu fólki fleiri tækifæri
til að afla sér reynslu og þekkingar
og ekki síst að kynnast menningu
annarra þjóða. Gerðar séu ákveðnar
kröfur til þeirra sem taki þátt í
ungmennaskiptunum. Skiptin eigi
að hafa annan tilgang en eingöngu
ferðalög og þurfi dagskrá heim-
sóknanna að hafa fræðslu og kynn-
ingu að meginmarkmiði. Ætlast er
til að þátttakendur vinni með ákveð-
ið þema, sem getur t.d. varðað
umhverfismál, menningu, atvinnu,
málefni minnihlutahópa, áfengi,
fíkniefni, dans, leiklist, kvikmyndir,
myndlist, félagsleg vandamál,
skóla, stofnanir, fjölmiðlun o.fl.
Fjöldi fyrirlestra
Á ráðstefnunni á Hótel íslandi
verða haldnir ýmsir fyrirlestrar, en
meginefni hennar er sjálfboðavinna
ungs fólks. Þá verður einnig fjallað
um þá starfsemi sem snertir ung-
menni hér á landi og kynnt verkefn-
ið Ungt fólk í Evrópu III.
íslenska stjórn verkefnisins Ungs
fólks í Evrópu skipa Erlendur Ein-
arsson, deildarstjóri, formaður,
Ómar Einarsson, framkvæmdstjóri
ÍTR, og Inga Dóra Sigfúsdóttir,
stjórnmálafræðingur. Verkefnis-
stjóri er Margrét Sverrisdóttir.
Orðs lífsins
JENS GARN-
FELDT frá
Kaupmanna-
höfn mun
prédika og
biðja fyrir
fólki á sam-
komu hjá Orði
lífsins sunnu-
daginn 26.
júní kl. 11 og
20.30.
Jens
Garnfeldt
Jens er forstöðumaður safn-
aðarins Köbenhavns Bibeltræn-
ings Center í Kaupmannahöfn
og skólastjóri biblíuskóla þess
safnaðar. Hann ferðast mikið
um Norðurlöndin til að prédika
og kenna og hingað kemur
hann beint frá Færeyjum.
í fréttatilkynningu segir að
Jens Garnfeldt sé kröftugur
ræðumaður og biðji fyrir sjúk-
um. Allir eru hjartanlega vei-
komnir á þessar samkomur sem
haldnar verða hjá Orði lífsins á
Grensásvegi 8 í Reykjavík.