Morgunblaðið - 18.10.1994, Qupperneq 1

72 SÍÐUR /B/C
237. TBL. 82. ÁRG. ÞRIÐJUDAGUR18. OKTÓBER1994 PRENTSMIÐJA MORGUNBLAÐSINS
Bretland
Hriktir
í stoðum
konung-
dæmisins
Lundúnum. Reuter, The Daily Telegraph.
ÁSAKANIR Karls Bretaprins í
nýútkominni ævisögu um að ráðrík-
ur faðir hans hafi neytt hann í ást-
laust hjónaband hafa valdið erfið-
leikum hjá konungsfjölskyldunni og
talið er að nú hrikti meir í stoðum
hennar en nokkru sinni frá valda-
afsali Játvarðs áttunda árið 1936.
Filippus prins snupraði son sinn
í viðtali í gær með því að segja það
eitt um bókina að aliir aðrir í fjöl-
skyldunni væru þeirrar skoðunar
að menn ættu ekki að bera einka-
mál sín á torg. Elísabet drottning
reyndi að bera í bætifláka og vísa
fregnum um sundrungu í fjölskyid-
unni á bug með því að neita sögu-
sögnum um að hún væri syni sínum
bálreið.
Major til varnar
John Major forsætisráðherra
kom konungsfjölskyldunni til varn-
ar í gær. „Rætur konungdæmisins
rista það djúpt í kærleiksþeli þjóðar-
innar að framtíð þess er örugg og
traust,“ sagði hann.
Talsmenn Majors vísuðu á bug
fregnum um að forsætisráðherrann
hefði sagt við Karl prins að eina
leiðin til að bjarga konungdæminu
væri að hann og Díana fengju lög-
skilnað.
Ljóst er að þingmenn úr öllum
flokkum telja að kominn sé tími til
að Major skerist í leikinn. Þeir telja
óraunhæft af forsætisráðherranum
að halda því til streitu að prinsessan
geti orðið drottning. Þeir vilja að
þau fái lögskilnað eftir áramót,
þegar tvö ár verða liðin frá því þau
fengu skilnað að borði og sæng.
■ Elskaði aldrei Díönu/18
Samkomu-
lag næst
við Norð-
ur-Kóreu
Washington. Reuter.
BANDARÍSKIR og norður-kór-
eskir embættismenn hafa náð
samkomulagi í deilunni um
kjamavopnaáætlun Norður-
Kóreumanna í samningavið-
ræðum í Genf, að sögn CNN
sjónvarpsins bandaríska í gær-
kvöldi.
CNN sagði að í samkomulag-
inu fælist alþjóðlegt eftirlit með
kjarnorkustöðvum í Norður-
Kóreu. Samkomulagið yrði enn-
fremur til þess að viðræður
milli ráðamanna í kóresku ríkj-
unum hæfust að nýju.
Sjónvarpið sagði að leiðtogar
Bandaríkjanna og Norður-
Kóreu þyrftu að staðfesta sam-
komulagið.
Reuter
Kohl kveðst geta
myndað sterka
samsteypustj órn
Bonn. Reuter, The Daily Telegraph.
HELMIJT Kohl, kanslari Þýskalands, vísaði í gær á bug vangaveltum
um að ný stjórn hans gæti ekki starfað í heilt kjörtímabil og spáði því
að minni þingmeirihluti yrði aðeins til þess að skapa meiri aga meðal
stjórnarflokkanna. Þingmeirihluti samsteypustjórnar Kohls minnkaði
úr 134 þingsætum í tíu í kosningum til sambandsþingsins á sunnudag.
„Meirihluti er meirihluti," sagði
Kohl eftir fund með öðrum leiðtogum
Kristilegra demókrata (CDU). „Við
getum unnið vel eftir þessa niður-
stöðu.“ Hann benti á að Willy Brandt
og Helmut Schmidt, fyrrverandi
kanslarar, hefðu stjórnað með 10-12
sæta meirihluta á árunum 1969-
1976.
Scharping spáir veikri stjórn
Rudolf Scharping, leiðtogi Jafnað-
armannaflokksins, sagði að nýja
stjórnin myndi „komast í hann krapp-
an“ á kjörtímabilinu vegna hins litla
meirihluta en vildi þó ekki spá henni
falli. Gunther Verheugen, fram-
kvæmdastjóri flokksins, spáði því að
Fijálsir demókratar (FDP) gengju til
samstarfs við jafnaðarmenn á miðju
kjörtímabilinu vegna fylgistapsins í
síðustu kosningum. FDP gekk til liðs
við flokk Kohls árið 1982 eftir að
hafa- stutt jafnaðarmenn.
Kohl kvaðst ætla að hefja viðræð-
ur við leiðtoga Fijálsra demókrata
og mynda nýja stjórn sem fyrst.
Fijálsir demókratar fengu aðeins
6,9% atkvæða í kosningunum, en
voru með 11% árið 1990. Erwin
Huber, framkvæmdastjóri Kristilega
sósíalsambandsins (CSU), systur-
flokks Kristilegra demókrata í Bæj-
aralandi, sagði að CSU hefði tekið
við af FDP sem næststærsti flokkur-
inn í stjórninni og gagnrýndi nokkrar
af grundvallarhugmyndum Fijálsra
demókrata. FDP ákvað í gær að efna
til sérstaks flokksþings í desember
vegna fylgistapsins í kosningunum
til að ræða hvernig bregðast ætti við
því.
■ Meirihluti getur dugað/28
Breta-
drottning
í Moskvu
ELÍSABET Bretadrottning kom
í gær til Moskvu í sögulega heim-
sókn til Rússlands. Litið er á
ferðina sem tákn um að breska
konungsfjölskyldan telji að leið-
togar Rússlands hafi bætt fyrir
morð bolsévíka á Nikulási II
Rússlandskeisara, sem var skyld-
ur fjölskyldunni, fyrir 76 árum.
Borís Jeltsín Rússlandsforseti
tók á móti drottningunni í Kreml.
Finnar samþykkja aðild að ESB í þjóðaratkvæði
Norskir og sænsk-
ir ráðamenn fagna
Helsinki. Morgunblaðið.
57% KJÓSENDA greiddu atkvæði með aðild Finna að Evrópusambandinu
(ESB) í þjóðaratkvæðinu í Finnlandi á sunnudag og athyglin beinist nú
að Svíum og Norðmönnum, sem efna til þjóðaratkvæðis um inngöngu í
ESB innan sex vikna. Ráðamenn í Svíþjóð og Noregi fögnuðu úrslitunum,
enda er talið að þau geti haft áhrif á kjósendur í nágrannalöndunum.
ísraelar og Jórdanir semja
Reuter
YITZHAK Rabin, forsætisráðherra ísracls, og
starfsbróðir hans í Jórdaníu, Abdul-Salem al-Majali,
undirrita til bráðabirgða friðarsamning ríkjanna
eftir 46 ára formlegt stríðsástandi í gær. Að baki
eru f.v.: Hassan krónprins og Hussein konungur auk
Shimons Peres, utanríkisráðherra Israels. Endanleg
undirritun verður í næstu viku og er hugsanlegt
að Bill Clinton Bandaríkjaforseti verði viðstaddur.
„Það væri mjög einkennilegt ef
Svíþjóð stæði fyrir utan Evrópusam-
bandið nú þegar Finnar hafa sagt
svo skýrt já,“ sagði Ingvar Carlsson,
forsætisráðherra Svía.
Gro Harlem Brundtland, forsæt-
isráðherra Noregs, var einnig ánægð
með úrslitin í Finnlandi. Hún sagði
að ákvörðun Finna væri mjög mikil-
væg fyrir finnsk öryggismál og Finn-
land hefði nú tengst Vestur-Evrópu
sterkum böndum.
Nægur stuðningur á þingi
Finnska þingið verður nú að stað-
festa ákvörðunina. Samkvæmt
finnska dagblaðinu Ilta-Sanomat
ætla 150 þingmenn af 200 að virða
niðurstöðu þjóðaratkvæðisins og
samþykkja aðildina. Aðeins hörðustu
málsvarar bænda, lítill kristilegur
flokkur og fyrrverandi kommúnistar
segjast ætla að greiða atkvæði á
móti aðildinni á þingi.
Nokkrir finnskit' stjórnmálamenn
létu í Ijós áhyggjur af því að í þjóð-
aratkvæðinu kom fram skýr klofn-
ingur milli borgarbúa og lands-
byggðarfólks.
Aðildin að ESB naut langmests
stuðnings í borgunum á suður-
ströndinni, til að mynda voru 75%
Helsinki-búa hlynnt henni. Bændur
voru óánægðir með úrslitin, enda
hafa samtök þeirra sagt að finnskir
bændur missi um 10-45% af tekjum
sínum vegna inngöngunnar í ESB.
■ Öryggi Finnlands/29