Morgunblaðið - 23.03.1995, Blaðsíða 18

18 FIMMTUDAGUR 23. MARZ 1995
MORGUNBLAÐIÐ
ÚRVERINU
Morgunblaðið/Kristinn
Heinaste í Hafnarfirði
HEINASTE, fímm ára gamalt verk-
smiðjuskip sem Sjólaskip hf. keypti
nýverið frá Eistlandi, er komið til
landsins og liggur nú við bryggju
í Hafnarfirði. Skipið, sem er skráð
í Tallinn, verður sent á úthafskarfa-
veiðar með vorinu.
Skipið erengin smásmíði; 120
metra langt, lítið notað og í góðu
ástandi, að sögn Jóns Guðmunds-
sonar framkvæmdastjóra Sjóla-
skipa. Unnt er að frysta og bræða
fisk um borð. Nokkrar breytingar
verða gerðar á búnaði skipsins áður
en það heldur á miðin.
Jón gerir ráð fyrir að 85 manns
verði í áhöfn, að mestu Eistar.
Hann vill lítið tjá sig um kjörin en
segir að þau verði í samræmi við
það sem tíðkast á skipum sem þess-
um.
Arnar II fer inn í
landhelgina á ný
Skagaströnd
Akureyri
Gylfi Þór
stjórnar
útibói SH
GYLFI Þór Magnússon, einn
framkvæmdastjóra Sölumið-
stöðvar hraðfrystihúsanna,
mun veita starfsemi SH á Ak-
ureyri forstöðu og flyzt hann
þangað.
Stjómskipu-
lag fyrirtæk-
isins verður í
aðalatriðum
óbreytt frá
því, sem verið
hefur, en eins
og áður hefur
komið fram
mun SH flytja
þverskurð af
starfsemi sinni til Akureyrar
og verður aðalskrifstofa félags-
ins staðsett á báðum stöðum.
Þjónusta við framleiðendur mun
verða aukin með þeim hætti að
henni verður nú sinnt bæði frá
Akureyri og Reykjavík. Undir-
búningur af flutningi starfsem-
innar er í fullum gangi og stefnt
er að flutningi í sumar eins og
gert var ráð fyrir í upphafí.
Undirbúningur annarrar starf-
semi, sem SH gekkst fyrir að
komið yrði upp á Akureyri,
gengur jafnframt eftir Áætlun.
ARNAR II hefur legið bundinn síð-
an í desember er hann kom af salt-
fiski úr Smugunni. Nú em fyrirsjá-
anlegar breytingar þar á því unnið
er af krafti við að gera hann kláran
á veiðar og er stefnt að því að hann
fari í fyrsta túrinn fyrir næstu
mánaðamót.
Arnar II var úreltur á sínum tíma
upp í kaupin á nýja Arnari og varð
þá að skrá hann úr landi. Var stofn-
að fyrirtæki á Kýpur um skipið en
það fór aldrei úr höfninni á Skaga-
strönd. Á síðasta ári var hann síðan
skráður aftur á íslenska skipaskrá
án réttinda til að veiða innan land-
helginnar. Þessa dagana er verið
að skrá Arnar II aftur með full
réttindi til að veiða í landhelgmni
ef honum verður útvegaður kvóti.
Til þess að þetta væri mögulegt
þurfti útgerðin að kaupa úreldingu
á móti Arnari öðrum og var end-
umýjunarréttur Sindra frá Vest-
mannaeyjum keyptur í þessu skyni.
Ekki hefur enn verið ákveðið hjá
Skagstrendingi hf. sem gerir Arnar
II út hvort hann verður sendur á
ísfískveiðar eða rækju til að byrja
með. Mun hann verða notaður bæði
til veiða á ýsu, karfa, ufsa og fleiri
„skraptegundum" og á rækju.
Verður stærsta rækjan fryst um
borð fýrir Japansmarkað en smærri
rækjan verður ísuð til löndunar hjá
vinnslustöðvum í landi.
Hunangsreyktur lax á
markaðinn vestan hafs
Boston. Morgnnblaðið.
FYRIRTÆKIÐ Mermaid Seafoods
hefur ákveðið að hefja dreifíngu á
reyktum Iaxi frá Borgarlaxi á næst-
unni og var laxinn eina varan, sem
hægt var að smakka á bás fyrirtæk-
isins á sjávarafurðasýningunni í
Boston í þessari viku, þótt enn hafi
ekki einu sinni tekist samningar um
magn eða verð á vörunni.
„Vinur minn einn í tímaritaheim-
inum hafði samband við mig og
sagðist hafa fengið besta lax, sem
hann hefði á ævi sinni smakkað,“
sagði Reingold þegar Morgunblaðið
náði tali af henni við sölubás
Mermaid Seafoods, og þar með var
boltinn farinn að rúlla.
Mermaid Seafoods er með bæki-
stöðvar í Connecticut-ríki, en dreif-
ir sjávarafurðum um öll Bandaríkin,
bæði til verslana og veitingastaða.
„Þetta er á byrjunarstigi," sagði
Reingold. „Það á eftir að semja um
verð, umbúðir og merkingar og fara
yfir staðla matvælaeftirlitsins, en
ég er hrifín af vörunni og vildi geta
sýnt hana hér í Boston til að fá
viðbrögð þótt ekki væri lengra kom-
ið. Og ég er staðráðin í að ná glæsi-
legum árangri."
Elías Guðmundsson, sölu- og
markaðsstjóri Borgarlax, hélt því
fram að hann væri með besta lax-
inn á sýningunni. Hann sagði að
hunangsreykti laxinn virtist falla
best að braðiaukum Bandaríkja-
manna og kvaðst vongóður með
samstarfíð við Mermaid Seafoods.
„Við erum með gott hráefni frá
Silfurstjörnulaxi," sagði Elías. „Ef
þetta verður til þess að við stækkum
munu fleiri stækka. Það gæti haft
keðjuverkandi áhrif fyrir átta til tíu
aðilja."
FRÉTTIR: EVRÓPA
Þýski stjórnlagadómstóllinn
Evrópskar sjón-
varpsreglur
stj órnarskrárbrot
Karlsruhc, Brussel. Reuter.
ÞÝSKI stjórnlagadómstóllinn úr-
skurðaði í gær að hertar reglur Evr-
ópusambandsins í sjónvarpsmálum
brytu í bága við stjórnarskrá Þýska-
lands. Markmið reglnanna, sem
þýska stjórnin hefur samþykkt er
að auka hlut evrópsks sjónvarpsefn-
is. Átta þýsk sambandslönd höfðu
kært reglurnar til stjórnlagadóm-
stólsins, þar sem þau töldu sig hafa
úrslitarétt varðandi fjölmiðlamál en
ekki Evrópusambandið.
I reglunum, sem eru frá 1989,
er meðal annars kveðið á um auglýs-
ingamál, vernd ungmenna og rétt
til að bjóða upp á þjónustu í öðrum
ESB-ríkjum. Þá kveða þær á um að
að minnsta kosti helmingur sjón-
varpsefnis verði að vera evrópskur,
„þar sem slíkt sé framkvæmanlegt".
ESB vill herða reglur
Framkvæmdastjórn ESB lagði í
gær til að reglur þessar yrðu tíma-
bundið hertar enn frekar. Vill hún
að á næstu tíu árum muni orðalagið
„þar sem slíkt sé framkvæmanlegt"
ekki eiga við en Marcelino Oreja,
sem fer með menningarmál í stjórn-
inni, sagði áratug eiga að nægja
fyrir evrópskan kvikmyndaiðnað til
að ná sér á strik.
Hópur frægra evrópskra leik-
stjóra, framleiðenda og leikara,
SAMBANDSLÖNDIN ráða
sjálf hvort þau sýna Pam í
Baywatch eða taka evrópskt
efni framyfir.
þeirra á meðal Bernardo Bertolucci
og Gabiel Axel, hvöttu í síðasta
mánuði ESB til að bjarga evrópskum
kvikmyndaiðnaði frá glötun. Sagðist
hópurinn óttast að sjónvarpsstöðvar
myndu nota ódýrt efni til að fylla
upp í Evrópukvóta sinn og að evr-
ópskt sjónvarpsefni yrði eftir sem
áður ekki sýnt á besta sýningartíma.
Major vinnur ESB-atkvæðagreiðslu
Uppreisnarmenn-
irnir sátu hjá
London. Reuter.
BREZKA Verkamannaflokknum
tókst ekki að kljúfa íhaldsflokkinn
í atkvæðagreiðslu á þriðjudags-
kvöld um tillögur Evrópusam-
bandsins um viðmiðunarverð á
landbúnaðarvörum.
Tony Blair, leiðtogi Verka-
mannaflokksins, hafði vonazt til
að fá þá níu íhaldsþingmenn, sem
hafa verið reknir úr þingflokknum
vegna andstöðu sinnar við ESB,
til fylgis við breytingartillögur sín-
ar á þeim forsendum að brezku
stjórninni hefði mistekizt að knýja
fram umbætur á landbúnaðar-
stefnu Evrópusambandsins.
Uppreisnarmennirnir sátu hins
vegar flestir hjá, enda eru þeir
flestir yzt á hægri væng íhalds-
flokksins og vildu ekki að atkvæði
þeirra yrði túlkað sem stuðningur
við Evrópustefnu Verkamanna-
flokksins.
Major styrkist í sessi
John Major forsætisráðherra
vann atkvæðagreiðsluna með 27
atkvæða mun. Niðurstaðan er talin
hafa styrkt Major í sessi. Engu að
síður sögðu hátt settir menn í
Verkamannaflokknum í samtölum
við Reuter í gær að Blair tæki
vandræði íhaldsflokksins vegna
deilna um Evrópumál svo alvar-
lega, að hann væri byijaður að búa
flokk sinn undir þingkosningar.
Gerð menntasamninga við
Kanada frestað
• EVRÓPUSAMBANDIÐ hefur
skotið því á frest að Ijúka tveimur
samningum við Kanada, öðrum
um samstarf í menntamálum og
hinum um samstarf á sviði rann-
sókna. Þráðurinn verður ekki tek-
inn upp að nýju fyrr en fundizt
hefur lausn á fiskveiðideilunni við
Kanada. Jean Puech, sjávarút-
vegsráðherra Frakklands, sagði í
fyrradag að deilan hefði ekkert
með fiskverndarsjónarmið að
gera, heldur óréttláta kvótaút-
hlutun og einhliða aðgerðir
Kanadamanna, sem hefðu brotið
alþjóðalög.
• JACQUES Chirac, borgar-
stjóri Parísar og forsetaframbjóð-
andi, lýsti því yfir á kosningafundi
í gær að hann teldi óraunhæft að
ætla að hægt yrði að koma á sam-
eiginlegum gjaldmiðli ESB-ríkj-
anna árið 1997. Það yrði að hans
mati ekki hægt, fyrr en árið 1999.
Keppinautur Chiracs, Edouard
Balladur forsætisráðherra, sagð-
ist aftur á móti vera þeirrar skoð-
unar að nauðsynlegt væri að skapa
forsendur fyrir sameiginlegum
gjaldmiðli árið 1997.
• EVRÓPUÞINGIÐ hefur sam-
þykkt fiskveiðisamninga við
Grænhöfðaeyjar og Comoroeyjar.
í báðum tilfellum greiðir ESB tugi
milljóna króna fyrir fiskveiðirétt-
indi og háar upphæðir að auki
renna til samstarfsverkefna á
sviði hafrannsókna og sjávarút-
vegs.
• DOUGLAS Hurd, utanríkis-
ráðherra Bretlands, boðar til ráð-
stefnu í London þann 29. mars
þar sem lagt verður á ráðin uin
það, hvernig auka megi vægi
Bretlands í heiminum. Hurd hef-
ur vísað því á bug að með ráð-
stefnunni séu Bretar að snúa baki
við Evrópu.