Morgunblaðið - 23.03.1995, Blaðsíða 64

Wtiot hewlett
mi!HM PACKARD
----------------UMBOÐIÐ
HPÁ ÍSLANDI H F
Höfdabakka 9, Reykjavík, sími (91) 671000
Frá möguleika til veruleika
MOHGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRl: HAFNARSTRÆTI 85
FIMMTUDAGUR 23. MARZ 1995
VERÐ í LAUSASÖLU 125 KR. MEÐ VSK
Deila ríkis og kennara í hörðum hnút
Hurðum skellt
"í húsakynnum
sáttasemjara
Ríkissáttasemjari vill halda fundum áfram
þótt kennarar telji þá tilgangslausa
KENNARAR ítrekuðu í gær tillögu sína um að gert yrði hlé á viðræð-
um við samninganefnd nkisins, (SNR). Ríkissáttasemjari ákvað engu
að síður að boða til nýs fundar í dag. Samningsaðilar eru skyldugir til
að mæta til fundar ef ríkissáttasemjari boðar fund.
Aukin harka virðist vera að fær-
ast í samningaviðræðumar í Karp-
húsinu. Samningamenn komu reiðir
af fundum í gær og fyrradag og
heyra mátti menn skella hurðum.
Fulltrúar í samninganefnd kennara
höfðu á orði að viðræður væru til-
gangslausar. Alveg eins gott væri
að menn sætu heima eins og að eyða
tímanum í árangurslausar fundarset-
ur í húsnæði sáttasemjara.
Eiríkur Jónsson, formaður KÍ,
sagði að samningamenn væru að
senda röng skilaboð út í samfélagið
með því að hittast á árangurslausum
fundum dag eftir dag. „Það er ekk-
ert á borðinu til að takast á um. Þau
tilboð sem eru á borðinu núna leysa
ekki deiluna hvorki núna éða á næstu
vikum. Það er alveg ljóst að það
verða að koma meiri peningar inn í
dæmið ef deilan á að leysast."
SNR vill fleiri fundi
„Ég hef aldrei vitað að það hjálp-
aði til í samningaviðræðum að menn
hættu að tala saman. Ég hef aldrei
vitað kjaradeilu leysast með því móti.
Ég skil hins vegar að fólk verði þreytt
á löngum kjaradeilum og fínnist að
það komi takmarkað út úr þessu frá
degi til dags, en maður má ekki leyfa
——sér annað en að halda áfram að reyna
að finna samningsfleti," sagði Þor-
steinn Geirsson, formaður SNR.
Þórir Einarsson ríkissáttasemjari
vildi ekki tjá sig um kröfur kennara
um að viðræðum yrði frestað að öðru
leyti en því að hann myndi boða til
fundar meðan hann teldi það þjóna
einhveijum tilgangi. Hann myndi
hins vegar ekki lengja fundina að
óþörfu.
í gær ræddu samningamenn um
þau vandamál sem upp koma við
einsetningu grunnskólans. Indriði
H. Þorláksson, varaformaður SNR,
sagði að SNR myndi leggja fram til-
lögur um þau atriði í dag. Þær hug-
myndir sem voru á sveimi um þetta
atriði í gær vöktu takmarkaða hrifn-
ingu hjá kennurum, samkvæmt upp-
lýsingum blaðsins.
Ekki sátt um skólalok verði
samningar þvingaðir fram
í fréttabréfi kennara, sem kom út
í gær, segir að verði kennarar þving-
aðir til samninga, til dæmis með
bráðabirgðalögum, „eða þá að kenn-
arar verða hreinlega sveltir til
hlýðni“, sé útilokað að nokkur sátt
náist um skólalok og kennarar muni
halda áfram að kenna þar sem frá
var horfíð 16. febrúar, eða byija á
að taka sumarleyfi sitt.
■ Fimmta verkfallið/2
Hættuástandi aflýst á Seyðisfírði eftir snjóflóðið
Skemmdirnar
meiri en talið var
Seyðisfirði. Morgunblaðið.
HÆTTUÁSTANDI á Seyðisfirði
hefur verið aflýst. Takmörkuð
umferð var leyfð um athafna-
svæði Vestdalsmjöls í gærmorgun
undir eftirliti lögreglu. Ekki er
búið að meta tjónið en ljóst að
eyðileggingin sem snjóflóðið olli
í verksmiðjunni á sunnudag er
mun meiri en menn höfðu gert
sér grein fyrir.
Vitað var að mjölhúsið hefði
eyðilagst en nú hafa komið í ljós
gifurlegar skemmdir í verksmiðj-
unni sjálfri, eins og hér sést. Víst
er að ýmislegt hefur farið í sjó
út. Mikið brak liggur í fjörunni
og þar sem mjölgeymslan stóð er
allt í hrærigraut og si\jór yfir öllu.
Hreinsun getur því ekki hafist
fyrr en nokkuð hefur hlánað og
ákvarðanir um framhaldið hafa
ekki verið teknar.
Unnið var að því í gær að koma
rafmagni á þann hluta verksmiðj-
unnar sem stendur uppi.
Ekki er ljóst hvað hefur orðið
um eiturefni sem voru í húsinu.
Til þess að tryggja öryggi manna
fóru sérútbúnir slökkviliðsmenn
og maður frá Vinnueftirlitinu
fyrstir manna um svæðið og
reyndu að staðsetja eiturefnin en
fundu ekki. Að sögn Þórdísar
Bergsdóttur, heilbrigðisfulltrúa á
Seyðisfirði, voru í húsinu um fjög-
ur tonn af ediksýru og þrjú bretti
af sóda. Hún segir þessi efni talin
skaðlaus hafi þau blandast í sjón-
um, en hættuleg mönnum í
óblönduðu ástandi.
Olíubrák á sjónum
Þórdís sagði að þótt mikið
magn af loðnumjöli hefði farið í
fjörðinn væri þar engin hætta á
ferðum, hvorki fyrir fuglaiíf né
fiskeldi. Hún sagði enn fremur
að olíubrák utan við slysstaðinn
gæti verið úr olíutanki sem var í
mjölskcmmunni. Þar hefðu trú-
lega verið um fimm hundruð lítr-
ar af gasolíu en lífríki fjarðarins
stafaði engin hætta af svo litlu
magni í sjó.
Morgunblaðið/Sverrir
» . BÍLLINN endaði í flæðarmál-
inu, mikið skemmdur.
Ökuferð-
in endaði
í fjörunni
UNGUR ökumaður missti stjórn á
bifreið sinni í mikilli hálku á Norð-
__ urströnd, til móts við Bygggarða,
á Seltjarnarnesi laust fyrir klukkan
23 í gærkvöldi.
Bíllinn fór út af akbrautinni og
endaði á réttum kili í grýttri fjöru.
Þijú ungmenni voru í bílnum og
voru þau öll flutt á slysadeild.
Munu þau hafa sloppið ómeidd að
mestu. Bíllinn er hins vegar mikið
skemmdur.
Ríkið segir upp samningi um greiðslur vegna sjúkraflutninga í borginni
Rætt um að Rauði krossinn
taki við sj úkraflutningiim
HEILBRIGÐISRÁÐUNEYTIÐ hefur sagt upp
samningi við Reykjavíkurborg sem kveður á um
100 milljóna króna greiðslu úr ríkissjóði vegna
sjúkraflutninga í höfuðborginni.
Reykjavíkurdeild Rauða krossins á og rekur
bíla sem notaðir eru til sjúkraflutninga í höfuð-
borginni. Þeir eru hins vegar mannaðir slökkvi-
liðsmönnum og rennur framlag ríkisins til
slökkviliðsins. Samningnum var sagt upp frá 1.
janúar 1996.
Nefnd um skipulag sjúkraflutninga á öllu land-
inu hefur verið starfandi á vegum heilbrigðis-
ráðuneytisins um skeið, að sögn Daggar Páls-
dóttur lögfræðings. Segir hún ennfremur að þar
sem ráðuneytinu hafi verið gert í síðustu fjárlög-
um að spara 50 milljónir í þessum málaflokki
hafi nefndin viljað kanna hvaða þjónustu Rauði
krossinn væri tilbúinn að veita fyrir tiltekna fjár-
upphæð.
Nettókostnaður ríkisins af sjúkraflutningum
á landinu er um 260 milljónir á ári.
Dögg segir viðræðurnar við Rauða krossinn
á frumstigi, engar ákvarðanir hafi verið teknar
Utboð víða um land
koma einnig til greina
og einnig að til greina komi að efna til útboðs
vítt og breitt um landið um skipulag sjúkraflutn-
inga.
Forsaga málsins er sú að sögn Daggar að sá
úrskurður var kveðinn upp í gerðardómi á sínum
tíma að ríkið skyldi greiða 100 milljónir til
sjúkraflutninga í borginni í tvö ár, þar sem ekki
náðist samkomulag milli þess og borgaryfírvalda
um hvemig kostnaður við þá ætti að skiptast.
Uppsagnir hugsanlegar
Slökkviliðið hefur sinnt sjúkraflutningum frá
1923 og segir Hrólfur Jónsson slökkviliðsstjóri
að það þurfi að endurskipuleggja starfsemi
slökkviliðsins verði sjúkraflutningar færðir ann-
að. Komin sé upp allt önnur staða og hugsan-
lega þurfi að segja upp fjölda slökkviliðsmanna
gangi breytingarnar eftir.
Starfsmenn ganga vaktir sem sjúkraflutn-
inga- og slökkviliðsmenn á víxl og segir Hrólfur
að allir starfsmenn liðsins hafi gengið í gegnum
tilskilda þjálfun til að sinna sjúkraflutningum.
Borgaryfirvöld höfðu ekki kynnt uppsögn samn-
ingsins fyrir slökkviliðsstjóra með formlegum
hætti í fyrradag. Hrólfur segir að kostnaður
við rekstur slökkvistöðvarinnar sé 270 milljónir
króna ár hvert, framlag ríkisins sé því um 40%
af heildarkostnaði.
„Það eru miklir álagspunktar í sjúkraflutning-
unum og stundum eru sex bílar úti í einu, sem
þýðir tólf menn. Ef sjúkraflutningarnir yrðu
aðskildir yrði að hafa tíu menn á vakt allan
sólarhringinn þannig að það yrði dýrara að reka
sjúkraflutninga sér. Það myndi líka veikja
slökkviliðið því ef við lendum i stórbruna getum
við kallað út hundrað manna lið.
Það er enginn rekstrarlegur munur á því hvort
slökkviliðið semur við Rauða krossinn eða heil-
brigðisráðuneytið. En við getum ekki rekið þetta
fyrir minni peninga þótt samið verði við annan
rekstraraðila. Það þyrfti þá að draga úr þjón-
ustu við borgarana," segir Hrólfur.