Morgunblaðið - 27.04.1995, Blaðsíða 18

18 FIMMTUDAGUR 27. APRÍL 1995
MORGUNBLAÐIÐ
-1-
I
LISTIR
Verð á trompet
Gillespies veld-
ur vonbrigðum
New York. Reuter.
HINN sérkennilegi trompet tónlistarmannsins
Dizzy Gillespie var seldur á uppboði hjá
Christie’s í New York í gær á mun lægra
verði en búist var við. Boðnir voru 55.000
dalir, um 3,5 milljónir ísl. kr. fyrir hljóðfærið.
Þá seldist áður óþekkt vatnslitamynd eftir
J.M. Tumer ryrir 54.300 pund, um 5,5 milljón-
ir kr. hjá Christie’s í London.
Trompet Gillespies, með lúðurinn á ská upp
í stað þess að vera beint fram, beyglaðist
þegar dansara skrikaði fótur og féll á hljóð-
færið. Akvað Gillespie að eiga ekkert við
trompetinn, sagðist heyra eigin villur fyrr
þegar iúðurinn sneri upp. Hann gaf frænda
sínum hljóðfærið árið 1970 og vonaðist sá
eftir því að fá að minnsta kosti 60.000 dali
fyrir það.
Mynd J.M. Tumers fannst á háalofti bresks
sveitaseturs og kallast „Landslag í svissnesku
ölpunum". Henni svipar til tveggja verka
hans af þorpi í ölpunum og eru í eigu Skoska
listasafnsins.
DIZZY Gillespy með trompetinn góða.
t
1
L
I
L
I
I
Morgunblaðið/Árni Sæberg
HLUTI hátíðarbarnakórsins á ÞingvöIIum á 17 júní í fyrra.
Landsmót íslenskra barnakóra
1.300 söngrarar
í Smáranum
Keppni er snar þáttur i
í námi fiðluleikara
!
\
1
.. Morgunblaðið/Kristinn
SIGURBJORN Bjarnason fiðluleikari mun í sumar ljúka námi
frá hinum virta Oberlin háskóla í Bandaríkjunum.
TÓNMENNTARKENNARAFÉLAG
íslands stendur dagana 28. og 29.
apríl fyrir tíunda Landsmóti ís-
lenskra barnakóra í Kópavogi. Slíkt
Landsmót hefur verið haldið ánnað
hvert ár allar götur frá árinu 1977
og er markmið þess að gefa barna-
kórum tækifæri til að hittast og
syngja saman. Að sögn Þórunnar
Björnsdóttur framkvæmdastjóra
Landsmótsins og stjórnanda Kórs
Kársness er það mat tónmenntar-
kennara að kórsöngur glæði skilning
og þroska hjá þeim sem syngja og
eins þeim er njóta og stuðli þannig
að fegurra og betra mannlífi.
Mótin hafa verið haldin til skiptis
úti á landi og á höfuðborgarsvæðinu
en vegna sivaxandi fjölda þátttak-
enda hefur reynst æ erfiðara að
finna stað úti á landsbyggðinni til
að taka á móti svo stórum hópi.
Kópavogur varð því fyrir valinu í
ár. Þórunn segir að ástæða þessarar
fjölgunar landsmótsþátttakenda sé
að kórstarf við grunnskóla landsins
hafí eflst mikið á undanförnum árum
og einnig færist það í vöxt að barna-
kórar starfi við kirkjur landsins.
Sungu sig inn í hjörtu
þj óðhátíðargesta
í þetta sinn hafa 40 kórar með
um 1.300 söngvara innanborðs
skráð sig til þátttöku. Sá kór sem
kemur lengst að er barnakór frá
Neskaupstað og er það í fyrsta sinn
sem kór af Austfjörðum tekur þátt
í landsmóti. Einnig senda Vestmann-
eyingar í fyrsta sinn kór á landsmót
og auk þess bætast við nokkrir
kirkjubamakórar.
Þórunn segir að barnakórar setji
víða mikinn svip á menningar- og
skemmtidagskrár landsmanna og
kirkjuathafnir. „Er skemmst að
minnast þess þegar hljómfagur há-
tíðarbarnakór með þúsund börnum,
klædd íslenskum lopapeysum, sungu
sig inn í hjörtu þjóðhátíðargesta á
lýðveldishátíðinni á Þingvöllum 17.
júní síðastliðinn við undirleik Sinfó-
níuhljómsveitar íslands.“
Tónmenntarkennarafélagið hefur
jafnan tekið saman sönghefti fyrir
Iandsmót og nú í tengslum við tí-
unda mótið kemur út mjög ítarlegt
og veglegt kórlagasafn sem Egill
Rúnar Friðleifsson stjórnandi Kórs
Öldutúnsskóla og Þórunn Björns-
dóttir tóku saman. í bókinni sem ber
nafnið „Út um græna grundu" eru
55 íslensk og erlend kórlög í vönduð-
um útsetningum, að sögn Þórunnar.
Segir hún jafnframt að þar sé að
fínna lög við allra hæfí, jafnt byrj-
enda og þeirra sem séu lengra á veg
komnir. Það er Skálholtsútgáfan,
útgáfufélag þjóðkirkjunnar, sem
gefur kórlagasafnið út. Umsjón með
útgáfunni hafði Margrét Bóasdóttir
en Kennarasamband íslands og
menntamálaráðuneytið veittu styrk
til verksins.
Einn stór landsmótskór
Meðan á mótinu stendur munu
kórstjórar kenna kórsöngvurum
ýmis lög úr bókinni og munu kórarn-
ir syngja og æfa saman bæði í litlum
og stórum hópum. Auk þess hafa
kórarnir undirbúið og æft þijár
sönglagasyrpur fyrir mótið og
mynda fyrir lokatónleikana einn
stóran landsmótskór við undirleik
fiðlu- og harmonikkuhljómsveitar.
Landsmótinu lýkur svo með sam-
eiginlegum tónleikum allra kóranna
í hinu nýja íþróttahúsi Kópavogsbúa,
Smáranum. Hefjast þeir laugardag-
inn 29. apríl klukkan 14 og eru allir
velkomnir meðan húsrúm leyfir.
Aðgangseyrir er kr. 300 fyrir full-
orðna en ókeypis er fyrir börn.
SIGURBJÖRN Bjarnason fiðlu-
leikari efnir til tónleika í Norræna
húsinu klukkan 17 á laugardag
en þeir eru öðrum þræði liður í
undirbúningi hans fyrir alþjóðlega
keppni ungra fiðluleikara sem
haldin verður í. Montreal í Kanada
í næsta mánuði. Á efnisskránni
eru verk eftir Bach, Paganini,
Mozart, Ysaye og Sarasate en Sig-
urbjörn mun njóta fulltingis Krist-
ins Arnar Kristinssonar píanóleik-
ara á tónleikunum.
Sigurbjörn mun í sumar ljúka
BM prófí frá Oberlin háskólanum
í Ohio í Bandaríkjunum en þar
hefur hann notið leiðsagnar Vam-
os-hjónanna sem eru mörgum ís-
lenskum fiðluleikurum að góðu
kunn. Hann hyggur á framhalds-
nám — sennilega í New York —
en ætlar að taka sér frí frá form-
legu námi næsta vetur. Sigurbjörn
mun þó dvelja áfram í Ohio þar
sem hann telur að Vamos-hjónin
hafi enn sitthvað fram að færa sem
gæti komið honum til góða. Hann
mun því leggja stund á einkanám
hjá þeim.
Sigurbjörn hefur búið sig af
kappi undir tónleikana í Norræna
húsinu og leggjast þeir vel í hann.
Hefur hann meðal annars leitað
ráðgjafar gamals lærimeistara
síns — Guðnýjar Guðmundsdóttur.
„Ég reyni alltaf að spila fyrir
Guðnýju áður en ég held tónleika
hér á landi til að heyra hennar
hugmyndir um túlkunina. Hún er
nú þegar búin að hlusta á mig
þrisvar.“
Ætlar að gera sitt besta
Sigurbjörn hefur ekki í annan
tíma tekið þátt í jafnstórri keppni
og þeirri sem efnt verður til í
Montreal en meðal þátttakenda
munu vera margir reyndir og verð-
launaðir fíðluleikarar. Hann veit
því að róðurinn verður þungur en
fer með því hugarfari að gera sitt
besta.
Fiðluleikarinn hefur tekið þátt
í nokkrum keppnum á síðustu
misserum og komst meðal annars
í úrslit í Kleine keppninni — alþjóð-
legri keppni strengjahljóðfæraleik-
ara — í San Francisco á síðasta
ári. Hann segir að keppni sé orðin
snar þáttur í námi fiðluleikara í
dag. „Keppnirnar eru liður í þjálf-
un manns enda æfir maður mun
meira fyrir þær. Pressan er vissu-
lega mikil en hún fær mann til
að læra verkin og uppgötva veik-
leika sína. Síðan heyrir maður
náttúrulega í mörgum góðum
fiðluleikurum.“
Sigurbjörn mun í keppninni í
Montreal byggja á þeirri efnisskrá
sem hann verður með í Norræna
húsinu. Að auki verður hann að
flytja þijá mismunandi konserta -
einn rómantískan og tvo klassíska,
sónötu eftir Beethoven og verk
sem samið er sérstaklega fyrir
keppnina. Þá verður Sigurbjöm
að spila verk eftir tónskáld frá
heimalandi sínu og hefur hann
valið verk eftir Mist Þorkelsdóttur.
Geislaplata í haust
Sigurbjörn hefur í mörg hom
að líta nú um stundir og á næst-
unni mun hann hljóðrita efni með
útgáfu á geislaplötu í huga. Sú
plata verður liður í útgáfustarf-
semi Ólafs Elíassonar og samtak-
anna íslenskir tónlistarmenn en
þau hafa í hyggju að setja á mark-
að átta geislaplötur með hljóð-
færaleik íslenskra tónlistarmanna
næsta haust. Framlag Sigurbjörns
verður að líkindum hljóðritað í
Bandaríkjunum.
Sigurbjörn unir hag sínum vel
í Oberlin enda segir hann að að-
stæður séu ákjósanlegar. Oberlin
er einn af elstu háskólum Banda-
ríkjanna og hefur löngum þótt
fijálslyndur og víðsýnn. Til að
mynda varð skólinn fyrstur til að
veita blökkukonu inngöngu en það
var fyrir tíma þrælastríðsins al-
ræmda. Þá segir Sigurbjöm að
Oberlin hafí yfir að ráða stærsta
geislaplötusafni Bandaríkjanna og
mesta fjölda Steinway-flygla í
heiminum — liðlega 300 stykkjum.
Skólagjöld eru afar há í Oberlin
enda mikill heiður að stunda þar
nám. Sigurbjöm fékk styrk til
náms og fullyrðir að öðmvísi hefði
hann ekki átt þess kost að setjast
þar á skólabekk. Tveir aðrir ís-
lendingar leggja stund á nám við
skólann.
Sigurbjörn er lítið farinn að
velta vöngum yfir framtíðinni.
Hann vill þó gjama koma heim til
íslands að loknu námi og segir að
starfsmöguleikarar fiðluleikara
séu prýðilegir. Ýmislegt annað
kemur þó til greina þegar þar að
kemur. „Nú er málið hins vegar
að læra eins vel á hljóðfærið og
maður getur.“