Morgunblaðið - 17.05.1995, Blaðsíða 40
40 MIÐVIKUDAGUR 17. MAÍ 1995
MIIMNINGAR
MORGUNBLAÐIÐ
+ Valborg Waage Ólafsdóttir
var fædd í Reykjavík 11.
nóvember 1914. Hún lést í
Reykjavík 17. maí 1994. For-
eldrar hennar voru Þórunn
Waage húsmóðir, og Ólafur
Teitsson skipstjóri. Alsystkini
hennar voru Guðmundur Ágúst
og Jósefína, sem bæði eru látin,
-og tveir hálfbræður, þeir Þórir
og Karl. Valborg giftist Gísla
Guðmundssyni vélstjóra, hinn
16. júní 1951, og eignuðust þau
þrjú börn, synina Ölaf og Vé-
stein, sem báðir létust á barns-
aldri, og dótturina Guðrúnu
Þórunni. Valborg átti fyrir son-
inn Guðmund Ágúst.
í DAG er eitt ár liðið síðan föður-
systir mín Valborg Waage Ólafs-
dóttir lést eftir langvarandi og erfið
veikindi.
Hún var guðrækin og hefur trú
hennar verið henni mikill styrkur í
öllum hennar veikindum og mót-
læti. í þjáningunni og sorginni
skiptir öllu að treysta þessum orð-
um Jesú: „Ég er upprisan og lífið.
Sá sem trúir á mig, mun lifa, þótt
hann deyi. Og hver sem lifir og
trúir á mig, mun aldrei að eilífu
deyja." (Jóh. 11:25-26.)
Valborg átti alltaf þrek til að
styrkja og gleðja aðra, þrátt fyrir
ærna byrði sjúkdóma. Og Gísli var
Valborgu stoð og stytta í öllum
hennar veikindum. Voru þau alltaf
góð heim að sækja.
Ég og fjölskylda mín þökkum
Valborgu allt það, sem hún var
okkur. Eg bið algóðan Guð að blessa
og styrkja Gísla, börnin og fjöl-
skyldur þeirra. Guð blessi minningu
Valborgar í von endurfunda ástvina
á himnum, sem nú hefur endur-
heimt syni sína og aðra ástvini
heima hjá Guði, sem okkur öllum
er fyrirbúið fyrir Jesú Krist.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Ólafur Þórisson.
+ Guðmundur Jó-
hannesson var
fæddur á Skára-
stöðum í Miðfirði
15. október 1914.
Hann lést á
Hvammstanga 3.
maí síðastliðinn.
Foreldrar hans
voru Jóhannes Guð-
mundsson og Unn-
ur Sveinsdóttir.
Bræður Guðmund-
ar voru Sveinn og
Bjarni. Föður sinn
missti Guðmundur
árið 1920, en móðir
hans bjó áfram með sonum sín-
um. Fermingarárið fór Guð-
mundur vinnumaður að Torfa-
stöðum í Núpsdal til hjónanna
Guðfinnu Björnsdóttur og
Magnúsar F. Jónssonar. Hjá
þeim var hann í 17 ár, síðan
hjá Margréti Pálsdóttur og
Gísla Árnasyni og síðast hjá
Guðlaugu Gísladóttur og Birni
Jónssyni. Árið 1950 hóf hann
búskap á hluta af föðurleifð
sinni, Skárastöðum. Síðar tók
hann við jörðinni allri og bjó
þar fram á efri ár. Hann kvænt-
ist árið 1971 Kristínu Illuga-
dóttur en hún lést árið 1989.
Útför Guðmundar fer fram
frá Víðistaðakirkju í dag og
hefst athöfnin klukkan 13.30.
KVATT hefur veröld þessa vinur,
frændi og nágranni til margra ára,
Guðmundur Jóhannesson bóndi á
Skárastöðum, ætíð kallaður Mundi
eða Mundi á Skárastöðum af okkur
nágrönnunum. Margir eru verka-
menn Munda líkir sem ganga hæ-
verskir um garða og lifa fordóma-
lausir í friði við aðra menn. í fári
daganna og fjölmiðlaljösum fer lít-
ið fyrir slíkum þótt síst séu slakari
strengir í hörpu mannlífsins en
margir þeir sem birtunni baðast.
Til búskapar á Skárastöðum
kom Mundi frá Torfastöðum í
Núpsdal og hafði þar í vinnu-
mennsku verið frá því að heiman
fór um fermingaraldur.
Mikil jörð er Skárastaðir og
sauðland þar gott. Frá bæjardyrum
okkar blasti við hjörðin dreifð um
brekkur og háls og nærðist á gróðri
valllendis sem vætumýra.
Þegar hjörð er hórað saman á
víðlendi skipa hest-
arnir hlutverk stór en
nátengdir minningu
um bónda eru hest-
arnir hans. Fákur sá
er fylgdi Munda lengst
var Jarpur, í daglegu
tali nefndur Munda-
Jarpur. Naut hann
þess sem aðrir fer-
fætlingar staðarins að
bóndinn var ekki síðri
vinur málleysingja en
manna.
Man ég Munda sitja
Jarp sinn á valhoppi
utan veg frá Skára-
stöðum, stundum þeirra erinda að
setjast í rakarastól Austurárdals
þar sem Jóhann bóndi beitti klipp-
um sínum af nokkurri fimi á kolla
heimabarna og bænda dalsins.
Brýnna þessu erindi átti hann þó
að Hnausakoti meðan þar dvaldist
gömul móðursystir hans, Sigur-
laug Kristín, sem hann var afskap-
lega góður og gladdi tíðum líkt og
bræður hans Bjarni og Sveinn.
Þessum frændum sínum unni
Lauga öðrum meir. Blessuð sé
minning þeirra allra.
Mörg ár hafði Mundi ráðskonur
en staða þeirra var ekki laus til
umsóknar eftir að Kristín Illuga-
dóttir hélt norður yfir heiðar. Þau
giftust nokkrum árum eftir að hún
kom að Skárastöðum með ungan
dótturson, Pétur, sem Mundi lét
sér annt um sem og aðra afkom-
endur Kristínar. Sú umhyggja var
gagnkvæm, ekki skal því gleymt.
Kristln var indæl kona og gædd
þeim góðu eiginleikum sem Munda
prýddu í mæli ríkum; góðvild, for-
dómaleysi og æðruleysi þegar lífs-
ins_ straumur þyngdist.
í minn hlut kom stundum að
grípa í verk á Skárastöðum. Þótti
mér þá stundum rausnin full rífleg
í greiðslum, oft fyrir lítil viðvik,
en ekki þýddi að malda í móinn
og ekki undan vikist við að taka.
Sú rausn og önnur við gesti og
gangandi var þeim hjónum í blóð
bonn.
Ósérhlífinn var Mundi, fór dult
með margt og lítt kunnur að kvört-
unum þótt ekki gengi ætíð heill
að verki.
Eftir að hann brá búi, gamall
maður, lá þeirra braut að Laugar-
bakka og nokkru eftir að Kristín
kvaddi þennan heim flutti hann
að Hvammstanga, í litla_ íbúð
tengda elliheimili staðarins. Á báð-
um þessum stöðum var stjanað við
gesti sem fyrr og ef ekki þótti
nógu boðlegt bakkelsið heima fyrir
á Hvammstanga voru gestir drifn-
ir með í veitingasal Vertshússins
og þar sómi sýndur.
Skárastaðir eru nú til nytja
leigðir og enn vistlegt heim að
horfa þar sem bærinn skartar
skærum litum. Þar hafa höndum
til tekið mæðgurnar Ása og Unnur
ásamt fjölskyldu. Litum sínum
mildum hafa þær mæðgur líka
blandað í málverk minninganna
um Skárastaðabóndann og þeirra
fylgd létt honum göngu á lífsbraut-
inni.
Fyrir hönd Hnausakotsfjölskyld-
unnar, Jóhönnu, Jóhanns og barna,
eru þessi sundurlausu minninga-
brot á blað sett sem þakklætisvott-
ur að leiðarlokum hér. Sakna mun-
um við Munda en geymum til gleði
bjartar minningar um mætan
dreng og samveru sem hvergi bar
skugga á.
Jón Unnar Jóhannsson.
í dag kveðjum við Guðmund
Jóhannesson frá Skárastöðum,
Munda eins og hann var jafnan
kallaður. Langar mig að minnast
hans í fáum orðum. Ég á Munda
margt að þakka öll þau sumur sem
ég fékk að koma með afa og ömmu
í sveitina. Dvelja þar við góðan
aðbúnað sem leiddi til þess að
maður kom ávallt þyngri heim aft-
ur.
Ég hitti Munda síðast í október
þegar haldið var uppá áttræðis-
afmælið hans. Sú minning er mér
efst í huga nú. Hvað hann var glað-
ur og ánægður að fá að hitta alla
ættingja sína og vini. Ekki grunaði
mig þá að þetta væri í síðasta
skipti sem við hittumst, en við eig-
um eftir að hittast aftur þó ekkí
verði það í þessu lífi.
Elsku Mundi, ég veit að Stína
hefur tekið vel á móti þér og eruð
þið nú saman á ný. Guð blessi
minningu ykkar.
Hver minning er dýrmæt perla
að liðnum lífsins degi.
Hin ljúfu og hljóðu kynni
af alhug þökkum vér.
Þinn kærleikur í verki var gjöf
sem gleymist eigi,
og gæfa var það öllum
sem fengu að kynnast þér.
(Davið Stefánsson)
Þínfrænka,
Ása Sigríður Þórisdóttir.
t
Elskuleg eiginkona mín, móðir, tengdamóðir og amma,
ALMA SIGURÐARDÓTTIR,
Aðalgötu 6,
Keflavík,
verður jarðsungin frá Keflavíkurkirkju fimmtudaginn 18. maí
kl. 14.00.
Magnús B. Karlsson,
Sigurður B. Gunnarsson, Bára Benediktsdóttir,
Skúli Þór Magnússon,
Magnús B. Magnússon,
María Magnúsdóttir, Sölvi Þ. Hilmarsson
og barnabörn.
Lokað
Vegna jarðarfarar JÓHANNESAR INGÓLFSSONAR,
forstöðumanns skipaþjónustu Reykjavíkurhafnar,
verður skrifstofa og bækistöð lokuð miðvikudag-
inn 17. maí frá kl. 13.00.
Hafnsöguvakt verður opin. Beinn sími eftir lokun
skiptiborðs 28441.
Reykjavikurhöfn,
Hafnarhúsinu v/Tryggvagötu.
VALBORG WAAGE
ÓLAFSDÓTTIR
GUÐMUNDUR
JÓHANNESSON
WtAWÞAUGL YSINGAR
Matreiðslumaður
Óskum eftir að ráða matráðskonu eða
matreiðslumeistara til starfa í Jökiaseli í sumar.
Nánari upplýsingar veittar í síma 97-81000.
Jöklaferðir hf.
Listdansstjóri
íslenski dansflokkurinn og Þjóðleikhúsið aug-
lýsa stöðu listdansstjóra lausa til umsóknar.
Ráðið er í stöðuna frá 1. sept. 1995 til þriggja
ára.
Umsóknarfrestur áður auglýstrar stöðu hefur
verið lengdur til 31. maí nk.
Vinsamlegast sendið umsóknir til íslenska
dansflokksins, Engjateig 1, 105 Reykjavík.
íslenski dansflokkurinn
og Þjóðleikhúsið.
Atvinna óskast
50 ára gamall maður óskar eftir framtíðar-
starfi. Ágætis bókhalds-, tölvu- og ensku-
kunnátta og nokkur reynsla sem bókari.
Ýmis störf koma vissulega til greina. Sam-
vinnuskólapróf. Er einnig fyrrverandi pípu-
lagningamaður. Get byrjað strax.
Uppiýsingar í síma 5668458.
Landeigendur á Vesturlandi
Sorpnefnd Samtaka sveitarfélaga í Vestur-
landskjördæmi (SSV), auglýsir hér með eftir
landsvæði til urðunar sorps á Vesturlandi.
Meðferð og frágangur sorps á urðunarstað
skal verða eftir þeim kröfum, sem gerðar eru.
Möguleikar eru á því fyrir landeiganda að
annast sjálfir urðun og flutninga.
Áhugasamir sendi skriflegar umsóknir fyrir
2. júní nk. til skrifstofu SSV,
Bjarnarbraut 8, Borgarnesi, sími 93-71318,
þar sem nánari upplýsingar verða veittar.
Sorpnefnd SSV
TOLLI -
tilboð óskast
Tilboð óskast í nokkur oiíu-
málverk, flest stór, eftir
Tolla. Verkin verða til sýnis
hjá okkur til fimmtudagsins
18. maí. Tilboðum skal skila
á eyðublöðum sem fást hjá
okkkur fyrir kl. 18.00
fimmtudaginn 18. maí.
Áskilinn er réttur til að taka hvaða tilboðum
sem er eða hafna öllum.
Til sölu
4ra herb. einbýlishús á Blönduósi með bíl-
skúr. Hugsanleg skipti á íbúð á Stór-Reykja-
víkursvæðinu. Ibúðin er staðsett í góðu
hverfi. Upplýsingar í síma 95-24372.