Morgunblaðið - 23.06.1995, Blaðsíða 6
6 FÖSTUDAGUR 23. JÚNÍ 1995
MORGUNBLAÐIÐ
FRÉTTIR
Morgunblaðið/Þorkell
HALLDÓR Ásgrímsson utanríkisráðherra leiddi Li Lanqing, varforsætisráðherra
Kina, um sögustaðinn Viðey en hádegisverður var snæddur þar í gær.
Utanríkisráðherra átti fund með varaforsætisráðherra Kína
Unnið verður að eflingu
viðskipta milli þjóðanna
EFNAHAGS- og viðskiptamál og
samskipti á sviði sjávarútvegs og
orkufreks iðnaðar voru rædd ítar-
lega á fundi Halldórs Ásgrímsson-
ar, utanríkisráðherra, og Li Lanq-
ing, varaforsætisráðherra efna-
hags- og viðskiptamála í Kína, í
gærmorgun. Utanríkisráðherra
segir að ákveðið hafi verið að
stofna í haust sameiginlega nefnd
eða viðskiptaráð sem hafi það
verkefni að efla efnahagssam-
vinnu milli þjóðanna. Mannrétt-
indamál voru ekki rædd á fundi
ráðherranna.
Varaforsætisráðherrann og
kona hans, frú Zhang Suzhen,
þáðu að ioknum fundi ráðherranna
hádegisverðarboð utanríkisráð-
herrahjónanna í Viðey. Síðar um
daginn tók borgarstjóri, Ingibjörg
Sólrún Gísladóttir, á móti kín-
versku sendinefndinni í Ráðhús-
inu. Að lokinni þeirri heimsókn var
kvöldverður snæddur í Ráðherra-
bústaðnum í boði utanríkisráð-
herra.
Skilur afstöðu íslendinga
í Evrópumálum
„Á fundi okkar ræddum við um
efnahagssamvinnu í heiminum og
hlutverk efnahags- og viðskipta-
samtaka," sagði utanríkisráð-
herra. „í ljós kom að hann er
hræddur um að það gæti of mikill-
ar vemdarstefnu hjá slíkum sam-
tökum. Við urðum þannig sam-
mála um að nauðsynlegt sé að
auka samvinnu þjóða á vettvangi
EIGINKONA kínverska ráðherrans, frú Zhang Suzhen,
heimsótti Árbæjarsundlaug í gærmorgun og þar tók
stór hópur barna á móti henni.
alþjóðaviðskiptastofnunarinnar
(WTO) sem Kínveijar eru raunar
ekki enn aðilar að.“
Halldór sagði að kínverski ráð-
herrann hefði fullan skilning á
ástæðum þess að íslendingar hafi
ekki gengið í ESB, þ.e.a.s. vegna
fiskveiðistefnu sambandsins.
Hann hafi lagt áherslu á að ríki
þyrftu að halda fullu sjálfstæði
sínu og yfírráðum yfir auðlindum
sínum jafnvel þótt þau hefðu með
sér ákveðna samvinnu í efnahags-
málum.
„Við ræddum mjög lengi um
efnahagssamvinnu ríkjanna og
það er mikill vilji fyrir því að auka
verslun og samskipti milli þjóð-
anna,“ sagði Halldór „Hingað til
hefur mjög lítið verið flutt út til
Kína frá Islandi. Það hefur verið
mikill vilji af þeirra hálfu að finna
leiðir til að efla viðskipti land-
anna.“
Niðurstaðan varð sú að sögn
ráðherra að í'framhaldi af heim-
sókn forseta íslands til Kína í
byijun september muni koma
hingað til lands sendinefnd erin-
dreka úr kínversku viðskiptalífi. I
þeirri ferð verði sett á fót sameig-
inleg nefnd eða viðskiptaráð þjóð-
anna til þess að vinna að auknum
viðskiptum og efnahagssamvinnu.
■ Telur samstarf/19
Vinsældir þjóðarleiðtoga heima fyrir
Davíð Oddsson er
vinsælastur
DAVÍÐ Oddsson forsætísráðherra
er sá þjóðarleiðtogi, sem nýtur
mestra vinsælda í sínu heima-
landi, samkvæmt niðurstöðum
könnun Gallup í 18 ríkjum.
Á íslandi fór könnunin fram
20.-25. apríl síðastliðinn og sögð-
ust 64% landsmanna sáttir við
frammistöðu Davíðs sem for-
sætisráðherra. I engu af hinum
ríkjunum fimmtán, þar sem spurt
var sömu spurningar, fékk þjóð-
arleiðtoginn jafngóða útkomu.
Ef tekið er tillit til þeirra, sem
sögðust ósáttir, kemur Lee Teng-
Hui, forseti Taiwans, þó bezt út,
en 62% sögðust sáttir við frammi-
stöðu hans og 10% ósáttir. Á Is-
landi sögðust 22% óánægðir með
frammistöðu forsætisráðherrans.
Jean Chrétien, forsætisráð-
herra Kanada, hefur einnig góð-
an stuðning. Um 62% Kanada-
manna segjast sáttir við frammi-
stöðu hans. Óvinsælastir eru John
Major, forsætisráðherra Bret-
lands, Gyula Horn í Ungveija-
landi og Felipe Gonzalez á Spáni.
Jafnframt var spurt hvort fólk
væri ánægt eða óánægt með Iýð-
ræðið, sem það byggi við. Aðeins
rúmlega helmingur, eða 54%, Is-
lendinga sagðist ánægður með
framkvæmd lýðræðis og 23%
sögðust óánægðir. Þó voru ein-
ungis tvær þjóðir ánægðari með
lýðræðið á heildina litið, Kanadá-
menn og Bandaríkjamenn.
14% 17% 23%
22% 21% 22%
Helga Jónsdóttir nýskipaður stjórnar-
formaður Landsvirkjunar
Þakka traust
sem mér er sýnt
HELGA Jónsdóttir, aðstoðarbanka-
stjóri Alþjóðabankans í Washington
og verðandi borgarritari Revkjavík-
urborgar, hefur verið skipuð stjórn-
arformaður Landsvirkjunar.
Varaformaður verður dr. Geir
A. Gunnlaugsson, framkvæmda-
stjóri. Núverandi umboð stjórnar
rennur út þann 30. júní n.k., og
tekur ný stjórn við þann 1. júlí.
Annar formaður
Landsvirkjunar frá upphafi
Helga tekur við starfi Jóhannesar
Nordals, sem gegnt hefur starfinu
frá stofnun Landsvirkjunar. árið
1965, eða í 30 ár.
Helga sagðist í samtali við Morg-
unblaðið. þakka það traust sem
henni væri sýnt með skipuninni.
„Ég geri mér grein fyrir því að
þetta er samstarfsverkefni margra
aðila og ég vonast til þess að ná
góðu samstarfi við stjórn og starfs-
menn,“ segir hún.
Helga segir að á þessu stigi
málsins geti hún ekki sagt til um
neinar áherslur sem stjórnarfor-
maður enda sé hún búin að vera
erlendis í þrjú ár.
Auk þessa hefur Þorkell Helga-
son, ráðuneytisstjóri, verið skipaður
sérstakur fulltrúi Iðnaðarráðuneyt-
isins í stjórn Landsvirkjunar. Vara-
maður hans er Jón Ingimarsson,
skrifstofustjóri.
Samskiptaörðugleikar í Langholtskirkju
Búist við sáttum
í næstu viku
LÍKUR eru taldar á að sættir tak-
ist í deilum, sem verið hafa innan
Langholtskirkjusafnaðar. Sátta-
fundi, sem sr. Ragnar Fjalar Lárus-
son, prófastur, hafði boðað í dag,
hefur verið frestað fram á miðviku-
dag í næstu viku vegna anna próf-
asts. Þar er talið líklegt að gengið
verði frá samkomulagi um ýmsar
verþlagsreglur og málið þurfi því
ekki að koma til kasta biskups ís-
lands.
Guðmundur E. Pálsson, formað-
ur sóknarnefndar Langholtskirkju,
sagði í samtali við Morgunblaðið í
gær að báðir aðilar hefðu lýst því
yfir að þeir gengju til sátta af heil-
indum og því teldi hann að vandinn
væri ekki óyfírstíganlegur. Að-
spurður um ástæðu ósamkomulags
innan safnaðarins sagði hann að
meðal annars hefðu menn ekki ver-
iu á eitt sáttir um leigu á kirkju til
ýmiss konar tónlistarflutnings.
„Sóknarpresturinn telur að kirkjuna
eigi fyrst og fremst að nota til helgi-
halds. Sóknarnefndin og organist-
inn eru ekki sammála prestinum
um útfærslu á þessu, enda fáum
við tekjur af útleigunni. Það má
segja að þetta sé ekki svo stórt
deiluatriði að það hefði ekki mátt
laga, ef menn hefðu snúið sér að
því fyrr.“
Aðspurður um fregnir af ósætti
vegna orgelsjóðs kirkjunnar sagði
Guðmundur að þær væru á mis-
skilningi byggðar. „Orgelnefnd
fékk það hlutverk að safna til orgel-
kaupa og ávaxta það fé. Það er
hins vegar rétt að það láðist að
leggja reikningana fram á aðalfundi
sóknarnefndar, en það voru mistök.
Það er ekkert athugavert við þessa
reikninga og þeir hafa verið yfir-
farnir af endurskoðanda orgel-
nefndar.“
Málið langt komið
„Úrslitafundur í þessari deilu
verður á miðvikudag og ég býst
fastlega við að þá náist sættir,“
sagði sr. Ragnar Fjalar Lárusson,
prófastur, en hann hefur gegnt
hlutverki sáttasemjara í deilunni.
Ragnar sagði að málið væri langt
komið, en hann myndi tala einslega
við aðila þess fyrir fundinn á mið-
vikudag og bæri hann ekki árangur
yrði málinu vísað til biskups. „Þetta
mál snýst fyrst og fremst um sam-
skiptaörðugleika milli sóknarprests-
ins og organistans, þótt fleiri komi
þar að,“ sagði hann. „Það er erfitt
ef ekki ríkir einhugur og samstarfs-
vilji innan kirkjunnar. Þarna deilir
hæfileikaríkt fólk og við höfum öll
hug á að lagfæra þetta.“
Jón Stefánsson, organisti, vildi í
gær láta hafa það eitt eftir sér að
hann vonaði það besta. Ekki náðist
í Flóka Kristinsson, sóknarprest.
Vinsældir nokkurra
þjóðarleiðfoga
10% 8%
39% 47%
15% 27%
51 % 48%
18% Hlutlausir
71% Ósáttir