Morgunblaðið - 23.06.1995, Blaðsíða 13

MORGUNBLAÐIÐ
FÖSTUDAGUR 23. JÚNÍ 1995 13
LAIMDIÐ
Vinsæll bandarískur sjónvarpsþáttur tekinn upp á Islandi
Morgunblaðið/Aðalheiður Högnadóttir
í UPPHAFI íslandsþáttarins hittir stjórnandi þáttarins, John Yiehman, íslenskan leiðsögumann
sinn, en það er Ingimundur Þór Þorsteinsson, kunnur fjallagarþur, sem mun ganga með honum
um hálendið. Atriðið var tekið upp í Austvaðsholti í LandSveit.
Milljónir sjá gönguferð
á „Laugaveginum“
Hellu - Tökur standa nú yfir hér á
landi á vinsælum útivistarþætti,
„Trailside, Make Your Own Advent-
ure“ fyrir bandaríska sjónvarpsstöð,
Public Broadcasting Service.
Verið er að taka upp fyrsta þátt
fyrir þriðja starfsár þáttaraðarinnar
og verður hann frumsýndur í október
nk. og fjallar um gönguferð á Islandi
en umsjónarmaður þáttarins, John
Viehman, mun ganga með áhorfend-
um frá Heklu í Landmannalaugar og
Þórsmörk, yfir Fimmvörðuháls og
niður að strönd.
Að sögn Valgeirs Guðjónssonar,
sem er tengiliður hópsins á íslandi,
komu 9 Bandaríkjamenn til landsins
til að vinna að þessum þætti en ár-
lega sýnir Pubiic Broadcasting
Service 15 slíka þætti víða að úr
heiminum. Næsta ár munu t.d_. verða
á dagskrá, auk þáttarins frá íslandi,
þættir um kajakasiglingar á Bahama-
eyjum, fjallahjólreiðar í Kólórado,
frumskógaferð á Kosta Ríka svo fátt
eitt sé nefnt.
Þrjár milljónir sjá hvern þátt
Fréttaritari hitti framleiðanda
þáttanna, Matt Cohen sem jafnframt
er leikstjóri íslandsþáttarins, að máli
á Hellu, þar sem verið var að gera
klárt fýrir fyrstu töku.
„Þættir þessir eru hálftíma langir
og sýndir um gjörvöll Bandaríkin á
um 300 sjónvarpsstöðvum. Sam-
kvæmt könnunum horfa um þijár
milljónir á hvern þátt og síðan er
hann endursýndur tvisvar, einnig fer
hann í dreifingu til nokkurra Evrópu-
landa og Japans. Vinsældir hans
hafa farið vaxandi, en efnið höfðar
til fólks á öllum aldri sem vill ferðast
sjálfstætt og takast á við náttúruna.
Þeir eru teknir upp á sérstökum
stöðum víða um heim, er ætlað að
hvetja fólk til ferðalaga með því að
sýna og kenna fólki á þann útbúnað
sem til þarf fyrir margs konar úti-
vistarferðir, s.s. göngur, hjólreiðar,
tjaldferðir, kajakróðra, klettaklifur
og þess háttar. Þessi sjónvarpsstöð
er ríkisrekin 'og þannig frábrugðin
öðrum stöðvum í Bandaríkjunum að
engar auglýsingar eru á henni. Hún
fæst við menningarleg málefni,
fræðslu, ferðalög og þess háttar.“
Fimm millj-
óna króna
myndbands-
tökuvél
Hellu - Við kvikmyndun þáttarins
er notuð ný Beta Cam myndbands-
tökuvél sem Sonyfyrirtækið lánar
kvikmyndatökuhópnum til að
prófa á íslandi. Að sögn kvik-
myndatökumannsins, Jeff Way-
man, er þetta ný kynslóð mynd-
bandstökuvéla sem komast eins
nálægt gæðum kvikmyndatöku-
véla og hægt er, en allur búnaður
hennar er stafrænn. Aðéins eru
til örfáar slíkar vélar í Bandarikj-
unum, endar kostar eintakið um
80 þúsund dollara eða rúmar 5
milljónir íslenskra króna.
Morgunblaðið/Aðalheiður Högnadóttir
Morgunblaðið/Silli
GUÐRÚN Haraldsdóttir, Ingibjörg Jósefsdóttir og sr. Sighvatur
Karlsson við minnisvarðann um týnda.
Minnisvarði um týnda
Húsavík - Minnisvarði um týnda
var afhjúpaður og vígður 17. júní
í kirkjugarðinum á Húsavík við
hátíðlega athöfn að viðstöddum
mörgum ættingjum þeirra sem
týnst höfðu og ekki fengið legstað
í kirkjugarði, heldur í hinni votu
gröf hafs eða vatna.
Athöfnin hófst með því að Aðal-
steinn Á. Baldursson ávarpaði við-
stadda og rakti sögu og aðdraganda
þessa máls. Ingibjörg Jósefsdóttir,
öldruð ekkja, afhjúpaði svo minnis-
varðann og sóknarpresturinn, séra
Sighvatur Karlsson, flutti hugvekju
og bæn og vígði minnisvarðann.
Á minnisvarðann eru þegar 17
koparplötur með nöfnum þeirra,
sem vitað er að týnst hafa á þess-
ari öld úr Húsavíkurprestakalli og
nágrenni. En áformað er að nöfn
allra sem vitað er að týnst hafa á
19. öldinni verði síðar sett á minnis-
varðann.
Nýtt lag frumflutt
í tilefni þessarar minningarhá-
tíðar hefur tónskáldið Finnur Torfi
Stefánsson samið lag við ljóð Ein-
ars Benediktssonar, „Útsær“ að
beiðni Jóns Ármanns Héðinssonar.
Var lagið frumflutt af Hólmfríði
Benediktsdóttur, söngkonu og Juli-
et Faulkner, píanóleikara.
Sérstök flöt var hönnuð í kirkju-
garðinum síðastliðið sumar og í
framhaldi af því boðaði sóknar-
nefnd, formaður Björn G. Jónsson,
Laxamýri, til fundar ættingja
þeirra sem týnst böfðu og ekki
fundist. Á þeim fundi voru kosin í
sérstaka framkvæmdanefnd Aðal-
steinn Á. Baldursson, Guðrún Har-
aldsdóttir, Júlíana Dagmar Erl-
ingsdóttir og Hjörtur Tryggvason,
kirkjugarðsvörður og sá nefndin
um alla framkvæmd og hefur leyst
það verk fljótt og vel úr hendi.
Þessi framkvæmd hefur að
miklu leyti verið úármögnuð af
ættingjum en framlög til fram-
kvæmdanna er hægt að leggja inn
á reikning nr. 5674 í Landsbankan-
um á Húsavík.
Morgunblaðið/Áslaug Guðmundsdóttir
Hrist upp í mannskapnum
KJ ARN ORKUKON AN Kristín í
Gröf hristi slenið af konunum í
Eyja- og Miklaholtshreppi og
Kolbeinsstaðarhreppi eftir leið-
inlegan vetur og dreif í fyrsta
kvennahlaupinu sem haldið hef-
ur verið í hreppunum. Mættu 32
konur á aldrinum 3 til 72 ára.
Hlaupið var frá Laugagerðis-
skóla og eftir það var boðið upp
á hressingu hjá hótelstjóranum á
Hótel Eldborg, Sigurði Einars-
syni. Að þvi loknu fóru þær sem
vildu í sundlaugina.
22 - 25. júlí