Morgunblaðið - 25.06.1995, Qupperneq 8
8 SUNNUDAGUR 25. JÚNÍ 1995
MORGUNBLAÐIÐ
FRETTIR
k Sjálfvirk tilkynningarskylda og veiðieftirlitskerfi:
Samnýting land-
stöðva og gervitungla
- Háskólinn og Marstar tæknilega undirbúin
111 I I 14*
Það væri kannski árangursríkara að beina eftirlitskerfinu þangað sem vandamálin eru
til í staðinn fyrir að hundelta sjómenn.
Arsreikningur Mosfellsbæjar fyrir árið 1994
76 millj. króna halli
HEILDARSKATTTEKJUR Mos-
fellsbæjar námu 462 milljónum árið
1994. Heildarútgjöld námu 538
milljónum eða 76 milljónum umfram
skatttekjur.
Niðurstaðan er í samræmi við Qár-
hagsáætlun ársins að því er fram
kemur í frétt frá Mosfellsbæ. Gjald-
færð íjárfesting á árinu varð 58 millj-
ónir en eignfærð fjárfesting 111 millj.
Umsvif bæjarsjóðs jukust frá ár-
inu 1993. Skatttekjur jukust um
22 milljónir og rekstrargjöld um 19
milljónir. Reksturinn skilaði því 3
milljónum meira til framkvæmda
árið 1994 en árið 1993.
Afskriftir
Við vinnslu árshlutauppgjörs
fyrir fyrstu fimm mánuði ársins
1994 kom í ljós að nokkur hluti
þeirra krafna sem færðar voru
meðal útistandandi skulda voru
tapaðar. Um var að ræða fyrndar
kröfur, allt frá árinu 1984, eða
skuldari var orðinn gjaldþrota. í
ársreikningi er tekið tillit til þessa
og er 52 milljón króna framlag lagt
á afskriftarreikning til að mæta
þessum töpuðu kröfum.
Raunbreyting á peningalegri
stöðu bæjarsjóðs er að hún lækkar
á árinu um 126 milljónir og er í
árslok neikvæð um 313 milljónir.
Samanstendur lækkunin af ijárfest-
ingum umfram framlag rekstrar og
niðurfærslu vegna tapaðra krafna.
Heildarskuldir voru í lok árs 474
milljónir og höfðu hækkað um 67
milljónir frá síðastliðnu ári.
Forsetaskipti í bæjarstjórn
A fundi bæjarstjórnar Mosfells-
bæjar 21. júní sl. tók Jónas Sigurðs-
son, oddviti Alþýðubandalags, við
sæti forseta bæjarstjómar af Þresti
Karlssyni, oddvita framsóknar-
manna.
Stafrænn hljómur í Sljömubíói
FRAMKVÆMDASTJÓRI Stjörnubíós, Karl Ottó Schiöth, ásamt
góðum gestum frá kvikmyndatæknideild Sony-fyrirtækisins, Mary
Jo Kuehne framkvæmdastjóra og Bill Mead aðstoðarforstjóra.
SDDS er skammstöfunin fyrir nýtt
hljómkerfí, sem Stjömubíó hefur
komið upp í salarkynnum sínum.
SDDS stendur fyrir „Sony Dynamic
Digital Sound“ og er nýjasta hljóm-
kerfið sem sérstaklega er framleitt
fyrir kvikmyndahús.
Sony fyrirtækið hóf sókn sína inn
á kvikmyndatæknimarkaðinn árið
1989, þegar það festi kaup á Colomb-
ia TriStar kvikmyndaframleiðslu- og
dreifingarfyrirtækinu.
Kvikmyndatæknideild Sony hefur
lagt mikið í þróun hins nýja stafræna
búnaðar fyrir kvikmyndahús. í
Bandaríkjunum em nú þegar um
1000 kvikmyndahús útbúin SDDS-
kerfínu og æ fleiri kvikmyndafram-
leiðendur kjósa að dreifa sínum
myndum í SDDS-tæku formi. Utan
Bandaríkjanna hafa um 200 kvik-
myndahús kosið að setja upp SDDS-
kerfíð.
Stjömubíó er fyrsta kvikmynda-
húsið hérlendis til að setja nýja kerf-
ið upp hjá sér. í tilefni af uppsetning-
unni komu tveir háttsettir fulltrúar
kvikmyndatæknideildar Sony-fyrir-
tækisins til að kynna nýja búnaðinn.
Bill Mead aðstoðarforstjóri al-
þjóðaviðskipta og Mary Jo Kuehne,
framkvæmdastjóri, lýstu kostum
hins nýja kerfís fyrir blaðamanni
Morgunblaðsins.
Að sögn þeirra byggir kerfið ágæti
sitt á því, að á hvora rönd fílmunnar
sjálfrar er „prentuð“ stafræn hljóð-
rás, og hafa báðar að geyma hljóð
kvikmyndarinnar. Hljóðið er því „les-
ið“ af tveimur rásum, sem eru hins
vegar ekki alveg samhliða á fil-
munni, þannig að jafnvel þó. fílmar.
skaddist á einum stað hefur það
engin áhrif á afspilun hljóðsins, þar
sem alltaf er hægt að grípa til hinn-
ar rásarinnar í slíkum tilfellum.
Þetta segja Sony-fulltrúarnir að
sé ótvíræður kostur, sem SDDS-kerf-
ið hafí framyfir þau stafrænu kvik-
myndahúsakerfi, sem fyrir eru á
markaðnum.
20 hátalarar settir upp
Beztu hljómgæði eru tryggð með
tölvustýrðum aflestri hljóðsins í þar
til gerðum tækjum (Digital Film
Sound Reader og Digital Film Sound
Decoder) og hágæða víðóma magn-
ara- og hátalarakerfi. í Stjömubíói
hafa verið settir upp 20 hátalarar,
sem koma tæru digital-hljóðinu
kröftuglega til skila.
Er það von aðstandenda SDDS-
kerfisins, að það megi verða til þess
að gestir bíóhúsa njóti heimsóknar-
innar betur og að kerfið hjálpi til að
tryggja framtíð bíómenningarinnar.
Unglingalandsmót UMFI
Búist við 5.000
manns frá öllum
landshornum
IÞRÓTTAIÐKUN er stór
þáttur í starfi Ung-
mennafélags íslands og
rís íþróttastarf félagsins
hvað hæst á Unglingalands-
mótum UMFÍ. í sumar verð-
ur slíkt landsmót haldið í
Húnavatnssýslum dagana
14.-16. júlí næstkomandi og
er búist við góðri þátttöku.
Sigurlaug Ragnarsdóttir
er í undirbúningsnefnd fyrir
landsmótið og segir að undir-
búningur sé kominn vel á
veg. Allt stefni í að þetta
verði einhver stærsta útihá-
tíð sumarsins, en búist er við
um fimm þúsund manns á
svæðið.
/ hvetju verður keppt á
landsmótinu og hvar fer
keppni fram?
Keppnin fer fram á ýmsum
stöðum í Húnavatnssýslum,
enda um átta greinar að
ræða. Það verður keppt í körfu-
bolta og knattspymu á Blöndu-
ósi, glímu og skák á Skaga-
strönd, sundið fer fram á
Hvammstanga, hestaíþróttir
verða í Húnaveri, golfíð á golf-
völlum Skagstrendinga og
Blönduóss og loks verða fijálsar
íþróttir á mótsstað í Bakkakoti.
Hvernig er undirbúningi hátt-
að fyrir landsmótið?
Undirbúningur hefur náttúrlega
falist í því að finna keppnisstaði
fyrir allar greinarnar og greina-
stjóra til að halda utan um hveija
grein. Auk þess má nefna al-
mennan undirbúning, eins og
skipulagningu tjaldstæða og
rútuferða á milli staða.
Hvemig hefur gengið að fjár-
magna mótshaldið?
Við vorum mjög bjartsýn á að
við fengjum nóg af styrktaraðil-
um, en það hefur brugðist. Við
gerðum okkur margar ferðir til
Reykjavíkur og leituðum víða
fanga, en fjáröflunin gekk mjög
erfíðlega. Það var eins og flestir
hefðu lagt allt sitt í heimsmeist-
arakeppnina í handknattíeik og
ekkert væri eftir handa okkur.
Auðvitað voru það vonbrigði, því
við höfðum talið þetta verðugt
verkefni. Þarna verður saman-
komið ungt fólk frá öllum lands-
hlutum. Við verðum líklega að
treysta á fyrirtæki í okkar heima-
héraði, auk þess sem hver kepp-
andi borgar fjögur þúsund krónur
í skráningargjald.
Hvað verður um að vera fyrir
utan íþróttakeppnina?
Það verður margt á boðstólum.
Mótsetningin heppnast vonandi
vel og síðan verða ýmsar aðrar
uppákomur. Við verðum til dæm-
is með varðeld í Selvík, sem er
mjög falleg vík í Bakkakotslandi
og efnt verður til fjöl-
skyldudansleiks með
hljómsveitinni Upplyft-
ingu.
Hvað verður þetta
umfangsmikið mót?
Þegar fyrsta unglingalands-
mót UMFI var haldið á Dalvík
árið 1992 voru keppendur um
ellefu hundruð. Nú þegar hafa
hins vegar urn 2.300 skráð sig á
landsmótið, svo þetta mót verður
töluvert umfangsmeira. Þar sem
keppendur eru ungir að aldri má
fastlega búast við þvi að fjöl-
skyldur þeirra komi með þeim á
mótið. Við reiknum með um fímm
þúsund manns á svæðið í allt, en
í þeim töium eru keppendur, fjöl-
Sigurlaug
Ragnarsdóttir
►SIGURLAUG Ragnarsdóttir
er aðalbókari hjá sýslumannin-
um á Blönduósi. Hún var skipuð
í undirbúningsnefnd fyrir Ungl-
ingalandsmót UMFÍ um mitt
síðastliðið ár og nefndin hefur
fundað að minnsta kosti einu
sinni í viku alveg síðan í október
í fyrra. Hún hefur tekið virkan
þátt bæði í starfi Ungmennafé-
lagsins Hvatar á Blönduósi, þar
sem hún hefur setið í stjóm, og
svo Ungmennasambands Aust-
ur-Húnavatnssýslu. Sigurlaug
er gift Þórði Pálma Þórðarsyni
húsasmíðameistara og eiga þau
fjögur böm.
Fjáröflun
gekk mjög
erfiðlega
skyldur þeirra og starfsmenn
mótsins.
Hverniggerðist það að þú byrj-
aðir að vinna fyrir UMFI?
Það má segja að þátttakan
hafi komið af sjálfu sér því ég á
unglinga sem keppa bæði í frjáls-
um og fótbolta á landsmótum.
Ég sé ekki eftir neinum af þeim
tíma sem ég legg í þetta. Vinna
við æskulýðsmál gefur manni al-
veg heilmikið og öflugt foreldra-
starf skilar okkur sjálfstæðum
og heilbrigðum einstaklingum.
Er það ekki það sem við stefnum
öll að?
Manstu eftir einhverri
skemmtiiegri uppákomu úr starf-
inu?
Það hefur margt skemmtilegt
drifið á daga manns á Ungmenna-
félagsmótum. Ég man eftir einu
skipti, frá því ég var unglingur,
sem kom svolítið aftan að sjálfri
mér. Þá átti að fara fram íþrótta-
mót og þar sem ég bjó á Blöndu-
ósi komst ekkert annað að hjá
mér en Hvöt. Valdimar Guðnason,
sem er formaður undirbúnings-
nefndarinnar fyrir landsmótið, var
þá mjög virkur fyrir sitt
félag, Vorboðann. Hann
kom að máli við mig og
spurði hvort ég ætlaði
ekki að keppa í há-
stökki. Ég svaraði því
að sjálfsögðu játandi, enda hafði
ég mjög gaman af þessu.
Þannig fóru leikar að ég hafn-
aði í fyrsta sæti í hástökkinu og
varð auðvitað mjög upp með
mér. Þegar kom að verðlaunaaf-
hendingu komst ég hins vegar
að því, mér til mikillar hrellingar,
að Valdimar hafði skráð mig í
keppni fyrir Vorboðann, en ekki
Hvöt. Hann var himinlifandi með
úrslitin, en félagar mínir hugsuðu
mér þegjandi þörfina.