Morgunblaðið - 27.07.1995, Blaðsíða 6

6 FIMMTÍJDAGUr'27. JÚLÍ 1995
MORGUNBLAÐIÐ
FRETTIR
Verslunar-
mannahelgin
Upplýs-
ingar fyrir
ferðafólk
UMFERÐARRÁÐ mun í samstarfi
við lögreglu um land allt starfrækja
upplýsingamiðstöð á skrifstofu sinni
um verslunarmannahelgina. Þar
verður safnað saman upplýsingum
um umferðina, ástand vega og ann-
að sem getur orðið ferðafólki að
gagni.
Þá verður útvarp Umferðarráðs
með útsendingar á öllum útvarps-
stöðvum um helgina eftir þörfum.
I frétt frá Umferðarráði segir,
að nauðsynlegt sé að ökumenn hafi
ýmis atriði sérstaklega í huga þegar
lagt er af stað út á þjóðvegina. Jafn
og góður hraði skipti miklu máli,
ökumenn þurfi að sýna varúð þar
sem malarvegir taka við af vegum
með bundnu slitlagi. Einnig eigi að
hafa bílbelti spennt hvar sem setið
er í bílnum. Þá er þeim eindregnu
tilmælum beint til ökumanna að
blanda ekki saman akstri og áfeng-
isneyslu.

KJaradeila flug-
umferðarstjóra
Fundað á ný
eftir helgi
FYRSTI samningafundurinn í kjara-
deilu flugumferðarstjóra og ríkisins
var haldinn hjá ríkissáttasemjara í
gær. Þorleifur Björnsson, formaður
Félags flugumferðarstjóra, segir að
aðilar hafi verið að kynna sín gögn,
annað hafi ekki komið fram.
Akveðið var að funda aftur eftir
helgi, að öllum líkindum á mánudag.
I millitíðinni verður reynt að koma
á fundi með flugmálastjóm og full-
trúum frá samgönguráðuneyti og
utanríkisráðuneyti. Þar verða skoð-
aðir möguleikar á hagræðingu og
m.a. rætt um vinnutíma, yfirvinnu
og fjölgun í stéttinni.
Þorleifur segist ekki vita til þess
að nokkrar reglur séu til hér á landi
um vinnutíma flugumferðarstjóra.
Alþjóðasamtök flugumferðarstjóra
gera ráð fyrir að vinnuskylda sé 32
tímar á viku og að hámarksvinna
samfleytt sé 8 klukkustundir. Þor-
leifur segir að farið sé eftir þessum
reglum í flestum vestrænum ríkjum
og hér séu þær hafðar til viðmiðun-
ar, en vinnutími íslenskra flugum-
ferðarstjóra sé þó oft lengri.
Morgunblaðið/Gunnlaugur Rögnvaldsson
Siglingamálastofnun um sleppibúnaðinn
Eðlilegt að
veita frest
„MÉR þætti það eðlileg þróun,
að ísetning þessa búnaðar yrði
ekki lögskipuð strax, heldur verði
fengin ítarlegri reynsla á hann
með því að menn prófuðu hann í
skipum sínum af fijálsum vilja,“
sagði Páll Guðmundsson, deildar-
stjóri eftirlitsdeildar Siglinga-
málastofnunar aðspurður um þá
spurningu, hvort framlengja skuli
frest á gildistöku skylduákvæða
um sleppibúnað fyrir gúmmí-
björgunarbáta í fiskiskipum.
Eldri reglur strangari
Komið hefur fram í fréttum að
LÍÚ óskar eftir slíkri framleng-
ingu.
Páll sagði, að rétt væri að sá
búnaður sem í marz sl. hlaut viður-
kenningu stofnunarinnar og hefur
þar með uppfyllt kröfur núgildandi
reglugerðar um björgunar- og ör-
yggisbúnað íslenzkra skipa frá 21.
marz 1994, hefði ekki staðist þær
kröfur sem gerðar voru í fyrri
reglugerð.
I eldri reglugerðinni segir, að
búnaðurinn eígi að geta komið
björgunarbátnum örugglega á
flot, þó að skipið halli meira en
sem nemur 60 gráða horni,
þ.e.a.s. að búnaðurinn geti komið
björgunarbáti á flot þó hann sé
kominn í kaf. Samkvæmt nýju
reglugerðinni er ekki lengur gerð
krafa um að búnaðurinn uppfylli
þetta skilyrði. Sigmundsbúnaður-
inn svokallaði hefði verið endur-
bættur nokkuð frá því íyrstu próf-
anir voru gerðar á honum, en
nýjustu prófanirnar, sem búnað-
urinn hefði staðizt, væru ekki eins
strangar og þær voru.
Stöðug þróun
Páll sagðist sannfærður um,
að það ætti eftir að verða meiri
þróun á þessum öryggisbúnaði
sem um ræðir - í því sambandi
lofaði til dæmis sá búnaður sem
kynntur var í Morgunblaðinu í
gær góðu, en Ijóst væri að í’ullnað-
arprófanir á honum og viðurkenn-
ing gæti tekið langan tíma, Eins
væri eðlilegt að skipaeigendur
vildu taka mið af því hvaða reglur
munu gilda samkvæmt lCSB-til-
skipun um búnað skipa á Evr-
ópska efnahagssvæðinu. en enn
mun vera nokkur bið á því að þær
reglur liggi fyrir.
Ovenju-
legur sól-
BLÍÐVÍÐRI var víða um land
um síðustu helgi. Keppendur
og áhorfendur á íslandsmótinu
í torfæru nutu blíðunnar við
Akrafjall, skammt frá Akra-
nesi á laugardaginn. Guðný
Yngvadóttir, konatorfæru-
kappans Helga Schiöth, sem
keppir I hverju móti tók sér
sólarfrí í smástund. Hún lét sig
ekki muna um að liggja innan
um bensíntunnur og risavaxin
keppnisdekk til að njóta sólar-
innar, þegar hlé varð á keppn-
inni. Hún er I aðstoðarliði
Helga í hverri keppni og þau
náðu fjórða sæti um helgina.
Vegagerdin fylgist með
ástandi Öshlíðarinnar
ísafirði. Morfjunblaðið.
BÆJARRAÐ Bolungarvíkur boðaði
forsvarsmenn Vegagerðar ríkisins
á ísafirði til fundar fyrir stuttu
vegna öryggismála á Óshlíðarvegi
milli Hnífsdals og Bolungarvíkur. Á
fundinum var farið almennt yfir
örggismál á hlíðinni sem og sögu-
sagnir um að bergið í klettunum
utarlega á Óshlíð, væri að gliðna í
sundur.
„Niðurstaða fundarins var sú að
það er ekki hægt að lýsa því yfir
að þarna sé engin hætta og heldur
ekki að þarna sé stórkostlega mikil
hætta. Vegagerðin mun fylgjast
með Óshlíðinni eins vel og kostur
er og það er ekki tilefni til að ótt-
ast vegna þessa að mati hennar,“
Anægja með weg-
skála @e æskilegt
að þelr væru fleiri
sagði Ólafur Kristjánsson, bæjar-
stjóri í Bolungarvík.
Ólafur sagði að saga þess efnis
að bergið væri að gliðna, hefði ver-
ið á kreiki í mörg ár en þessi sömu
ár hefði bergið Iítið sem ekkert
hreyfst. „Menn hafa séð þetta og
viljað vekja athygli á því. Göngu-
menn munu hafa farið þarna upp
nýlega en ég held að það sé ekki
ástæða til að óttast það að bergið
sé að fara að hrynja yfir okkur en
við höfum óskað eftir því að fylgst
verði með berginu. Auk þessa rædd-
um við um hreinsun vegrása á hlíð-
inni, vamargarða og girðingar,
byggingu fleiri vegskála, brimvörn
auk þess sem við ræddum um
Skálavíkurveginn og fleira.“
- Eru öryggismál á Óshlíð i eins
góðu lagi og kostur er?
„Það má alltaf gera betur og það
er alveg ljóst að við viljum gjarnan
fá fleiri vegskála. Við getum verið
ánægðir með hvernig tií hefur tek-
ist með byggingu þeirra fjögurra
vegskála sem nú þegar eru á hlíð-
inni, lýsingu og fleira, en það þarf
að sjálfsögðu að gera meira á næstu
árum,“ sagði Ólafur.
Framboðsfrestur vegna formannsembættis Alþýðubandalagsins rennur út í dag
Framboði Margrétar
skilað fyrir hádegi
FRESTUR til þess að skila inn
framboðum til formanns Alþýðu-
bandalagsins rennur út á hádegi í
dag. Framboð Steingríms J.
Sigfússonar, varaformanns Al-
þýðubandalagsins, hefur borist en
stuðningsmenn Margrétar Frí-
mannsdóttur alþingismanns hafa
tilkynnt að þeir mæti á skrifstofu
Alþýðubandalagsins klukkan 11 í
dag með framboð hennar. Engin
framboð til varaformanns flokks-
ins hafa enn borist og berist engin
fyrir hádegi í dag framlengist
framboðsfresturinn í tvær vikur til
viðbótar. Yfirkjörstjórn flokksins
hittist síðan í hádeginu og fer yfir
framboðin og þau gögn sem þurfa
að fylgja.
Allir flokksmenn í Alþýðubanda-
laginu hafa rétt til að kjósa for-
mann og varaformann flokksins.
Atkvæðagreiðslan er bréfleg og fér
fram síðasta hálfa mánuðinn áður
en landsfundur Alþýðubandalags-
ins hefst, en hann verður haldinn
dagana 12.-15. október. Talning
atkvæða fer síðan fram á lands-
fundinum. Berist ekkert framboð
til varaformanns flokksins eftir að
framlengdur framboðsfrestur
rennur út fer kjör um varaformann
flokksins fram á landsfundinum.
Nöfn ekki færri en 80 og ekki fleiri
en 100 meðmælenda úr þremur
kjördæmum að minnsta kosti þurfa
að fylgja framboði til formanns.
Einar Karl Haraldsson, fram-
kvæmdastjóri Alþýðubandalags-
ins, segir að allir sem séu í flokkn-
um eða hafa gengið í hann áður
en kosning hefst hafi kosningarétt
og fái atkvæðaseðil í hendur. í
þessu tilviki þýði það að þeir sem
séu orðnir flokksfélagar föstudag-
inn 29. september hafi kosninga-
rétt. Þá verði kjörgögn send út,
en ekki sé frágengið hvort þau
verði send félagsmönnum beint eða
hvort flokksfélögin verði látin sjá
um að koma kjörgögnunum til fé-
lagsmanna sinna. Mönnum sé síð-
an í sjálfvald sett hvernig þeir
komi atkvæði sínu til skila, en til
þess að það sé gilt þurfi það að
hafa borist yfirkjörstjórn í hendur
fyrir hádegi föstudaginn 13. októ-
ber á öðrum degi landsfundar, en
þá hefjist talning atkvæða.
Einar Karl sagði að þetta væri
í fyrsta skipti að kjör allra flokks-
manna um formann færi fram þar
sem fleiri en einn gæfi kost á sér
til embættisins. í fyrra skiptið sem
svona bréfleg atkvæðagreiðsla
meðal allra flokksmanna hafi farið
fram hafi aðeins núverandi for-
maður og varaformaður flokksins
gefið kost á sér og því sjálfkjörið
í embættin. Reglunum hafi verið
breytt á landsfundi árið 1991, en
áður hafi forysta flokksins verið
kjörin á landsfundi af landsfundar-
fulltrúum.
2.570 félagar
Aðspurður sagði Einar Karl að
skráðir félagar í Alþýðubandalag-
inu væru nú um 2.570 talsins og
að undanförnu hefði þess orðið vart
að fólk væri í auknum mæli að
skrá sig í flokkinn. Hann sagði
aðspurður að nægilegt væri að óska
eftir inngöngu í fiokkinn til þess
að gerast flokksfélagi og það væri
síðan ákvörðun hvers flokksfélags
fyrir sig hvort það krefðist til dæm-
is greiðslu félagsgjalds eða ekki.
Af hálfu flokksins væri hins vegar
lagt til grundvallar það félagatal
sem fyrir lægi við gerð kjörskrár
áður en kosning hæfist og sú kjör-
skrá yrði lögð til grundvallar við
gjaldtöku flokksins af flokksfélag-
inu. Félagið þyrfti að greiða 500
krónur af hvetjum flokksfélaga á
ári og hvert félag yrði að standa
skil á greiðslum í samræmi við kjör-
skrána. Þá ætti hvert flokksfélag
rétt á að senda fulltrúa á landsfund
í hlutfalli við fjölda félagsmanna
sinna og miðað væri við að einn
landsfundarfulltrúi væri íýrir hverja
níu félagsmenn.
í yfirkjörstjórn Alþýðubanda-
Iagsins vegna kosninganna eiga
sæti Elsa Þorkelsdóttir, Ástráður
Haraldsson, Sigi-íður Jóhannes-
dóttir, Kristján Valdimarsson og
Siguijón Pétursson.