Morgunblaðið - 27.07.1995, Blaðsíða 22
22 FIMMTUDAGUR 27. JÚLÍ 1995
MORGUNBLAÐIÐ
LISTIR
Hlynur og
Asmundur
í Deiglunni
LAUGARDAGINN 29. júlí kl.
14 opna Hlynur Hallsson og
Ásmundur Ásmundsson sýn-
ingu á Listasumri í Deiglunni
á Akureyri.
Þeir félagar eru Akureyring-
ar og stunduðu nám í Mynd-
listaskólanum á Akureyri og í
fjöltæknn Myndlista- og hand-
íðaskóla íslands og útskrifuðust
árið 1993. Hlynur stundar nú
framhaldsnám í Þýskalandi en
Ásmundur í Bandaríkjunum.
Hlynur hefur tekið þátt í
nokkrum samsýningum,
myndbandainnsetningum og
staðið fyrir gjömingum hér
heima, í Noregi, Hollandi og
Þýskalandi, einnig hefur hann
haldið tvær einkasýningar í
Kunstraum Wohnraum í
Hannover og á Café Karólínu
á Akureyri.
Ásmundur hefur einnig tek-
ið þátt í nokkrum samsýning-
um, staðið fyrir gjömingum og
haldið einkasýningu í Gerðu-
bergi í Reykjavík.
Hlynur sýnir að þessu sinni
götumyndir frá Akureyri og
texta en Ásmundur sýnir ljós-
myndir, skúlptúra og málverk.
Sýningin stendur til 10. ág-
úst og er opin alla virka daga
frá kl. 11-18 um helgar frá
kl. 14-18.
Orgeltónleik-
ar í Odda-
kirkju
BJARNI Þór Jónatansson org-
anisti í Grafarvogskirkju og
Guðmundur Sigurðsson organ-
isti í Lágafellskirkju í Mos-
fellsbæ koma fram á orgeltón-
leikum í Oddakirkju föstudags-
kvöld kl. 21.
Aðgangur er ókeypis og eru
allir velkomnir.
Tónleikamir em liður í orgel-
tónleikaröð Oddakiiju.
ÍSLENSKI dansflokkurinn.
Islenski dansflokkurinn
til Nordrhein-Westfalen
ÍSLENSKA dansflokknum hefur
verið boðið á menningarhátíð í
Þýskalandi í ágúst nk. en mikill
áhugi er á íslenskri menningu þar
í landi. Um þrjár sýningar verður
að ræða, í Krefeld 2. ágúst, Bonn
6. ágúst og Bielefeld 8. ágúst. Sýnd
verða þessi verk: Af mönnum eftir
Hlíf Svavarsdóttur við tónlist Þor-
kels Sigurbjörnssonar.Su/jdances
eftir Lambros Lambrou við tónlist
eftir Yiannis Markopoulos og
Adagietto eftir Charles Czarny við
tónlist eftir Mahler.
Hlíf Svavarsdóttir er skólastjóri
dansakademíunnar í Arnheim í
Hollandi. Hún er stödd hér á landi
við uppsetningu verks síns „Af
mönnum", en það hlaut 1. verðlaun
í samkeppni dansskálda á Norður-
löndum, sem haldin var í Osló
1988.
í sýningunni taka þátt dansarar
íslenska dansflokksins, þau Birgitte
Heide, David Greenall, Eldar Vali-
ev, Guðmundur Helgason, Hany
Hadaya, Jóhann Freyr Björgvins-
son, Júlía Gold, Lára Stefánsdóttir,
Lilia Valieva og Sigrún Guðmunds-
dóttir. Stjórnendur uppfærslunnar
eru María Gísladóttir, listdansstjóri
og Jóhann Bjarni Pálmason, ljósa-
hönnuður. Auk þeirra taka þátt í
uppfærslunni Þórður Orri Péturs-
son, tæknimaður og Bryndís Brynj-
ólfsdóttir gestadansari.
Fallegur flautuleikur
Þjóðleikhúsið
Rimas Tuminas
setur upp Don Juan
JÓLASÝNING næsta
leikárs Þjóðleikhúss-
ins verður Don Juan
eftir franska leik-
skáldið Moliére í leik-
stjóm Litháans Rim-
as Tuminas.
Tuminas setti upp
Mávinn eftir Tsjek-
hov í Þjóðleikhúsinu
fyrir tveimur árum
við góðar undirtektir
en hann fékk menn-
ingarverðlaun DV
fyrir sýninguna.
Að sögn Stefáns
Baldurssonar, Þjóð-
leikhússtjóra, hefur Don Juan ekki
verið sýndur áður í leikhúsinu.
Rimas Tuminas
„Það verður óskap-
lega spennandi að fá
Tuminas hingað aftur
að fást við þetta verk.
Honum gekk mjög vel
síðast þegar hann
vann hér í leikhúsinu
og nú er fólk á bið-
lista hjá okkur eftir
því að fá að vinna
með honum að þessari
sýningu.“
Tuminas er vænta-
legur til landsins að
velja leikara í hlut-
verk í sýningunni og
hefja undirbúning
uppfærslunnar. Áætlað er að æf-
ingar hefjist í byijun nóvember.
Svipmyndir
í vatni
ANDLITIN eru vart sýnileg í
dagsbirtu þar sem þau liggja í
vatninu en þegar kvölda tejcur
birtast þau vegfarendum, óraun-
veruleg og sveipuð dulúð. Ef til
vill er þetta táknrænt fyrir þau
skilaboð sem fólgin eru í þessum
listaverkum; ljósmyndum af
flóttafólki, sem komið hefur verið
fyrir í Ijósakössum í Borsgraven
í Kaupmannahöfn.
Myndirnar eru af óþekktum
flóttamönnum, nöfn þeirra eru
löngu gleymd en vatnið virðist
vekja þau til lifsins á seiðmagn-
aðan hátt þegar hreyfingar þess
breyta andlitsdráttunum eitt
augnablik.
Höfundar verksins eru banda-
ríski Ijósmyndarínn Shimon Attie
og þýski sviðshönnuðurinn Math-
ias Maile en sýningin er í tilefni
þess að hálf öld er í ár liðin frá
lokum heimsstyrjaldarinnar síð-
ari. Sýningin stendur út júlí.
TÓNLIST
Listasafn Sigurjóns
Ólafssonar
SAMLEIKUR
Samleikur á flautu, píanó og slag-
verk. Ama Kristín Einarsdóttir,
Aðalheiður Eggertsdóttir og Geir
Rafnsson léku verk eftir Georges
Hiie, Alice Gomez, Claude Debussy,
André Jolivet og J.S.Bach.
Þriðjudaginn 25. júlí 1995
ARNA KRISTÍN er efnilegur
flautuleikari en hún er um það
að ljúka framhaldsnámi við tón-
listarskólann í Manchester og
mun þetta vera frumraun hennar
á tónleikapallinum. Fyrsta verk
tónleikanna var fantasía eftir
Georges Adolphe Hiie (1858-
1948) en hann var handhafi Róm-
arverðlaunanna 1879 og tók sæti
eftir Saint-Saens í frönsku lista-
akademíunni árið 1922. Eftir
hann liggja einar sex óperur,
ballettar, synfónísk ljóð og söng-
lög en fantasían er samin sem
prófverkefni við tónlistarháskól-
ann LParís árið 1913. Verkið er
fallega samið, eins konar „róman-
tískur impressionismi" og lék
Arna verkið mjög fallega, af tölu-
verðu næmi fyrir fínlegri blæ-
brigðum þess.
Consertino Indio, eftir Alice
Gomez, er saminn fyrir piccolo-
flautu og slagverk, skemmtilegt
og einfalt verk sem var mjög vel
flutt af Ömu og Geir en þar er
á ferðinni efnilegur slagverksleik-
ari. Samkvæmt hefðinni lék Arna
Syrinx eftir Debussy, og gerði
það fallega en bestur var leikur
hennar í „Fimm særingum“ eftir
Jolivet. Heimssýningin sem hald-
in var fyrir aldamótin í París mun
hafa vakið áhuga Frakka fyrir
frumstæðri tónlist, en eitt af því
sem einkennir hljóðfæratóntist
t.d. austurlenskra þjóða, er að
GEIR Rafnsson og Arna Krístín.
sérhvert verk þarf að merkja eitt-
hvað, segja sögu, túlka atferli eða
lýsa blæbrigðum og má segja, að
í þeirri aðferð búi leífar af þeim
tíma er merking tónlistar og orða
hafði svipaða stöðu, þ.e áður en
tungumál tóku að þróast frá því
að vera aðeins hljóðlíkingar.
Það má segja að særingarnar
eftir Jolivet, séu eins konar hljóð-
líkingarverk, vel samið og flutti
Arna það af töluverðri snerpu.
Lokaviðfangsefnið var Partíta í
e-moll (BWV 997), sem Bach mun
hafa samið fyrir lútuleikarann
Silvius Leopold Weiss, en hann
heimsótti meistarann árið 1739.
Bach samdi sjö verk fyrir lútu en
einnig er talið að sum þeirra hafi
verið ætluð til flutnings á svonefnt
„lútu-sembaló“, sem var smíðað
eftir tilsögn meistar-
ans og því sé t.d.
þessi lúta til rituð
fyrir hljómborð en
ekki með „tabúlat-
úr“-nótnaskrift.
Partítan er falleg
tónlist, sérstaklega
sarabandan og svo-
lítið nær „rókokkó"-
stíl eða „stile gal-
ant“, en margt það
sem Bach samdi
fyrir hljóðfæri.
Arna lék verkið
mjög fahega en
bæði leikur hennar
og samleikur Aðal-
heiðar Eggertsdóttur var helst til
varfærinn, bæði í tónmótun og
túlkun. Hvað sem því líður, þá
er Arna mjög efnilegur flautuleik-
ari og tónleikarnir í heild voru
fallega fram færðir en bestur var
leikur hennar í verki Jolivet.
Jón Ásgeirsson