Morgunblaðið - 20.12.1995, Síða 14

14 MIÐVIKUDAGUR 20. DESEMBER 1995
MORGUNBLAÐIÐ
AKUREYRI
Morgunblaðið/Kristján
Verkefnastaða Slippstöðvarinnar
Odda með besta móti
Fyrirtækið þurft að
vísa verkefnum frá
Verkefnastaða Slippstöðvarinnar
Odda hf. er með allra besta móti
um þessar mundir og hefur sú staða
komið upp að fyrirtækið hafí þurft
að vísa verkefnum frá. „Það er al-
veg nýtt fyrir okkur að þurfa að
vísa verkefnum frá og okkur þykir
slæmt að þurfa að gera það,“ seg-
ir Jóhannes Óli Garðarsson, fram-
leiðslustjóri fyrirtækisins.
Togarinn Siglir SI frá Siglufirði
var tekinn í flotkvínna í fyrrakvöld
og verður þar fram yfir áramót.
Siglir er stærsta skipið sem tekið
hefur verið í kvínna crg segir Jó-
hannes Óli að það hafí gengið vel.
„Það má segja að það sé biðröð
í kvínna alveg út mars. Verkefna-
staðan er mjög góð næstu vikur
og óvenjugóð næstu mánuði. Við
höfum bæði verið að bæta við
starfsmönnum og eins eru undir-
verktakar okkur til aðstoðar. Þeir
menn sem starfa hjá okkur sem
undirverktakar hafa sýnt mikinn
vilja til að leysa þau mál sem upp
koma og þeir eiga heiður skilinn,“
segir Jóhannes Öli.
Hjá Slippstöðinni Odda starfa
nú um 125 manns og auki um 35
manns á vegum undirverktaka, eða
alls um 160 manns.
Fjárhagsáætlun bæjarsjóðs Akureyrar samþykkt
Eignir seldar á næsta
ári fyrir 215 milljónir
FJÁRHAGSÁÆTLUN bæjarsjóðs
Akureyrar, stofnana hans og sjóða
var samþykkt á fundi bæjarstjórn-
ar í gær. Gert er ráð fyrir að skatt-
tekjur verði rúmlega 1,5 milljarðar
króna og rekstur málaflokka kost-
ar rúmlega 1,1 milljarð króna.
Fram kom í máli Jakobs Bjöms-
sonar bæjarstjóra að skuldir Fram-
kvæmdasjóðs munu lækka verulega
í'kjölfar eignasölu upp á 210 millj-
ónir króna. Þá sagði hann að gert
væri ráð fyrir að selja eignir á
næsta ári fyrir 215 milíjónir króna.
Þannig yrðu skuldir sjóðsins í lok
næsta árs innan við 400 milljónir
króna sem er um helmingi lægri
upphæð en skuldirnar nema nú.
Eignir seldar á næsta ári
í bókun meirihluta bæjarstjórn-
ar kemur fram að áfram verður
haldið á þeirri braut að selja hluta-
bréf bæjarins í fyrirtækjum og er
markmiðið að það gerist á næsta
ári. Söluandvirði bréfanna verður
einkum notað til niðurgreiðslu
skulda Framkvæmdasjóðs og bæj-
arsjóðs. Það svigrúm sem skapast
við eignasöluna verður auk þess
nýtt til atvinnuþróunarverkefna,
menningarmála, íþrótta- og tóm-
stundamála, umhverfismála og
viðhalds eigna.
Á næsta ári verður skipulagðri
endurskoðun rekstrarþátta í bæjar-
kerfinu haldið áfram og mun fara
fram gagnger endurskoðun á ýms-
um þáttum í rekstrinum. Þá verður
mótuð stefna um hlutfall sértekna
í rekstri þjónustustofnana bæjarins
og gjaldskfár endurskoðaðar með
tilliti til þeirrar stefnu. Meirihlutinn
vill einnig kanna til hlýtar hvort
hagkvæmt sé að sameina rekstur
veitustofnana bæjarins náist ekki
árangur í viðræðum við iðnaðar-
ráðuneyti um sameiningu Rafveitu
Akureyrar og RARIK. Loks verður
gerð tillraun með nýtt fyrirkomulag
við rekstur nýs skrifstofuhúsnæðis
félags- og fræðslusviðs, m.a. með
útboði á rekstri mötuneytis, ræst-
ingu og húsvörslu. Reynist það
hagkvæmt verður það fært yfír til
annarra stofnana bæjarins.
Raveitan greiði
afgjald til bæjarsjóðs
Sigríður Stefánsdóttir, Alþýðu-
bandalagi, lagði fram breytingartil-
lögur við fjárhagsáætlunina. Þar
var lagt til að Rafveita Akureyrar
greiði á næsta ári í bæjarsjóð 2%
afgjald af eigin fé veitunnar nú í
lok árs. Upphæðin, 17,5 milljónir
króna, myndi bætast við tekjuhlið
áætlunarinnar. Þá lagði Alþýðu-
bandalagið til að langtímalán hækki
um 15 milljónir, yrðu 135 milljónir
á næsta ári í stað 120 milljóna
króna og loks að framlag til Sund-
laugar Akureyrar yrði hækkað um
32,5 milljónir króna og yrði 67,7
milljónir í heild á næsta ári. Tillög-
umar voru felldar við afgreiðslu
áætlunarinnar.
Atvinnuskrifstofan lömuð
Sigurður J. Sigurðsson, Sjálf-
stæðisflokki, vakti áthygli á því
að hlutfall útgjalda sem hlutfalj
tekna færi vaxandi, en það gæti
leitt til alvarlegrar stöðu héldu
menn ekki vöku sinni. Sterkur
efnahagur einkenndi þó enn stöðu
bæjarins og svigrúm hans til at-
hafna.
Hann sagði illþolandi fyrir starfs-
fólk ýmissa stofnana þegar þeim
væri haldið í uppnámi ár eftir ár
vegna yfirvofandi skoðunar eins.og
nú væri boðað. Sigurður gagnrýndi
meirihluta bæjarstjómar fýrir að
hafa ekki nýtt mörg tækifæri sem
hafí boðist, enn væm of margir
atvinnulausir í bænum og íbúum
fjölgaði of hægt. Þá nefndi hann
að Atvinnuskrifstofa Akureyrar-
bæjar hefði verið nánast lömuð frá
upphafi kjörtímabilsins þrátt fýrir
mikil loforð um breytingar.
Morgunblaðið/Kristján
Ný snyrti-
vöruverslun
NÝ snyrtivöruverslun var
opnuð í göngugötunni í
Hafnarstræti fyrir
skömmu. Verslunin er við
Hafnarstræti 98 og heitir
Snyrtivöruverslunin Ilm-
ur. Eigandi hennar er Ás-
laug Borg, snyrti- og förð-
unarfræðingur.
TIL ATVINNUNOTA
Líkamsræktarstöðvar
ípróttahús
Iþróttafélög
Skip
Hótelogfl.
Glómus hf. 462 3225
Tjón RARIK vegna óveðursins í október um 183 milljónir króna
Tjónið lang-
mest á Norður-
landi eystra
KOSTNAÐUR Rafmagnsveitna
ríkisins vegna tjóns á orkudreifí-
kerfi fyrirtækisins í óveðrinu í októ-
ber er talinn verða um 183 milljón-
ir króna, þegar lokið verður við að
koma raflínum í samt lag aftur.
Þessi tala er með kostnaði við
keyrslu varaaflstpðva, sem er tal-
inn nema um 10 milljónum króna.
Mest var tjónið á dreifikerfinu á
Norðurlandi eystra en það er talið
nema um 123 milljónum króna fyr-
ir utan keyrslu varaaflstöðva. Á
Norðurlandi vestra er talið að tjón-
ið nemi um 34 milljónum króna,
fyrir utan keyrslu varaaflstöðva.
Veðrið hefur auðveldað
viðgerð
Tryggvi Þór Haraldsson, um-
dæmisstjóri RARIK á Norðurlandi
eystra, segir að vinnuflokkar séu
enn að vinna við staura og línur
en ekki verði hægt að Ijúka endan-
lega við viðgerð fyrr en í sumar.
Veðrið hefur leikið við virmuflokka
RARIK síðustu vikur og því hefur
viðgerð gengið nokkuð vel og segir
Tryggvi Þór að vegna þessa verði
viðgerðarkostnaður minni er ráð
var fyrir gert í upphafi.
í skýrslu um rafmagnsleysið á
Norðurlandi í lok október, sem
tæknisvið RARIK hefur tekið sam-
an, kemur fram að flestar bilanir
á orkuveitusvæði RARIK urðu á
svæðinu frá Skagaströnd og austur
að Þórshöfn en á þessu svæði var
ísingin mest. Alls brotnuðu 332
staurar, 185 «lár og vírslit urðu
173 á þessu svæði. Auk þess lögð-
ust 293 staurar á hliðina. Til viðbót-
ar má áætla að rétta þurfí um 1.000
staura sem halla eftir óveðrið. Hér
er um óvenjumikið magn að ræða
enda jörð ófrosin. Þessar tölur gefa
aðeins grófa vísbendingu um um-
fang bilunar, segir í skýrslunni. Til
viðmiðunar má geta þess að í línum
RARIK eru um 88.000 staurar.
Vel gekk að koma á rafmagni
Alls urðu um 26.500 íbúar á
orkuveitusvæði rafmagnsveitnanna'
fyrir rafmagnsleysi í óveðrinu, í
Kjós, á Vesturlandi, Norðurlandi
vestra, Norðurlandi eystra og Aust-
urlandi. Vel gekk að koma á raf-
magni miðað við aðstæður og var
meðallengd rafmagnsleysis frá um
2 klst. á Vesturlandi og upp í um
13 klst. á Norðurlandi eystra á
íbúa. Lengsta rafmagnsleysið á
Vesturlandi var um 20 klst., á
Norðurlandi vestra um 84 klst., á
Norðurlandi eystra um 127 klst.
og á Austurlandi um 32 klst. Ljóst
er að varavélar drógu úr straum-
leysi í þessu veðri og gjörbreyttu
í raun ástandinu.
Sérstaks átaks er þörf til end-
urnýjunar dreifikerfa til sveita með
strenglögnum í líkingu við það sem
rafmagnsveiturnar hafa unnið á
síðustu 5 árum. Með því að leggja
um 2-300 km af strengjum á þeim
stöðum þar sem ísingarhætta er
mest mundi draga verulega úr ís-
ingartjónum á dreifíkerfi til sveita.
Líkur eru á því að ef rafmagnsveit-
urnar hefðu ekki verið búnar að
leggja nær 200 km af strengjum á
ísingarsvæðunum norðanlands
hefði tjónið orðið meira en hálfur
milljarður króna, segir ennfremur
í skýrslunni.
Morgunblaðið/Kristján
ÁSBJÖRN Gíslason og Sigfús Stefánsson, starfsmenn RÁ-
RIK, voru að taka niður línur og staura í hríðinni í Aðaldal
í gær. Loftlínan yfir Skjálfandafljót skemmdist í óveðrinu í
október.
2,- 6. janúar 1991
11.-12. nóvember 1991
23.- 25. nóvember 1992
24.-26. október 1995
29. janúar 1994
* $
---J eöstauor J
...
KORT með helstu dæmum um tjón vegna ísingar
í dreifikerfi RARIK frá árinu 1991.