Morgunblaðið - 18.01.1996, Qupperneq 29

MORGUNBLAÐIÐ
FIMMTUDAGUR 18. JANÚAR 1996 29
AÐSENDAR GREIIMAR
FRÉTTIR
Boðun orðsins í
gegnum tónlistarflutn-
ing hefur, að mati
Jóhönnu E. Sveins-
dóttur, engu minni
áhrif en upplestur texta.
Nokkuð hefur verið talað um
að séra Flóki vilji „boða orðið“. í
þrengsta skilningi þess er þá átt
við hið talaða orð skv. ritningunni
en ekki með tónlistarflutningi.
Ef sú skoðun er almenn á ég erf-
itt með að sjá að það eitt nægi
til að fylla kirkjur og auka kirkju-
sókn eins og biskup sagði sjálfur
nauðsynlegt að gert yrði og kom
fram í fréttum á jóladag. Tónlist-
arflutningur lyftir athöfnum upp
yfir hversdagsleikann og getur
einn sér hrært fólk til trúar — sé
vel að honum staðið. Innan kórs-
ins starfar fólk sem er frjálst að
hafa sínar trúarskoðanir. Sumir
eru trúaðir, aðrir minna eða ekki.
Samt er það staðreynd sem allir
geta verið sammála um að við
kórfélagar höfum oft fundið mikla
trúarlega upplifun við flutning á
kirkjulegri tónlist í kirkjunni. í
því sambandi má nefna hve mjög
það hrærði okkur að syngja
„Crucifixus" úr H-moll messu
Bachs á föstudeginum langa fyrir
3 árum eða hlusta á flutning á
Agnus Dei við sama tækifæri.
Er þetta bara eitt dæmi af mörg-
um. Boðun orðsins í gegnum tón-
listarflutning hefur að mínu mati
oft engu minni áhrif en upplestur
úr Biblíunni, hvort sem það er
úr prédikunarstól eða úr miðju
kirkjuskipinu.
í þau ár sem ég hef starfað í
kórnum hef ég aldrei orðið vör
við hroka né sjálfsdýrkun hjá Jóni
Stefánssyni. Hann er listamaður
sem leggur jafn mikið upp úr þvi
að við syngjum lítinn sálm við
messu jafn vel og helstu stórverk
tónbókmenntanna. Jón er maður
fylginn sér og kröfuharður í starfi
sínu með kórnum — ekki með
boðum og bönnum, heldur laðar
hann það besta fram í okkur með
uppbyggjandi framkomu. Gleði
og jákvæðni er einkennandi fyrir
persónuleika hans. Ég á erfitt
með að sjá hann umbreytast í
annan mann í samskiptum sínum
við prestinn. Jón stóð líka lengi
vel sem klettur við hlið séra Flóka
og vil ég skýra það frekar.
Þegar séra Flóki kom til starfa
við Langholtskirkju urðu ýmsar
breytingar á messuforminu. Það
sem kom verst við kórinn var að
messurnar lengdust til muna og
man ég eftir einni messu sem lauk
kl. 12:45 — stóð í 1 klst. og 45
mínútur. Tengiliður okkar við
messunar er að sjálfsögðu Jón
Stefánsson, stjórnandi okkar og
organistinn. Við hvern kvörtuðum
við yfir þessu? Auðvitað við Jón.
Mér er það minnisstætt að fyrstu
tvö ár sér Flóka sagði Jón ætíð:
„Krakkar, látið ekki svona, það
er presturinn sem ræður og við
hlýðum honum — verið ekki að
kvarta.“ Við hlíttum því. En hvað
gerðist eftir þessi fyrstu tvö ár?.
Eg veit það ekki — ekki breyttist
Jón, a.m.k. urðum við ekki vör
við var það. En eitthvað breyttist
því við fundum smám saman vegg
myndast milli séra Flóka og okk-
ar. Samt mættum við í messur
og reyndum að syngja eins vel
og við gátum, jú, það er það sem
•okkur er borgað fyrir, — en öll
gleði yfir þátttöku í helgihaldinu
var horfin. Þegar séra Flóki hélt
„fund“ með kórnum í kaffitíma
hans á æfingu fyrir tveimur árum
komum við á framfæri við hann
því sem við vorum óánægð með.
Hann tók lítið mark á því, nánast
blés á það og hélt því fram að |
kórinn þekkti ekki litúrgíu mess-
unnar og við vissum því ekki hvað
við værum að tala um. Þetta sagði
hann við fólk, sem flest er vel
menntað og upplýst fólk, sem
m.a. hafði sungið við messur í
hartnær tvo áratugi í kirkjunni.
Er hugsanlegt að Flóki hafi orðið
neikvæður gagnvart kórnum og
Jóni af því að við vorum ekki
sammála honum og samskiptin
því farið að þróast á verri veg?
Var þetta yfirgangur af okkar
hálfu? Hvernig? Var þetta
kannski yfirgangur hjá Jóni?
Hvaða yfirgangur?
ÖIl samskipti innifela a.m.k.
tvo aðila. Þegar tveir deila hafa
eflaust báðir eitthvað til síns
máls. En þá er spurningin hvort
framkoma beggja eða annars
stjórnist af neikvæðum tilfinning-
um. Gilda aðrar reglur um fram-
komu presta við samstarfsmenn
sína og um annað fólk? Má prest-
urinn, hugsanlega í skjóli ævi-
ráðningar, ganga yfir samstarfs-
fólk sitt og sýna því fyllsta tillits-
leysi og yfirgang svo ekki sé
meira sagt? Er hugsanlegt að
séra Flóka hafi fundist kórinn og
Jón, með vönduðum tónlistar-
flutningi, skyggja á sig sem per-
sónu og flutning hins talaða orðs?
Fer fram samkeppni um hvort sé
sterkara orðið eða tónlistin? Getur
þetta tvennt ekki sameiginlega
náð þeim tilgangi að boða kristna
trú? Ætlar kirkjan í dag að kúga
fólk til trúar í skjóli valds síns,
eins og hefur viljað brenna við á
fyrri öldum? Á einu sinni enn að
geisa stríð um trúna? Hvar er
kærleiksboðskapur Jesú Krists?
Þarf presturinn ekki að hafa hann
í huga líka? Hefur tónlistarupp-
bygging sú sem Langholtskirkja
hefur verið þekkt fyrir ekkert
vægi í málinu af því að séra Flóki
hefur skrumskælt hana með því
að segja að reynt sé að lokka
fólk til kirkju á fölskum forsend-
um? Séra Flóki var einu sinni í
kórnum. Var hann að lokka fólk
til kirkju líka? Hver stjórnast af
annarlegum hvötum í svona mál-
flutningi? Organistinn, kórinn eða
presturinn?
Svara þú lesandi minn, ef þú
getur, — ég get það ekki.
Höfundur er viðskiptafræðingur
og félagi í Kór Langholtskirkju.
♦Tónleikar
í Háskólabíói fimmtud. 18. jan. kl. 20.00
Sinfóníuhljómsveit íslands
Einleikarar: Melvyn Tan, píanóleikari
Greta Guðnadóttir og Hildigunnur
Halldórsdóttir fiðluleikarar
Hljómsveitarstjóri: Osmo Vánská
Arvo Párt: Tabula Rasa
Robert Schumann: Píanókonsert op. 54
Ludwig v. Beethoven: Sinfónía nr. 5
SINFÓNÍUHLJÓMSVEIT ÍSLANDS (ft
Háskólabíói vib Hagatorg, sími 562 2255
MIÐASALA Á SKRIFSTOFU HIJÓMSVEITARINNAR OG VIÐ INNGANGINN
Sameiginlegt umferðarátak á Suðvesturlandi
Könnun lögð fyrir ökumenn
LÖGREGLAN á Suðvesturlandi
verður með sameiginlega um-
ferðarkönnun á starfssvæðinu
dagana 23.-25. janúar nk. Um leið
verður hugað að ástandi og bún-
aði ökutækja.
Viðleitni til að vekja athygli á
ákveðnum þáttum umferðar
Lögregluembættin á Selfossi, í
Keflavík, Grindavík, Hafnarfirði,
Kópavogi og Reykjavík standa að
könnuninni. Ætlunin er að stöðva
sem flesta ökumenn og spyija þá
nokkurra spurninga. Þeir verða
spurðir hvort þeir séu meðvitaðir
um að lögreglan á Suðvesturlandi
hafi með sér samstarf í umferðar-
málum, hvort lögreglan eigi að
auka umferðareftirlit sitt frá því
sem verið hefur, hvort viðurlög við
umferðarlagabrotum séu nægilega
þung, hver sé leyfður hámarks-
hraði á þeirri götu sem ekið sé á
og hvort lögreglan hafi þurft að
hafa afskipti af ökumanninum
vegna umferðarlagabrota.
I tilkynningu frá lögreglunni
segir að þetta sameiginlega verk-
efni sé, auk þess að afla svara,
viðleitni lögreglunnar til að vekja
athygli ökumanna á ákveðnum
þáttum umferðarinnar og um leið
að kanna viðhorf þeirra til ann-
arra. Það sé von lögreglumanna
að ökumenn sýni þeim þolinmæði
við störf þeirra og svari spurning-
um af samviskusemi.
Það mun ráðast af veðri hvort
athyglinni verður um leið beint að
ljósabúnaði eða dekkjum.
Er á tali ?
Valdi karlinn veit ekki aö hann þarf aðeins að nýta sér
Hann ýtir bara á e leggur á og notar
timann til annars. Þegar hitt símtalið
er búið, hringir siminn hjá Valda
og brátt er hann kominn i samband.
Simtalspöntun kostar aðeins
'fc. r.
Þessa þjónustu er ekki hægt að velja þegar hringt er úr eða í farsíma, símkerfi eða erlcnd símanúmer.