Morgunblaðið - 18.01.1996, Blaðsíða 48

48 FIMMTUDAGUR 18. JANÚAR 1996
MORGUNBLAÐIÐ
Dýraglens
Ferdinand
Sérðu? Ég fékk reikning Hví skyldi ég borga „Andi laganna byggist Viltu taka mál mitt að þér?
frá flugfélaginu upp á fyrir ferð sem ég á eðli mannlegra Þegar ég er búinn með
6.500 kr. aldrei fór? þarfa.“ þennan kleinuhring?
BREF
TIL BLAÐSEMS
Kringlan 1103 Reylqavík • Sími 5691100 • Símbréf 569 1329
Þegar ýmislegt
kemur til greina
Frá Birni S. Stefánssyni:
HVAÐ er til ráða í Langholtssókn?
Kristján J. Gunnarsson færir rök
að því í bréfi til blaðsins 6. þ.m.
(Kirkja í kreppu), að ekki verði leyst
úr vandræðum þar öðru vísi en að
sóknarbörn almennt kveði upp úr
um hvað gera skuli. Vald til ráðn-
ingar og uppsagnar prests sé að
vísu ekki í höndum safnaðarins,
heldur ríkisins (ráðuneytis dóms-
mála), en sóknarnefnd hefur ráð
organista í sínum höndum. Ef menn
telja það ráð, hvað sem skipan valds
líður, að söfnuðurinn lýsi afstöðu
sinni, þarf að leggja málið fram á
þann hátt, að afstaða safnaðarins
verði ljós. Þrennt kemur til greina
að dómi Kristjáns: A, að prestur
víki; B, að organisti víki og C, að
báðir víki. Loks má vera, að ein-
hver telji, að hvorugur skuli víkja
(D).
Lítum á hvernig nokkur upp-
hugsuð sóknarbörn kunna að meta
þá þijá kosti, sem Kristján telur
vera. Sigurður mælir með því, áð
prestur víki, telur lakara ráð, að
báðir víki, en vill síst, að organist-
inn víki. Gunnar telur skásta kost-
inn, að báðir víki, þar næst vill
hann, að organistinn víki, en vill
síst, að prestur víki. Guðrún telur
skást, að organistinn víki, vill síð-
ur, að báðir víki, en síst, að prest-
ur víki. Ásdís telur skást að báðir
víki, síðra, að prestur víki og vill
síst, að organistinn víki. Helga tel-
ur skást, að prestur fari, síðra, að
organistinn víki og síst, að báðir
fari. Ólafur vill helst, að organist-
inn víki, þar næst, að prestur fari,
en síst, að báðir fari. Bjarni telur
það eitt ráð, að prestur víki og
gerir ekki upp á milli hinna kost-
anna. Eyjólfur telur það eitt ráð,
að organistinn víki og gerir ekki
upp á milli hinna kostanna. Ragn-
hildur telur það eitt ráð, að báðir
fari og gerir ekki upp á milli hinna
kostanna.
Þótt ekki sé um nema þijá kosti
að ræða, er augljóst, að menn ráða
ekki við það með venjulegum að-
ferðum við skoðanakönnun og at-
kvæðagreiðslu að fá fram álit fjöld-
ans með einhveiju viti. Menn kæm-
ust í enn meiri vandræði að kanna
álit safnaðarins með venjulegum
aðferðum, ef fjórði kosturinn, að
hvorugur víki, yrði í málinu.
Ég gerði hér í blaðinu 7. f.m.
(Fijálslegri aðdragandi forseta-
kjörs) grein fyrir aðferð til að útkljá
slíkt mál og bendi nú á hana sem
ráð, ef sóknarbörn eiga að lýsa hug
sínum almennt. Þá er seðill lagður
fýrir sóknarbörn með kostunum
þremur og þeim falið að merkja þá,
einn eða fleiri. Sigurður merkir þá
1 við A, 2 við C og 3 við B, Gunn-
ar merkir 1 við C, 2 við B og 3 við
A. Ragnhildur merkir 1 við C og
ekki annað, og svo framvegis. Kjör-
stjórn gerir upp með því að gefa
stig fýrir, eins og lýst var í fyrri
grein. Af seðli Sigurðar fær Á 2
stig, þar sem hann er talinn betri
en tveir kostir, en C 1 stig, þar sem
hann er talinn betri en einn kostur.
Af seðli Ragnhildar fær C 2 stig,
þar sem hann er talinn betri en
tveir kostir, en A og B skipta með
sér stiginu, sem fellur í hlut þess,
sem er í öðru sæti. - í könnun, sem
fram færi á þennan hátt, mundi það
ekki flækja málið, þótt fjórði kost-
urinn, að báðir haldi áfram, yrði
með.
Ég ítreka það, að almenningur
ræður við aðferðina samkvæmt
reynslu, sem fékkst við skoðana-
kannanir á Snæfellsnesi og í Árnes-
sýslu í apríl og maí 1994.
BJÖRN S. STEFÁNSSON,
Dunhaga 5, Reykjavik.
Lyf og aftur lyf
Frá Guðrúnu Maríu Óskarsdóttur
og Ásdísi Frímannsdóttur:
VIÐ viljum ítreka ósk okkar eft-
ir frekari upplýsingum um notkun
sýklalyfja, samanber grein í Mbl.
þann 30. nóvember. Við teljum að
hér kunni að vera á ferðinni mikið
heilsufarslegt hagsmunamál og vilj-
um því varpa fyrirspurn til ís-
lenskra lækna, og/eða heilbrigðis-
yfirvalda, hvort þeir hafi ekki upp-
lýsingar um þessa rannsókn starfs-
bræðra þeirra í Danmörku.
Einnig væri fróðlegt að líta aug-
um tölur yfir notkun geðdeyfðar-
lyfja í lok árs 1995, þar sem mönn-
um bar ekki saman um hversu mik-
il aukning væri á ferðinni í upphafi
þess árs.
Eigi að síður var aukningin (sam-
kvæmt töflu landlæknis í grein í
Morgunblaðinu þann 11. janúar
1995) úr rúmum 4 dagskömmtum
á hveija þúsund íbúa árið 1992 í
rúma 12 dagskammta árið 1994.
Þarna er um að ræða lyf skyld
lyfinu Prozac, (Fontex, Flúoxín,
Tingus og Seról) sem hafa minni
aukaverkanir en fyrri lyf, en eru
jafnframt mun dýrari.
Er talað um ca. 100 milljóna
króna kostnaðaraukningu vegna
þróunar í notkun lyfjanna árið 1994
í sömu grein landlæknis og heil-
brigðisráðun. 11. janúar 1995.
I ágætri grein í Morgunblaðinu
15. janúar 1995, „Hin hliðin á ham-
ingjunni", þar sem fjallað er um
lyfið Prozac, koma m.a. fram þær
upplýsingar að mikill meirihluti
kvenna er kemur til áfengismeð-
ferðar hafi fengið flúoxetín vegna
þunglyndiseinkenna, þar sem rót
vandans lá í misnotkun áfengis eða
vímuefna. Það er því áhyggjuefni
ef til dæmis „almenn svartsýni"
kynni að vera ástæða ávísunar á
rándýr geðdeyfðarlyf. Þeir er virki-
lega eiga við alvarleg andleg vand-
kvæði að stríða mættu heldur njóta
þess í formi lægri lyfjakostnaðar.
Virðingarfyllst,
GUÐRÚN MARÍA ÓSKARSDÓTTIR,
formaður Lífsvonar,
ÁSDÍS FRÍMANNSDÓTTIR,
stjórnarm.Lífsvonar.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.