Morgunblaðið - 01.05.1996, Blaðsíða 56

56 MIÐVIKUDAGUR 1. MAÍ 1996
MORGUNBLAÐIÐ
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Tommi og Jenni
Ferdinand

rchrt2at-bcam.com v
Smáfólk
Ertu enn að dást að andlit- Nei, ég er bara að reyna
inu á þér í speglinum? að venjast því...
Um póst frá
Bandaríkjunum
Frá Hrefnu Ingólfsdóttur:
GÍSLI Jónsson skrifar í sunnudags-
blaðið um sendingu sem var póst-
lögð í New York 1. apríl en barst
til hans í Hafnarfirði 14 dögum síð-
ar. Skiljanlega þótti honum þetta
langur tími og vildi fá skýringu frá
Pósti og síma. Þegar málið var
kannað var erfitt að finna einhverja
eina skýringu. Líklega spila þarna
saman margir þættir og vegur þá
kannski þyngst að páskavikan lend-
ir þarna inn í. Tollafgreiðsla á slík-
um sendingum á að öðru jöfnu ekki
að taka meira en einn dag en gæti
hafa tekið 2-3 daga af framan-
greindri ástæðu.
Rétt er að taka fram í upphafi
að hingað til lands berst póstur frá
Bandaríkjunum á hverjum degi og
þegar aprílmánuður er skoðaður
virðist hann hafa skilað sér hratt
og vel með fyrstu flugvél eins og
vera ber. Þess má geta að gæða—
kannanir sem gerðar hafa verið á
almennum bréfum frá Bandaríkjun-
um til íslands sýna að það líða að
meðaltali 5-6 virkir dagar frá því
bréf er póstlagt í Bandaríkjunum
þar til það er afhent viðtakanda á
Islandi. En lesendum til fróðleiks
má velta því fyrir sér hvaða með-
höndlun sendingin hans Gísla gæti
hafa fengið. Hann segir að náms-
gögn hafi verið póstlögð í New
York 1. apríl en þar sem New York
nær yfir afskaplega stórt og fjöl-
mennt svæði eru þar margar póst-
stöðvar og ekki ótrúlegt að það
gætu hafa liðið 2-3 dagar þar til
sendingin var komin á þann stað
þar sem öllum pósti til íslands er
safnað saman og komið um borð í
Flugleiðavél. Við getum gefíð okkur
að hún hafi borist til landsins að
morgni skírdags, sem var 4. apríl,
eða á föstudaginn langa og verið
flokkuð á laugardeginum fyrir
páska en þá var unnið í póstmið-
stöðinni. Af því að hún var toll-
skyld fer sendingin til tollsins sem
þá hefði átt að hefjast handa þegar
opnað var eftir páska þriðjudaginn
9. apríl. Ef við gefum okkur að
tollafgreiðslu hafi lokið einhvern
tíma á föstudeginum er ekið með
sendinguna til Hafnarfjarðar um
kvöldið og Gísli fær hana í hendur
á mánudagsmorgni. Þetta er vissu-
lega flókið ferli sem eitt lítið um-
slag þarf að fara í gegn um og
ekki til fyrirmyndar hversu langan
tíma það tók þessu sinni. Því miður
er það svo með póst frá Bandaríkj-
unum að það virðist oft taka langan
tíma að koma honum þaðan sem
hann er póstlagður til New York
en þaðan fer hann til Islands. Einn-
ig kemur það fyrir að hann er send-
ur til írlands í stað íslands og get-
ur það tafið sendingar um nokkra
daga. Það er gott að fá ábendingar
um það ef að póstsendingar koma
seint fram. Það er von mín að fyrr-
nefnd töf hafi ekki komið sér mjög
illa fyrir Gísla Jónsson og að næstu
sendingar til hans fái hraðari með-
ferð.
Virðingarfyllst,
HREFNA INGÓLFSDÓTTIR,
blaðafulltrúi Pósts og síma.
Bessastaðabyggðir
Frá Jens í Kaldalóni:
í MORGUNBLAÐINU núna 17.
apríl kom einn merkilegasti pistill
um þá yfirþyrmandi vitleysugerð
sem svo úr öllum böndum gengur
í mannlegu siðferði að með undrum
talist getur. Þetta eru fréttir um
endurreisn forsetasetursins Bessa-
staða, sem áætlað sé að kosti 920
milljónir. Þarna stendur að hönnun-
arkostnaður nemi 128 milljónum
og eftirlitskostnaður 47,6 milljón-
um, eða samtals 175,6 milljónum
króna, eða sem nemur 16-17 fjög-
urra herbergja íbúðum nýjum og
fúllfrágengnum. Hvernig má þetta
geta gerst. Þessar 920 milljónir
gera í verðgildi sínu sem næst 92
fjögurra herbergja íbúðarhús
spánný af nálinni.
Þetta er svo hroðalegt athæfi
þeirra sem málum ráða, að það er
ekki útí bláinn að geta um þetta,
fólkinu til fróðleiks. En um leið og
þessi ósköp ganga yfir, eru bornir
út á gaddinn um hávetur af lög-
regluyfirvöldum tvær blásnauðar
og fátækar fjölskyldur, fyrirskipað
af sömu yfirvöldum og þeim, að
miklu leyti sem þessum Bessastaða-
milljónahundruðum moka útá gadd-
inn engum til gagns og þvísíður
sóma, og væri nokkuð syndumspillt-
ari gerð að segja þessum þjóðarhetj-
um okkar til syndanna, og láta þá
annaðhvort hirða pokann sinn, eða
sem meira mætti vera, athuga svo-
lítið betur sinn gang í því sem þeim
er trúað fýrir.
En hvað kemur svo í Tímanum
daginn fyrir þessa ágætu morgun-
blaðsgloríu: Ekkert annað en að á
hveijum einasta klukkutíma allt
árið um kring séu greiddar 1,4
milljónir króna í vexti af erlendum
skuldum sem gerir 23,333 kr. á
hverri einustu mínútu allt árið um
kring, því það er drjúgt sem klukk-
an tifar, eða á sl ári að greiddar
voru 12,4 milljarðar í vexti af er-
lendum skuldum. Ja, þvílíkt og ann-
að eins.
Ég tala ekki um þetta af því
ekki sé sálfsagt að hressa upp á
Bessastaði, heldur af því að þarna
er svo stjórnlaust og vitlaust farið
með ijármuni þjóðarinnar, að engu
tali tekur, eins og að nær 176 millj-
ónir fari í eftirlits- og hönnunar-
kostnað á uppbyggingu eins sveita-
býlis.
En 10. apríi kom fyrsti þröstur-
inn hér í hlaðið kl. 7 um morgun-
inn, hann var með smámiða í
goggnum sem hann skildi þar eftir
og á stóð:
Nú leggst vorið vel í vin,
mikið er það gaman.
Þegar Þrasta vina kyn,
veifar vængjum saman.
(Jens í Kaldalóni)
JENS GUÐMUNDSSON,
Kaldalóni.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.