Morgunblaðið - 23.05.1996, Blaðsíða 2

2 FIMMTUDAGUR 23. MAÍ 1996
MORGUNBLAÐIÐ
FRETTIR
Verslunarskóli íslands brautskráir
197 nemendur í dag
Rússnesk stúlka dúx
á verslunarprófí
RÚSSNESKA
stúlkan Evgenía
Nikolajevna Ignat-
íeva, nemandi við
Verslunarskóla ís-
lands, hlaut 9,37 í
aðaleinkunn og er
þar með dúx í sín-
um árgangi i dag.
Þorvarður Elíasson
skólastjóri segir að
enginn útlendingur
hafi náð svo góðum
árangri við skólann
áður. Evgenía, sem
hefur búið á íslandi
í fimm ár, er meðal , . TM , .
annarsdúxíís- Evgenia N.kolaj-
lensku. Kvaðst hún evna í&nat,eva
að vonum ánægð í samtali við
Morgunblaðið í gær og hyggur
á sumarnám í Oxford, von bráð-
ar.
Evgenía er meðal 197 nem-
enda skólans sem útskrifast með
verslunarpróf í dag og hlýtur
hún tvo bikara fyrir ágætisein-
kunn í íslensku og stærðfræði,
eða tíu, auk verðlauna fyrir
besta árangur á verslunarprófi.
Þá er hún með níu í eðlisfræði,
9,5 í tölvufræði og tíu í bók-
færslu og þjóðhagfræði.
Semidux í ár er Jón Sigurðs-
son að sögn Þorvarðar, og hlýt-
ur hann meðaleinkunnina 9,13.
Jón fær bikar fyrir ágætisein-
kunn í bókfærslu og stærð-
fræði, eins og Evgenía.
Sagt var frá Evgeníu í Morg-
unblaðinu fyrir tveimur árum
vegna frábærs námsárangurs
hennar á grunn-
skólaprófi frá
Hagaskóla, en þá
fékk hún tíu í vetr-
areinkunn í fjórum
fögum. Evgenía,
hefur verið búsett
á íslandi í fimm ár
en hún kemur frá
bænum Toijatti
skammt frá
Moskvu. Faðir
hennar starfar hjá
Bifreiðum og land-
búnaðarvélum og
móðir hennar
stundar nám við
Háskóla íslands.
íslenskir
unglingar ólíkir rússneskum
í sumar ætlar Evgenía til
Oxford að læra ensku, en hún
hefur ekki enn tekið ákvörðun
um hvort hún heldur áfram í
Verslunarskólanum. Langar
hana helst til að fara í breskan
háskóla þegar þar að kemur.
Líkar henni ágætlega á ís-
Iandi en segir að viðhorf ís-
lenskra unglinga til lífsins sé
talsvert frábrugðið því sem
hún á að venjast að heiman.
Evgenía lærir tvo tíma á hverj-
um degi og fjóra tíma á laugar-
dögum, en tekur sér frí á
sunnudögum, að eigin sögn. í
frístundum finnst henni gaman
að lesa, sérstaklega rússneskar
bækur sem fást í bókasafni
Háskólans, en uppáhaldsfagið
er enska.
Heimilt að flytja
inn svína-
og fuglakjöt
3-5% af árlegri heildarneyslu
LANDBÚNAÐARRÁÐUNEYTIÐ hefur auglýst tollkvóta vegna
innflutnings á samtals 74 tonnum af ósoðnu svína-, og alifugia-
kjöti með lágmarkstollum og má búast við að kjötið verði komið
á markað í lok júní. Um er að ræða 3-5% af árlegri heildar-
neyslu íslendinga á þessum kjöttegundum.
Að sögn Ólafs Friðrikssonar í
landbúnaðarráðuneytinu er um að
ræða tollkvóta vegna innflutnings
á 38 tonnum af beinlausu, frystu
svínakjöti, 33 tonnum af frystu
kjöti af kjúklingum og þrem tonn-
um af frystu kalkúnakjöti. Magn-
tollar á hvert kíló svínakjöts eru
403 krónur 148 krónur á kíló
kjúklingakjöts og 203 krónur á
hvert kíló kalkúnakjöts.
Að sögn Ólafs er vegna heil-
brigðisástæðna skilyrði fyrir inn-
flutningnum að kjötið sem um
ræðir komi frá Noregi, Svíþjóð eða
Finnlandi, en yfirdýralæknir hefur
heimilað innflutning á kjöti frá
þessum löndum. Berist umsóknir
um innflutning á kjöti frá öðrum
löndum verða umsækjendur að
leggja fram gögn um að kjötið
standist heilbrigðiskröfur og
ákveður yfírdýralæknir í framhaldi
af því hvort innflutningur verður
heimilaður. Innflutningstímabilið
sem um ræðir er frá 20. maí til
loka ágúst næstkomandi.
Umsóknarfrestur um tollkvót-
ana rennur út fimmtudaginn 30.
maí og sagði Ólafur að ef umsókn-
ir bærust um meira magn en það
sem til úthlutunar er yrði leitað
tilboða í tollkvótana. Verði hins
vegar sótt um minna magn en
auglýst er í hveijum tollkvóta
verður því magni sem umfram er
bætt hlutfallslega við aðra toll-
kvóta.
5 meðmæl-
endalistar
komnir
MEÐMÆLENDALISTAR
hafa borist yfirkjörstjórn í
Reykjavík frá fimm manns
vegna forsetakosninganna
sem fram fara 29. júní næst-
komandi. Framboðsfrestur
rennur út á miðnætti á föstu-
dag og ber að skila framboðum
til dómsmálaráðuneytisins fyr-
ir þann tíma.
Að sögn Jóns Steinars
Gunnlaugssonar, formanns yf-
irlq'örstjómarinnar, voru á
fundi hennar í fyrradag full-
trúum fjögurra frambjóðenda,
þ.e. Guðrúnar Agnarsdóttur,
Guðrúnar Pétursdóttur, Ólafs
Ragnars Grímssonar og Péturs
Kr. Hafstein, afhentir til baka
meðmælendalistar sem yfir-
kjörstjóm hafði borist og lokið
hafði verið við að yfirfara.
Jón Steinar sagði að síðdeg-
is á þriðjudag og í gær hefðu
svo borist meðmælendalistar
frá Ástþóri Magnússyni. Verið
er að fara yfir þá lista, en það
verk annast trúnaðarmenn
yfirkjörstjórnar á Manntals-
skrifstofunni í Reykjavík, og
sagðist Jón Steinar eiga von á
að listarnir yrðu tilbúnir til
afgreiðslu í dag.
Pjölmennt
í fanga-
geymslum
FIMMTÁN manns gistu fanga-
geymslur lögreglu aðfaranótt mið-
vikudags, þar af sjö sem færa átti
til yfirheyrslu. Þykir það óvenjulegt
í miðri viku, að sögn lögreglu.
Tveir menn voru teknir eftir að
hafa brotist inn í bflskúr og fundust
verkfæri í fórum þeirra. Einnig var
maður handtekinn í tengslum við
rúðubrot við Skólavörðustíg, hjá
Komelíusi gullsmiði, og var búið að
íjarlægja úr og aðra gripi sem í
glugganum voru.
Þá voru þrír handteknir vegna
gruns um innbrot í spilasal aðfara-
nótt þriðjudags, og einn færður til
geymslu í tengslum við þijár íkveikj-
ur í miðbæ Reykjavíkur.
Loks er tekið að bera á árvissum
reiðhjólaþjófnaði að sögn lögreglu
og voru tvö tilvik tilkynnt í gær, en
stuldur á reiðhjólum nær jafnan há-
marki í júní og júlí.
-----» ♦ ♦----
Samræmd próf
Sjö úrlausn-
ir týndar
SJÖ úrlausnir nemenda við Grunn-
skóla Raufarhafnar í samræmdu
prófi í íslensku hafa ekki skilað sér
til yfirferðar.
Menntamálaráðuneytinu hefur
borist bréf frá Rannsóknastofnun
uppeldis- og menntamála þar sem
vakin er athygli á því að úrlausnim-
ar vanti og er málið í athugun hjá
ráðuneytinu, að sögn Stefáns Bald-
urssonar, skrifstofustjóra á skrif-
stofu menntamála og vísinda. Ekki
er enn ljóst hvað farið hefur úrskeið-
is að hans sögn.
Fyrsti lax
sumarsins
FYRSTU laxar sumarsins eru
komnir í verslun Nóatúns í Aust-
urveri og er laxinn nú um hálfum
mánuði fyrr á ferðinni en í fyrra.
Að sögn Jóns Þ. Jónssonar versl-
unarstjóra er um að ræða tvo laxa,
9 og 10 punda, sem veiddust í sjáv-
arlagnir við Borgarnes. Sagðist
Jón vonast til þess að geta boðið
upp á meira magn af Borgarfjarð-
arlaxi á næstu dögum.
» • ........................................•

Morgunblaðið/Ásdís
Eina nýsmíðaverkefnið í hættu vegna erfiðleika með úreldingn
Ureldingarréttur seldur
á 90 þús. kr. á rúmmetra
SKIPASMÍÐASTÖÐIN hf. á Isafirði hefur átt í
viðræðum við útgerð rækjubáts um að smíða nýj-
an 15 metra langan rækjubát. Gæti þetta orðið
fyrsti nýsmíðasamningurinn sem innlend skipa-
smíðastöð hefur gert í nokkur ár en málið er nú
í hættu vegna þess hvað erfítt er að fá keypta
viðbótarúreldingu og hvað verðið á henni er orðið
hátt.
Lítil endumýjun hefur verið í flotanum sem
stundar veiðar á innfjarðarrækju, aðallega við
Vestfirði og Norðurland og eru margir bátarnir
orðnir gamlir og lélegir. Sigurður Jónsson, fram-
kvæmdastjóri Skipasmíðastöðvarinnar hf. á
ísafírði, segir að þörfín á nýsmíði sé mikil og eft-
ir margra ára undirbúning sé nú að hilla undir
fyrstu nýsmíðina hjá fyrirtækinu. Rætt hafi verið
um smíði á 15 metra löngum rækjubát og telur
hann að fleiri muni fylgja í kjölfarið ef vel tekst til.
Til þess að fá leyfi til endumýjunar bátsins
þarf útgerðin að úrelda jafn marga rúmmetra og
nýja skipið mælist. Nýtt skip þarf hins vegar að
vera breiðara og dýpra en hið eldra til þess að
unnt verði að koma við nútíma vinnuaðferðum,
svo sem körum I lest, og til þess að báturinn
uppfylli alþjóðlegar stöðugleikakröfur. Því þarf
útgerðin að kaupa sér viðbótarrétt til úreldingar,
af öðmm skipum.
Braskað með réttinn
Lítill úreldingarréttur er á markaðnurn og verð-
ið hefur hækkað. Segist Sigurður vita dæmi þess
að verðið á rúmmetranum sé komið í um 30 þús-
und krónur fyrir litla báta en allt að 90 þúsund
krónum fyrir stærri skip. Og menn séu komnir út
í alls konar brask með þennan rétt, jafnvel séu
til dæmi um að menn leigi úreldingarrétt.
Vill Sigurður að þessar reglur verði felldar úr
gildi. Ef það gangi ekki leggur hann til að ríkið
selji nú þegar hæstbjóðendum úreldingarkvóta, til
dæmis 200 þúsund rúmmetra, til þess að minnka
braskið og lækka verðið. Getur hann þess að marg-
ir þingmenn hafí lýst yfir áhuga á að breyta reglun-
um. Verðið myndi snarlækka ef það yrði gert.
Hamlar þróun
Segir Sigurður að reglur sem þessar hamli þró-
un í útgerðinni og stuðli að sóun. „Ekki þarf úreld-
ingu til að stækka stálbáta sem smíðaðir eru fyr"
ir árið 1986. Hafa því 30 ára gamlir bátar verið
lengdir, breikkaðir og hækkaðir til að koma til
móts við nýjar kröfur,“ segir Sigurður.
Innfjarðarrækjan er öll kvótabundin og hefur
lengi verið og segir Sigurður að menn fái ekkert
meiri kvóta þó þeir fái sér almennilegt tæki til
að sækja skammtinn sinn. Nú séu til útgerðar-
menn sem ættu að hafa efni á því að endumýja
bátana sína en verði að sækja kvótann á görnlum
og 'itlum bátum. Þeir treysti sér ekki í endurnýjun
vegna þess hvað þeir þurfa að greiða öðrum út-
gerðarmönnum háar fjárhæðir fyrir úreldingu.