Morgunblaðið - 23.05.1996, Blaðsíða 51
MORGUNBLAÐIÐ
FIMMTUDAGUR 23. MAÍ 1996 51
FRÉTTIR
Morgunblaðið/Valdimar kristinsson
MIKLAR annir eru framundan hjá kynbótadómurum og gerðu þeir ráð fyrir að dæma vel á annað
hundruð hross á Fákssvæðinu og í Mosfellsbæ, en þar dæma Guðlaugur Antonsson, Kristinn Huga-
son og Jón Vilmundarson, með þeim á myndinni er Friðþjófur Vignisson tamningamaður.
Hvítasunnumót Fáks
Dalvar og Svartur í
eldlínunni í A-flokki
HVÍTASUNNUMÓT Hestamanna-
félagsins Fáks hefst í dag með for-
vali gæðinga í A- og B-flokki gæð-
inga. Á morgun föstudag fer fram
keppni 20 úrvals gæðinga og ræðst
í þeirri keppni hvaða hestar og knap-
ar mæta fyrir hönd félagsins á fjórð-
ungsmót sunnlenskra hestamanna í
júlí en Fákur má senda fjórtán hesta
í hvorn flokk.
Mikil spenna ríkir ávallt fyrir
Hvítasunnumót Fáks enda koma þar
að venju fram margir af bestu hest-
um landsins. Hvergi er keppnin eins
hörð og spennandi og einmitt þar.
Nú bætist við að hið nýja keppnisfyr-
irkomulag sem samþykkt var á síð-
asta ársþingi Landsambands hesta-
mannafélaga verður reynt í fyrsta
sinn. Hefst það með forvali þar sem
þrír hestar verða inni á velli og
dæmt er hægt tölt, brokk og yfir-
ferðartölt í B- flokki en skeið í stað
yfirferðartölts í A-flokki. í báðum
flokkum er svo gefin einkunn fyrir
fegurð í reið og vilja.
Um fimmtíu hestar eru skráðir
í hvorn flokk og eru þar á meðal
margir af fremstu gæðingum
landsins. Má þar nefna af B-flokks
hestum Loga frá Skarði sem staðið
hefur efstur undanfarin tvö ár en
nú er kominn nýr knapi á klárinn,
Sigurbjörn Bárðarson sem mun
einnig sýna Odd frá Blönduósi og
Hjört frá Hjarðarhaga. Þá mætir
Ásgeir Svan með Farsæl frá Arnar-
holti en hann þykir mjög sigur-
stranglegur og Þórður Þorgeirsson
sýnir Höld frá Reyðarfirði og
Gunnar Arnarsson verður með
Blika frá sama stað.
í A-flokki er helst að nefna sigur-
vegarann frá síðasta landsmóti Dal-
var sem Daníel Jónsson sýnir að
venju og víst mun að Svartur frá
Unalæk sem Þórður Þorgeirsson
sýnir muni veita harða keppni.
Dómar kynbótahrossa hófust á
mánudag og hefur nokkur fjöldi
hrossa hlotið fyrstu verðlaun. Á
laugardag hefst dagskrá klukkan
10 með forkeppni í yngri flokkum
en yfirlitssýning kynbótahrossa
hefst klukkan 13 og fyrri sprettir
kappreiða að henni lokinni. Um
kvöldið verður opin töltkeppni. Á
mánudag annan í hvítasunnu fara
fram úrslit í öllum greinum en endað
verður á seinni sprettum kappreiða.
Morgunblaðið/Þorkell
SALUR Norræna hússins yfirfylltist og urðu
margir frá að hverfa.
Fyrirlestur um eyrna-
suð endurtekinn
FÉLAGIÐ Heyrnarhjálp stóð í
fyrrakvöld fyrir fyrirlestri um
eyrnasuð/Tinnitus í Norræna hús-
inu. Til fundarins mættu yfir 100
manns og yfirfylltist salur Norræna
hússins og varð fjöldi manns frá
að hverfa.
Af þessum sökum hefur Heyrnar-
hjálp ákveðið að endurtaka fyrir-
lesturinn fimmtudaginn 23. maí í
Norræna húsinu kl. 20.30.
Fyrirlesturinn flytur Kaj Fjelle-
rad uppeldisfræðingur, en hann
hefur sjálfur glímt við eyrnasuð í
mörg ár og er formaður dönsku
Tinnitussamtakahna sém heyra
undir Samtök heyrnarskertra í Dan-
mörku.
Að sögn Jóhönnu S. Einarsdótt-
ur framkvæmdastjóra Heyrnar-
hjálpar, virðist eyrnasuð/tinnitus
hrjá margt fólk, jafnt ungt sem
gamalt, og að glöggt mætti sjá af
þeim fjölda sem mættu til fundar-
ins á þriðjudaginn að fólk þyrstir
eftir fróðleik um eyrnasuð og leið-
beiningum um hvernig það getur
best komist af með hávært suð eða
hvin í eyrum eða höfði. Fyrirlestur-
inn er túlkaður yfir á íslensku og
jafnframt rittúlkaður og fólki að
kóstbáðarláusu.
Fjölmenni á
ráðstefnu AA
AA-SAMTÖKIN á íslandi héldu
17. landsþjónusturáðstefnu sína
laugardaginn 18. maí sl. á Hótel
Selfossi.
Ráðstefnuna sóttu 97 fulltrúar
úr öllum landshlutum en starfandi
AA-deildir eru nú 256 og tíu ís-
lenskumælandi erlendis. Lands-
þjónustunefnd AA-samtakanna er
skipuð níu alkóhólistum og þremur
sem eru það ekki.
Tveir fulltrúar frá Færeyjum
sóttu ráðstefnuna í boði íslensku
samtakanna til að kynna sér starf-
semina hér en engin landsþjón-
ustunefnd er starfandi í Færeyjum
þótt þar séu 30 AA-deildir. Hver
AA-deild heldur að minnsta kosti
einn fund í viku.
------»-■»■■■♦---
■ LJÓSAS ÝNING U í öllum
Borgarljóskeðjuverslunum lauk
fyrir nokkru. Fjöldi fólks lagði leið
sína á sýninguna og voru eftirfar-
andi nöfn gesta dregin út og unnu
þeir 10 þúsund króna vöruúttekt
hver. Soffía Daníelsdóttir,
Reykjavík, Björn Gíslason, Höfn
í Hornafirði, Helga Björg Jóns-
dóttir, Egilsstöðum, Sigríður
Egilsdóttir, Selfossi, Hrafnhild-
ur Jónsdóttir, Keflavík, Gróa
Egilsdóttir, Akranes, Sigríður
B. Þórðarson, ísafirði, Eygló í.
Oddsdóttir, Reykjavík, Anna
Klara Hilmarsdóttir, Akureyri
og Hólmfríður Jónsdóttir, Akur-
eyri.
Háskólafyrirlestur um
táknmál heyrnarlausra
CAROL Neidle og Dawn MacLaug-
hlin frá Bostonháskóla í Bandaríkj-
unum flytja opinberan fyrirlestur á
vegum heimspekideildar Háskóla
íslands í dag, fimmtudaginn 23.
maí, um táknmál heyrnarlausra.
Fyrirlesturinn hefst kl. 17.15 í
stofu 101 í Lögbergi. Hann verður
fluttur á ensku með skýringamynd-
um og sýnishornum á myndbandi
og nefnist „Non-Manual Correlates
of Syntactic Agreement in Americ-
an Sign Language". Hann verður
einnig túlkaður á íslenskt táknmál.
Neidle er doktor í málvísindum
og prófessor í þeirri grein við Bos-
ton University og MacLaughlin er
að ljúka doktorsnámi í málvísindum
við sama skóla með málfræði tákn-
máls heyrnarlausra sem sérgrein.
Prófessor Neidle hefur um nokkurra
missera skeið stýrt rannsóknar-
verkefni sem varðar málvísindalega
hlið táknmáls heyrnarlausra í
Bandaríkjunum.
Verkefnið felst einkum í athugun
á því hvaða hlutverki ýmiss konar
látbragð og svipbrigði gegna í
bandarísku táknmáli en komið hef-
ur í ljós að slíkir þættir gegna miklu
víðtækara og reglubundnara mál-
fræðilegu hlutverki en menn höfðu
áður talið og handahreyfingar einar
segja ekki alla söguna. Prófessor
Neidle og félagar hafa þróað
ákveðna tækni til að skoða og
greina þætti af þessu tagi á mynd-
bandi. Rannsóknir þeirra hafa vakið
mikla athygli, notið stuðnings frá
bandaríska Vísindasjóðnum.
Fyrirlesturinn er öllum opinn og
eru áhugamenn um táknmál heyrn-
arlausra sérstaklega bent á fund-
inn.
Morgunblaðið/Halldór
ARNASON JFP 2S-8 verður væntanlega flogið á næstunni.
Kristján Árnason, til vinstri, ræðir við óþekktan
flugvélaáhugamann.
Rennvotur flugdagur
FLUGDAGUR var haldinn í
kalsaveðri á Rey kj a víkurflug-
velli síðastliðinn laugardagi
samvinnu Flugmálafélags Is-
lands og Flugmálastjórnar. Boð-
ið var upp á ýmislegt til skemmt-
unar viðstöddum, svo sem Iist-
flug, svifflug, fisflug, svifflug-
tog, módelflug og fallhlífastökk.
Kristján Arnason flugvélaverk-
fræðingur sýndi vélina Arnason
JFP 2S-8 sem verið hefur í smíð-
um frá 1987. Hugmyndina fékk
Kristján hins vegar fyrir 20
árum og vinnur hann nú að und-
irbúningi þess að geta hafið
hana á loft innan tíðar. Áður en
það verður að veruleika þarf að
stilla ýmsan búnað vélarinnar
en sú nýbreytni er í hönnun
hennar að í stað hefðbundinna
hreyfla notar Krislján háþrýsti-
viftur til þess að knýja liana
áfram. Svo virðist því sem hún
sé hreyflalaus. Mun þetta vera
MÓDELFLUGIÐ vakti at-
bygli yngri kynslóðarinnar.
eina flugvélinn sinnar tegundar
í heiminum að hans sögn.
Forstöðumenn sundstaða á íslandi
Þorsteinn heiðursfélagi
Á FYRSTA aðalfundi Samtaka for-
stöðumanna sundstaða á Islandi var
samþykkt einróma að gera Þorstein
Einarsson, fyrrverandi íþróttafull-
trúa ríkisins, að heiðursfélaga Sam-
takanna.
Þorsteinn Einarsson hefur allt frá
því hann tók við starfi iþróttafulltrúa
ríkisins árið 1939, haftmikinn áhuga
á sundíþróttinni og byggingu og við-
haldi sundlauga. I marga áratugi var
hann einn fárra sérfræðinga um
hreinsun og meðhöndlun sundlauga-
vatns hér á landi. Hann tók þátt í
að hanna og skipuleggja fjölda sund-
lauga um allt land og var faglegur
ráðgjafi fjölmargra um rekstur
þeirra. Hann stóð einnig fyrir tilraun-
um með að hanna og byggja sund-
laugar á ódýrari máta en áður var
þekkt.
Segja má að Þorsteinn hafi öðrum
fremur unnið að því að koma nútíma
sundlaugatækni á framfæri hér á
landi. I upphafi starfsferils síns sem
íþróttafulltrúi voru örfáar sundlaug-
ar á íslandi með hringrás og hreinsi-
tæki. Nú eru hins vegar aðeins örfá-
ar laugar, sem ekki hafa þennan
búnað, í notkun. Þorsteinn hefur
einnig verið frumkvöðull að sund-
skyidu barna hér á landi og ötull
baráttumaður fyrir sundíþróttina
sem almenningsíþrótt. Þannig tók
hann virkan þátt í framkvæmd
200m keppninnar á meðan hún var
Og hét.
Félagar í Samtökum forstöðu-
manna sundstaða á íslandi eru nú
nærri 40 talsins en voru aðeins 25
þegar félagið var stofnað í mars
1995.