Morgunblaðið - 23.05.1996, Blaðsíða 10
10 FIMMTUDAGUR 23. MAÍ 1996
MORGUNBLAÐIÐ
FRÉTTIR
Fundaröð borgarmnar með
foreldrum og starfsmönnum skóla
Oánægja með hug-
mynd um tilfærslu
bekkja milli hverfa
FORELDRAR bama í Hvassaleitisskóla mótmæltu því harðlega sl. þriðju-
dag, á hugarflugsfundi með Skólamálaráði og öðrum starfsmönnum
borgarínnar, að nemendur elstu bekkja skólans yrðu færðir yfir í Réttar-
holtsskóla, eins og ein af hugmyndum vinnuhóps arkitekta á vegum
Skólamálaráðs um „rýmisáætlun grunnskóla" hljóðar. Töldu þeir og
aðrir mjög óheppilegt að flytja þannig heilu árgangana á milli skóla-
hverfa. „Þetta er ekki lausn sem við munum sætta okkur við,“ sagði
talsmaður þeirra.
Fundurinn var haldinn með for-
eldrafélögum, foreldraráðum, kenn-
araráðum og skólastjórum Breiða-
gerðisskóla, Fossvogsskóla, Hlíða-
skóla, Hvassaleitisskóla og Réttar-
holtsskóla. Var hann sá fímmti í
fundaröð borgarinnar með öllum
skólum borgarinnar. Sjötti og síð-
asti fundurinn fer fram í kvöld.
Sigrún Magnúsdóttir, formaður
Skólamálaráðs, sagði frá tilurð
skýrslunnar og lagði áherslu á að
hér væri um áfangaskýrslu að ræða.
í haust yrði síðan væntanlega gefin
út fimm ára áætlun um uppbygg-
ingu skóla og leikskóla í borginni.
Tilgangurinn með fundunum væri
að kynna drög að hugmyndum sem
fram hafa komið í skýrslunni og
skýra út frá hvaða forsendum þær
hafa verið unnar. „Við erum hér til
að hlusta á tillögur og taka tillit til
þeirra. Ef foreldrar rísa alfarið gegn
sameiningu skóla verður það ekki
gert,“ sagði hún.
Stofur vantar mjög víða
Áfangaskýrslan var kynnt af
arkitektunum Rúnari Gunnarssyni,
Agli Guðmundssyni og Olafi Hall-
dórssyni og kom meðal annars fram
í máli þeirra, að skólastofur vantar
nánast við hvern einasta skóla í
borginni. Á þetta jafnt við um skóla
sem þegar eru orðnir einsetnir og
hina sem eru tvísetnir. Þeir bentu
einnig á að víða í skólum mætti
samnýta rými eins og til dæmis
hátíðasali og matsal og víða þyrfti
að endurskipuleggja starfsemina til
að nýta rými betur. Bætti Sigrún
Magnúsdóttir við að um væri að
ræða betri nýtingu á húsnæði, til
dæmis eins og að flytja sérgreinar
í lausar stofur eða viðbyggingar.
Eftir að áfangaskýrslan var kynnt
var reiknaður rúmur klukkutími til
fyrirspuma, sem var vel nýttur.
Fundarmenn lýstu almennt yfír mik-
illi ánægju með það framtak borgar-
innar að kalla saman fund og út-
skýra málin. Bent var á að sams
konar fundur væri einnig æskilegur
til að ræða um innra starf skólans.
Gegnumsneitt kom fram almenn
óánægja með húsnæði heilsdags-
skóla en Sigrún Magnúsdóttir benti
á að það framtak borgarinnar hefði
verið rétt skref, þó svo að húsnæði
mætti vera betra, því umræðan um
„lyklabörn" hefði horfið með tilkomu
heilsdagsskólans.
Meðal spurninga frá foreldrum
var hvort gert væri ráð fyrir sér-
stakri vinnuaðstöðu fyrir kennara
í rýmisáætlun. Var svarið að gert
væri ráð fyrir einhverri sameigin-
legri aðstöðu en með einsetningu
gæti vinnuaðstaða kennara jafnvel
færst út í skólastofumar.
Sérstakur maður sinni
foreldrastarfi
Gerður G. Óskarsdóttir, nýráðinn
forstöðumaður Fræðslumiðstöðvar,
sem tekur til starfa 1. ágúst nk.,
tók til máls og lýsti ánægju sinni
með skýrsluna og til hversu margra
þátta hún tæki. Hún benti á að
innan Fræðslumiðstöðvar yrðu þrjú
svið, m.a. þróunarsvið. Á verksviði
þess yrði einmitt áframhaldandi
þróun á því verki sem hér væri
hafið. Hún tók fram að sér hefði
verið mikils virði að heyra álit for-
eldra á þessum fundum. „Mér finnst
samstarf við foreldra mjög mikil-
vægt og hef lagt til að við höfum
sérstakan starfsmann í Fræðslum-
iðstöð sem sinni málefnum foreldra
og hjálpi þeim t.d. að vinna sem
markvissast í foreldraráðum."
LYNGVIK
FASTEIGNASALA - SIÐUMÚLA 33 - SÍMI: 588 9490X
Ármann H. Benedíktsson lögg. fasteignasali - Geir Sigurösson lögg. fasteignasalí II
Þingás - raðh. Faiiegt 155
fm endaraðh. á einni hæð. Mjög
skemmtil. staðsett hús við opið
svæði. Áhv. 5 millj. byggsj. Verð
12,5 millj. (8521).
Foldasmári - Kóp. -
raðh. Nýtt og nánast fullb. 192
fm endaraðh. á tveimur hæðum. 5
svefnherb. Innb. bílsk. Áhv. ca 7,8
millj. húsbr. Verð 12,5 millj.
(8329).
Hrefnugata - -hæð. Mjög
falleg 96 fm íbhæð á 1. hæð í þrí-
býli. Ljóst parket. Áhv. ca 5 millj.
byggsj. og húsbr. Verð 8,4 millj.
(7470).
Dalsel - 4ra + bílskýli.
Mjög góð 98 fm endaíb. á 2. hæð
ásamt 35 fm stæði í bílhúsi. Sér-
þvottaherb. innaf eldh. Mjög
þokkaleg eign sem er’laus strax.
Áhv. 4 míllj. Verð 7,7 millj. (4517).
Hlíðarhjalli - 4ra-5
herb. + bflsk. stðrgiæsii.
117 fm íb. á 2. hæð ásamt innb.
25 fm bílsk. Mikið útsýni og hreint
fráb. skipul. þar sem svefnherb.
og bað eru á sérgangi. Sérþvotta-
herb. í íb. Hús nýmálað að utan.
Áhv. ca 5,1 millj. byggsj. Verð
11,2 millj. (4527).
Melabraut - Seltj.-
3ja-4ra. Falleg 88 fm íbhæð
ásamt hluta í risi. Nýtt parket. 3
svefnherb. og stofa. Áhv. byggsj.
3,6 mlllj. Verð 6,9 mlllj. (3531).
Hlíðarhjalli - 3ja +
bflsk. Sérl. falleg 93 fm íb. á 3.
hæð ásamt 25 fm bílsk. Sérþvotta-
herb. Sjónvarpshol. Mikið útsýni.
Hús nýmálað. Áhv. 5,1 millj.
byggsj. Verð 8,9 millj. (3343).
Kambsvegur - 2ja. Mjög
góð 61 fm íb. á efri hæð í fjórb.
Afh. fljótl. Verð 5,4 millj. (2509).
Hvítasunnumenn kaupa Tívolíhúsið
Hveragerði. Morgunblaðið.
ÞEIR sem leið eiga fram hjá
Hveragerði þessa dagana, komast
ekki hjá því að taka eftir því að
verið er að rífa allt syðra hús Tí-
volísins sem í nokkur ár hefur
sett mikinn svip á bæinn.
Það er Hvítasunnusöfnuðurinn
á Islandi sem hefur fest kaup á
syðri hluta hússins. Tívolíhúsið,
sem er í eigu Hveragerðisbæjar,
er 6.000 fm að flatarmáli en syðri
hluti þess er um 3.000 fm. Turn,
sem er á þeim hluta hússins, hefur
verið mjög áberandi og mörgum
þyrnir í augum.
Stór hópur fólks frá Hvíta-
sunnusöfnuðinum er staddur í
Hveragerði og vinnur við niður-
rif Tívolihússins. Hvítasunnu-
menn munu nota limstrébita
hússins og annað burðarvirki
þess í samkomuhús er reisa á í
Kirkjulækjarkoti í Fljótshlíð.
Húsið reist í Fljótshlíð
Ásmundur Kristjánsson sér
um niðurrif hússins og uppsetn-
ingu í Kirkjulækjarkoti. Að-
spurður sagði hann að tæplega
40 manns ynnu við niðurrifið í
sjálfboðavinnu og miðaði verk-
inu mjög vel. í kaupsamningn-
um var skilyrði þess efnis að
kaupandi gengi frá suðurhlið
þess hlutar sem eftir stendur
og er það verk langt komið.
„Við ætlum okkur að ljúka
þessu í vikulokin og síðan verð-
ur hafist handa við byggingu
samkomuhússins í júní eða júlí.
Hvítasunnusöfnuðurinn hefur í
nokkur ár staðið fyrir mikilli
samkomu um verslunarmanna-
helgina í Kirkjulækjarkoti í
Fljótshlíð og aðsóknin hefur
verið slík að við teljum að hús
af þessari stærðargráðu muni
nýtast okkur mjög vel. Turninn
munum við ekki nýta og styttist
húsið sem honum nemur en þeir
2.600 fm sem eftir standa munu
gjörbreyta allri aðstöðu í
Kirkjulækjarkoti."
Morgunblaðið/Aldís Hafsteinsdóttir
TÆPLEGA fjörtíu manns úr Hvítasunnusöfnuðinum vinnur við niðurrif Tívolíhússins í sjálfboða-
vinnu og miðar verkinu vel.
Frumvarp um opinbera starfsmenn afgreitt úr nefnd í dag
Talsverðar breyt-
ingar eru boðaðar
Frumvarpið um réttindi og skyldur
opinberra starfsmanna er nú til með-
ferðar hjá efnahags- og viðskipta-
nefnd Alþingis og verður væntanlega
afgreitt þaðan út í dag. Það tók tók
miklum breytingum milli fyrstu og
annarrar umræðu og nú liggur fyrir
efnahags- og viðskiptanefnd breyt-
ingartillaga frá fjármálaráðuneytinu
um að fækkað verði í þeim hópi, sem
átti að fá stöðu embættismanna sam-
kvæmt frumvarpinu.
Samkvæmt frumvarpinu verða
m.a. allir starfsmenn Alþingis og
stofnana þess, allir starfsmenn skrif-
stofu forseta íslands og allir starfs-
menn stjómarráðs, embættismenn
sem ekki hafa verkfalls- og samn-
ingsrétt. Breytingartillaga fjármála-
ráðuneytisins gerir ráð fyrir að að-
eins æðstu yflrmenn hins opinbera
verði embættismenn auk lögreglu-
manna, tollvarða og fangavarða.
Þá liggur einnig fyrir breytingar-
tillaga um að fella brott ákvæði um
að starfsmenn, sem kjósa að standa
utan stéttarfélaga, hljóti sömu launa-
kjör og kjarasamningar segja til um
sambærileg störf. Þetta ákvæði
gagnrýndu þingmenn stjómarand-
stöðunnar mjög og sögðu það hvetja
til þess að ríkisstarfsmenn yrðu utan
stéttarfélaga.
Gegn stjórnarskrá
Þá var í gær talið líklegt að frek-
ari breytingar yrðu gerðar á frum-
varpinu í samræmi við þrjú lögfræði-
álit sem lögð voru fyrir nefndina á
þriðjudagskvöld, en þau gefa til
kynna að einstök ákvæði frumvarps-
ins geti brotið í bága við stjórnarskrá.
Nefndin óskaði eftir því að lög-
mennirnir Andri Árnason, Lára V.
Júlíusdóttir og Tryggvi Gunnarsson
fjölluðu um einstakar frumvarps-
greinar sem hafa verið gagnrýndar
mjög, þar á meðal ákvæði um að
Talsverðar breytingar
verða að öllum líkindum
gerðar á frumvarpi um
réttindi og skyldur
starfsmanna ríkisins við
þriðju og síðustu um-
ræðu um frumvarpið.
embættismönnum sé óheimilt að efna
til, stuðla að eða taka'þátt í verk-
falli eða öðrum sambærilegum að-
gerðum.
í greinargerð með frumvarpinu
segir að þetta sé í samræmi við lög
frá 1915. En Tryggvi bendir m.a. á
að í þeim lögum sé ekki notað hug-
takið „stuðla að“ og því sé frumvarp-
ið víðtækara.
Tryggvi segir í áliti sínu að lög-
gjafanum sé heimilt að kveða á um
þagnarskyldu og trúnað embættis-
manna en þær takmarkanir megi
ekki ganga lengra en þörf krefji. Og
orðalagið, „að stuðla að“ verkfalli
geti falið í sér að hvetja til þess með
blaðaskrifum og að taka þátt í um-
ræðum innan stéttarfélags um kjara-
mál og aðgerðir af því tilefni.
Tryggvi bendir á að prestar séu í
hópi embættismanna og ákvæðið
geti því takmarkað möguleika þeirra
til að setja fram eigin sjónarmið í
stólræðum. Hann kemst síðan að
þeirri niðurstöðu að frumvarps-
ákvæðið feli í sér takmörkun á tján-
ingarfrelsi embættismanna, sem
gangi of langt.
Lára kemst að sömu niðurstöðu
og segir ákvæðið kunna að ganga á
svig við stjórnarskrá, og algert bann
þessara hópa við verkföllum ætti að
vera fyllilega nægjanlegt. Andri telur
hins vegar ekki að frumvarpsákvæð-
ið gangi gegn stjórnarskránni þar
sem álykta megi að ákvæðið taki
eingöngu til verkfalla embættis-
manna eða þeirra sem óheimilt-sé
að gera verkföll samkvæmt lögum
um kjarasamninga opinberra starfs-
manna.
Þá telja lögmennirnir að sam-
kvæmt frumvarpinu sé málsskots-
réttur opinberra starfsmanna þrengri
en meginregla í íslenskum rétti segi
til um, en benda á að Alþingi geti
tekið slika ákvörðun og tryggja þurfí
andmæla rétt ríkisstarfsmanna bet-
ur.
Eignarréttur á biðlaunum?
Lögmennirnir fjalia um ákvæði
frumvarpsins um biðlaunarétt og tel-
ur Andri að það standist stjórnárskrá
að skerða áunnin biðlaunaréttindi
þar sem um almenna takmörkun sé
að ræða sem komi jafnt niður á öllum
sem fyrir henni verða. Lára telur
hins vegar að margt bendi til að bið-
launaréttur njóti verndar eignarrétt-
arákvæðis stjórnarskrárinnar og sé
sá réttur skertur hafi viðkomandi
skaðabótarétt.
Lögmönnunum ber saman um að
ekki sé verið að brjóta stjórnarskrár-
bundin réttindi á þeim sem verða
embættismenn, samkvæmt breyting-
artillögu fjármálaráðuneytisins og
breytingartillagan standist einnig
alþjóðlega sáttmála.
Óbreytt væri frumvarpið hins veg-
ar andstætt meginreglum vinnu-
markaðsréttar um samningsfrelsi,
verkfallsrétt og rétt til þátttöku í
vinnumarkaðsfélögum. Störf allra
þeirra hópa, sem þar eru taldir til
embættismanna, teljist tæplega til
þeirra öryggisstarfa sem félagsmála-
sáttmáli Evrópu gefur undanþágu
frá þessum réttinum.