Morgunblaðið - 31.05.1996, Blaðsíða 26

26 FÖSTUDAGUR 31. MAÍ 1996
MORGUNBLAÐIÐ
LISTIR
Námskeið í
sænskum
þjóðlögum
DAGANA 2.-6. júní verður haldið
námskeið í sænskum þjóðlögum
fyrir jafnt unga sem aldna fiðlu-
nemendur og fiðluleikara í Tónlist-
arskólanum í Grafarvogi.
Námskeiðið er þrískipt; fyrir
bytjendur, fyrir þá sem hafa spilað
lítillega þjóðlög áður og fyrir þá sem
lengra eru komnir.
Kennari verður Margaretha
Mattsson frá Orsa í Svíþjóð. Skrán-
ingarfrestur er til 31. maí.
Fimmtudaginn 6. júní kl. 17
verða tónleikar í Norræna húsinu
þar sem allir þátttakendur munu
koma fram.
KATRÍN Friðriks er næturmálari og kafari og notar sterka liti „LITBLINDA“ er næstum ársgömul
mynd sem lýsir verkum Katrínar vel
Kornung í popp-
list í París
—» —
Húbert Nói
sýnir ný olíu-
málverk
HÚBERT Nói opnar sýningu á nýj-
um olíumálverkum í Gallerí Sævars
Karls á laugardag.
Húbert Nói er fæddur 1961.
Hann stundaði líffræðinám við Há-
skóla íslands árin 1981-1982, þá
sótti hann námskeið í Myndlista-
skóla Reykjavíkur árin 1982-1983
og hóf síðan nám í Myndlista- og
handíðaskóla íslands til ársins
1987.
Á sýningunni eru málverk unnin
úr olíu á striga, öll frá þessu ári.
Húbert Nói hefur tekið þátt í sam-
sýningum og þetta er 12. einkasýn-
ing hans og önnur sýning hans í
gallerí Sævars Karls.
París. Morgnnblaðið.
UNG íslensk listakona sýnir nú í
París á sögufrægum slóðum við
Place des Vosges. Katrín Friðriks
kallar hún sig og litríkar olíu-
myndir í anda popplistar bera
vitni aðdáun hennar á Erró, Andy
Warhol og Roy Lichtenstein, í
þeirri röð sem hún nefnir þá. „Eg
vil hafa líf í myndunum og segja
sögu án þess að enda hana alveg.
Þeir sem horfa sjá um það,“ segir
Katrín. Hún hefur samning til
næstu missera við sýningarsalinn,
sem er númer 4 við torgið.
Katrín er 21 árs og hefur á
hreinu þekkt viðhorf listamanna
til einsemdar, forgangsraðar hlut-
anna og fólksins, sem þrátt fyrir
allt þarf til hvatningar. Katrín
málar allavega ekki í lokuðu her-
bergi, hún segist taka á móti vin-
um og kunningjum daginn út og
inn, „stúdíóið mitt er eins og
mannmargt og svolítið ruglings-
legt heimili," segir hún, „ég kæm-
ist ekki langt án áhuga fólks á
myndunum mínum og vináttu sem
á til að spretta upp úr því.
En myndlistin gengur fyrir og
nóttin er góður vinnutími. Ég
mála aðallega þá - ef ég hef ekki
farið í matarboð sem stendur vel
og lengi eða út á Iífið.“ Það til-
heyrir kannski þegar maður er
ungur og listhneigður og víst er
að ekki vantar staði í París. Katr-
ín segist kunna lífinu þar frábær-
lega, allt hafi gengið svo vel og
nú voni hún bara að „henni takist
að halda hjörtum fólks“.
Katrín gekk í listaháskóla í
Stuttgart og lauk honum fyrir
tveimur árum. Þá hélt hún til
Parísar og komst í kynni við fólk
sem bauð henni að sýna á nætur-
stöðum, ef svo má segja, um diskó-
tekið Niel’s i fyrravor, við opnun
nútímalegs glæsibars, Barfly, í
fyrrasumar og á þekktum dans-
stað, Les Bains Douches, í byijun
þessa árs. Katrín segist varla hafa
munað hvað hún hét á opnun sýn-
ingarinanr á Barfly, gríðarmargt
fólk hafi komið og þetta sé í bili
hennar uppáhaldssýning. „Auðvit-
að er ég hissa," segir hún, „hvað
allt gengur vel og svona rosalega
hratt. En ég er líka mjög ánægð,
ég fer að heimsækja myndirnar
mínar hjá fólki sem hefur keypt
og býður mér að sjá, Frakkar eru
n\jög hlýir þannig.“
Helst vill Katrín ekki sjá of
mikið af samtímalist, kannski, við-
urkennir hún, af hræðslu við
áhrif, og eldri myndlist vekur
heldur ekki brennandi áhuga í
bili þótt hún blandi abstrakt og
klassik í eigin myndir. Hins vegar
á nútími og hönnun hug hennar
allan, handgerðar slæður eftir
hana koma á markað í Frakklandi
og Sviss í haust og verða ef til
vill seldar í fríhöfninni í Leifsstöð.
Annars er uppáhaldið köfun í heit-
ari sjó en evrópskum, kannski út
af sterkum litum fiska og kóralla,
neðansjávar popplist.
„SJÓARimm SÍKÁTI"
er í essinu sínu í dag
LEIÐIM LIGGUR
í GRIIUDAVÍK, BLÁA LÓIUIÐ OG SELTJÖRIU
£ b&cfr, fö$tuda<%mu maí '96
Kl. 10:00 og kl. 14:00
Skemmtisigling og sjóstöng
Hámark 10 manns í hverri ferð
Kl. 14:00 - 22:00
Sýningar í menningarmiðstöð og skóla opnar alla dagana
Kl. 13:00 Knattspyrnuvöllur
UMFG - Keflavík, A og B 3. flokkur kvenna
Kl. 14:00 Fyrirtækjakynningar
Stakkavík, saltfiskverkun - Húsatóftir, saltfiskverkun
Fiskanes, humarvinnsla - Gullvík, söltun á
grásleppuhrognum - Þorbjörn, netavinna og trolluppsefning
Brunnar hf. fyrirtæki í stáliðnaði fyrir sjávarútveginn
Krosshús, nótagerð og trollvinna
Hitaveita Suðurnesja orkuverið opið
Útsýnisflug með þyrlu
Skemmtisigling og sjóstöng: Gönguferð
Markaðstorgið opið við Fiskmarkaðshúsið
Bíla- og viðlegusýning við íþróttahúsið
Hestaleiga og hestvagnaferð við Slökkvistöðina
Sundlaugin opin - Bláa lónið opið
Silungsveiði í Seltjörn - Húsatóftagolfvöllur opinn
Leiktæki fyrir börnin á skólalóð
Kl. 16:00 Félagsheimilið Festi
Tískusýning fyrir börn, kaffiveitingar og tónlist
Kl. 16:00 - 22:00 Félagsheimilið Festi
Götukörfumót, fjórir aldurshópar
Kl. 17:00 Menningarmiðstöð ( Kvennó)
Jasstónleikar Jasstríós Ólafs Gauks, Róberts Þórhallssonar og
Guðmundar Steingrímssonar ásamt söngkonunni
Önnu Mjöll Ólafsdóttur
Kl 19:00 Veitingahúsið við Bláa lón
Jasstónleikarnir endurteknir
Kl. 20:00 Selatangar, gönguferð
undir leiðsögn Hauks Guðjónssonar, rúta fer frá
verslunarmiðstöðinni og sækir fólkið að göngu lokinni
Kl. 20:30 Grindavíkurkirkja
Karlakór Keflavíkur heldur tónleika
Kl. 21:00 Félagsheimilið Festi
Unglingadansleikur 14 til 18 ára
Hljómsveitirnar Kuml og No Mercy spila
Tískusýning fyrir unglinga
Kl. 23:30 Verslunarmiðstöð
Miðnæturganga á Þorbjörn
Varðeldur og söngur, ef veður leyfir