Morgunblaðið - 31.05.1996, Blaðsíða 40

40 FÖSTUDAGUR 31. MAÍ 1996
MORGUNBLAÐIÐ
Tveir möguleikar til atvinnu
Vinnuvélanámskeið Nýja ökuskólans, kvöld- og
helgarnámskeið, hefst mánudaginn 3. júní kl. 18.00. Námskeiðið, sem er bæði
bóklegt og verklegt, gefur réttindi til töku prófs á allar gerðir vinnuvéla.
Upplýsingar og skráning alla helgina í síma 588 4500.
Námskeið í landmælingum hefst í kvöid ki. 20.00.
Námskeiðið tekur á grunnatriðum í hæðarmælingum og er 12 st. Námskeiðið
er ætlað starfsmönnum verktaka.
Bæði námskeiðin eru haldin í et-húsinu, Klettagörðum 11, Sundahöfn.
Nýi ökuskólinn, Klettagörðum 11
Sími 588 4500 og 568 1580.
hefur ýmislegt
girnilegt
á prjónunum!
Okkur er heiður og áncegja að
kynna nýjan matreiðslumeistara
í Sjanghæ, Ho Fei Cheung.
Hann er ættaður frá Hong Kong
og hefur undanfarin 20 ár
starfað á ýmsum kínverskum
veitingahúsum í Amsterdam.
Ho er sérfræðingur í kantónska
eldhúsinu, sem þykir ein allra
besta hefðin í kínverskri
matargerðarlist.
Gestir Sjanghæ fá nú að
kynnast kræsingunum
frá Kanton.
Nýir réttir
Kryddjurtasúpa
Kínversk
grœnmetissúpa
Stórar rækjur með
ferskum tómötum
Fiskur með chilisósu
Pönnusteiktur
kjúklingur Peking
Pönnusteikt lambakjöt
með sesam
Léttsteikt tofu með grœnmeti
Monsju pok
Kanton charsiew
Kanton-önd
Tilboð fyrir 2
eða fleiri
Kanton-rœkjur
Nautakjöt með
svörtum baunum
Monsju pok
Gaos kjúklingur
Grænmetissúpa
og salatréttir
Verið velkotnin
kínverska veitingahúsið á Islandi
Laugavegi 28b Sími 551 651 3 - 552 3535 - Fax 562 4762
MINNINGAR
ÁRNI
JÓSEPSSON
+ Árni Jósepsson
fæddist í Sand-
vík á Austfjörðum
13. janúar 1919.
Hann andaðist 22.
maí síðastliðinn á
Elliheimilinu
Grund. Foreldrar
hans voru Jósep
Halldórsson og
Sigurbjörg Hall-
dórsdóttir. Eftirlif-
andi eiginkona
Arna er Guðrún
Jónsdóttir. Börn
Arna eru: 1) Björn
Sævar. Sonur hans
er Arnar og fósturdóttir Björk.
2) Anna Bára, maki Jónas Þór.
Þeirra börn Katrín og Elsa. 3)
Aðalbjörn Snorri, maki Jóhanna
Sverrisdóttir. Sonur þeirra Ein-
ar Finnur. 4) Arni Viðar, maki
Auður Oddgeirsdóttir. Börn
þeirra Pétur, Anna og Arnrún.
Útför Árna fer fram frá
Langholtskirkju í dag og hefst
athöfnin klukkan 10.30.
Árni Jósepsson er látinn. Andlát
hans bar hægt að, hann settist í
stól framan við sjónvarp og beið
eftir fréttum. Skömmu síðar tóku
viðstaddir eftir því að hann hafði
sigið nokkuð á aðra hliðina og
þegar að var gáð kom í ljós að
hann var allur.
Árni fæddist í Sandvík á Aust-
fjörðum og ólst upp fyrir austan.
Óft sagði hann stoltur frá því þeg-
ar hann fór í sinn fyrsta róður
aðeins átta ára gamall, en ferðirn-
ar á sjóinn urðu óteljandi áður en
hann hætti sjómennsku. Hann
lærði vélstjórn, en sá stundum um
eldamennskuna ef enginn kokkur
fannst. Sjómannslíf Árna var
áreiðanlega ekkert ósvipað ann-
arra ungra manna þessara tíma -
endalaus vinna. Lífið var vinna,
annars varð því ekki lifað. Hann
sigldi um hættusvæði Atlantshafs-
ins á stríðsárunum en upp úr lokum
þeirra kynntist hann eftirlifandi
konu sinni, Guðrúnu Jónsdóttur,
og kvæntist hann henni árið 1947.
Árið 1954 flytja þau suður til
Keflavíkur þar sem Árni vann eitt
ár en svo var ferðinni heitið til
Reykjavíkur. Þar réð Árni sig í
vinnu hjá Pólum hf. og vann hann
þar þangað til hann stofnaði eigið
fyrirtæki, Rafgeymaþjónustuna
hf. Hann fann húsnæði við
Reykjavíkurhöfn og undi þar vel
hag sínum þar til hann hætti störf-
um. Við höfnina komst hann aftur
í nána snertingu við sjómennsk-
una og oft gleymdi hann sér á
tali við trillukarla eða aðra sjó-
menn. Hann hellti upp á og þeir
sátu og sögðu sögur. En svo kom
að öll þessi vinna, allt þetta strit
fór að segja til sín og heilsa Árna
tók að bila. Síðustu árin tók hann
á öllu sem hann átti til að geta
sinnt starfi sínu, oft í raun og
veru fársjúkur. Loks kom að
starfslokum og fyrirtækið var selt.
Hann kvaddi síðasta vinnustað
sinn með trega og var hvergi hann
sjátfur eftir það.
Maður er sá mannsverk vinnur.
Mannkostir Árna voru
miklir. Ég kynntist
honum í eldhúsinu í
Ljósheimum 16 kvöld
nokkurt fyrir tæpum
aldarfjórðungi. Ungur
og ákafur sóttist ég
eftir ástum einkadótt-
ur hans og bjóst eins
við því að hann léti
hana ekki af hendi
fyrirvaralaust. En
handtak hans var
hlýtt og þétt og brosið
ósvikið.
Upp frá þessari
stundu leið mér alltaf
vel í návist hans. Vinnusamari
mann hef ég ekki þekkt og held
sá sé vandfundinn. Vinnudagur
Árna var alltaf langur og oft kom
það fyrir að ekki sást hann mikið
heimafyrir um helgar eða jafnvel
á hátíðisdögum vegna þess að
geymi vantaði í bát eða bíl. Árni
sagði ekki nei ef til hans var leit-
að. Hann fann alltaf stund til að
rétta hjálparhönd. Vinnan við raf-
geyma er ekki þrifalegt starf, en
aldrei mátti merkja á Árna hvert
starf hans var þegar hann settist
upp í bíl sinn að loknum vinnu-
degi og ók heim. Hann gerði kröf-
ur til sjálfs síns og sinna nánustu
um snyrtimennsku. Sóðaskap
þoldi hann illa.
Heima í Ljósheimum undi Árni
sér best þegar börn hans komu í
heimsókn með urmul barnabarna
á öllum aldri. Þar var oft hama-
gangur í öskjunni og hávaði tals-
verður. Ungbörn heimtuðu pelana
með sínu lagi, eldri börn þeyttust
upp um sófa og undir borð í ærsla-
fullum leikjum og táningar
smelltu nýjustu plötunni sinni á
fóninn til að heyra. Ef allt fór
fram eftir settum reglum lét Árni
allt afskiptalaust, en ef þær voru
brotnar kallaði hann upp nafn hins
brotlega einu sinni og sá seki
bætti ráð sitt. Þannig virðingu
báru ungir sem aldnir fyrir þess-
um sómamanni.
Þrátt fyrir mikla vinnu gafst
Árna tóm til frístunda og las þá
mikið. Hann átti orðið ágætt bóka-
safn og ósjaldan kom maður að
honum í sófanum við lestur. Hann
virtist lesa allt milli himins og
jarðar en þó tók ég eftir sérstökum
áhuga hans á öllu er varðaði Aust-
firði og fólki sem þar hafði búið.
Hann hélt alltaf tryggð við æsku-
stöðvarnar þótt heimsóknirnar
þangað væru ekki margar. Hugur
hans leitaði þangað iðulega og vel
mátti merkja nokkurt stolt í rödd
hans er hann gat uppruna síns.
En ekki les Árni lengur í sófan-
um heima í Ljósheimum en
kannski hittir hann nú eitthvað
af því sómafólki sem hann kynnt-
ist af bókum og hafði búið í Sand-
víkinni eða einhverjum fjarðanna
fyrir austan, fólk sem löngu var
farið þann veg sem Árni nú gekk.
Ég votta Guðrúnu, eftirlifandi
konu hans, mína dýpstu samúð,
svo og börnum hans, barnabörn-
um, systkinum og öðrum aðstand-
endum öllum.
Jónas Þór.
4
«
, ■
«
«
Á...
«
I
Æ
v-
i
í
ga
i
í
i
i
(
(
(
I
(
i
i
i
i
i
i
i
1
Nýbýlavegi 12, sími 554 4433