Morgunblaðið - 13.06.1996, Blaðsíða 6

6 FIMMTUDAGUR 13. JÚNÍ 1996
MORGUNBLAÐIÐ
FRÉTTIR

Vinna við annan áfanga framkvæmda við Vesturlandveg í Artúnsbrekku á áætlun
!
Brúarbyggingu á Sæbraut/
Reykjanesbraut var frestað
Brú yfir Elliðaár
er í byggingu
Þessi akrein til vesturs niður Ártúns-
brekku verður lokuð þar til brúin á
Sæbraut/Reykjanesbraut verður opnuð
r Artúnsbrekku
Morgunblaðið/Kristinn
BRÚ YFIR Elliðaár verður steypt í kvöld og nótt en hún er
einn stærsti hluti annars áfanga við framkvæmdir á Vesturlands-
vegi. A myndinni sjást verkamenn á fullu við undirbúning brúar-
gerðar og umferðin á Vesturlandsvegi í baksýn.
Þriðja akreinin lokuð
í 2 ár í örvfirffisskyni
VINNA við annan áfanga fram-
kvæmda við Vesturlandsveg, breikk-
un vegarins í Ártúnsbrekku og brú-
argerð yfir Elliðaár, gengur sam-
kvæmt verkáætlun að sögn Magnús
Gunnarssonar hjá Vegagerð ríkisins.
Brúin sem er 65 m löng og 18 m
breið verður steypt í kvöld og nótt
og af þeim sökum verður hluta Vest-
urlandsvegar lokað frá kl. 19 í kvöld
og fram til kl. 7:30 í fyrramálið.
Að lokinni breikkun vegarins og
byggingu brúar verður framvegis
ekið á þremur akreinum í báðar átt-
ir. Umferð verður hleypt á nýja veg-
inn og brúna þann 1. september n.k.
í næsta áfanga verksins verður
byggð brú yfir Sæbraut og Reykja-
nesbraut en með henni verður komin
tenging við Miklubraut sem einnig
hefur þrjár akreinar. Framkvæmd-
um við þann áfanga hefur aftur á
móti verið frestað, eins og kunnugt
er, um eitt ár vegna niðurskurðar á
framlögum til vegamála á Alþingi í
vetur.
Fyllsta öryggis gætt
Magnús segir að í öryggisskyni
verði þriðja akrein á vestari hluta
nýbyggingar Vesturlandsvegar ekki
tekin í notkun fyrr en framkvæmd-
um við síðasta áfangann lýkur síðla
árs 1998. Væri það gert til að
tryggja samfellda umferð á tveimur
Ukreinum alla leið inn á Miklubraut
í stað þess að eiga á hættu að tappi
myndaðist við það að akreinum
fækki úr þremur í tvær á gömlu
brúnni yfir Sæbraut. „Við teljum að
með þessu móti verði fyllsta öryggis
gætt. Þá má benda á það að í haust
verður búið að stytta þá vegalengd
í Ártúnsbrekkunni verulega þar sem
ekkert vegrið er. Eftir stendur að-
eins lítill bútur,“ sagði Magnús.
Akreinin mun standa ónotuð í tvö
ár og verður akbrautasteinum komið
fyrir á akreininni til bráðabirgða svo
að umferð fari ekki um hana.
Frestuninni hefur verið harðlega
mótmælt, meðal annars af þing-
mönnum Reykjavíkur og borgar-
stjórn, m.a. með þeim rökum að
bráðabirgðaástand vegna frestunar
framkvæmda yki á slysahættu.
Magnús segir að Vegagerðin sé al-
farið háð fjárveitingum frá Alþingi
og á meðan ekki fáist meiri fjármun-
ir stæði ákvörðun um frestun.
Hann sagði að ekkert hefði verið
því til fyrirstöðu að bjóða út síðasta
áfangann um leið annar áfangi væri
tilbúinn ef fjárveiting hefði verið
óbreytt.
Furða sig á frestun framkvæmda
Morgunblaðið/Kristinn
JÓN Pétur Zimsen og Guðmundur ÓIi
Björgvinsson eiga oft leið um Vestur-
landsveg og Artúnsbrekku.
VEGFARENDUR sem eiga
leið um Ártúnsbrekku á hveij-
um degi og Morgunblaðið
ræddi við í vikunni segjast
mjög undrandi á því að fresta
þurfi framkvæmdum við
Vesturlandsveg. Þeir eru
sammála um að framkvæmd-
irnar séu löngu tímabærar en
telja óviðunandi að búa við
það bráðabirgðaástand sem
myndast þar til framkvæmd-
um lýkur með brúargerð yfir
Sæbraut síðla árs 1998.
Jón Pétur Zimsen og Guð-
mundur Óli Björgvinsson,
starfsmenn Rafmagnsveitu
Reykjavíkur, fara um svæðið
á hveijum degi og segja um-
ferðina oft mjög þunga, einkum
milli kl. 16 og 18. „Við skiljum ekki
hvers vegna fyrirhugað er að fresta
breikkun Vesturlandsvegar. Það
hlýtur að kosta meira að fresta
framkvæmdunum en að halda
áfram,“ segir Jón Pétur.
Guðmundur Óli bendir á að
Höfðabakkabrúin, fyrsti áfangi
framkvæmda við Vesturlandsveg,
hafi þegar bætt samgöngur um
svæðið til muna. „Ég hef trú á því
að heildarframkvæmdirnar séu hag-
kvæmar og skili sér,“ segir hann.
Af þeim sökum skilji hann ekki hvers
vegna ekki er haldið áfram um leið
og annar áfangi er tilbúinn. „Þetta
eru ekki sparnaðaraðgerðir heldur
tufærsla á fjármunum. Þeir
sem standa að þessu spara
ekki, þeir búa aðeins til falleg-
ar áætlanir sem koma vel út
í bókhaldi. Ég get ekki betur
séð en hægt hefði verið að
ljúka þessum framkvæmdum
mun fyrr.“
Einar Ingi Sigurbergsson
vélvirki kveðst ekki sjá ástæðu
til að fresta framkvæmdum.
Þvert á móti sé umferðin orðin
það þung og hröð á mestu
álagstímum að nauðsynlegt
hefði verið að klára verkið.
Stefán Harðarson bílstjóri
er heldur ekki ánægður með
frestunina. „Þeir hefðu ve!
getað klárað þetta í stað þess
að eyða peningunum, sem þeir segj-
ast spara, í einhvetja vitleysu." Hann
segir á hinn bóginn að framkvæmd-
irnar bæti úr brýnni þörf og honum
lítist vel á Vesturlandsveginn eins
og hann verði að loknum öllum verk-
þáttum. Þó mætti líða skemmri tími
þar til vegfarendur geti keyrt um
nýjan Vesturlandsveg.
FORSETAKJÖR 1996
7/1
ÓLAFUR RAGNAR GRÍMSSON
Breiðholt
Fundur með Ólafi Ragnari
og Guðrúnu Katrínu í
Ölduselsskóla
kl. 20:30 í kvöld.
Viðríeður. áuirj) og fyrirspurnir
Allir velkomnir!
Stuðnlngsfólk Ólafs Kagnars Grímssonar í Rnykjavfk.
Sá gamli kvaddur
NOKKRIR eldri kylfingar úr
Golfklúbbi Reykjavíkur komu
saman í gærmorgun til að
kveðja gamla Korpúlfsstaða-
völlinn, en níu nýjar brautir
voru teknar í gagnið síðdegis.
Þessar níu brautir eru hluti af
nýja vellinum sem verið er að
gera við Korpúlfsstaði. Með til-
komu nýja vallarins getur GR
aflétt þeim takmörkum sem
verið hafa á Grafarholtsvellin-
um í vor þannig að nú geta all-
ir kylfingar leikið þar, þurfa
sem sagt ekki að vera í GR til
að komast að til að leika.
Leikið golf í yfir sextíu ár
Það er hálfur annar áratugur
síðan farið var að leika golf á
Korpúlfsstöðum og meðal
þeirra sem kvöddu gamla völl-
inn í góða veðrinu í gær voru
þessir golffélagar um langt ára-
bil, Hafsteinn Þorgilsson, til
vinstri, og Jóhann Eyjólfsson,
til hægri. Báðir eiga glæsilegan
feril að baki í ótal golfmótum
hér heima og erlendis. Jóhann
er nú elstur golfleikara á land-
inu, þ.e.a.s. hann á lengstan
golfferil að baki. Hann var
kornungur er klúbburinn var
stofnaður 1934 og er meðal
stofnenda hans. Jóhann spilar
enn, 77 ára að aldri og er með
ríflega 20 í forgjöf en var með
2 þegar best lét, en hann varð
íslandsmeistari árið 1960. Hann
náði fyrstur manna að fara
holu í höggi á Öskjuhlíðarvelli
GR árið 1957. Hafsteinn hefur
orðið íslandsmeistari í tveimur
íþróttagreinum, öldungaflokki
í golfi fyrir áratug og á skíðum
sem ungur maður. Hann er nú
sjötugur og með 18 í forgjöf.
Hann varð fyrstur til að fara
holu í höggi á Grafarholtsvell-
inum, gerði það árið 1965.
KYLFINGAR kvöddu
gærmorgun. Hér eru

Korpúlfsstaðavöllinn í fallegu veðri í
það Hafsteinn Þorgeirsson og Jóhann
Eyjólfsson sem njóta fagurs umhverfis á milli högga.