Morgunblaðið - 13.06.1996, Blaðsíða 54
54 FIMMTUDAGUR 13. JÚNÍ 1996
MORGUNBLAÐIÐ
BRÉF • FORSETAKJÖR
Olafur Ragnar, lögfræð-
ingurinn og samviskan
Frá Magnúsi H. Skarphéðinssyni:
FRÁ vonsviknum Ólafsmanni.
Algerlega óásættanleg öllu heið-
arlegu og hugsandi Ólafs-fólki er
sú ákvörðun forsetaframbjóðand-
ans Ólafs Ragnars Grímssonar að
velja sér sem nánasta aðstoðar-
mann við kosningabaráttu sína hinn
vafasama lögfræðing Sigurð G.
Guðjónsson.
Mér er alveg sama þótt þeir Ólaf-
ur væru og séu vinir, frændur, eða
eitthvað annað þaðanaf verra sem
mér hefir borist til eyrna um þá
vinina. Siðferðisstig Sigurðar G.
Guðjónssonar lögfræðings og
„stjórnarformanns" Stöðvar 2, og
„lögfræðings" séra Flóka Kristins-
sonar með meiru lagast ekkert við
það. Hreint ekki.
Þessi Sigurður var ekki bara
helsti aðstoðarmaður og „lögfræði-
legur ráðunautur" hins mannúðlega
og listræna kvikmyndaframleið-
anda Sigutjóns Sighvatssonar við
hina mjög svo vafasömu yfirtöku á
meirihlutahlutabréfum í Stöð 2 fyr-
ir hálfu öðru ári - sem er reyndar
eitt ljótasta óheilla og óþverramál
í íslensku viðskiptalífi um langan
tíma, - heldur stjórnaði þessi sami
lögfræðingur bróðurparti atburða-
rásarinnar og „lekans" í ijölmiðla
í Langholtskirkju-/biskupsmálinu
hér í vetur. Þar voru í glórulausri
valdabaráttu prests og vina hans
við biskup öll meðöl heilög og not-
hæf til að ná betri stöðu eins og
það heitir á taflmáli.
Haft var eftir þessum sama lög-
fræðingi í Langholtskirkjumálinu í
fjölmiðlum í vetur að yrði ekki látið
'af þessum árásum á prestinn, - sem
var í reynd veikburða tilraunir bisk-
ups og hans manna við að reyna
að koma einhveiju skikki á það
óleysanlega mál sem komið var upp
í Langholtssöfnuðinum (sem að
mestu leyti er stjórnkerfisvandamál
kirkjunnar vegna hins algera úr-
ræðaleysis safnaðar til að losa sig
við prest sem hann verður óánægð-
ur með einhverra hluta vegna), -
þá yrði allt „látið flakka" eins og
þessi hugumprúði lögfræðingur for-
setaframbjóðandans orðaði það fyr-
ir þáverandi skjólstæðing sinn séra
Flóka. Og öll þjóðin veit í dag hvað
það var sem yrði „látið flakka“.
Umræðan um meinta kvensemi
biskups fór af stað nokkrum dögum
eftir þessar jrfirlýsingar lögfræð-
ings prestsins í Langholtssöfnuðin-
um, af einhveijum algerlega óskilj-
anlegum ástæðum.
Nei takk, herra Ólafur Ragnar
Grímsson. Lögfræðilegir aðstoðar-
menn í þessum gæðaflokki eru frá-
gangsatriði flestu hugsandi fólki
þegar maður velur sér leiðtoga þjóð-
arinnar. Það kemur því miður á
hinn bóginn líklega ekki í veg fyrir
að Ólafur og Guðrún Katrín búi
næstu flögur árin á Álftanesinu.
En ekki verður það ferðalag á bak-
inu á þeim sem vilja heiðarlegra
þjóðfélag en hér er í dag. Svo mik-
ið er víst.
MAGNÚS H. SKARPHÉÐINSSON,
Grettisgötu 40b, Reykjavík.
Þjóðareining
um forseta
Frá Sigrúnu Hermannsdóttur:
SENN líður að þeirri stóru ákvörðun
að þjóðin velji sér nýjan forseta. Vert
er að leiða hugann að því að frammi
fyrir vali forseta hefur þjóðin einung-
is staðið þrisvar sinnum frá lýðveldis-
stofnun. Þjóðin hefur hingað til borið
gæfu til að velja til þessa æðsta emb-
ættis persónur, sem góð þjóðareining
hefur náðst um að kjöri loknu.
Til þess að svo megi verða, verður
sá er til forsetaembættisins velst að
vera það óumdeildur að þjóðin geti
borið fullkomið traust til hans.
Þrátt fyrir að Vigdís Finnboga-
dóttir sigraði á sínum tíma með
naumum mun, tókst henni á skömm-
um tíma að vinna sér traust og virð-
ingu þjóðarinnar. Ekki hvað síst var
ástæða til þess einlægni hennar og
hæfíleiki til að vekja samhug með
þjóðinni, jafnframt sem athygli hefur
vakið hversu vel henni hefur tekist
að bera hróður íslands víða um heim.
Undirrituð er ekki í minnsta vafa,
að Guðrún Pétursdóttir hefur allt það
til að bera, sem prýða má forseta
íslands. Hún er hrein og bein, hress
í viðmóti, hefur mjög mikinn áhuga
á öllu sem viðkemur fólki og málefn-
um þess. Guðrún er vel menntuð,
skarpgreind og með mikla kímnig-
áfu. Og síðast en ekki síst með hjart-
að á réttum stað.
Kynni okkar Guðrúnar hófust,
þegar hún fyrir um það bil 30 árum
kom á menntaskólaárum sínum til
starfa í Landsbanka íslands. Hún
vakti strax athygli fyrir dugnað, drift
og skopskyn. Það var sem hressandi
andblær fylgdi henni hvar sem hún
fór og hún átti mjög létt með að
hrífa fólk með sér. Þrátt fyrir ungan
aldur hafði hún þá þegar skoðun á
hinum ýmsu málum og var augljós-
lega víðlesin. Einnig var áberandi
að ekkert mannlegt var henni óvið-
komandi.
Allt frá þessum tíma hef ég fylgst
með Guðrúnu úr mismikilli fjarlægð,
og þá sjaldan við hittumst, er það
ævinlega jafn gefandi sem fyrrum.
Segja má að frá fundum með karakt-
er sem Guðrúnu hljóti hver sem er
að fara ríkari.
Sameinumst í baráttu fyrir kjöri
Guðrúnar Pétursdóttur og komum
þar með í veg fyrir klofning þjóðar-
innar, sem leiða myndi af vali per-
sónu, sem enginn möguleiki er tl að
.^tór hluti þjóðarinnar fái treyst, ann-
aðhvort sakir umdeildrar fortíðar eða
sem ná myndi hinu tigna embætti
með tilstyrk öflugrar flokksmask-
ínu.
SIGRÚN HERMANNSDÓTTIR,
Bergstaðastræti 7, Reykjavík.
Líflegan forseta
Frá Þórunni Svavarsdóttur og
Matthildi Sigurjónsdóttur:
AF ÞEIM frambjóðendum sem nú
eru í framboði teljum við að Guðrún
Pétursdóttir hafi helst erindi til
Bessastaða. Ástæður þess eru m..a
að eins og fram hefur komið í mál-
, flutningi hennar er hún með ótvi-
ræðar skoðanir og lætur sig varða
menn og málefni. í því sambandi
fínnst okkur það stór kostur við
Guðrúnu að hún hefur ekki tekið
þátt í flokkspólitísku starfi. Því eru
skoðanir hennar ekki litaðar af
ákveðinni pólitískri línu, heldur set-
ur hún þær fram af einlægni og
lifandi áhuga, enda er Guðrún gædd
þeim eiginleika að geta rætt málin
tæpitungulaust. Eins er hún mjög
orðheppin og er fær um að sjá bros-
legu hliðarnar á tilverunni. Guðrún
hefur víðtæka menntun og er með
sterk tengsl við einn helsta atvinnu-
veg íslendinga, sjávarútveg.
Af framansögðu teljum við ljóst
að Guðrún Pétursdóttir hefur flesta
þá eiginleika sem forseti þarf að
vera gæddur. Nái hún kjöri munum
við íslendingar fá líflegan og síðast
en ekki síst heiðarlegan forseta.
ÞÓRUNN SVAVARSDÓTriR,
VarmalandL Mosfellsbæ,
MATTHILDUR SIGURJÓNSDÓTTIR,
Suðurgötu 4, Reykjavík.
I DAG
VELVAKANDI
Svarað í síma 569 1100 frá 10-12 og 14-16 frá mánudegi til föstudags
Netfang: lauga@mbl.is
Ósmekkleg
ummæli
HÚSMÓÐIR hringdi og
vildi kvarta yfir ósmekk-
legum ummælum í morg-
unþætti á Rás 2 sl. um
forsetaframbjóðendur og
kosningar. Sagði hún að
ungur maður hefði komið
í þáttinn og viðhaft
ósmekkleg ummæli um
Ólaf Ragnar. Einnig vill
hún að Sigurður Helgason
færi fram sönnur á að
Ólafur Ragnar hafi
„skreytt sig með stolnum
fjöðrum" eins og hann
hefur fullyrt í tveimur
greinum í Morgunblaðinu.
Olafur Ragnar
fundar ekki
KONA í gamla austurbæn-
um hringdi til Velvakanda
og kvartaði yfír því að
Ólafur Ragnar Grímsson
virtist hafa gleymt gamla
austurbænum í auglýsingu
um hverfafundi. Svæðið
Grettisgata, Njálsgata,
Bergþórugata og næsta
nágrenni var gamli austur-
bærinn á sínum tíma, og
hún saknar hún að sjá ekki
neinn sérstakan fund-
arstað auglýstan á því
svæði.
Tapað/Fundid
Þríkross
tapaðist
ÞRÍKROSS (stór) týndist á
heilsubótargöngu í
Öskjuhlíðinni fimmtudag-
inn 6. júni. Skiivís fínnandi
er beðinn að hringja í síma
552-6943. Fundarlaun.
Veski tapaðist
BRÚNT kvenveski
gleymdist á bekk við
Tjörnina að morgni 2. júní,
sjómannadagsins. Skilvís
finnandi vinsamlega láti
vita í síma 553-5380.
Regnjakki
tapaðist
NÝR OG vandaður dökk-
grænn og fjólublár regn-
jakki í stærð 34 tapaðist
við Víðistaðatún í Hafnar-
fírði á vímuvarnadaginn
4. maí sl. Finnandi vinsam-
lega hringi í síma
555-4551.
Hálsmen
tapaðist
GULLKEÐJA með
skreyttu gulleggi tapaðist
á Laugaveginum eða í
Þingholtum sl. mánudag.
Finnandi vinsamlega hringi
í síma 551-0266.
Fundarlaun.
Gæludýr
Svartur köttur
KOLSVARTUR, ungur,
grannur, fressköttur með
greinilegt ólarfar á hálsin-
um hefur verið á flækingi
við Grettisgötu í einhvern
tíma. Upplýsingar í síma
551-6366.
Skyggnir
er týndur
SKYGGNIR (oft kallaður
Matur) er tæplega tveggja
ára gamall högni. Hann er
kolsvartur með hvítan blett
á hálsi og kvið. Hann er
ógeltur og er með bláa
hálsól. Skyggnir hefur ekki
skilað sér heim í Hléskóga
9 í rúmlega mánuð. Við
söknum hans sárt og
biðjum hvern sem hefur
orðið hans var að hringja
í síma 567-0114.
ítilefni
Listahátíðar
Vísa þessi var ort eftir lest-
ur greinar í Morgunblaðinu
um Listahátíð, að allir
ættu að fínna eitthvað við
sitt hæfí þar.
Allir ættu að finna eitthvað við sitt hæfi
jió enginn hafi gaman af því sem fram er borið
Ég held að svona hátíð dómgreind manna slævi
hugsa mér því frekar að ganga út í vorið.
Guðmundur Hermannsson
SVARTUR leikur og vinnur
SKÁK
(Jmsjön Margcir
Pctursson
STAÐAN kom upp á hol-
lenska meistaramótinu
1996, sem er nýhafíð. Ivan
Sokolov (2.665) frá Bosníu
var með hvítt, en John Van
der Wiel (2.535) hafði
svart og átti leik. Staðan
var afar skemmtileg og tví-
sýn, hvítur sótti fast á
drottningarvæng, en svart-
ur reyndi að skapa sér
sóknarfæri hinum megin á
borðinu. Með síðasta leik
sínum, 26. c6-c7?? þvingaði
hvítur andstæðing sinn til
að leika vinningsleiknum:
26.- Hxb7! og
Ivan Sokolov
gafst upp,. því
eftir 27. Dxb7 -
De4! Er hann
mát í mest fímm
leikjum, sbr. 28.
f3 - Dxe2 29.
Hf2 - Be3
o.s.frv.
Staða efstu
manna eftir tvær
umferðir: 1. Van
der Wiel 2 v.
2—4. Nijboer,
Piket og Van der
Sterren 1 [h v.
5—8. Timman, I.
Sokolov, Reindermann og
Sosonko 1 v. Mótið er afar
vel skipað að þessu sinni.
Sá eini sem lætur sig vanta
er Loek van Wely, sem er
einn aðstoðarmanna Gata
Kamskys í einvíginu við
Karpov.
1
EITTHVAÐ tollskylt?
Nei, ekki lengur.
Víkverii skrifar...
VÍKVERJI gerði á dögunum að
umtalsefni viðurgjörning í
Flugleiðavél. Kunningi Víkverja
hafði samband við hann af því til-
efni og hafði eftirfarandi sögu að
segja:
„Ég er sammála Víkveija að
maturinn um borð hefur lagast
mikið og þjónustan er aðdáunar-
lega góð miðað við það sem bless-
aðar flugfreyjurnar þurfa að kom-
ast yfir á þessum stutta tíma.
Bestur finnst mér maturinn þegar
fiskréttir eru framreiddir. í síðustu
viku fékk ég ásamt ferðafélaga
mínum þó næstum óætan morgun-
verð á útleið til Kaupmannahafn-
ar. Ég hélt þó að ekki væri hægt
að gera kartöflubitahræru yfir
skinkuna óæta. Og ekki tók betra
við á heimleið. Ég hafði hlakkað
mikið til kvöldverðar um borð í
vélinni, orðin ansi svöng eftir lang-
an dag og vegna verðlags á veit-
ingum á Kastrup vildi ég spara
mér að kaupa mér kvöldverð þar.
En hvað var á boðstólum? Jú,
rækjur sem hafði verið drekkt í
majonesi, hálfur bakki af lasagna,
rúnnstykki, kaffi (aðeins hægt að
fá ijóma út í, á báðum leiðum) og
tertustykki með miklum ijóma. Ég
var sársvöng á eftir. Þá finnst mér
einkennilegt að Flugleiðir er nú
eina flugfélagið sem ég flýg með,
sem lætur borga fyrir drykk og
vín með mat. Óll flugfélög veita
slíkt ókeypis nema ef um kampa-
vín er að ræða. Enda segir í Scan-
orama, flugblaði SAS, en þetta var
sameiginlegt flug Flugleiða og
SAS, að allir drykkir séu fríir. Þá
hafa þó nokkuð margir útlendingar
haft á orði að hvergi nokkurs stað-
ar viti þeir til þess að dagblöðin
séu tekin af þeim áður en haldið
er frá borði. Svona smáatriði mætti
gjarnan laga og ætti ekki að verða
að stórum mínus í flugrekstrinum.“
xxx
AÐ hefur komið Víkverja
nokkuð á óvart undanfarið,
hversu lítill áhugi virðist vera með-
al almennings vegna forsetakosn-
inga sem fara fram eftir rúmar
tvær vikur. Almenn umræða virð-
ist ekki vera fyrir hendi og þeir
sem Víkveiji hittir á förnum vegi
og reynir að fá til þess að ræða
við sig um forsetaframboðsmál,
taka slíkum tilraunum heldur fá-
lega og af áberandi áhugaleysi.
Helst er að hægt sé að fá leigubíl-
stjóra og kollega úr blaðamanna-
stéttinni til þess að ræða framboðs-
málin, frambjóðendur, kosti, lesti
og möguleika.
xxx
VEÐURBLÍÐAN að undan-
förnu hefur gefið landsmönn-
um ríkulegt tilefni til útivistar. I
hjarta borgarinnar, Laugardaln-
um, er útivistarperla sem öll fjöl-
skyldan getur sameinast um að
nýta á dögum eins og þeim sem
verið hafa. Það er sannkölluð
ánægjuheimsókn að skreppa í Fjöl-
skyldugarðinn, Húsdýragarðinn og
Blómagarðinn og eyða þar góðri
stund. Víkveiji telur að sérlega vel
hafi tekist til með uppbyggingu
þessa svæðis alls. Hans eina um-
kvörtunarefni er að aðgangseyrir
í Fjölskyldu- og Húsdýragarðinn
er óþarflega hár. Fyrir fullorðna
kostar 300 krónur að komast inn
og 200 krónur fyrir börn. Barn-
margar fjölskyldur fara augljós-
lega ekki oft á sumri í heimsókn
í Laugardalinn. Heimilisbuddan
leyfir slíkan munað einfaldlega
ekki oft og er miður, því slíkar
heimsóknir eiga alls ekki að heyra
munaði til.