Morgunblaðið - 13.06.1996, Blaðsíða 64
m
<o>
AS/400 er...
m
...mest selda
fjölnotenda
viðskiptatölvan í dag
Q'O WÝH4 KJI ■ a
MORGUNBLAÐIÐ, KRINGLAN í, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTI 85
FIMMTUDAGUR 13. JÚNÍ 1996
VERÐ í LAUSASÖLU 125 KR. MEÐ VSK
Morgunblaðið/Sverrir
ELDRI kópurinn sem saug báðar urturnar er t.v. á myndinni, sem tekin var í gær, með móður sinni.
• •
Onnur urtan í Húsdýragarðinum hafnar kópi sínum
Rændi eldri
kópnum frá
móðurinni
-.HÚSDÝRAGARÐURINN í Laugardal hefur undan-
farna daga verið vettvangur sérkennilegrar fjöl-
skyldudeilu sem gæti endað með harmleik. Fyrir
rúmri viku kæpti önnur urtan af tveimur sem þar
eru auk brimils og heilsast móður og afkvæmi vel.
A mánudag kæpti seinni urtan, en varð svo yfir-
full af móðurtilfinningu og mjólk daginn áður, að
hún tók kóp hinnar traustataki og hóf að mjólka
ofan í hann. Eldri kópurinn saug því báðar urturnar
í sólarhring áður en sá yngri fæddist.
„Urtan sem kæpti síðar er sterkari og frekari en
hin, en sú var ekki hress þannig að það hófust mik-
il slagsmál í lauginni sem gerðu föðurinn dauðhrædd-
an. Þetta „barnsrán" og baráttan í kjölfarið komu
okkur í opna skjöldu. Við tókum á það ráð að að-
skilja þær í lauginni með skilrúmum en það dugði
ekki til. Eftir að urtan kæpti á mánudag var hún
orðin sannfærð um að eldri kópurinn tilheyrði henni
og hafnaði sínum. Hún leitaði stöðugt yfir skilrúm-
**ið, þannig að við urðum að færa hana og nýfædda
kópinn í sjúkraskýli,“ segir Tómas Óskar Guðjóns-
son, forstöðumaður Fjölskyldu- og húsdýragarðsins.
Urtan neitar hins vegar að gefa nýfædda kópnum
spena þannig að hann braggast illa. Tvívegis í gær
URTAN, sem síðar kæpti, með kópinn sem hún
afrækir nú og er honum vart hugað líf.
var reynt að gefa honum blöndu af feitri kúamjólk,
síld, smjörlíki og fleiri fæðutegundum, en hann ældi
grautnum og hefur litla næringu fengið.
„Urtan veitir kópnum að sjálfsögðu félagsskap en
neitar að mjólka, þannig að við erum ekki sérlega
bjartsýn. Ég tel nær engar líkur á að urtan hleypi
honum á spena og það er ekki hægt að neyða hana,
því að þetta eru sterk dýr og lítt viðráðanleg.
Kópurinn getur lifað í hálfa aðra viku úti í náttúr-
unni, en þetta er hins vegar siðferðileg spurning sem
við eigum við okkur sjálf. Komi sá tímapunktur að
Ijóst er hvert stefnir og þetta er orðið kvalræði verð-
um við að lóga kópnum. Við vökum yfir móður og
barni næstu daga og vonum hið besta,“ segir Tómas.
Staðsetning álvers Columbia Aluminium
Akvörðunar að
vænta
ÁKVÖRÐUNAR um hvar Columbia
Aluminium reisir álver er að vænta
í ágúst. Stjórnendur fyrirtækisins
eru nú að fara yfir kostnaðartölur
og bera saman kosti þess að reisa
álverið á íslandi eða í Venezuela.
Sem kunnugt er hafa orðið tafir á
undirbúningi málsins vegna ágrein-
ings um eignaraðild að Columbia
Aluminium. Sá ágreiningur hefur
nú verið leystur.
Fulltrúar iðnaðarráðuneytisins og
Landsvirkjunar áttu fund með full-
trúum Columbia Aluminium um síð-
ustu helgi. Halldór Kristjánsson,
skrifstofustjóri í iðnaðarráðuneytinu,
íagúst
segir að á fundinum hafi verið farið
yfir málin og fulltrúum Columbia
Aluminium veittar upplýsingar um
þau atriði sem þeir báðu um. Fram
hafi komið hjá þeim að stjórnendur
fyrirtækisins stefndu að því að taka
ákvörðun um staðsetningu í ágúst.
„Núna er boltinn hjá þeim. Þeir
eiga eftir að Ijúka sinni heimavinnu.
Þeir þurfa að bera saman kosti þess
að fjárfesta á íslandi og Venezuela,
skoða fjármögnun og fleiri atriði.
Það kann að vera að þeir þurfi skýr-
ingar á einhverjum atriðum frá okk-
ur og þá verða þeim veitt skjót
svör,“ sagði Halldór.
Þriðjungnr sinnti ekki
tilkynningaskyldu
ÁBERANDI margir höfðu ekki
sinnt tilkynningaskyldu í gær-
kvöldi, eða 150 af þeim tæplega
460 skipum og bátum sem skráð
voru á sjó. Friðrik Friðriksson, vakt-
stjóri hjá Tilkynningaskyldunni,
segir þennan slóðaskap afar alvar-
legan og hann telji að beita verði
viðurlögum við honum.
Skip og bátar á sjó eiga að gera
vart við sig tvisvar á sólarhring,
og eftir seinni skyldutímann, á milli
20 og 22, vantaði tilkynningar frá
þriðjungi þeirra báta og skipa sem
þá voru úti, eins og fyrr sagði.
Gæti sett skip í hættu
„Þetta er sérlega áberandi þegar
smábátatíminn hefst að sumarlagi
en staðan í kvöld [í gærkvöldi] er
með versta móti. Menn virðast hafa
þetta í flimtingum. Fyrir vikið eyð-
um við nóttinni í að hafa uppi á
þessum skussum og hugsanlega
gæti bátur eða skip sem væri í
vandræðum verið aftast á listanum.
Menn sjá því í hendi sér að þessi
vanræksla eyðileggur allt öryggi
samfara Tilkynningaskyldunni,"
segir Friðrik.
Hann kveðst telja þennan mis-
brest geta leitt til hættu fyrir þá
sjófarendur sem lenda í vanda af
einhveijum ástæðum og geta ekki
látið vita af sér.
Sektum ekki verið beitt
„Þetta er algjört rugl og það
vantar að tekið sé hart á málum.
Tilkynningaskyldan er bundin í lög
og samkvæmt þeim varða brot á
henni sektum sem eiga að hækka
við ítrekuð brot. Sárasjaldan ef
nokkurn tíma hefur þessum ákvæð-
um hins vegar verið beitt. Þarna
mega ekki geðþóttaákvarðanir
manna ráða og telja má tímabært
að ýtt sé við þeim sem eiga að láta
vita af sér en gera það ekki,“ segir
hann.
Til greina kemur að Iceland Seafood flytji starfsemi sína frá Harrisburg
Kanna nýja fiskréttaverk-
smiðju í Bandaríkjunum
ICELAND SEAFOOD, dótturfyrirtæki íslenskra
sjávarafurða hf. (IS) í Bandaríkjunum, er nú að
kanna hvort reist verður ný fiskréttaverksmiðja
í Bandaríkjunum eða núverandi verksmiðja í
Harrisburg endurnýjuð. Benedikt Sveinsson,
framkvæmdastjóri IS og stjómarformaður Ice-
land Seafood, sagði í samtali við Morgunblaðið
í gærkvöldi að verksmiðjan í Harrisburg væri
orðin gömul og þarfnaðist endurnýjunar. Þess
vegna væri málið skoðað í heild, þar með talin
skynsamleg framtíðarstaðsetning slíkrar verk-
'smiðju í Bandaríkjunum.
Benedikt sagði fyrirtækið ákveðið í að halda
áfram starfsemi á ameríska markaðnum af full-
um krafti eins og hingað til. Með endurnýjun
verksmiðjunnar yrði stefnt að aukinni framleiðni
og meiri hagræðingu, því fylgdi væntanlega ein-
hver fækkun starfsfólks. Ný eða endurbætt verk-
smiðja mun væntanlega framleiða svipaðar vörur
og nú er gert og einhverjar nýjar. Benedikt sagði
það komið undir gagnaöflun hvenær ákvörðun
verður tekin. Hermann Hansson, stjórnarfor-
maður ÍS, sagði málið á dagskrá á stjórnarfundi
ÍS í næstu viku og kunni ákvörðun að verða
tekin þá.
Órói meðal starfsfólks
Blaðið The Patríot News í Harrisburg skýrði
frá því að starfsfólki Iceland Seafood hefði ver-
ið sagt á fundi 30. maí síðastliðinn að verksmiðj-
unni í Pennsylvaníu yrði lokað einhvern tíma frá
júní til september á næsta ári en þá yrði ný
verksmiðja tilbúin til starfa utan Pennsylvaníu.
Benedikt Sveinsson sagði aðspurður að sér væri
ekki kunnugt um að slík yfirlýsing hafi verið
gefin af hálfu stjórnarinnar.
Starfsmenn eru rúmlega 300 talsins og til-
heyra þeir tveimur verkalýðsfélögum, hluti
starfsmanna er utan verkalýðsfélaga. Málið hef-
ur verið rætt við fulltrúa starfsmanna. The Patrí-
ot News segir að starfsmenn hafi lagt fram til-
boð og hagræðingartillögur til að halda verk-
smiðjunni í Pennsylvaníu en þeim verið hafnað,
að sögn talsmanns verkalýðsfélags.
Þá mun viðskiptaráðuneyti Pennsylvaníu hafa
boðið Iceland Seafood fjárhagslega og tæknilega
aðstoð ef það mætti verða til að verksmiðjan
yrði áfram í Pennsylvaníu, en því verið hafnað,
að því er The Patriot News hefur eftir talsmanni
ráðuneytisins. Hann sagði að reynt yrði til þraut-
ar að halda starfsemi fyrirtækisins í ríkinu.
Sjö milljarða velta
The Patriot News segir að Iceland Seafood
hyggist veija milljónum dollara til að reisa ný-
tísku fiskverksmiðju sem krefjist færri starfs-
manna. Benedikt Sveinsson vildi ekki tjá sig um
verð nýrrar verksmiðju eða kostnað við endurnýj-
un þeirrar gömlu.
Iceland Seafood selur árlega fiskafurðir fyrir
rúmlega 100 milljónir dollara, eða tæpa sjö millj-
arða króna, aðallega til veitingahúsa, skóla,
sjúkrahúsa og annarra stofnana.
Gert við
viðgerðina
SKARÐSBÓK postulasagna,
ein þjóðargersema sem varð-
veittar eru á Árnastofnun,
verður send utan til gagngerr-
ar viðgerðar í haust. Talið er
að kostnaður við verkið nemi
um þremur milljónum króna.
Við kaupin var bókin send
í viðgerð, en þá var notað
gervilím sem er farið að
skemma út frá sér, og því
þarf að lagfæra það sem gert
var við.
■ Leitað til banka/32