Morgunblaðið - 13.06.1996, Blaðsíða 14

14 FIMMTUDAGUR 13. JÚNÍ 1996
MORGUNBLAÐIÐ
AKUREYRI
Hillir undir framkvæmdir á umdeildustu lóð bæjarins sem beðið hefur afgirt í fimm ár
SS Byggir kaup-
ir Skipagötu 9
Fjögurra hæða verslunar-, skrifstofu-
o g íbúðahús fokhelt fyrir áramót
BYGGINGAFYRIRTÆKIÐ SS Byggir hefur keypt lóð og húsgrunn við
Skipagötu 9 af Islandsbanka. Lóðin og grunnurinn voru áður í eigu hluta-
félagsins Skipagata 9 hf. en bankinn keypti eignina á nauðungaruppboði
af félaginu sl. sumar. Sigurður Sigurðsson hjá SS Byggi segir að fyrirhug-
að sé að byggja fjögurra hæða verslunar-, skrifstofu- og íbúðahús ofan
á grunninn, samkvæmt upphaflegum arkitektateikningum frá Arkitekta-
stofunni Formi. Hann segir að framkvæmdir hefjist eftir rúman mánuð
og að húsið verði fokhelt um áramót.
Grunnflötur hússins er um 420
fermetrar og húsnæðið því alls um
1.700 fermetrar á fjórum hæðum.
Sigurður segir að ráðgert sé að
verslanir og skrifstofur verði á
tveimur fyrstu hæðunum og íbúðir
á 4. hæð og jafnvel einnig á 3. hæð.
Umdeildasta lóð bæjarins
Lóðin við Skipagötu 9 var á sín-
um tíma ein umdeildasta lóðin á
Akureyri og gekk mikið á er henni
var úthlutað til Aðalgeirs Finnsson-
ar hf. 6. mars árið 1991. Fimm
aðilar sóttu um lóðina þegar hún
var auglýst, þar á meðal SS Bygg-
ir, en tveir drógu umsóknir sínar
ti! baka. Við úthlutun lóðarinnar
óskaði bygginganefnd eftir því við
umsækjendur að þeir svöruðu því
hvaða starfsemi yrði í húsinu,
hvernig byggingin yrði fjármögnuð
og hver yrði hönnuður.
Vinnubrögð bygginganefndar
gagnrýnd
Ekki voru allir á eitt sáttir við
spurningalista nefndarinnar og
töldu hana fara út fyrir verksvið
sitt. M.a. sendi Meistarafélag bygg-
ingamanna bæjarfulltrúum bréf þar
MA-STÚDENTAR!
Hinn árlegi afmælisfagnaður MA-stúdenta
verður haldinn í íþróttahöllinni á Akureyri
16. júní nk. og hefst samkoman með
fordrykk í anddyri hallarinnar kl. 18.00.
Miðaverð er kr. 4.000 en miðarnir verða
seldir í anddyri hallarinnar 15. júní kl. 13-17
og 16. júní kl. 13-16.
Góða skemmtun!
Undirbúningsnefndin.
sem fundið var að vinnubrögðum
nefndarinnar við úthlutina.
Eftir að búið var að steypa grunn
og plötu fyrstu hæðar, var fram-
kvæmdum hætt og hafa þær legið
niðri síðustu ár, bæjarbúum sem
leið eiga um miðbæinn til mikillar
armæðu.
Heimir Ingimarsson bæjarfulltrúi
Alþýðubandalagsins var formaður
bygginganefndar þegar lóðinni var
úthlutað í mars árið 1991.
Farið af stað án
fyrirhyggju
Heimir sagði í samtali við Morg-
unblaðið 7. mars það ár að vissu-
lega mætti segja að vinnubrögð
nefndarinnar við úthlutun lóðar-
innar væru varfærin, en hún teldi
sig vera að gæta hagsmuna bæj-
arbúa í þessu máli. Þess væru
dæmi að farið hefði verið af stað
með byggingar í miðbænum án
fyrirhyggju og þær síðan lognast
útaf, þannig að bæjarmyndin væri
ansi skörðótt.
Heimir sagði jafnframt að með
varfærni við úthlutun væri verið
að reyna að koma í veg fyrir að
framkvæmdir stöðvuðust á miðjum
MÁLVERKA-
UPPBOD
í SJALLANUM í KVÖLD KL. 21.00
Sýning uppboðsverka í dag kl. 12.00-18.00
¥L • Listhúsið
Þms BORG
'■} 'X "'v f " S'

"
Morgunblaðið/Kristján
SS BYGGIR hefur keypt lóð og grunn við Skipagötu 9 og hyggst reisa þar fjögurra hæða hús
fyrir áramót. Byggingaframkvæmdir hafa legið niðri síðustu ár og lóðin verið girt af, bæjarbúum
sem leið eiga um miðbæinn til mikillar armæðu.
byggingartíma t.d. vegna fjárskorts
en með því að kanna þau mál ítar-
lega væri hægt að koma í veg fyr-
ir það. Hann sagði umrædda lóð á
viðkvæmum stað í hjarta bæjarins
og því mikilsvert að vel tækist til,
húsið myndi standa um langa fram-
tíð og til þess væri fremur litið en
til stundarhagsmuna byggingariðn-
aðarins.
Bygginganefnd út fyrir
verksvið sitt
Gísli Bragi Hjartarson bæjarfull-
trúi Alþýðuflokks sagði í sama blaði
árið 1991 að vinnubrögð bygginga-
nefndar stjómuðust af forsjár-
hyggju sem vart þekktist annars
ÞESSA dagana er unnið af því
hörðum höndum að fegra bæinn
og klæða hann sumarbúningi.
Starfsmenn Hita- og vatnsveitu
Akureyrar láta ekki sitt eftir
staðar. Kvað hann nefndina eiga
að skoða sinn gang, hún hefði farið
út fyrir verksvið sitt, m.a. er hún
óskaði eftir því að vita fyrirfram
hver yrði hönnuður hússins. „Það
læðist að manni sá grunur að með
þessum vinnubrögðum sé bygg-
inganefnd að finna smugu til að
veita einhveijum ákveðnum aðila
lóðina," sagði Gísli Bragi.
Eins og fram kemur hér að ofan
gengu hugmyndir bygginganefndar
ekki eftir og síðustu ár hefur verið
girt utan um lóðina og allar fram-
kvæmdir legið niðri. Með kaupum
SS Byggir á lóðinni hillir nú undir
að á henni verði risið hús á fjórum
hæðum um næstu áramót.
liggja og hann Hrafnkell Bryiý-
arsson var að mála brunahana í
hefðbundnum gulum og rauðum
lit, er ljósmyndari Morgunblaðs-
ins rakst á hann í Hafnarstrætinu.
Tollgæslan
Afengi
fannst
um borð
TOLLGÆSLAN á Akureyri
fann nokkurt magn af áfengi
og bjór við tollskoðun og leit
um borð í flutningaskipinu
Blackbird, leiguskipi Sam-
skipa. Skipið var að koma frá
Hamborg í Þýskalandi til
Akureyrar.
Alls fundust 29 lítraflöskur
af 75% sterku vodka og 315
lítrar af bjór um borð í skip-
inu.
Einn skipveija játaði að
eiga varninginn, málið er að
fullu upplýst og sektar-
greiðsla hefur farið fram.
Konur og
heilbrigði
RÁÐSTEFNA heilbrigðis-
deildar Háskólans á Akureyri
um ýmislegt sem tengist kon-
um og heilbrigði þeirra frá
margvíslegum sjónarhornum
verður haldin í Oddfellowhús-
inu á Akureyri dagana 18.
og 19. júní næstkomandi.
Meðal annars verða kynnt-
ar nýjar rannsóknir s.s. um
upplifun ungra kvenna af því
að vera með lystarstol.
Skráning á ráðstefnuna fer
fram í Háskólanum á Akur-
eyri og lýkur henni 14. júní
næstkomandi, en ráðstefnan
er öllum opin.
Listmuna-
uppboð í
Sjallanum
GALLERÍ Borg og Listhúsið
Þing halda listmunauppboð í
Sjallanum í kvöld, fimmtu-
dagskvöldið 13. júní, kl. 21.
Boðin verða upp málverk
eftir þekkta íslenska lista-
menn og ekta handunnin
persknesk teppi. Verkin verða
sýnd í Sjallanum, Mánasal, í
dag, fimmtudag, frá kl. 12
til 18.
Brunahaninn málaður