Morgunblaðið - 13.06.1996, Blaðsíða 52
52 FIMMTUDÁGÚR 13. JÚNÍ 1996
morgúniílaði'ð
Dýraglens
Grettir
Tommi og Jenni
Ljóska
Ég er að velta því fyrir mér hvort ég hafi ekki Eins og til dæmis ef ég ætti bíl, ætti ég liklega
ónauðsynlegar áhyggjur af einhverju... að fara með hann í fimm þúsund mílna stillingu...
BREF
TEL BLAÐSINS
Kringlan 1 103 Reykjavík • Sími 5691100 • Símbréf 569 1329
• Netfang: Iauga@mbl.is
Reykjavíkurlistinn
tveggja ára
Frá Ingibjörgu Davíðsdóttur:
NÚ ERU rúmlega 2 ár síðan Reyk-
víkingar fengu Reykjavíkurlistan-
um það verkefni að stjórna borginni
okkar.
Síðan Reykjavíkurlistinn tók við
stjórnartaumum í borgarstjórn hef-
ur mikið starf verið unnið til að
koma reglu á stofnanir borgarinn-
ar, fjárreiður þeirra, stjórnun og
daglegan rekstur. Reykjavíkurlist-
inn hefur veitt mörgum mikilvæg-
um málum brautargengi á þvi kjör-
tímabili sem nú er hálfnað. Hæst
ber uppbygging í dagvistarmálum,
en sá málaflokkur hafði í stjórnar-
tíð sjálfstæðismanna verið van-
ræktur og þarfnaðist mikilla úr-
bóta. í dag njóta fleiri ungir Reyk-
víkingar en nokkru sinni öruggrar
dagvistar á leikskólum borgarinnar,
auk þess sem niðurgreiðslur hafa
aukist til dagmæðra, einka- og for-
eldrarekinna leikskóla og er það í
fullkomnu samræmi við kosninga-
loforð Reykjavíkurlistans.
Mikilvægra úrbóta er einnig að
vænta á næstunni á samgöngumál-
um borgarinnar, þar sem mikil
vinna hefur verið unnin í endur-
skipulagningu leiðakerfis SVR og
koma þær breytingar til fram-
kvæmda 1. ágúst næstkomandi.
Eftir breytingar verður halarófu-
akstur strætisvagna úr sögunni og
það liðin tíð að seinheppnir borg-
arbúar þurfi móðir og másandi að
horfa á eftir hóp strætisvagna
bruna í burtu frá einni og sömu
stoppistöðinni, með 20 mínútna
millibili. í breytingunum verður
einnig gert ráð fyrir auknum og
samhæfðari ferðum til nýrri hluta
borgarinnar, en staða þessara mála
hefur verið gjörsamlega óviðunandi
í mörgum nýlegum hverfum.
A fleiri sviðum er unnið mikið
uppbyggingarstarf, en allt starf
Reykjavíkurlistans miðar að því að
gera Reykjavíkurborg að betri borg
til að búa í og jafnframt að öflugu
þjónustufýrirtæki.
Nú þegar kjörtimabiðið er hálfn-
að er ekki seinna vænna en við
þjöppum okkur saman á bak við
okkar fólk og hvetjum það áfram
með ráðum og dáð. Ungliðahreyf-
ingar flokkanna sem standa að
Reykjavíkurlistanum hafa haft með
sér mikið og gott samstarf í vetur
og blása nú til afmælishátíðar und-
ir merkjum Regnbogans. Afmælis-
hátíðin verður haldin í Súlnasal
Hótels Sögu fimmtudagskvöldið 13.
júní og verður húsið opnað kl.
20.00. Þar verða margvíslegar
uppákomur, ávörp, tónlistaratriði,
ballett og ýmislegt fleira. Ég bið
alla þá sem fagna vilja þessum
tímamótum að koma og eiga með
okkur, borgarfulltrúum Reykjavík-
urlistans og öðru stuðningsfólki,
ánægjulega kvöldstund. Það hlýtur
að vera markmið okkar allra að
Reykjavíkurlistinn fái að vaxa og
dafna sem fjöldahreyfing. Fjölda-
hreyfing fólks verður sífellt að vera
í mótun og sem flestir verða að
koma að þeirri mótun, eigi hún að
standast tímans tönn.
INGIBJÖRG DAVÍÐSDÓTTIR,
stjórnmálafræðingur, R-listakona
og formaður Félags ungra
framsóknarmanna í Reykjavík.
Velvilji -
ekki fordómar
Frá Friðriki Ó. Schram:
FYRIR nokkrum dögum skrifaði ég
stutt bréf til Morgunblaðsins og
lýsti sorg minni yfir því að frum-
varpið um skráða samvist (hjóna-
bönd samkynhneigðra) hefði verið
samþykkt sem lög frá Alþingi. Þór-
unn Sveinbjarnardóttir, varaþing-
kona Kvennalistans, andmælti
skoðunum mínum í bréfi til Morg-
unblaðsins 9. júní sl. og taldi for-
dóma einkenna bréf mitt. Af því
tilefni þetta: Ástæða vonbrigða
minna með lögin um skráða sam-
vist er sú staðreynd að um árþús-
undir hafa kristnir menn um víða
veröld (ekki bara ég) talið samlíf
tveggja einstaklinga af sama kyni
óeðlilegt og leiða til siðferðilegrar
hnignunar. Þessi afstaða er ekki
sprottin af illvilja eða af fordómum,
né heldur út í bláinn. Sagan hefur
sýnt og sannað að kynlíf sem fer
út fyrir sinn rétta rammá, og það
á auðvitað við um allt lauslæti, verð-
ur ekki til góðs. Guð hefur gefið
okkur öllum samvisku og ritað lög-
mál sitt í hjörtu okkar. Samviska
okkar lætur í sér heyra hið innra
með okkur ef við bijótum gegn
þessu lögmáli Guðs, þ.e.a.s. ef við
höfum ekki svæft hana eða forhert
okkur gegn Guði. Samviskan (og
líka heilbrigð skynsemi) segir okkur
að samlíf (hjónalíf) tveggja af sama
kyni sé einhvern veginn út úr öllu
samhengi, það er eins og að aka
utan vegar. Sé það gert geta „hjól-
förin“ sést lengi. Eins er með nei-
kvæðar afleiðingar af slíku samlífi.
Sá skaði getur orðið langvarandi.
Það var ekki af fordómum sem
ég skrifaði fyrra bréf mitt, heldur
af velvilja til samkynhneigðra og
annarra sem málið snertir. Ég hef
ekki leyfi til að fordæma nokkurn
mann, enda sjálfur ekki fullkominn.
Ég tel mig hins vegar bera samfé-
lagslega ábyrgð sem kristinn maður
og megi því benda á hættuna og
tjónið sem hlýst af því að „aka utan
vega“ í þessum efnum. Ég fordæmi
engan mann, en ég vara við frá-
hvarfi frá góðu siðferði. Annað
væri ábyrgðarleysi. Eigi veldur sá
er varar.
FRIÐRIK Ó. SCHRAM,
guðfræðingur.
Allt efni sem birtist í Morgunbiaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta,, ef ekki fylgir fyrirvari hér að lútandi.