Morgunblaðið - 03.08.1996, Blaðsíða 2

2 LAUGARDAGUR 3. ÁGÚST 1996
MORGUNBLAÐIÐ
FRETTIR
Guðmundur
Eiríksson
Kosinn í
Hafrétt-
ardóm-
stólinn
GUÐMUNDUR Eiríksson,
þjóðréttarfræðingur utanríkis-
ráðuneytisins, var í fyrrakvöld
kjörinn í hinn nýja Hafréttar-
dómstól Sameinuðu þjóðanna.
Guðmundur verður í hópi 21
dómara við
dómstólinn,
en alls voru
33 frambjóð-
endur í kjöri.
Aðildar-
ríki Hafrétt-
arsáttmála
Sameinuðu
þjóðanna,
sem nú eru
104 talsins,
greiddu atkvæði um dómara í
Hafréttardómstólinn. Guð-
mundur náði kjöri í fimmtu
umferð með 74 atkvæðum.
Guðmundur var kjörinn í eitt
af fjórum dómarasætum^ sem
féllu í hlut Vesturlanda. I gær
varð ljóst að hann mun gegna
starfi dómara næstu sex ár.
Mikil ábyrgð
Guðmundur sagði í gær, að
sér fyndist m'ikil ábyrgð hvíla
á sér og dómurunum öllum.
„Ég vil ekki tala um sjálfan
mig, en mér finnst dómurinn
mjög vel skipaður og betur en
ég átti von á, miðað við þær
pólitísku hreyfingar, sem voru
í gangi fyrir kjörið. Mjög
margir góðir menn hafa valizt
í dóminn og ég vona að við
getum látið gott af okkur
leiða.“
Guðmundur segir fasta-
nefnd íslands hjá Sameinuðu
þjóðunum hafa gengið mjög
vel fram í að vinna fyrir kjöri
sínu og hafí hún att kappi við
miklu stærri ríki, með sendiráð
um allan heim og öflugar
kosningavélar. Hann segist
jafnframt hafa notið eindreg-
ins stuðnings utanríkisráðu-
neytisins og Halldórs Ásgríms-
sonar utanríkisráðherra.
Neyðarþjónusta aukín
á nokkrum stöðum
FÉLAG íslenskra heimilislækna samþykkti í
gær beiðni heilbrigðisyfírvalda um að taka þátt
í skipulagi læknisþjónustu yfir helgina á sjö
stöðum á landinu þar sem héraðslæknar telja
sérstaka þörf á að efla læknisþjónustu til að
fyrirbyggja hættuástand.
Starfshópur heilbrigðisyfirvalda, sem starfar
vegna uppsagna heimilislækna, átti í gær fund
með héraðslæknum um land allt vegna þess
ástands sem hefur skapast í kjölfar uppsagna
heilsugæslulækna. Þar var ákveðið að héraðs-
læknar munu annast skipulagningu heilbrigðis-
þjónustu hver í sínu héraði og veita upplýs-
ingar til heilbrigðisstarfsmanna og almennings
eftir því sem þörf krefur.
Læknar á vakt á sjö stöðum
Ljóst varð eftir að heilsugæslulæknar létu af
störfum að læknislaust var á stórum svæðum á
landinu, þar sem ekki eru sjúkrahús, m.a. var
enginn læknir við störf á svæðinu frá Selfossi
austur í Djúpavog. Héraðslæknar eru nú að
skipuleggja aukna læknisþjónustu þar sem
ástandið er talið geta orðið alvarlegast vegna
fólksaukningar og eru því læknar á vakt frá
kl. 17 í gærdag til kl. 8 á þriðjudagsmorgun,
6. ágúst, á eftirtöldum stöðum: Sauðárkróki (1
læknir á vakt), Akureyri (2 á vakt), Kópaskeri,
Þórshöfn og Raufarhöfn (1 á vakt), Vopnafirði
(1 á vakt), Egilsstöðum (1 á vakt), Höfn (1 á
vakt) og á Vík eða Hvolsvelli (1 á vakt).
Álagið mjög mikið og
ástandið talið alvarlegt
Starfsfólk heilsugæslustöðva á landsbyggð-
inni hefði í gær miklar áhyggjur af komandi
helgi. Maijolyn Tiepen, hjúkrunarfræðingur á
heilsugæslustöðinni á Hellu, sagði að ástandið
væri mjög slæmt, þótt engin alvarleg atvik
hefðu komið upp, en hún taldi fólk ekki hafa
gert sér grein fyrir hversu alvarlegt ástandið
væri.
Kristján Erlendsson, skrifstofustjóri í heil-
brigðisráðuneytinu, sagði að gengið hefði
þokkalega að veita nauðsynlega þjónustu á
bráðavöktum sjúkrahúsa á höfuðborgarsvæð-
inu. Þó væri greinilegt að sums staðar væri
álagið mjög mikið.
Asta Möller, formaður Félags íslenskra
hjúkrunarfræðinga, sagði að ástandið virtist
vera viðráðanlegra á höfuðborgarsvæðinu en
úti á landi. Hjúkrunarforstjórar á landsbyggð-
inni hefðu töluverðar áhyggjur, sérstaklega
vegna verslunarmannahelgarinnar og einnig
óttuðust margir stóraukið álag eftir helgina.
Fólk er hrætt og reitt/6
Morgunblaðið/Árni Sæberg
STÚLKNAKÓRINN frá Esbjerg flutti
Þorsteini Pálssyni sjávarútvegsráðherra
þijú lög um borð í varðskipinu Tý og
kvað Þorsteinn sönginn bæði fallegan
og friðsaman. Að söngnum loknum færði
kórinn Þorsteini bréf frá sjómannasam-
tökunum í Esbjerg þess efnis að ágrein-
ingsefni þjóðanna í sjávarútvegsmálum
yrðu leyst með friðsamlegum hætti.
5 milljarða
lán vegna
Leifsstöðvar
RÍKISSTJÓRNIN samþykkti í
gær að endurfjármagna allar
áhvílandi langtímaskuldir flug-
stöðvar Leifs Eiríkssonar, sem
nema 4.200 milljónum kr. og enn-
fremur að leggja 800 milljónir kr.
til viðbótar í viðbyggingu við flug-
stöðina og til endurbóta í núver-
andi flugstöðvarbyggingu.
Hluti af endurbótunum sem
væntanlega verður ráðist í næsta
vetur er til kominn vegna væntan-
legrar aðildar íslands að Scheng-
en-samkomulaginu, að sögn Þórð-
ar Ingva Guðmundssonar, deild-
arsérfræðings á varnarmálaskrif-
stofu utanríkisráðuneytisins. Meg-
in ástæða þeirra er þó sú, að flug-
stöðin er nú þegar orðin allt of
Iítil. M.a. verður innritunarborðum
og vopnaleitarhliðum fjölgað og
komið verður fyrir sprengjuleitar-
tækjum auk fleiri endurbóta, sem
hafa, að sögn Þórðar, setið á hak-
anum um árabil. „Þama hefur
verið hálfgert neyðarástand í sum-
ar meðal annars vegna langra
biðraða. Jafnframt næst það
markmið, sem lengi hefur verið
stefnt að, að leysa fjárhagsvanda
flugstöðvarinnar en halli á rekstr-
inum hefur numið um 150 milljón-
um króna á ári,“ sagði hann.
Framkvæmdir við viðbyggingu
hefjast næsta vor
Verklegar framkvæmdir við við-
bygginguna hefjast næsta vor.
Framkvæmdum þarf að ljúka fyrir
árslok 1998 þegar Norðurlanda-
þjóðirnar eiga að gerast aðilar að
Schengen, að sögn Þórðar.
Heildarskuldir flugstöðvarinnar
eftir þessar ráðstafanir munu
nema fimm milljörðum króna
og á rekstur hennar að standa
undir þessum skuldbindingum
miðað við þær forsendur sem
gengið er út frá, m.a. um aukn-
ingu farþega.
Danskur stúlknakór söng Þorsteini
Pálssyni friðarsöng
„Fallegur og
friðsamur söngur“
DANSKI stúlknakórinn frá Es-
bjerg, sem sagt var frá í
Morgunblaðinu í gær, söng fyrir
Þorstein Pálsson sjávarútvegs-
ráðherra um borð í varðskipinu
Tý við Reykjavíkurhöfn í gær.
Kórinn flutti ráðherranum eitt
lag á þilfari Týs og að því loknu
las Troels Sarensen kórstjórn-
andi upp bréf frá formanni sjó-
mannasamtakanna í Esbjerg.
í bréfinu var lögð áhersla á
að friður næðist um ágreinings-
mál á sviði sjávarútvegsmála,
en eins og kunnugt er hafa Dan-
ir mótmælt Kolbeinsey og Hval-
bak sem grunnlínupunktum ís-
lensku fiskveiðilögsögunnar í
kjölfar þess að Landhelgisgæsl-
an vísaði dönsku loðnuskipi út
úr lögsögunni þegar það var
staðið að ólöglegum veiðum inn-
an miðlínu íslands og Græn-
lands.
Kórinn færði síðan Þorsteini
gjöf og söng því næst lagið „Um-
kringd af óvinum“ og þáði síðan
skoðunarferð um varðskipið.
Þorsteinn tók kórnum vel og
lýsti yfir hrifningu sinni á söng
stúlknanna, en aðspurður hvort
boðskapur kórsins væri gagnlegt
innlegg við meðferð ágreinings-
mála þjóðanna, sagði Þorsteinn
að íslendingar hlytu að ræða við
dönsk stjórnvöld og hefðu alltaf
viljað leysa deilur með friðsam-
legum hætti. Honum fannstþessi
kveðja frá sjómannasamtökun-
um í Esbjerg vel til fundin og
að söngurinn hefði verið fallegur
og friðsamur.
Troels sagði að ekki væri
ætlunin að blanda sér í pólitísk
þrætumál þjóðanna og að boð-
skapur kórsins væri eingöngu
hvatning til sátta þjóðanna í
millum. „Að öðru leyti erum við
hingað komin til að rækta vin-
áttutengsl við Neskaupstað, en
Esbjerg er vinabær Neskaup-
staðar,“ sagði Troels. Kórinn
verður í Neskaupstað um helg-
ina og mun því næst halda tón-
leika í Dómkirkjunni í Reykjavík
á mánudagskvöldið kl. 20.30.
Kosningabarátta
Ólafs Ragnars
Kostnaður
mn 35
milljónir
KOSNINGABARÁTTA Ólafs
Ragnars Grímssonar, forseta ís-
Iands, kostaði um 35 milljónir
króna. Af þeirri upphæð hefur þeg-
ar um helmingur safnast í kosn-
ingasjóð.
Sigurður G. Guðjónsson, varafor-
maður félags stuðningsmanna
Ólafs Ragnars Grímssonar, segir
að búist sé við að kosningabaráttan
komi út á jöfnu, eða jafnvel gott
betur, þegar allt hefur skilast.
Stærsti kostnaðarliðurinn voru aug-
lýsingar en í þær fóru 23-24 milljón-
ir. Aðrir liðir voru til dæmis húsa-
leiga og ferðalög.
Sigurður segir að engir verulega
stórir gefendur hafi lagt í kosninga-
sjóð. „Það voru mjög margir ein-
staklingar sem gáfu og alls staðar
að af landinu, yfirleitt þannig að
þeir keyptu merki eða happdrættis-
miða. Fyrirtæki gáfu aftur á móti
lítið, og mun minna en ég hafði
gert ráð fyrir. Sennilega skýrist það
aðallega af tvennu, í fyrsta lagi af
því að framlög í kosningabaráttu
fyrir forsetakosningar eru ekki frá-
dráttarbær frá skatti, ólíkt því sem
er með annað stjórnmálastarf. í
öðru Iagi er líklegt að fyrirtæki sjái
sér lítinn hag í því að styðja forseta-
frambjóðendur því ekki er verið að
keppa um raunverulega pólitísk
völd. Það hefur sennilega líka haft
áhrif að kosningarnar voru um mitt
sumar, og þá er vont að ná í þá
sem taka slíkar ákvarðanir hjá fyr-
irtækjum.“
Erfiðara en búist var við
Fimm manna hópur skipulagði
fjáröflun fyrir Ólaf Ragnar Gríms-
son og var þar samsöfnuð reynsla
af fjáröflun úr ýmsu félagsstarfi.
„Sumir höfðu starfað í íþróttahreyf-
ingunni, aðrir í stjórnmálum eða
enn öðru félagsstarfi. Við blönduð-
um saman þessari reynslu og próf-
uðum ýmsar leiðir sem höfðu verið
reyndar á öðrum vettvangi. Sumt
hentaði fyrir forsetakosningarnar
og annað ekki. Almennt má segja
að þetta starf hafi verið töluvert
erfiðara en ég hafði gert ráð fyrir,
og þá aðallega vegna þess að fyrir-
tæki voru tregari til að gefa en ég
hélt fyrirfram."
Talsmenn annarra forsetafram-
bjóðenda sögðu aðspurðir að upp-
gjör myndi ekki liggja fyrir fyrr en
eftir nokkrar vikur.