Morgunblaðið - 03.08.1996, Blaðsíða 27
MORGUNBLAÐIÐ
MUNDU að þetta er níutíuprósent hausinn og tíu prósent sveiflan.
Maður með svona stöðu hlýtur að ná langt í faginu.Nemandinn lætur
vaða, en því miður...vindhögg.
nýafstöðnu Islandsmóti, sem er
mikill persónulegur sigur fyiir hann
í ljósi þess sem á undan er gengið.
Vindhögg
„Jæja, nú ætlum við að láta peyj-
ann slá,“ segir Steini við ljós-
myndarann og eftirvæntingin leynir
sér ekki í glettnum andlitsdráttum
þeirra beggja. „Og við verðum nátt-
úrulega að klæða strákinn í
hanska...“ Hann dregur forláta,
rauða hanska upp úr pússi sínu og
réttir mér. Hanskarnir eru níð-
þröngir og þjóna þeim tilgangi að
halda kylfunni stöðugi’i í gripinu.
Hann hafði þegar kennt mér gripið
og stöðuna, sem átti að vera sem lík-
ast því að maður sitji fremst á borð-
brún. Sveiflan er jú alltaf sú sama,
eins og golfmeistarinn hefur áður
tekið fram, og mikið atriði að hafa
augun á kúlunni allan tímann. „Og
mundu að þetta er níutíu prósent
hausinn og tíu prósent sveiflan."
Meistarinn iýkur lofsorði á stöðu
nemandans. „Staðan er alveg
„perfekt“. Maður með svona stöðu
hlýtur að ná langt í faginu..." Nem-
andinn lætur vaða og kylfan fiýgur í
gegnum loftið með hvin, en allt kem-
ur fyrir ekki. Kúlan situr óhögguð á
„tíinu“ og niðurbældur hlátur heyr-
ist úr barka meistarans. „Þú leggur
allt of mikinn kraft í höggið. Sveifl-
an á bara að vera nett, en ákveðin og
þú átt að horfa á kúluna, en ekki
kylfuna."
í næstu tilraun flýgur þykk torfa í
Morgunblaðið/Halldór
fallegum boga upp í loftið, en kúlan
lullast vesældarlega nokkra metra.
„Þetta er að koma,“ segir meistar-
inn uppörvandi og í þriðju tilraun
smellhittir nemandinn, þótt kúlan
fari að vísu talsvert á svig við þá
stefnu sem upphaflega var sett.
„Djöfull erum við ógeðslega góðir,“
hrópar meistarinn stórhrifínn. „Það
sem þú færð út úr að slá svona
skakkt er þessi fína náttúruskoð-
un...“ Og við göngum saman út í móa
að leita að kúlunni.
4c> meta aðstæður
Eftir því sem líður á daginn verða
högg nemandans markvissari og
hann gerir sér gi’ein fyrir því að
meistarinn hefur lög að mæla varð-
i prósentuhlutföllin milli hugans
og sveiflunnar og að menn fara ekki
í gegnum þessa íþrótt á kröftunum.
Hann gerir sér líka grein fyrir að
löngu höggin eru eitt og „púttið“ er
annað. Svo þarf að meta allar að-
stæður, hversu langt á að slá, vind-
átt og vindhraða, halla á brautum og
jarðveginn sem kúlan er í hverju
sinni og velja kylfu í samræmi við
það.
Þorsteinn segir að fyrir byrjanda
sé nóg að vera með kylfur númer
3,5,7,9 og svo sandjárn og „pútter".
Á golfvellinum í Grafarholti er góð
æfingaaðstaða fyrir byrjendur. Að
mati Þorsteins er Grafarholtsvöllur-
inn „mesti“ golfvöllur landsins, það
er að hann gerir mestar kröfur til
golfleikarans. „Völlurinn í Eyjum er
hins vegar skemmtilegastur", segir
Eyjamaðurinn.
Að hvaða leyti?
„Bara að öllu leyti. Það er ekki
flóknara en það.“
Á einni brautinni rekst Steini á
gamlan kunningja úr Eyjum, Gunn-
ar Má Sigurfínnsson. „Við byrjuðum
saman í golfínu, en hann hætti þeg-
ar hann sá hvað ég var góður,“ segir
Steini.
„Þú varst nú bara heppinn að ég
hætti,“ svarar Gunnar Már að
bragði og býr sig undir að slá.
„Nú er að standa við stóru orðin,“
svarar hinn á móti, en Gunnari Má
mistekst og kúlan lendir utan braut-
ar. Það er dálítil huggun fyrir gi’ein-
arhöfund að sjá að vanir menn geta
líka slegið út af brautinni. Fyrr um
daginn hafði örlað fyrir nýrri hug-
mynd í kolli hans og nú fær hún byr
undir báða vængi, sem sagt hug-
myndin um að tími sé kominn til að
láta kylfu ráða kasti og hella sér af
þunga út í golfíþróttina.
M/S4S
Á ferð og flugi um allan heim
SAS flýgur ásamt samstarfsaðilum
sínum um Kaupmannahöfn
til áfangastaða um heim allan.
Kynntu þér þægilegan ferðamáta hjá SAS
hvert sem ferðinni er heitið.
Samstarfsaðilar SAS:
Flugleiðir
Lufthansa
United Airlines
Thai Airways Int.
Air Baltic
Air New Zealand
British Midland
Qantas Airways
Spanair
Varig
Hafðu samband við ferðaskrifstofuna þína
eða söluskrifstofu SAS.