Morgunblaðið - 03.08.1996, Blaðsíða 6

6 LAUGARDAGUR 3. ÁGÚST 1996
MORGUNBLAÐIÐ
FRÉTTIR
Hjúkrunarforstjórar á heilsugæslustöðvum áhyggjufullir
Hjólabún-
aður bilaði
BILUN í hjólabúnaði olli því að
tveggja hreyfla flugvél af gerðinni
Cessna 310 hlekktist á í lendingu á
Vestmannaeyjaflugvelli í fyrradag.
Sveinn Björnsson hjá rannsókna-
nefnd flugslysa sagði að alltaf væri
slæmt að missa upp annað hjólið en
yfírleitt drægi fljótt úr hraðanum á
þetta iitlum vélum við snertingu í
lendingu. Eftir er að gera skýrslu
um málið en Sveinn segir að búið
sé að komast til botns í málinu. Vél-
in skemmdist nokkuð og skekktist.
Andlát
RANNVEIG
G. ÁGÚSTS-
DÓTTIR
RANNVEIG Guðríður Ágústsdóttir,
fyrrverandi framkvæmdastjóri Rit-
höfundasambands íslands, er látin,
71 árs að aldri.
Rannveig varð stúdent frá MA
árið 1950. Þá tók hún BA-próf í ís-
lensku, sænsku og bókmenntum frá
Háskóla ísiands árið 1973. Hún
stundaði einnig nám á BA-stigi við
HÍ 1973-74 og nam til kandídats-
prófs í íslenskum fræðum og bók-
menntum við HÍ 1975-78.
Rannveig gegndi fjölmörgum
trúnaðarstörfum og var meðal ann-
ars ritari þjóðhátíðarnefndar
1969-74 og þingritari 1967-71. Þá
var hún íslenskukennari við Mynd-
iista- og handíðaskóla íslands
1973-77 og bókmenntagagnrýnandi
á DV 1977-87. Hún var fram-
kvæmdastjóri Rithöfundasambands
íslands 1975-1995.
Rannveig fæddist 22. apríl 1925
á ísafirði, dóttir hjónanna Valgerðar
Kristjánsdóttur húsmóður og Sigurð-
ar Ágústs Elíassonar kaupmanns og
yfirfiskmatsmanns.
Rannveig var gift Lofti Loftssyni
efna- og matvælaverkfræðingi og
börn þeirra hjóna eru Guðríður, leir-
kerasmiður, Inga Rósa, listmálari,
og Loftur, kerfísfræðingur. Einnig
átti Rannveig dóttur með Gunnari
G. Schram prófessor, Valgerði, sem
er sjúkraþjálfari.
AÐALBJÖRG Árnadóttir, hjúkrunarfræðingur á Heilsugæslu-
stöðinni í Mjódd.
Segja fólk
vera reitt og
áhyg-gjufullt
HEFÐBUNDIN starfsemi heilsu-
gæslustöðva er að stórum hluta í
lamasessi eftir að um 120 heilsu-
gæsluiæknar sögðu upp störfum sín-
um frá og með 1. ágúst. Stöðvamar
eru eftir sem áður opnar og þar sinna
hjúkrunarfræðingar störfum sínum.
Hjúkrunarforstjórar á heilsugæslu-
stöðvum sem Morgunblaðið ræddi við
kváðust hafa áhyggjur af þróun mála
og sögðu að skjólstæðingar þeirra
væru bæði áhyggjufullir og reiðir.
Hjúkrunarfræðingar sinna ung-
bamaeftirliti og mæðravemd eins og
áður og reyna ennfremur að leiðbeina
fólki eftir því sem kostur gefst. Land-
læknisembættið sendi hjúkrunarfor-
stjómm á heilsugæslustöðvum fyrir-
mæli um hvernig hjúkrunarfræðing-
ar skuli bregðast við fyrirspurnum
vegna uppsagnanna. Hjúkrunar-
fræðingum er falin umsjá með sjúk-
raskrám sjúklinga, þeim er heimilt
að biðja um venjubundnar þvag- og
blóðrannsóknir, s.s. í tengslum við
mæðravernd og þeir geta upplýst
sjúklinga um niðurstöður rannsókna
sem þegar hafa verið gerðar. Þá
heimilar landlæknir hjúkrunarfræð-
ingum að framkvæma ónæmisað-
gerðir. Ef sjúklingur leitar til heilsu-
gæsiustöðvar vegna endurnýjunar á
lyfseðli er hjúkrunarfræðingum
heimilað að meta hvort um nauðsyn-
lega endurnýjun sé að ræða. Ef svo
er og ekki næst til læknis skal vísa
sjúklingi í apótek. Samkvæmt lyfja-
lögum er lyfjafræðingi heimilt í neyð-
artilviki að afhenda lyf í minnstu
pakkningu án lyfseðils.
Una Guðmundsdóttir, hjúkrunar-
forstjóri á Heilsugæslustöð Kópa-
vogs, segir alveg ljóst að hjúkrunar-
fræðingar ganga ekki í störf lækna.
Þeir muni áfram sinna sínum skyld-
um, s.s. að annast ungbarnaeftirlit
og mæðravemd. Á heilsugæslustöð-
inni er slysa- og bráðavakt og segir
Una að hjúkrunarfræðingar skoði
sjúklinga og geti annast t,au verk
sem hjúkrunarfræðingar vinna alla
jafna. í þeim tilvikum sem læknir
þarf ótvírætt að sinna sé sjúklingum
vísað á viðeigandi stað, á sjúkrahús
eða til sérfræðings. Hún segir að enn
sé starfandi einn læknir á stöðinni
og reynt verði að stýra neyðartilvik-
um til hans. Fullljóst væri þó að
hann annaði ekki öllum sjúklingum
sem venjulega komi á stöðina.
Birna Bjarnadóttir, rekstrarstjóri
stöðvarinnar, segir að á hveijum
degi hafí sjö læknar sinnt 250 fyrir-
spurnum. Hún segir að enn sem
komið er sé álag ekki mjög mikið
en ljóst væri að fólk væri áhyggju-
fullt. Til dæmis hafi komið kona á
stöðina í gærmorgun með tárin í
augunum og sagst fínna fyrir miklu
öryggisleysi. Birna minnir á að stöð-
in væri eina heilsugæslustöð bæjar-
ins og telur hún að eldra fólk sé
órólegast.
Áhyggjur af lyfjaávísunum
Aðalbjörg Árnadóttir, hjúkrunar-
fræðingur á Heilsugæslustöðinni í
Mjódd, var ein á vakt í gær. Hún
segir að hjúkrunarfræðingar geti og
vilji ekki fara í störf lækna. Hún
sagði óvissu með lyfjaávísanir helst
brenna á fólki.
Sama sinnis er Pálína Siguijóns-
dóttir, hjúkrunarforstjóri á Heilsu-
Morgunblaðið/Golli
IJNA Guðmundsdóttir, hjúkrunarforstjóri á Heilsugæslustöð
Kópavogs, (t.v.) og Birna Bjarnadóttir, rekstrarstjóri, segja
starfsmenn og sjúklinga uggandi um ástandið eftir að heilsu-
gæslulæknar sögðu upp störfum.
gæslustöð Efra-Breiðholts. Hún seg-
ir læknisleysið mjög bagalegt fyrir
skjólstæðinga stöðvarinnar og þeir
hafí t.a.m. miklar áhyggjur af því
að fá hugsanlega ekki ávísun á lyf.
Þessa tvo daga hafí þegar komið
einstaklingar sem þjást af fijóof-
næmi og eymaverk en þeir fái ekki
úrlausn.
Hjúkrunarforstjórarnir telja
áhyggjur sjúklinga og starfsfólk nú
aðeins- lognið á undan storminum.
Ástandið muni versna eftir langa og
hugsanlega erfiða helgi og að þá
þurfi margir að leita til heilsugæslu-
stöðva. Pálína kvaðst kvíða þriðju-
deginum og þær Una og Bima taka
undir það. Þær segja að það verði
fyrst í næstu viku sem afleiðingar
uppsagna heilsugæslulækna taki á
sig alvarlega mynd.
Tryggingastofnun
tekur þátt í kostnaði
í reglugerð um greiðslur al-
mannatrygginga í lyfjakostnaði seg-
ir að Tryggingastofnun ríkisins skuli
taka þátt í lyfjakostnaði sjúkra-
tryggðra þegar um er að ræða lyf
sem ávísað hefur verið af lækni.
Samkvæmt þessu hefur gilt sú meg-
inregla þegar lyf eru afhent í neyð-
artilvikum án tilvísunar læknis að
sjúklingur greiði fullt verð af lyfjun-
um. Brugðist hefur verið við þessu
með setningu reglugerðar um breyt-
ingu á áðurnefndri reglugerð en hún
kveður á um að Tryggingastofnun
taki þátt í lyfjakostnaði í þeim tilvik-
um þegar um er að ræða lyf sem
lyfjafræðingar afhenda í neyðartil-
vikum.
Að sögn hjúkmnarforstjóranna
hafði nokkuð borið á óánægju fólks
með að þurfa að greiða fullt verð
fyrir lyf sem það hafði fengið með
þessum hætti í gær og í fyrradag
eftir að heilsugæslulæknar hættu.
Ingibjörg Þorsteinsdóttir, upplýs-
ingafulltrúi Tryggingastofnunar,
upplýsir að þeir sem hafi þurft að
greiða fullt verð fyrir lyf, sem Trygg-
ingastofnun hefur hingað til greitt
að hluta eða að fullu, eigi rétt á
endurgreiðslu. Hún segir að reglu-
gerðin hafi tekið gildi 1. ágúst og
sennilega hafi lyfsalar ekki frétt af
setningu hennar. Til að fá endur-
greiðslu þurfa einstaklingar að fram-
vísa kvittunum á skrifstofu Trygg-
ingastofnunar.
Fyrirspurnum
fjölgað lítillega
Eiríkur Þorbjörnsson, fram-
kvæmdastjóri Neyðarlínunnar, segir
að fyrirspurnum um hvar hægt sé
að leita sér læknishjálpar hafí lítil-
lega fjölgað. Hann segir að Neyðar-
Iínan hafí undirbúið sig vel, kæmi
til uppsagna heilsugæslulækna.
Byggðar hafi verið upplýsingabrautir
og viðeigandi símanúmerum safnað
saman. Eiríkur segir að auðvelt eigi
að vera að ganga að upplýsingum
hjá Neyðarlínunni í neyðamúmerinu
112.
Þeim sem þurfa læknishjálp er
vísað á bráðavakt Landsspítala, í
síma 560-1010, bráðavakt Sjúkra-
húss Reykjavíkur, í síma 525-1700,
en auk þess munu heimilislæknar
utan heilsugæslustöðva gegna vakt-
þjónustu fyrir skjólstæðinga sína.
Fundur borgarstjóra með borgarfulltrúum og þingmönnum Reykjavíkur
Fundur með fulltrúum
ráðuneyta í næstu viku
INGIBJÖRG Sólrún Gísladóttir
borgarstjóri segir að fundur sem
boðaður hafi verið með borgarfull-
trúum og þingmönnum Reykjavíkur
til að kynna rekstrarstöðu Sjúkra-
húss Reykjavíkur hafí verið gagnleg-
ur. „Mönnum kom saman um að það
yrði að taka á bráðum vanda sjúkra-
hússins á allra næstu dögum,“ sagði
Ingibjörg Sólrún. Borgarstjóri
segir að ekki hafí staðið til að álykta
á fundinum en áhersla lögð á að
setja borgarfulltrúa og þingmenn vel
inn í málið. Ingibjörg Sólrún kveðst
telja að viðræður við fulltrúa flár-
málaráðuneytis og heilbrigðisráðu-
neytis um framtíðarstöðu spítalans
og fjárveitingar til hans gætu hafist
í næstu viku. Hún sagði að fundar-
menn hafí litið svo á að lausn á bráð-
um vanda sjúkrahússins hlyti að fel-
ast í fjárframlagi frá ríkinu.
Niðurskurður
undirbúinn
„Það er mjög mikilvægt að niður-
staða fáist sem fyrst því að starfs-
menn og stjórnendur eru byijaðir
að undirbúa niðurskurðaraðgerðir.
Þeir verða að vinna í samræmi við
tillögur stjórnar sjúkrahússins þar
til annað kemur í ljós,“ sagði borgar-
stjóri. Stefnt er að því að niðurskurð-
artillögur komi til framkvæmda um
næstu mánaðamót.
Borgarstjóri sagði að á fundinum
hafí lítillega verið rætt um hug-
myndir um sameiningu hátækni-
sjúkrahúsanna tveggja, Ríkisspítala
og Sjúkrahúss Reykjavíkur. Hún
segir fundarmenn hafa verið sam-
mála um að áður en til sameiningar
kæmi yrði að fara fram hlutlaus og
mjög ítarleg hagkvæmniúttekt.
Ingibjörg Sólrún sagðist aftur á
móti telja mikilvægt að auka sam-
starf miili sjúkrahúsanna og skil-
greina verkaskiptingu milli þeirra.
Morgunblaðið/Árni Sæbcrg
INGIBJÖRG Sólrún Gísladóttir borgarstjóri kynnti borgarfull-
trúum og þingmönnum Reykjavíkur stöðu Sjúkrahúss Reykjavík-
ur á fundi í gær.