Morgunblaðið - 10.08.1996, Blaðsíða 12

12 LAUGARDAGUR 10. ÁGÚST 1996
AKUREYRI
MORGUNBLAÐIÐ
Fóðurverksmiðjan Laxá skilaði 11 milljóna króna hagnaði
Metár í sölu á fiskafóðri
FÓÐURVERKSMIÐJAN Laxá skil-
aði um 11 milljóna króna hagnaði
á síðasta rekstrarári, frá júní ’95-
maí ’96. Á sama tímabili árið áður
var hagnaður fyrirtækisins um 4
milljónir króna. Guðmundur Stef-
ánsson, framkvæmdastjóri segist
sæmilega sáttur við afkomuna.
Heildarvelta fyrirtækisins síðasta
rekstrarár var tæpar 400 milljónir
króna, eða um 100 milljónum króna
meiri en árið áður.
„Þótt afkoman sé viðunandi er
ljóst að við verðum að reyna að
jafna álagið í verksmiðjunni og
nýta hana betur. Þetta ár einkennd-
ist af því að annað veifið vorum við
að sprengja allt utan af okkur og
á öðrum tímum var hér ansi rólegt.
Þetta er bæði erfið og óheppileg
staða en það er alltaf verið að vinna
að því að jafna álagið og það er
nauðsynlegt fyrir okkur að ná tök-
um á því,“ sagði Guðmundur.
Samkeppnin harðnar
Síðastliðið rekstrarár var metár
hjá Laxá hvað sölu á fiskafóðri
varðar. Innanlands varð söluaukn-
ingin frá fyrra ári tæp 10% og út-
flutningur jókst um 13%. Guðmund-
ur telur að þessar tölur gefi tilefni
til bjartsýni og vissulega eigi hún
rétt á sér. Hins vegar hefur verð á
laxi verið að lækka og samkeppnin
í greininni harðnað.
Erlendis hafa fiskeldisfyrirtæki
sameinast eða tekið upp samvinnu
og þannig hafa myndast stórir aðil-
ar sem kaupa gífurlegt magn fóð-
urs, jafnvel allt að 50-60 þúsund
tonn á ári. Guðmundur segir að
þetta hafi leitt til þess að mikill
þrýstingur sé á að fóðurverð lækki,
sem aftur geri auknar kröfur til
fóðurfyrirtækjanna um hagkvæm-
ari rekstur til að þau geti í senn
selt ódýrt og gott fóður. Þetta kalli
á hagkvæma nýtingu fjárfestinga
og ljóst sé að afar mikilvægt sé
fyrir afkomu Laxár að afkastageta
verksmiðjunnar, tækjabúnaður,
mannafli og fjármunir verði sem
best nýttir.
Framleiðslan um 6.000 tonn
Framleiðslugeta verksmiðjunnar
er 10-12 þúsund tonn á ári en á
síðasta rekstrarári var framleiðsl-
an tæp 6 þúsund tonn, sem er
aukning um 11,5% frá árinu áður.
Fóðursalan nam rétt rúmum 6
þúsund tonnum sem er einnig
aukning um 11,5% frá fyrra ári.
Fóðursala innanlands varð rúm
2.700 tonn og útflutningur nam
um 3.300 tonnum. Til Noregs voru
seld tæp 3.000 tonn og rúm 380
tonn voru seld til Danmerkur og
Kanada og er útflutningur til
Kanada nýmæli.
Markaðshlutdeild Laxár á innan-
landsmarkaði er um 55-60%, sem
að mati Guðmundar nægir engan
veginn til að standa undir rekstri
fóðurverksmiðju eins og Laxár.
„Þótt innanlandsmarkaður sé mikil-
vægur er það fyrirtækinu nauðsyn-
legt að stunda útflutning og á þeim
vettvangi er helsti vaxtarbroddur-
inn á komandi árum.“
Heildarhlutafé um 60 milljónir
Hluthafar Laxár voru við lok
rekstrarársins 34 og hafði fjölgað
um tvo frá fyrra ári. Heildarhlutafé
félagsins er tæpar 60 milljónir
króna og eru Akureyrarbær og
KEA stærstu hluthafarnir. Félagið
er skráð á Opna tilboðsmarkaðnum
sem gerir viðskipti með hlutabréf
auðveldari. Hjá fyrirtækinu starfa
9 fastráðnir starfsmenn en starfs-
menn voru allt að 20 þegar mest
var að gera.
Félagið tók á rekstrarárinu
1994/95 þátt í stofnun Mjölverk-
smiðjunnar hf. á Hvammstanga.
Hlutafé fyrirtækisins er um 10
milljónir króna og á Laxá 25% í
því. Rekstur Mjölverksmiðjunnar
hefur farið batnandi en Laxá hefur
annast sölu á afurðum verksmiðj-
unnar.
Stefnt að aukningu hlutafjár
Aðalfundur Laxár verður haldinn
síðar í þessum mánuði og þar verð-
ur lögð fram tillaga um heimild til
stjórnar að auka hlutafé fyrirtækis-
ins um allt að 20 milljónir króna.
Guðmundur segir að þeir fjármunir
yrðu m.a. notaðir til endurbóta á
verksmiðjunni og til frekari þróun-
arverkefna.
Morgunblaðið/Kristján
Um 1.200 farþegar á risaskemmtiferðaskipi
SKEMMTIFERÐASKIPIÐ Royal Princ-
ess sigldi inn á Pollinn við Akureyri
snemma í gærmorgun en þetta er jafn-
framt stærsta skemmtiferðaskipið sem
kemur til Akureyrar á þessu sumri. Skip-
ið er 230 metra langt og um borð eru
um 1.200 farþegar, aðallega Bandaríkja-
menn og Bretar.
Skipið kom til Akureyrar frá Bret-
landi en hélt áleiðis til Reykjavíkur
seinni partinn í gær. Frá Reykjavík held
ur skipið svo áfram til Skotlands. Far-
þegarnir notuðu tækifærið og brugðu
sér í skoðunarferð að Mývatni, Goða-
fossi, Laufási og víðar.
Fulltrúar foreldravaktarinnar um Halló Akureyri
Ástandið gjörsam-
lega óviðunandi
A
Oskað eftir fundi með bæjarfulltrúum til að fara yfir málið
Messur
AKUREYRARPRESTAKALL:
Messað verður í Akureyrar-
kirkju á morgun, sunnudag kl.
11. Messað verður á Seli kl. 14.
sama dag. Sumartónleikar
verða í kirkjunni kl. 17 á sunnu-
dag. Gunnar Idenstam leikur á
orgel. Aðgangur ókeypis.
GLERARPRESTAKALL:
Kvöldmessa verður í Lög-
mannshlíðarkirkju annað
kvöld, sunnudaginn 11. ágúst
kl. 21. Ath. breyttan tíma. Pét-
ur Björgvin Þorsteinsson trúar-
lífsupgeldisfræðingur prédikar.
HJÁLPRÆÐISHERINN: Al-
menn samkoma kl. 20 sunnu-
dagskvöldið 11. ágúst. Allir
hjartanlega velkomnir. Flóa-
markaðurinn hefst aftur í næstu
viku, tekið á móti fatnaði á
Hvannavöllum 10 alla daga.
H VÍTASUNNUKIRKJAN:
Samkoma í umsjá ungs fólks
kl. 20.30 í kvöld, laugardaginn
10. ágúst. Vitnisburðarsam-
koma kl. 20. á sunnudagskvöld.
Allir velkomnir.
FORELDRAR sem mynda svo-
nefnda foreldravakt sem er á ferð-
inni um miðbæ Akureyrar að næt-
urlagi um helgar hafa óskað eftir
fundi með bæjarstjóranum á Akur-
eyri og bæjarfulltrúum til að ræða
um hátíðina Halló Akureyri.
Foreldravaktin samanstendur af
foreldrum unglinga í 8., 9. og 10.
bekk þriggja skóla á Akureyri,
Gagnfræðaskólanum, Glerárskóla
og Síðuskóla. Farið var fram á að
foreldrar yrðu á vakt aðfaranótt
föstudags, laugardags og sunnu-
dags um liðna verslunarmanna-
helgi, en það er samdóma álit þeirra
sem stóðu vaktirnar, að ástandið
hafi verið gjörsamlega óviðunandi
þennan tíma og ekki komi til greina
að halda ámóta samkomu að ári.
Fulltrúar vaktarinnar segja for-
eldra bera ábyrgð á veru ósjálfráða
unglinga á hátíðinni, en þeir sem
gefa leyfí, auglýsa og standa að
samkomuhaldinu geti aldrei fríað
sig ábyrgð á því sem gerðist á hátíð-
arsvæðinu. Foreldravaktin gagn-
rýnir forsvarsmenn hátíðarinnar,
sem töldu ástandið í bænum þolan-
legt og setja spurningarmerki við
hvort rétt sé að gera út á neyslu
kófdrukkinna unglinga, en ýmislegt
viðgangist þegar hagnaðarvonin er
annars vegar.
Þá telja fulltrúar foreldravaktar-
innar að viðbúnaði og afþreyingu
hafi verið ábótavant og bæjarfélag-
ið þurfi að greiða verulegan auka-
kostnað vegna löggæslu og hreins-
unarstarfa.
Meðal þess sem fulltrúar vaktar-
innar ætla að ræða við bæjarfulltrúa
er hvort menn vilji hafa uppákomu
af þessu tagi, þar sem allt fer á
annan endann og friðhelgi íbúanna
sé virt að vettugi og hvort þetta sé
sú fyrirmynd sem menn telja bömum
og unglingum bæjarins samboðna.
Skógar-
dagurí
Hánefs-
staðaskógi
SKÓGRÆKTARFÉLAG Ey-
firðinga gengst fyrir-skógar-
degi í Hánefsstaðaskógi í
Svarfaðardal á morgun sunnu-
dag. Dagskráin hefst með
helgistund kl. 13.30, sem er á
vegum sóknarnefndar Svarf-
aðardalssóknar.
Jafnframt verður boðið upp
á skógargöngu þar sem þátt-
takendur verða fræddir um tré
og gróður í skóginum. Einnig
verða sýnd tæki sem notuð eru
við skógrækt og skógarvinnslu.
Sýndar verða ýmsar afurðir
skógarins og boðið upp á skóg-
arkaffi og tónlist. Ráðgert er
að dagskrá ljúki um kl. 16.00.
í ár eru 50 ár síðan Eiríkur
Hjartarson hóf skógrækt að
Hánefsstöðum og er skógar-
dagurinn haldinn { minningu
hans. Einnig vill Skógræktar-
félagið vekja athygii á hvaða
árangri er hægt að ná með
skógrækt á svæðum sem talin
hafa verið erfið til skógræktar.
Sænskur
orgelleikari
í Akureyrar-
kirkju
FIMMTA og síðasta tónleika-
röð Sumartónleika á Norður-
landi verður haldin á morgun,
sunnudaginn 11. ágúst, með
tónleikum i Akureyrarkirkju,
en þeir heljast kl. 17.
Að þessu sinni er það sænski
orgelleikarinn Gunnar Idenst-
am sem leikur fyrir Ak-
ureyringa og ferðafólk á end-
urnýjað orgel kirkjunnar.
Á efnisskrá hans verða verk
eftir Bach, Dupré og útsetning-
ar eftir Gunnar Idenstam á
norrænum fíðlulögum, þjóðlög-
um og hjarðlögum auk tón-
smíða eftir hann sjálfan.
Gunnar er fæddur í Kiruna í
Svíþjóð árið 1961, hann stund-
aði nám við tónlistarháskóla í
Stokkhólmi og París. Spuni hef-
ur verið hans sérgrein, en á síð-
ustu árum hefur hann snúið sér
að tónsmíðum og útsetningum
í æ ríkari mæli. Hann hefur
áður komið fram á tónleikum í
Akureyrarkirkju, árið 1989.
Gunnar mun einnig leika í Hall-
grímskirkju í íslandsferð sinni.
Morgunblaðið/Kristján
BIRGIR Schiöth við
nokkur verka sinna.
Birgir
sýnir í Yín
BIRGIR Schiöth myndlistar-
kennari á Siglufírði hefur opnað
sýningu á verkum sínum í
Blómaskálanum Vín í Eyja-
fjarðarsveit.
Á sýningunni eru 27 verk,
pastel, vatnslitamyndir og
fleira. Birgir sýndi verk sín á
Síldarævintýrinu á Siglufírði
um liðna helgi. Sýning hans í
Vín verður opin til og með 18.
ágúst næstkomandi.
Birgir hefur kennt myndlist
m.a. á Siglufírði og í Garðabæ,
en er nú hættur kennslunni og
sinnir eingöngu myndlistinni.
Hann hefur haldið Qölda sýn-
inga víða um land.