Morgunblaðið - 10.09.1996, Blaðsíða 2

2 ÞRIÐJUDAGUR 10. SEPTEMBER 1996
MORGUNBLAÐIÐ
-
FRÉTTIR
Leiðakerfi strætis-
vagna tímamælt á ný
STJÓRN SVR samþykkti í gær
að fela starfshópi, sem unnið hefur
í eitt og hálft ár að undirbúningi
breytinga á leiðakerfi SVR, að
vinna greinargerð um þá þætti
breytinganna sem gagnrýndir
hafa verið að undanförnu. Meðal
þess sem hópurinn á að gera er
að tímamæla helstu leiðir og koma
með tillögur um breytingar ef
hann telur þörf á því.
Talsverð gagnrýni hefur komið
fram frá strætisvagnastjórum á
nýja leiðakerfið. Meirihluti stjórn-
ar samþykkti að óska eftir því að
fyrsti og annar trúnaðarmaður
vagnstjóra tækju þátt í vinnu
leiðakerfishópsins, en þar eru fyrir
tveir fulltrúar vagnstjóra.
Trúnaðarmenn
vinna með
starfshópi
Fulltrúar Sjálfstæðisflokksins í
stjórn SVR lögðu til að myndaður
yrði nýr starfshópur til að fara
yfir leiðakerfið og kanna þær at-
hugasemdir sem fram hafa komið.
Fulltrúar R-listans höfnuðu tillög-
unni og vildu að sami starfshópur
héldi utan um málið.
Látið reyna á kerfið.
Arthur Morthens, stjórnarfor-
maður SVR, sagði ljóst að flösku-
háls væri í kerfinu á Bústaðavegi
og í Hafnarstræti. Erfiðleikarnir í
Hafnarstræti stöfuðu m.a. af því
að framkvæmdum þar væri ekki
að fullu lokið. Leiðakerfishópurinn
myndi fara yfir þetta og koma
með tillögur til úrbóta. Málið yrði
tekið fyrir aftur á stjórnarfundi
eftir hálfan mánuð. Arthur sagði
að látið yrði reyna á nýja leiðakerf-
ið í vetur með þeim breytingum
sem starfshópurinn vildi að gerðar
yrðu. SVR hefði engar forsendur
til að gera grundvallarbreytingar
á kerfinu.
Á stjórnarfundinum var sam-
þykktur stuðningur við forstjóra
SVR og aðra stjórnendur fyrirtæk-
isins.
Hvað ung-
ur nem-
ur. . .
STARFSÁR Sinfóníuhljómsveit-
ar íslands hófst líkt og undanfar-
in ár með uppákomum í Kringl-
unni þar sem hljómsveitin lék
fyrir gesti og gangandi á laugar-
dag. Framundan eru Upphafs-
tónleikar á fimmtudag, föstudag
og laugardag, þar sem hljóm-
sveitarstjórinn Takuo Yuasa og
fagottleikararnir Hafsteinn
Guðmundsson og Rúnar Vil-
bergsson verða í sviðsljósinu.
Að sögn Runólfs Birgis Leifs-
sonar, framkvæmdastjóra SÍ, er
yngra fólkið farið að sækja tón-
leika hljómsveitarinnar í aukn-
um mæli og ljóst má vera að
Garðar Benedikt Sigurjónsson
ætlaði ekki að missa af neinu í
Kringlunni á laugardag.
Eldur kom
upp í Hólma-
borginni SU
ELDUR kom upp í Hólmaborginni
SU síðastliðinn föstudagsmorgun
þar sem skipið var í skipasmíðastöð
í Gdynia í Póllandi. Eldurinn kom
upp í svokölluðu „astikrými" þar sem
verið var að rafsjóða og er talið að
kviknað hafi í út frá því. Greiðlega
gekk að slökkva eldinn, en tjón er
metið á 20 til 30 milljónir króna sem
skipasmíðastöðin tekur á sig.
Magnús Bjarnason, fram-
kvæmdastjóri Hraðfrystihúss Eski-
fjarðar hf., sem gerir Hólmaborgina
SU út, segir að þrátt fyrir talsvert
tjón geri menn sér vonir um að ekki
þurfi að koma til seinkunar á afhend-
ingartíma, sem miðaður hefur verið
við 15. október. Að breytingum lokn-
um héldi Hólmaborgin á loðnumiðin.
Tæpur mánuður er nú liðinn frá því
að framkvæmdir hófust við skipið,
en m.a. er verið að lengja það, setja
á það hvalbak og kælikerfi í lestar.
Morgunblaðið/Kristinn
SH eykur
framleiðslu
um 22%
HEILDARFRAMLEIÐSLA
SH fyrstu átta mánuði ársins
varð tæplega 90.000 tonn, en
var á sama tíma í fyrra rúm
70.000 tonn. Framleiðslan
hefur því aukizt milli ára um
22%. Heildarframleiðsla á síð-
asta ári varð tæplega 110.000
tonn, en það ár var annað
bezta árið í sögu SH, þegar
litið er til framleiðslunnar.
Aðeins vantar framleiðslu upp
á 20.000 tonn það sem af er
árinu til að ná sama magni
og þá.
■ 20.000 tonna aukning/18
Morgunblaðið/Kristinn
10 dagayfir
Atlantshaf
EIN stærsta skúta í eigu íslend-
ings liggur nú í Hafnarfjarðar-
höfn. Hún kom þangað á sunnudag
eftir um tíu daga siglingu frá
Saint John’s á Nýfundnalandi. Eig-
andi skútunnar er Magnús Jóns-
son, flugsljóri hjá Flugleiðum.
Skútan heitir Elín og er 44 fet
á lengd og með stálbotni. Hún er
tuttugu ára gömul og kostaði um
sex milljónir króna, keypt í
Flórída í Bandaríkjunum í vor.
Magnús hefur í sumar siglt henni
í áföngum norður til Kanada og
þaðan hélt hann áleiðis til Islands.
Elín var smíðuð í Englandi og
Frakklandi en hefur síðan farið
víða. Magnús stefnir að því að
leggjast i heimssiglingar á henni
eftir að hann lýkur störfum.
Sláturhús SS í Vík í Mýrdal lagt niður
Bændur leita til ann-
arra sláturleyfishafa
LAGT hefur verið niður sláturhús
Sláturfélags Suðurlands í Vík í
Mýrdal og reiknar félagið með að
sláturfé þar verði flutt á Selfoss
til slátrunar. Bændur á þessu svæði
eru margir ósáttir við ákvörðun
SS og hafa leitað til annarra slátur-
leyfishafa með viðskipti.
SS tilkynnti í sumar að slátur-
húsinu í Vík yrði lokað og þar
yrði ekki slátrað nú í haust. Stein-
þór Skúlason forstjóri SS sagði
að ákvörðunin hefði verið tekin i
hagræðingarskyni. Slátrun hér á
landi væri ekki nægilega hag-
kvæm, einkum sauðfjárslátrunin
og ástæðan væri sú að hér væru
allt of mörg hús með of stuttan
nýtingartíma.
SS rekur sláturhús á Kirkjubæj-
arklaustri þar sem dagsslátrun er
í kringum 900 fjár en dagsslátrun
í Vík var um 750 fjár á sláturtíð.
Að sögn Steinþórs er gert ráð fyr-
ir því að sláturfé af svæðinu aust-
an Mýrdalssands verði flutt á
Kirkjubæjarklaustur en fé af svæð-
inu fyrir vestan verði flutt á Sel-
foss.
Unnið hefur verið að endurbót-
um á aðalsláturhúsi SS á Sel-
fossi, m.a. með það fyrir augum
að auka hagkvæmni og uppfylla
kröfur Evrópusambandsins svo
hægt sé að flytja afurðir út til
landa innan ESB. „Við viljum því
að sjálfsögðu nýta þetta hús sem
best,“ sagði Steinþór.
Bændur fara annað
Samkvæmt upplýsingum Morg-
unblaðsins eru margir bændur í
Vík og nágrenni ósáttir við ákvörð-
un SS og hugur í sumum að fara
með sláturfé til annarra sláturleyf-
ishafa. Eru sláturhús Kaupfélags
Austur-Skaftfellinga á Höfn og
Hafnar-Þríhyrnings í Þykkvabæ
og á Selfossi nefnd í þessu sam-
bandi.
Kjartan Hreinsson sláturhús-
stjóri á Höfn staðfesti að bændur
úr Vestur-Skaftafellssýslu hefðu
leitað til sláturhússins með við-
skipti en vildi ekki upplýsa um
fjölda þeirra.
Steinþór Skúlason forstjóri SS
sagði að sér væri ljóst að bændur
á svæðinu væru misjafnlega
ánægðir með þá ráðstöfun að
leggja sláturhúsið í Vík af. En það
væri yfirlýst stefna félagsins og
bændasamtaka að ná fram há-
markshagkvæmni í slátrun til að
geta keppt við önnur lönd enda
lífsspursmál fyrir innlendan land-
búnað að lækka þann mun sem er
á vöruverði hér og erlendis.
Bændur missa vinnu
Sláturhúsið veitti um 48 manns
atvinnu þær sex vikur sem slátur-
tíð stóð á haustin, að sögn Einars
Klemenssonar sláturhússtjóra, og
að auki höfðu einhvetjir atvinnu
þar um lengri tíma við viðhald og
eftirlit. Áætlað er að um hafi verið
að ræða 10 ársverk. Það var eink-
um bændafólk sem vann í slátur-
húsinu til að drýgja tekjur sínar.
Guðmundur Elíasson oddviti
Mýrdalshrepps sagði að hreppur-
inn hefði sent SS mótmæli vegna
lokunar sláturhússins enda væri
um töluverða atvinnu að ræða fyr-
ir hreppsbúa. „Menn hafa I kjölfar-
ið velt því fyrir sér hvort hægt sé
að koma annarri starfsemi fyrir í
sláturhúsinu en það er á frumstigi
enn.“
L-
I ‘