Morgunblaðið - 10.09.1996, Síða 14

14 ÞRIÐJUDAGUR 10. SEPTEMBER 1996
MORGUNBLAÐIÐ
LANDIÐ
Vestfirðir
Nýr skatt-
stjóri skip-
aður
ísafirði - Sigríður Björk Guðjóns-
dóttir, 27 ára lögfræðingur, hefur
verið skipuð skattstjóri Vestfjarða-
umdæmis til fimm ára frá og með
1. október nk.
Sigríður Björk hefur starfað á
eftirlits- og tekjuskattsskrifstofu
hjá Ríkisskattstjóra. Hún lauk lög-
fræðiprófi frá Háskóla íslands árið
1993. Hún fékk leyfi frá störfum
hjá Ríkisskattstjóra haustið 1995
til að stunda framhaldsnám í
Kaupmannahöfn og er nýkomin
heim úr því námi.
Um leið og Sigríður Björk tekur
við starfinu mun Pétur Ólafsson,
sem gegnt hefur starfi skattstjóra
frá síðustu áramótum, taka við
sínu fyrra starfi hjá Ríkisskatt-
stjóra. Fimm umsækjendur voru
um stöðuna.
-----» ♦ ♦---
Grunnskóli
Flateyrar
settur
Flateyri - Miðvikudaginn 4. sept-
ember sl. var Gmnnskóli Flateyrar
settur af núverandi skólastjóra,
Birni Hafberg. í ár em skráðir 48
nemendur, en vom á síðastliðnu
skólaári 58 talsins. Nemendur og
foreldrar þeirra fjölmenntu á skóla-
setninguna.
I ræðu Björns Hafberg skóla-
stjóra kom fram að keyptar hefðu
verið 5 nýjar fullkomnar tölvur, sem
munu bætast við það sem fyrir var,
fyrir gjafafé að upphæð ein milljón
íslenskra króna, sem Grænlendingar
gáfu til bama á Flateyri. Með þessu
væm komnar 12 mjög fullkomnar
tölvur til nota í sambandi við
kennslu. Björn lét þess einnig getið,
að til stæði að færa tölvukennsluna
neðar í neðstu bekkina, þ.e. 3., 4.
og 5. bekk. Til starfa kæmu 5 nýir
kennarar, ein væri heimamaður en
hinir aðkomumenn.
í lokin óskaði Björn eftir því að
eiga gott samstarf við foreldra, öll
væmm við sameiginlega ábyrg
hvernig til tækist með skólagöngu
barna okkar. Að lokinni ræðu gafst
nemendum og foreldmm þeirra
tækifæri til að kíkja á skólann og
nýja tölvubúnaðinn.
Framkvæmdir
hafnar við snjó-
flóðagarðana
Unnið af fullum krafti í vetur ef veð-
urskilyrði verða hagstæð
Flateyri - FRAMKVÆMDIR eru
hafnar við snjóflóðavarnargarð-
ana fyrir neðan Skollahvilft. Það
er verktakafyrirtækið Klæðning
sem sér um framkvæmdirnar.
í fyrsta áfanga verksins verður
byijað á því að hreinsa lífrænan
jarðveg ofan af og síðan verður
gi-afíð fyrir fráveituskurði. í fram-
haldi af því verður bytjað á því
að móta leiðigarðinn sem verktak-
inn á að skila af sér fyrir l.nóv.
Ef veðurskilyrði verða hagstæð
verður haldið áfram af fullum
krafti í vetur.
Gert er ráð fyrir því að unnið
verði allan sólarhringinn á vöktum
og verður vinnusvæðið flóðlýst. í
fjallið er þegar komin ein 40 tonna
grafa til að hreinsa jarðveginn.
Fyrir er 40 tonna jarðýta og síðan
bætast við 3 trukkar og ein 17
tonna grafa. Ef þurfa þykir verður
aukið við flotann þegar fram líða
stundir.
Aðspurðir um gerð svona snjó-
flóðavarnargarðs sagði Gunnar
B. Birgisson, forstjóri Klæðningar
hf., að fyrirtækið hefði reynslu
af gerð sjóvarnargarða, sem væri
ekki ólík þessu verkefni þó að
forsendurnar væru aðrar. Meðal
verkefna væri gerð Gilsfjarðar-
brúar um þessar mundir.
Morgunblaðið/Egill Egilsson
GUNNAR B. Birgisson, forstjóri Klæðningar hf. (t.v.) og Björn
Ingi Sveinsson, verkfræðingur hjá Klæðningu hf.
Ljót aðkoma að gömlu sundlauginni á Suðureyri
Rolluhræ a botm laug-
arinnar í tæpt ár
ísafirði - í óveðrinu sem geisaði á
norðanverðum Vestfjörðum undir
lok októbermánaðar á síðasta ári,
þegar m.a. stórt snjóflóð féll á Flat-
eyri með hörmulegum afleiðingum,
féll annað snjóflóð úr hlíðinni milli
Norðureyrar og SelárdaJs í Súg-
andafírði. Snjóflóðið myndaði flóð-
bylgju sem talin var vera 6-7 metra
há og olli hún talsverðum skemmd-
um á bátum og hafnargarðinum á
Suðureyri auk þess sem hún drap
fjölda fjár sem leitað höfðu skjóls
fyrir óveðrinu í gömlu sundlauginni
á Suðureyri, sem stendur neðan við
þjóðveginn fyrir miðjum fírðinum.
Nú tæpu ári eftir atburðinn er
svæðið við sundlaugina óhreinsað
auk þess sem á botni laugarinnar.
liggja enn tvö illa farin rolluhræ.
Ómyndin blasir við þeim sem eiga
leið um þjóðveginn og er að sjálf-
sögðu eigendum skepnanna og
bæjarfélaginu til mikils ósóma.
Björn Birkisson, bóndi í Birkihlíð
og eigandi fjárins sem drapst í
sundlauginni, sagði í samtali við
blaðið:
„Þetta er nú enginn fréttamatur.
Við tókum allt sem fyrirfannst á
svæðinu þegar þetta átti sér stað
og síðan þá höfum við haft í mörgu
að snúast og því ekki fjarlægt hræ-
in úr lauginni. Það drápust þama
35 kindur og við höfum fjarlægt
öll hræin nema þessi tvö. Það á
eftir að hreinsa miklu meira á svæð-
inu heldur en þessi tvö hræ, s.s.
stejnsteypu og fleira. Ég held að
það viti ekki nokkur maður hvað
verður gert við bygginguna og
meðan svo er erum við ekkert að
flýta okkur. Menn eru misjafnlega
viðkvæmir fyrir þessu,“ sagði Björn
Birkisson.
Hann sagði hreinsun ekki á dag-
skrá hjá sér á næstunrú enda nóg
að gera við smalamennsku og að-
spurður hvort hræin yrðu fjaríægð
fyrir veturinn sagði hann að hann
hefði engar áhyggjur af hræjunum
undir snjó.
Bæjarfélagið grípur inn í
Kristján Þór Júlíusson, bæjar-
stjóri Isaíjarðarbæjar, sagðist í
samtali við blaðið hafa fengið vitn-
Morgunblaðið/Halldór Sveinbjörnsson
AÐKOMAN að gömlu sundlauginni eins og hún blasir við þeim
sem eiga leið um þjóðveginn tii Suðureyrar.
eskju um hræin á sunnudaginn var
og að hann væri að skoða hvað
gert yrði í málinu.
„Ég fékk upplýsingar um þetta
á sunnudag og hef ekki tekið nein-
ar ákvarðanir í málinu. Hlutir sem
þessir ganga ekki upp. Ég er viss
um að eigendur hræjanna vita af
þeim þarna en fyrst þeir hafa ekk-
ert gert í málinu verður bæjarfélag-
ið að gera það. Það er ekkert annað
að gera en að brjóta niður sundlaug-
arbygginguna og hreinsa svæðið,"
sagði Kristján Þór.