Morgunblaðið - 10.09.1996, Blaðsíða 48

48
ÞRIÐJUDAGUR 10. SEPTEMBER 1996
MORGUNBLAÐIÐ
Dýraglens
\£.GtoKF/tÐSKIf>T4l \u/yi UAW\JEFTFI í (0)0 ], o Y o j s 01996 Tribune Media Services, Inc. | t AH Rights Reserved.
p X /
< .—Sk
Grettir
PmpnHsÍit
BRÉF
HL BLADSLNS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
MELASKÓLI.
50 ára afmæli
Melaskóla
Frá Rögnu Ólafsdóttur:
HINN 5. október næstkomandi eru
liðin 50 ár frá því að Melaskóli tók
til starfa. Af því tilefni er fyrirhugað
að efna til myndasýningar í skól-
anum. Allmikið er til í skólanum af
myndum frá þessu tímabili, en þó
eru þar eyður í. Hér er fyrst og
fremst átt við bekkjarmyndir og
aðrar hópmyndir frá því fyrir 1960.
Það væri því þegið með þökkum ef
„gamlir" nemendur, kennarar og
aðrir sem tengst hafa skólanum og
eiga slíkar myndir vildu lána þær
um tíma. Hafið samband við skóla-
stjóra Melaskóla í síma 5513004 eða
5510630 milli kl. 16 og 17 síðd.
RAGNA ÓLAFSDÓTTIR.
Busaböl
Frá Magnúsi Þorkelssyni:
ÞRÁTT fyrir alvarlega og ómaklega
gagnrýni hafa framhaldsskólar og
framhaldsskólakennarar beitt sér
fyrir ótrúlega miklum umbótum í
starfí sínu og starfsumhverfí innan
skólanna undanfarin ár. Eitt af því
sem þeir hafa knúið á um er að svo-
kallaðar busavígslur leggist af sem
ofbeldishátíðir en verði fremur mót-
taka nýrra félaga.
í Menntaskólanum við Sund hefur
þetta gengið allvel þrátt fyrir þrýst-
ing ofbeldisseggja og hefur stjórn-
endum skólans í góðu samstarfí við
forystu nemenda tekist að breyta
þessu nokkuð þó enn eigi eftir að
fínpússa nokkur smáatriði.
Þessi barátta er ekki síst mikilvæg
vegna þeirrar miklu ofbeldis- og
vímuefnadýrkunar sem í gangi er
hér á landi og kynnt er undir m.a.
í bíóum. Þá berast fréttir af því að
slíkar vígsluathafnir séu farnar að
eiga sér stað í grunnskólum. Og svo
bárust fréttir af því að busum hefði
verið rænt í einum framhaldsskóla
borgarinnar af mönnum sem ekki
voru í skólanum heldur í skemmt-
iakstri og er þá farið að keyra um
þverbak í þessum málum.
Ef þessar vígsluathafnir hefðu eitt-
hvert annað gildi en að lítillækka,
meiða og skemma þá mætti án efa
hyggja að þeim. í því formi sem þær
birtast hins vegar ber kennurum í
öllum skólum landsins að beijast gegn
ofbeldi í sínum stofnunum.
Það var því eins og köld vatnsgusa
þegar ég fletti blaði allra landsmanna
í morgun (6. sept. ’96) og sá í fólk
í fréttum, dálkum sem yfírleitt eru
fullir af fréttum af frægu fólki og
jákvæðum atburðum, mynd af busa.
Businn, sagði meðfylgjandi texti
glaðhlakkalega, var frá Laugum í
Reykjadal, en hafði verið fluttur inn
á Húsavík, allnokkra leið, og límdur
þar við ljósastaur. Þó ekki komi það
fram ræð ég að það sé annaðhvort
mesta niðurlæging sem Laugamenn
geta hugsað sér eða Húsvíkingum til
aðvörunar sem reyna að sækja að
Laugum.
Ef Morgunblaðið er hlynnt skóla-
starfí og æskulýð þessa lands þá
skora ég á það að taka með öðrum
hætti á ofbeldi í skólum en hér var
gert. Þegar allt kemur til ails var
þetta leikur og businn á myndinni bar
sig vel. En bilið á milli þessa leiks og
mannráns er stutt, svo ekki sé nú
talað um bilið milli leiks og meiðsla.
MAGNÚS ÞORKELSSON,
kennari og kennslustjóri
við Menntaskólann við Sund.
Hvað skal segja? 8
Væri rétt að segja: Hún varð óðara var við það?
Rétt væri: Hún varð óðara vör við það.
Maðurinn varð var við það.
Konan varð vör við það.
Bamið varð vart við það.
Þeir urðu varir við það.
Þær urðu varar við það.
Þau urðu vör við það.
Stundum dýfir fuglinn kleinuhringnum í.
Stundum dýfir kleinuhringurinn fuglinum í.
■
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.