Morgunblaðið - 18.10.1996, Side 10

10 FÖSTUDAGUR 18. OKTÓBER 1996
MORGUNBLAÐIÐ
FRÉTTIR
Eigandi
sleða greiði
ökumanni
bætur
EIGANDI vélsleða, sem ekki hafði
verið skráður á ökutækjaskrá og
var því ekki með lögboðnar trygg-
ingar, hefur verið dæmdur til að
greiða þrítugri konu, sem lenti í
slysi þegar hún ók sleðanum, 2,4
milljónir króna með vöxtum frá
árinu 1990.
Þetta var niðurstaða Hæstaréttar
í dómi sem kveðinn var upp í gær.
Konan hlaut 50% varanlega ör-
orku við slysið. Þar sem sleðinn var
ekki á skrá eins og skylt er sam-
kvæmt umferðarlögum og ekki með
lögboðnar tryggingar stefndi hún
eiganda hans og einnig Bifreiðum
og landbúnaðarvélum, sem höfðu
selt honum sleðann, og einnig
manni þeim sem haft hafði milli-
göngu um viðskiptin.
Hæstiréttur sýknaði umboðið og
milligöngumanninn en dæmdi eig-
andann til þess að greiða konunni
fyrrgreinda upphæð. Tjón hennar
vegna slyssins er talið nema 6 millj-
ónum króna en Hæstiréttur gerði
henni sjálfri að taka á sig 60% tjóns-
ins þar sem hún hafði neytt áfeng-
is við aksturinn, þótt hún teldi sig
ódrukkna, var ekki með öryggis-
hjálm á höfði og hafði ekki hlítt
leiðbeiningum um akstursleið.
-----» » »----
VSI samþykkir nýjar
verklagsreglur
Ný vinnu-
brögð við
samning's-
gerð
FRAMKVÆMDASTJÓRN VSÍ
hefur samþykkt nýjar reglur um
undirbúning og skipulag kjaravið-
ræðna vegna komandi kjarasamn-
inga. Skipaðir hafa verið yfir 40
samráðshópar og samninganefndir
sem er ætlað fyrir 28. október nk.
að draga fram áherslur einstakra
atvinnugreina við endurnýjun
kjarasamninga.
í samræmi við þessar nýju reglur
hefur framkvæmdastjóm VSÍ skip-
að sérstaka ábyrgðarmenn fyrir alla
kjarasamninga og eiga þeir að
tryggja tengsl við hlutaðeigandi
aðildarfélög og fyrirtæki og eins
að huga að því að samræmi sé í
samningagerð VSÍ.
Þessar nýju reglur breyta því
ekki að samningaráð VSÍ fer áfram
með samningsumboð fyrir hönd
sambandsins. Það tekur stefnu-
markandi ákvarðanir um alla meg-
inþætti samningsgerðarinnar. Til-
Iögur um höfuðáherslur VSÍ í kom-
andi samningum verða lagðar fyrir
sambandsstjóm VSÍ 30. október nk.
LYNGVIK
FASTEIGNASALA SIÐUMÚLA 33 SÍMI: 588 9490/T
SÍMI 588 9490
Ásvallagata - hæð. Nýkomin í
sölu, mjög falleg ca. 110 fm íbúð á 3.
hæð (efstu) í góðu fjölbýlishúsi. Þrjú
rúmgóð svherbergi, tvær stofur. Útsýni.
Verð 8,7 millj. (7598).
Hátún - 3ja. Nýkomin í sölu góð ca
80 fm ibúð á 7. hæð I lyftuhúsi. Mikið
útsýni. Parket. Verð 6,8 millj. (3591).
Skipasund - 3ja. Nýkomin í sölu
góð 70 fm Ibúð i kjallara. Gott þríbýlishús.
Áhv. byggingarsj. ca 3,5 millj. Verð 6,3
millj. (3597)
Karfavogur - 2ja. Nýkomin í
sölu ca 50 fm íbúð I kjallara í tvíbýli. Áhv.
húsbréf og byggingarsj. ca 2,7 millj. Verð
4,9 millj. (2599).
Sex ára í
bútasaumi
HELGA Soffía Guðjónsdóttir,
sex ára hafnfirsk hnáta, hóf ný-
lega með hjálp móður sinnar að
prjóna bút sem á endanum verð-
ur hluti af stærsta bútateppi á
íslandi.
Það er Pijónaskóli Tinnu í
Hafnarfirði sem stendur fyrir
þessu skemmtilega verkefni en
teppið er pijónað úr garni sem
er í prjónapökkum sem skólinn
hefur látið hanna. Pijónapakk-
arnir eru ætlaðir yngsta pijóna-
fólkinu og innihalda þeir pijóna,
ullargarn og einfaldar leiðbein-
ingar. Helga Soffía er ein af
fyrstu þátttakendunum og að
Iaunum fær hún fallegt viður-
kenningarskjal til staðfestingar
á því að hún eigi hlut í landsins
stærsta bútateppi. A myndinni
má sjá Helgu Soffíu með pijón-
anna, en henni til aðstoðar er
móðir hennar, Soffía Björnsdótt-
ir, og frændi, Guðjón Geir Geirs-
son.
Frumvarp til laga um kirkjuleg málefni rætt á kirkjuþingi
Ef til vill aukaþing í vetur
Á KIRKJUÞINGI í gær var
greint frá meginhugmyndum
nefndar sem unnið hefur að und-
irbúningi frumvarps um kirkju-
leg málefni, s.s. stöðu, stjórn og
starfshætti þjóðkirkjunnar. Með-
al annars voru lagðar fram hug-
myndir um hvernig staðið skuli
að ráðningu presta.
Nefndin sem skipuð var af
kirkjumálaráðherra, Þorsteini
Pálssyni, hefur ekki lokið störf-
um en ætlunin er að leggja frum-
varpið fram á Alþingi í vor.
Vilji kirkjuþingsfulltrúa er
fyrir að kalla til aukaþings síðar
í vetur til að fjalla um endanleg-
ar tillögur nefndarinnar. Almenn
óánægja ríkti um hve frumvarpið
hefur lengi verið í burðariiðnum
en það hefur verið samþykkt í
svipaðri mynd á tveimur síðustu
kirkjuþingum. Frumvarpið var
ekki sett fram á Alþingi síðastlið-
inn vetur, eins búist var við held-
ur skipaði kirkjumálaráðherra
neínd sem falið var að kanna
málin enn frekar.
Ný tillaga um
prestsráðningar
Prestar eru ráðnir til fimm ára
samkvæmt lögum um opinbera
starfsmenn sem samþykkt var á
Alþingi í vor. Meðal kirkjunnar
manna hefur hins vegar ríkt
óánægja með það fyrirkomulag
en áður voru prestar ráðnir ævi-
langt.
Nefndin leggur til að prestar,
verði fyrst settir til eins árs í
nýja prestsembættið. Að ári liðnu
verði þeir síðan skipaðir ævi-
langt, nema fullur þriðjungur
atkvæðisbærra sóknarbarna í
prestakallinu óski þess skriflega
að brauðið verði auglýst til um-
sóknar.
Eins og málum er nú háttað,
geta 25% atkvæðisbærra sóknar-
barna krafist kosninga eftir að
sóknarnefnd hefur ráðið prest til
starfa.
Þegar prestakall er laust til
umsóknar skal samkvæmt hug-
myndum nefndarinnar, sérstök
stöðunefnd meta umsækjendur
með hliðsjón af menntun og
starfsferli. Kjörmenn í viðkom-
andi sókn kjósa að því loknu
milli þriggja hæfustu umsækj-
endanna.
Nefndin leggur einnig til að
ákvæði um köllun til starfa verði
afnumin. Ef enginn hefur sótt
um laust prestakall hefur biskup
vald til að ráðstafa því starfi í
eitt ár.
Málefni samkynhneigðra rædd á kirkjuþingi
Hugmynd um festarband könnuð
ÍTARLEG greinargerð um tengsl samkyn-
hneigðra og kirkju var lögð fram á kirkju-
þingi i gær. Nefnd sem kirkjuráð skipaði síð-
astliðið sumar skrifaði greinargerðina en þar
er lagt til að samið verði bænar- og blessun-
ar-ritual fyrir samkynhneigð pör sem hlotið
hafa borgaralega vígslu.
Jafnframt er lagt til að hugmyndin um
festarband verði könnuð þ.e. að samkyn-
hneigð pör geti hlotið vígslu í kirkju. Þá tel-
ur nefndin nauðsynlegt að kirkjuréttarfræð-
ingur komi til liðs við nefndina, þar sem
hugmyndin felur í sér lagabreytingar.
Nefndin áréttar að koma megi í veg fyrir
fordóma í garð samkynhneigðra með aukinni
fræðslu um málefni þeirra jafnt innan kirkju
sem utan.
Þögn
kirkjunnar rofin
„Aldrei fyrr hafa málefni samkynhneigðra
verið rædd í stofnunum kirkjunnar," sagði
Baldur Kristjánsson biskupsritari í samtali
við Morgunblaðið.
Ennfremur sagði hann að tillögur nefndar-
innar verði teknar til síðari umræðu á yfir-
standandi þingi en samþykkt var í gær að
nefndin ynni áfram að málinu og skilaði til-
lögum sínum til kirkjuráðs. Ef þær ná fram
að ganga verður um þær fjallað á presta-
stefnu I vor og á kirkjuþingi að ári liðnu.
Nefndina skipa Jónína E. Þorsteinsdóttir,
fræðslufulltrúi kirkjunnar á Norðurlandi, sr.
Ólafur Jóhannsson sóknarprestur, sr. Ólafur
Oddur Jónsson sóknarprestur og Ástríður
Stefánsdóttir læknir og heimspekingur.
Ný göngudeild fyr-
ir krabbameinssjúka
GÖNGUDEILD fyrir krabbameins-
sjúklinga var formlega opnuð á
Landspítalanum í gær eftir flutn-
ing. Göngudeildin hefur frá árinu
1982 verið til húsa í kvennadeildar-
byggingu Landspítalans en er nú
staðsett í aðalbyggingu við hlið
legudeildar krabbameinslækninga-
deildar.
Á göngudeildinni er sinnt mót-
töku nýrra sjúklinga og aðstand-
enda þeirra. Þar er einnig veitt
lyfjameðferð, stoðmeðferð og líkn-
andi meðferð ásamt eftirliti í fram-
haldi meðferðar. Á síðastliðnu ári
voru skráðar tæplega 4.200 komur
á göngudeildina, flestar vegna
lyfjagjafa og eftirlits. Komum hefur
fjölgað að undanförnu og er gert
ráð fyrir að þeim fjölgi enn, þar sem'
verulegur hluti lyfjagjafar muri’
flytjast frá legudeild yfir á göngu-
deild.
Blóðsjúkdómadeild Landspítal-
ans hefur fram að þessu ekki haft
sérstaka göngudeild, en hefur nú
sameiginlega göngudeildarþjónustu
með krabbameinslækningadeild-
inni.
Þórarinn E. Sveinsson, forstöðu-
læknir krabbameinslækningadeild-
ar, er ánægður með nýju göngu-
deildina. „Með þessu móti sparast
legupláss og það er auðvitað hag-
kvæmt bæði fyrir spítalann og
sjúkiingana, sem þurfa ekki að
leggjast inn til þess að fá lyf,“ seg-
ir Þórarinn.
Morgunblaðid/Þorkell
INGIBJÖRG Pálmadóttir heilbrigðisráðherra var viðstödd opn-
un nýrrar göngudeildar blóðsjúkdóma- og krabbameinslækninga
á Landspítalanum í gær.