Morgunblaðið - 29.10.1996, Blaðsíða 6

Morgunblaðið - 29.10.1996, Blaðsíða 6
Gí RUaÓTHO .esíiuoAauwiuw 6 ÞRIÐJUDAGUR 29. OKTÓBER 1996 OiaAJSHUOHOM MORGUNBLAÐIÐ FRETTIR íslendingar komust í átta liða úrslit á ÓL í brids Morgunblaðið/GSH JON OG Sævar við upphaf leiksins við Lettland í gærmorgun. Skömmu síðar var leikurinn stöðvað- ur því Lettar mættu ekki til leiks við hitt borðið. Björn fyrirliði er lengst til vinstri. Langþráðum áfanganáð í taugaslítandi lokaumferð ríðlakeppni Olympíumótsins í bríds á Ródos í gær héldu íslendingar 3. sæti í sínum ríðli og keppa við Indónesíu í átta liða úrslitum í dag. Guð- mundur Sv. Hermannsson fylgdist með spilamennskunni eins og taugarnar leyfðu. „VIÐ ERUM kátir, það er engin spurning. Við erum búnir að ná nýjum áfanga í íslenskri bridssögu að komast í þessi langþráðu átta liða úrslit Ólympíumótsins. Þetta er búið að vera erfitt og það er mikil spenna í mannskapnum í augnablikinu og við getum ekkert annað en reynt að ná henni niður og komast inn á þægilega braut aftur," sagði Björn Eysteinsson, fyrirliði Islendinga, eftir að riðla- keppninni lauk í gær. Þá hafði íslenska bridsvélin hikst- að aðeins undir lokin og veruleg spenna ríkti um hvort íslendingarn- ir næðu að tryggja sér sæti í úrslita- keppninni. Islenska liðið virtist vera að sigla lygnan sjó inn í úrslitin þegar gær- dagurinn hófst. Fyrsti leikurinn í gær varð þó heldur endasleppur. Mótherjarnir voru Lettar og Jón Baldursson og Ævar Þorbjörnsson byrjuðu vel í opna salnum og örugg- ur sigur virtist blasa við. En væntan- legir mótherjar Guðmundar Páls Arnarsonar og Þorláks Jónssonar mættu ekki til leiks í lokaða salnum og eftir hálftíma bið var leikurinn blásinn af. íslendingar fengu þó nítj- án stig og jafnframt kærkomna hvíld sem gæti nýst þeim vel í dag. Næstsíðustu andstæðingarnir voru Rússar, sem voru í sjötta sæti riðilsins. Hægt var að fylgjast með úrslitum spilanna jafnóðum í þétt- setnum sýningarsal og íslending- arnir byrjuðu ágætlega þegar þeir fengu sveiflu í fyrsta spili. En nokkrum spilum síðar fóru Rúss- arnir að raða inn stigum meðan ekkert gekk hjá íslensku spilurun- um. Þetta spil er dæmi um það: Norður ? KG7643 ¥2 ? Á83 + 643 Vestur Austur * 10 * D2 VÁ974 ¥865 * KD104 ? 762 * Á1082 * KDG75 Suður ? Á985 V KDG103 ? G95 + 9 Bæði lið spiluðu fjóra spaða. Jón og Sævar spiluðu samninginn í norður þá kom austur út með laufa- kóng og skipti í tígul. Eftir það komst Sævar ekki hjá því að gefa tvo slagi á tígul, einn á lauf og einn á hjarta. Við hitt borðið var suður sagn- hafi. Þar kom Aðalsteinn Jörgens- en út með tígulkóng og fékk að eiga slaginn. Til að bana spilinu varð hann nú að spila laufi undan ásnum, svo Matthías Þorvaldsson í austur kæmist inn og gæti spilað tígli gegn sagnhafa. En það lá ekki í augum uppi að grípa þyrfti til slíkra örþrifaráða svo Aðal- steinn tók laufásinn og spilaði meira laufi. En nú gat sagnhafi fríað hjartaiitinn og hent tígultap- slag í borðið. Stærsta tapið Leikurinn endaði loks 6-24 fyrir Rússa en þetta var fyrsti leikurinn sem íslendingar töpuðu stórt í riðla- keppninni. Fyrir síðustu umferðina var staðan sú, að íslendingar máttu við því að tapa síðasta leiknum gegn Búlgaríu 12-18 miðað við að Rússar ynnu Kenýa 25-5. Aftur var hægt að fylgjast með stöðunni í öllum leikjum og það varð fljótt ljóst að Rússar myndu vinna sinn leik með yfirburðum. Á meðan sigu íslendingarnir hægt og rólega fram úr Búlgörum, þar til að Búlgaramir náðu skyndilega að jafna leikinn með því að segja og vinna hæpna slemmu. Nú fór hjartað upp í háls á ís- lensku áhorfendunum en Guðmund- ur Páll og Þorlákur róuðu þá fljótt aftur með þessu spili: Norður + Á65 ¥Á7 ? ÁG10965 ? Á6 Vestur Austur ? K10982 * DG74 ¥D2 ¥85 ? D843 ? 72 + 74 +K10985 Suður ? 3 ¥ KG109643 ? K + DG32 Við annað borðið passaði Búlgar- inn með suðurspilin en Sævar opn- aði á einum spaða með vesturspilin. Norður doblaði og Jón í austur stökk í þrjá spaða. Suður sagði fjög- ur hjörtu sem voru pössuð til Jóns sem sagði fjóra spaða. Enn sagði Búlgarinn fimm hjörtu sem hann spilaði svo og fékk tólf slagi. Við hitt borðið öpnaði Þorlákur hins vegar á fjórum hjörtum með suðurspilin og eftir það gat Guð- mundur Páll ekki sagt minna en sex hjörtu. Vestur spilaði út laufi sem austur tók á kóng og hann skipti í spaða. Það tók Þorlákur með ás og síðan ás og kóng í hjarta. Þegar drottningin féll var slemman unnin og átta liða úrsíitin tryggð. Þetta spil skipti einnig miklu máli í hinum riðlinum því Danir tryggðu sér sæti í átta liða úrslitum með því að segja og vinna slemm- una. Gátu andað léttar Islendingar unnu að lokum leik- inn 19-11 og allir gátu varpað öndinni léttar „Og þetta sem átti að vera svo rólegur dagur," heyrð- ist einn spilarinn stynja. „Við máttum alltaf búast við að fá eitt högg á okkur því það er nánast útilokað að spila 35 umferð- ir án þess að fá skell. En að fá þetta högg í næstsíðasta leik þegar mótið var í sem mestri spennu, magnaði spennuna. En nú er þetta verkefni búið og það verður að eyða kvöldinu og nóttinni í að þurrka það algjörlega út, horfa fram á veginn og koma til leiks í átta tiða úrslitun- um með hreinan huga", sagði Björn Eysteinsson. Lokastaðan í riðli íslendinganna var þessi: Ítalía Tævan Island Rússland ísrael Bretland Holland Noregur Bandaríkin Brasilía 692 659 652 645 643,5 636 633 629 620 608 I hinum riðlinum urðu Frakkar efstir með 691 stig, þá Indónesar með 676, síðan Pólverjar með 642 stig og loks Danir með 633 stig. Efstu liðin í riðlunum máttu velja sér andstæðinga úr hinum riðlinum í átta liða úrslitunum, sem fara fram í dag. Frakkar völdu Rússa sem andstæðinga og ítalir völdu að spila gegn Dönum. íslendingar spila því við Indónesa og Pólverjar gegn Tævan. í kvennaflokki spila Bandaríkin og HoIIand, Kína og ísrael, Bretland og Austurríki og Kanada og Þýskaland. Einstakur námsárangur við Háskólann Hæsta einkunn íáratugi ÁRMANN Jakobsson, 26 ára gamall Reykvíkingur, útskrif- aðist sl. laugardag með meist- arapróf í íslenzkum bókmennt- um frá heimspekideild H í með hæstu einkunn sem veitt hefur verið í deildinni frá því núgild- andi einkunnakerfi var tekið upp fyrir 20 árum. Hann fékk 10 fyrir lokaritgerð sína og meðaleinkunnina 9,67. Þessi einkunn er sú næst- hæsta sem gefin hefur verið yfirleitt samkvæmt gildandi einkunnakerfí en sú hæsta, 9,77, féll í skaut lyfjafræðings sem útskrifaðist árið 1991. Sá árang- ur sem næst kemst árangri Ár- manns í sambærilegu prófi var 9,42 á cand. mag.-prófi í bók- menntafræði árið 1986. Ef B.A.- próf eru meðtalin er sá árangur sem næst kemst 9,60, en þessum árangri náði nemi í aimennuni málvísindum árið 1993. Kom á óvart Aðspurður kvað Ármann þennan árangur hafa komið sér nokkuð á óvart. „Eg hef ekki fengið svona einkunn siðan ég byrjaði í íslenzkunni," sagði Ármann, „enda fara þeir spar- lega með þær hérna." Prófrit- gerð Armanns ber titilinn „I leit að konungi" og fjallar um konungsmynd íslenzkra kon- Ktl W; ; f.^M*^ 'jfc. Æj^ Í'M i#«3BB| jjji ungasagna. Aðalleiðbeinandi Armanns við smíði hennar var Ásdís Egilsdóttir. Armann fæst nú við að að- stoða tvo kennara sína við rann- sóknastörf, hann veitir norskum nemum við Háskólann aðstoðar- kennslu í íslendingasögunum og hefur auk þess hafið undir- búning doktorsverkefnis síns sem hann segir verða áfram- hald á rannsóknum á Konunga- sögum. Morgunblaðið/Sigríður Ingvarsdóttir GALLI á hönnun og uppsetningu snjóflóðavarnanna í Fífladölum fyrir ofan Siglufjörð leiddi til skemmda í óveðri 20. október. Snjóflóðavarnir í Siglufirði Galli á hönnun og uppsetningu Siglufirði. Morgunblaðið. GALLI á hönnun og uppsetningu stoðvirkja snjóflóðavarnanna í Fífladölum fyrir ofan Siglufjörð leiddi til skemmda, er hluti nýja búnaðarins sviptist upp í óveðri 20. október síðastliðinn. Framleiðandi snjóflóðavarnanna er austurríska fyrirtækið J. Martin. Kom fulltrúi þess, Walter Kettler, ásamt austurrískum snjóflóðasér- fræðingi, Joseph Hopf, og mönnum frá Veðurstofu íslands til Siglufjarð- ar um helgina, að líta á og meta tjónið, sem talið er nema nokkrum milljónum króna. Megineiningar stoðvirkja snjó- flóðavarnanna eru óskemmdar og þrátt fyrir að virkin hafi fallið upp í fjallshlíðina hafa stærstu og dýr- ustu einingar þeirra ekki skemmst. Niðurstaða athugunarinnar er sú að ákveðinn galli er á hönnun stoð- virkjanna og uppsetningu þeirra. Er hann ekki sérstaklega tengdur ís- lenskum veðuraðstæðum því álíka atvik hafa einnig átt sér stað í Sviss þar sem þennan búnað er víða að finna. En framleiðendur höfðu hins vegar ekki gert ráð fyrir að þetta myndi gerast hér á íslandi. Einfalt að lagfæra gallann Að sögn Tómasar Jóhannessonar, jarðeðlisfræðings hjá Veðurstofu ís- lands, er tiltölulega einfalt að laga þennan hönnunargalla og þegar er búið að senda norður til Siglufjarðar þau tæki og tól sem nota þarf við lagfæringarnar. Mun búnaðurinn verða fluttur með þyrlu upp í fjallið um leið og veður leyfir. Framleiðandi búnaðarins mun bera allan kostnað við viðgerðir vegna skemmda á stoðvirkjunum en Ofanflóðasjóður ákveðinn kostnað við endurbætur á festingunum.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.