Morgunblaðið - 10.12.1996, Blaðsíða 11

MORGUNBLAÐIÐ
ÞRIÐJUDAGUR 10. DESEMBER 1996 11
FRÉTTIR
Sophia Hansen fékk ekki að hitta dætur sínar í Tyrklandi um helgina
„ Virðir ekki nema í mesta
lagi dóma og valdbeitingu“
HALIM AL kom ekki með dætur þeirra Sophiu
Hansen, Dagbjörtu Vesile og Rúnu Aysegúl, á
fund móður þeirra um helgina eins og um hafði
verið samið á fundi þeirra mæðgna, Halims Al,
Ólafs Egilssonar sendiherra og lögreglustjórans
í Bakirköy í Istanbúl fyrir rúmri viku.
Um það var samið að mæðgurnar myndu
vera saman á hóteli í Istanbúi á laugardag og
sunnudag frá klukkan tólf á hádegi til sex síð-
degis báða dagana. „Þegar til kom sveik Halim
A1 loforðið og kom hvorugan daginn. Það náðist
til hans á laugardagsmorgun og þá var ljóst að
hann hugðist ekki standa við það sem gengið
hafði verið frá. Síðan fór hann í felur og telpurn-
ar reyndust ekki vera á heimili sínu Jíegar kann-
að var um verustað þeirra," sagði Ólafur Egils-
son í samtali við Morgunblaðið í gær.
„Lögreglan fylgist áfram með málum, enda
voru það henni vonbrigði að samkomulagið sem
gert var í skrifstofu lögreglustjórans í Bakirköy
skyldi ekki halda. Halim A1 verður því inntur
rækilega eftir því hvað hafi valdið. Það sem er
hinsvegar ljósara en nokkru sinni fyrr er að
ekki er hægt að treysta orðum Halims A1 og
hann virðir ekki nema í mesta lagi dóma og
valdbeitingu."
Niðurstöðu áfrýjunarréttar í Ankara að
vænta innan viku
Ólafur sagði ennfremur að búist væri við því
að niðurstaða áfrýjunarréttarins í Ankara í for-
ræðismáli þeirra Sophiu Hansen og Halims A1
yrði kunngerð innan viku. Sakamálið sem höfð-
að var vegna ítrekaðra brota Halims A1 á um-
gengnisrétti verður tekið fyrir næst 23. þessa
mánaðar. „Þá er hugsanlegt að verði kveðinn
upp dómur, og yfirgnæfandi líkur þykja á að
um verði að ræða fangelsisvist í einn til sex
mánuði."
Aðspurður um ummæli Halims A1 þess efnis
að þar sem samkomulagið hefði ekki verið skrif-
legt, þá væri það ógilt, sagði Ólafur að þau
væru ekki annað en ómerkilegur útúrsnúning-
ur. „Þetta var alveg deginum ljósara fyrir öllum
sem voru viðstaddir og eins og allir vita þá er
munnlegt loforð jafn bindandi og skriflegt."
Ekki maður til að standa við sín fyrirheit
Ólafur sagði að á fundi þeirra í Bakirköy fyr-
ir rúmri viku hefði meðal annars verið rætt um
að ef Halim A1 sýndi fram á vilja til þess að
eðlilegt samband kæmist á milli mæðgnanna,
þá kæmi til greina að fá sakamálunum þremur
sem ákæruvaldið hefur höfðað á hendur honum
frestað og síðan hugsanlega felld niður ef allt
gengi að óskum. „Þar var bent á að ekkert
myndi gerast í sakamálinu fram til 23. þessa
mánaðar og væri það kjörinn tími til þess að
hann gæti látið koma í ljós að hann vildi raun-
verulega snúa við blaðinu. Það sem gerst hefur
um þessa helgi sýnir hinsvegar átakanlega vel
að hann hefur ekki verið maður til að standa
við sín fyrirheit."
Sautján
stútar
undir stýri
SAUTJÁN ökumann, sem afskipti
voru höfð af í Reykjavík um helg-
ina, eru grunaðir um ölvunarakst-
ur. Lögreglan hefur áhyggjur af
fjölgun ölvunaraksturstilfella í
desember sem oftar en ekki má
rekja til drykkju á jólaglögg eða
öðrum árstíðarbundnum drykkj-
um.
Um helgina höfðu lögreglu-
menn á Suðvesturlandi afskipti af
tæplega 30 ökumönnum sem
grunaðir eru um að hafa ekið und-
ir áhrifum áfengis. Samkvæmt
upplýsingum lögreglunnar munu
lögreglumenn á Suðvesturlandi
fylgjast sérstaklega með hugsan-
legum ölvunarakstri í desember-
mánuði, ekki síst fyrir og í kring-
um jól og áramót.
Geta þurft að borga tjónið
í desembermánuði í fyrra voru
94 ökumenn kærðir fyrir að aka
undir áhrifum áfengis í umdæmi
lögreglu á Suðvesturlandi. Þá
lentu 12 ölvaðir ökumenn í um-
ferðaróhöppum.
Lögreglumenn vonast til að þeir
þurfi að hafa afskipti af sem fæst-
um ölvuðum ökumönnum í desem-
ber á þessu ári. Afleiðingar ölv-
unaraksturs geta verið alvarlegar
og ölvaðir ökumenn eiga það á
hættu að verða sjálfir að greiða
tjón það sem þeir valda, auk ann-
ars kostnaðar er af þvi kann að
hljótast.
Morgunblaðið/Jón Svavarsson
Kirkjuvígsla fyrir fullu húsi
GRENSÁSKIRKJA var vígð á
sunnudag að viðstöddu fjöl-
menni. Talið er að um 700 manns
hafi fylgst með athöfninni og var
kirkjan full út úr dyrum. Athöfn-
in hófst á því að sóknarnefnd,
safnaðarfulltrúi, prestar og bisk-
upar gengu í skrúðgöngu inn í
kirkjuna. Fremstur fór Birkir
Jóhannsson með kross, en Birkir
mun fermast næsta vor. Að lokn-
um sálmasöng og ritningarlestri
vígði Ólafur Skúlason biskup
kirkjuna. Við hlið hans á mynd-
inni stendur séra Halldór Grön-
dal sóknarprestur en lengst til
vinstri eru vígslubiskuparnir
séra Sigurður Sigurðsson og séra
Jónas Gislason.
Lögðu
haldá
hálft kíló
af hassi
FÍKNIEFNI komu við sögu í sex
málum sem lögreglumenn þurftu
að hafa afskipti af um helgina. í
þeim var m.a. lagt hald á um 500
grömm af hassi, auk annarra efna.
Lögreglumenn lögðu hald á
fíkniefni í íbúð við Snorrabraut
síðdegis á föstudag.
Á laugardagsmorguninn fund-
ust u.þ.b. 100 grömm af hassi,
10 E-töflur, áhöld til fíkniefna-
neyslu og fleira í fórum manna
eftir að kvartað hafði verið yfir
hávaða frá íbúð þeirra við Njáls-
götu. Mennirnir voru handteknir
og vistaðir í fangageymslunum.
Síðdegis á laugardag voru tveir
menn handteknir á Baldursgötu.
í framhaldi af því var hald lagt á
363 grömm af hassi, auk 5 slaga
eða skammta af amfetamíni.
Mennirnir voru vistaðir fanga-
geymslunum.
Eitt slag af amfetamíni fannst
í fórum tveggja manna er stöðvað-
ir voru á bifreið á Bræðraborgar-
stíg á laugardagskvöld.
Okumaður var stöðvaður í
akstri aðfaranótt sunnudags.
Hann er grunaður um fíkniefna-
misferli.
Þá fundust meint fíkniefni í fór-
um ökumanns sem stöðvaður var
í akstri í Fellsmúla um nóttina.
Loks lögðu lögreglumenn hald
á tæki til 'fíkniefnaneyslu í húsi
við Laugaveg á sunnudag.
-----» ♦ ♦----
Tafðist
vegria
óhapps
ÞOTA Flugleiða tafðist í nokkrar
stundir á Heathrow-flugvelli við
Lundúnir á sunnudag vegna
óhapps sem þar varð, þegar Fok-
ker 50 City Hopper frá hollenska
flugfélaginu KLM rann út af vell-
inum.
Hjólabúnaður flugvélarinnar
bilaði og fóru hjól öðru megin
ekki niður, með þeim afleiðingum
að hún hafnaði utan flugbrautar.
Sigurður Helgason forstjóri
Flugleiða segir að af þessum sök-
um hafi þurft að loka flugbrautum
á Heathrow sem olli seinkunum á
öllu flugi til og frá Lundúnum á
sunnudag. Um óviðráðanlegar að-
stæður hafi verið að ræða og hafi
farþegar almennt sýnt töfunum
I skilningu.
Landlæknisembættið ráðleggur óbreytta notkun f lúors
Lítil hætta á ofnotkun
LANDLÆKNISEMBÆTTIÐ telur
ekki rétt að breyta stefnu sinni
hvað varðar notkun flúors til varnar
tannskemmdum. Vegna umræðu og
efasemda sem uppi hafa verið að
undanförnu um ágæti flúors til for-
i varna hefur embættið sent dreifi-
■ bréf til yfirlækna og hjúkrunarfor-
i stjóra á heilsugæslustöðvum,
- barnalækna og tannlækna, þess
- efnis að ekki sé rétt að breyta til-
í mælum um notkun flúors til varnar
- tannskemmdum.
Landlæknir ráðleggur því, að
höfðu samráði við tannverndarráð
og yfirtannlækni í heilbrigðisráðu-
neytinu, að börnum verði áfram
gefnar flúortöflur, allt frá tann-
töku til skólaaldurs. Hámarks-
skammtur er ein tafla á dag fyrir
börn að þriggja ára aldri og tvær
töflur fyrir þriggja til sex ára börn.
Frá því að skólaganga hefst er
ráðlagt að skola tennurnar með
flúorlausn á hálfsmánaðarfresti,
en slíkt er í boði á vegum skóla-
heilsugæslu í flestum skólum
landsins. Auk þess eru allir aldurs-
hópar áfram hvattir til að nota
tannkrem með flúor.
í dreifibréfinu frá landlækni seg-
ir að notkun flúors sé áhrifaríkasta,
ódýrasta og öruggasta leiðin til að
koma í veg fyrir tannskemmdir.
Hættumörkin séu há, þannig að lít-
il hætta sé á að um ofnotkun verði
að ræða. Þannig þurfi þriggja ára
barn til dæmis að innbyrða innihald
úr einni til tveimur túbum af barna-
tannkremi eða 120 töflur af algeng-
ustu stærð af flúortöflum í einu til
þess að eitureinkenni komi í ljós.
Flakkferðir Jafningjafræðslunnar
Dagsferð til Dublin á
tæpar 7 þósund krónur
FARIN verður dagsferð til
Dublin þann 20. desember á veg-
um Flakkferða Jafningjafræðsl-
unnar og kostar flugmiðinn
10.800 kr.
Fram kemur í fréttatilkynn-
ingu frá Flakkferðum að Euro-
card bjóði Atlaskort með 4.000
króna ferðaávísun sem má nota
upp í farið og þeir sem gangi í
Námsmannalínu Búnaðarbank-
ans og eru orðnir 18 ára geti
fengið 50 þúsund króna yfir-
dráttarheimild til sex mánaða.
Því geti þeir sem fái sér Atlas-
kort og skrái sig í Námsmanna-
línuna fengið ferðina lánaða í 6
mánuði á 6.800 krónur.
Lagt verður af stað kl. 6.30
og komið aftur heim um mið-
nættið. M.a. verður farið í skoð-
unarferð um Trinity College.
Flakkferðir eru samstarfs-
verkefni Jafningjafræðslunnar,
Samvinnuferða-Landsýnar, Bún-
aðarbankans og Euroeard og er
markmiðið að hvetja ungt fólk
til vímulausra ferðalaga.