Morgunblaðið - 17.12.1996, Qupperneq 15

MORGUNBLAÐIÐ
ÞRIÐJUDAGUR 17. DESEMBER 1996 15
FRÉTTIR
Morgunblaðið/Arnór
ÞÉTTSETINN strætisvagn á fyrsta starfsdegi Almenningsvagna Reykjanesbæjar.
Almenningsvagnar Reykjanesbæjar
Bylting í samgöngumálum
ALMENNINGSVAGNAR
Reykjanesbæjar hófu akstur á
laugardaginn. Að sögn Þórunnar
Benediktsdóttur formanns Al-
menningsvagnanefndar eru við-
tökurnar framar vonum. „Þetta
er bylting í okkar samgöngumál-
um. í nýja bæjarfélaginu er bæði
þéttbýli og dreifbýli og það eru
um tuttugu kílómetrar milli
staða í jaðarbyggð. Þetta er því
mörgum kærkomin þjónusta og
notkun á kerfinu er strax orðin
mikil, þó ekki hafi mikið verið
auglýst. Ég held að íbúar hafi
verið að fylgjast með starfi
nefndarinnar og bíða eftir þess-
ari þjónustu." Þórunn segir að
tímaáætlanir virðist ganga vel
upp og án stress. Okeypis er í
vagnana fram að áramótum. Nú
er ekið á laugardögum auk allra
virka daga en eftir áramót falla
laugardagsferðirnar niður.
Ferðir eru á hálftíma fresti í
Keflavík og Njarðvík fram að
kvöldmat, en á klukkutíma fresti
fram að miðnætti. Einnig eru
ferðir til Hafna og Grænáss.
Farið kostar hundrað krónur
fyrir fullorðna, 25 krónur fyrir
börn á aldrinum 6-11 ára en 50
krónur fyrir 12-16 ára. Einnig
eru í boði mánaðarkort fyrir full-
orðna á 2500 krónur og ódýr
annarkort fyrir skólabörn og
nemendur Fjölbrautaskóla Suð-
urnesja. Ókeypis er fyrir börn
yngri en sex ára og börn í 1.-3.
bekk grunnskóla fá fríkort fyrir
leiðina í skóla og frá.
Gerður hefur verið samningur
við SBK hf. um aksturinn og
kostar hann bæjarfélagið um 40
milljónir króna. Allar tekjur
koma til frádráttar og er laus-
Iega áætlað að heildarútkoman
gæti orðið 34-35 milljón króna
kostnaður. Það samsvarar um
3700 krónum á hvern íbúa í bæj-
arfélaginu á ári. SBK hefur
keypt fimm bíla til akstursins og
verða þrír þeirra stöðugt í ferð-
um en tveir til vara.
Bæjarjólatréð
á Selfossi gjöf
frá Öryrkja-
bandalagi Is-
lands
Selfossi. Morgunblaðið.
KVEIKT var á bæjarjólatrénu
við Tryggvatorg á Selfossi
laugardaginn 14. desember.
Að þessu sinni var tréðgjöf
frá Öryrkjabandalagi íslands
sem viðurkenning fyrir það
hversu vel er staðið að málefn-
um fatlaðra hjá Selfosskaup-
stað og þeim stofnunum sem
annast um fatlað fólk á Sel-
fossi. Að venju krydduðu síðan
jólasveinar tilveruna við
Tryggvatorg þegar þeir komu
ofan úr Ingólfsfjalli til þess að
heilsa upp á börnin með tralli
og dansi í kringum jólatréð.
Þá var í Tryggvaskála jólasýn-
ing þar sem maðal annars
mátti sjá heimagerð jólatré frá
fyrri tíma. Mikill fjöldi fólks
fylgdist með á Tryggvatorgi
og tók þátt í samkomunni.
Öryrkjabandalag íslands
hefur haft þann sið að halda
hátíðarstund á aðventu og
helga hana einhveijum stað,
byggðarlagi eða landsvæði og
gefa um leið jólatré sem viður-
kenningu fyrir vel unnin verk
í þágu fatlaðs fólks. Að þessu
sinni varð Suðurland fyrir val-
inu með Selfoss sem miðstöð
þessara málefna. Það var Helgi
Seljan sem flutti ávarp fyrir
hönd Öryrkjabandalags Is-
Morgunblaðið/Sig. Jóns.
GENGIÐ í kringum jólatréð á Tryggvatorgi á Selfossi.
FRÁ jólasýningunni í Tryggvaskála. Fremst á myndinni er jóla-
tré úr Flóanum.
lands og það var síðan gamall
nemandi hans, Guðni Rafn
Valdórsson, sem kveikti ljósin
á trénu. Auk Helga flutti Sig-
ríður Jensdóttir, forseti bæjar-
sljórnar Selfoss, ávarp og
þakkaði gjöfina fyrir hönd
Selfossbúa.
Helgi heilsaði gestum með
eftirfarandi ljóði: Birta í sól
og sinni, sindra ljósin á tré.
Vermandi ylur inni, enn verður
stormahlé. Halda skal heilög
jól, hugurinn fyllist gleði. Lýs-
ir svo ljúft í geði, lausnarans
milda sól.
Landssamband
gegn áfengisbölinu
22. ÞING Landssambandsins gegn
áfengisbölinu, haldið mánudaginn
2. desember 1996, heitir á alla ís-
lendinga að leggja sig fram um að
temja sér lífshætti sem stuðla að
heilbrigði og lífshamingju.
Þingið flytur þeim foreldrum,
sem hafa verið börnum sínum góð
fyrirmynd í orðum og gerðum,
þakkir fyrir þá hlutdeild sína til að
bæta íslenskt samfélag og vottar
þeim virðingu sína.
Þá fagnar þingið liðveislu ýmissa
forystumanna æskulýðs- og for-
eldrafélaga við baráttuna gegn
áfengisbölinu, jafnframt því sem
þingið minnir á gildi góðs fordæmis
þeirra og á þau gömlu sannindi að
af því læra börnin sem fyrir þeim
er haft.
Þingið vottar öllum þeim samúð
sína, sem eiga um sárt að binda
vegna slysa, fíkniefnaneyslu, hjóna-
skilnaða eða fjölskylduvandamála
og minnir á hversu oft áfengis-
neysla er þar beinn eða óbeinn or-
sakavaldur.
22. þing Landssambandsins gegn
áfengisbölinu vekur athygli á því
að alla þá öld, sem brátt er á enda
runnin, hefur áfengisneysla íslend-
inga verið minni en annarra þjóða
í Evrópu. Meðalaldur hefur einnig
farið hækkandi og nú eru ævilíkur
íslendinga með því besta sem gerist
í heiminum. Þetta ber einkum að
þakka skynsamlegri áfengismála-
stefnu sem bestu menn lögðu
grundvöll að snemma á öldinni.
Nú er vegið að þeirri stefnu í
nafni svokallaðs frelsis í vímuefna-
málum. Komnar eru fram kröfur
frá kaupmönnum í þá veru að þeir
fái að selja áfengi í matvöruverslun-
um.
Landssambandið bendir á að
meðalaldur Dana, einu Norður-
landaþjóðarinnar sem leyfir sölu
þessa lögleyfða vímuefnis í mat-
vörubúðum, var sjötti hæstur fyrir
30 árum. Nú hafa þeir fallið í 21.
sæti og kennir félagsmálaráðherra
þeirra drykkju og reykingum um.
Landssambandið hvetur alþingis-
menn og allan almenning til að slá
skjaldborg um skynsamlega áfeng-
ismálastefnu og gjalda varahuga
við áróðri þeirra sem hyggjast
græða á áfengissölu og láta sig
engu skipta heill og hag þjóðarinn-
ar.
22. þing Landssambandsins gegn
áfengisbölinu vekur athygli á niður-
stöðum rannsókna á áfengismálum,
sem hafa verið gerðar af vísinda-
mönnum víða um heim og komið á
framfæri af Heilbirgðisstofnun
Sameinuðu þjóðanna. Þar kemur
fram að árangursríkustu forvarnir
gegn aukinni áfengisneyslu er verð-
lagning áfengis, áfengiseinkasala,
aldurstakmörk til áfengiskaupa,
lögregluaðgerðir og reglur um
áfengisveitingaleyfi. Þetta ætti fólk
að hafa í huga, þegar það er að
vega og meta aðgerðir til að minnka
áfengisneyslu.
22. þing Landssambandsins gegn
áfengisbölinu óskar öllum lands-
mönnum áfengislausra gleðilegra
jóla. Jafnframt skorar þingið á alla
þá sem komnir eru til vits og ára
að leggja sig fram á komandi ári
við að draga úr áfengisneyslu og
því böli sem henni fylgir.
Við skulum ávallt hafa í huga,
hvert og eitt okkar, að sýna þeim
börnum og unglingum, sem í kring-
um okkur eru og við erum að ala
upp, gott fordæmi. Með því stuðlum
við best að gæfuríku, gleðilegu og
hamingjuauðugu nýju ári. Gerum
árið 1997 að ári minnkandi áfengis-
neyslu, fækkandi slysa, minnkandi
ofbeldis, harmleikja og tára. Gerum
það að ári aukinnar hagsældar og
hamingju. Guð blessi og varðveiti
íslenska þjóð á árinu 1997.
Morgunblaðið/Sigurgeir Jónasson
Jólastund á Bókasafninu í Eyjum
Vestmannaeyjum. Morgunblaðið.
BÓKASAFN Vestmannaeyja er
með sögustundir fyrir börn, á
aldrinum þriggja til sex ára, á
fimmtudögum yfir vetrartímann.
Sögustundir eru bæði fyrir og
eftir hádegi og eru yfirleitt á
bilinu 15 til 40 börn sem mæta í
hveija sögustund. Sú hefð hefur
skapast að halda jólastund á að-
ventunni og síðasta fimmtudag
var jólastundin á Bókasafninu.
Mættu þá um 70 börn og að sjálf-
sögðu kom jólasveinn í heimsókn.
Hann spjallaði við börnin og síð-
an var sungið og dansað kringum
jólatré við undirleik tveggja
harmoníkuleikara.
Engin saga var lesin í jóla-
stundinni enda allir uppteknir
af jólasveininum og uppátækjum
hans og virtust börnin skemmta
sér vel.